رواية أماغرام يشرح الصدر طاريه ولا صدود وعمرنا ماعشقنا

وعدتك..
أن أحسم الأمر فورا
وحين رأيت الدموع تهرهر من مقلتيك
ارتبكت
وحين رأيت الحقائب في الأرض
أدركت أنك لا تقتلين بهذي السهولة
فأنت البلاد.. وأنت القبيلة
وأنت القصيدة قبل التكون
أنت الدفاتر.. أنت المشاوير.. أنت الطفولة
وأنت نشيد الأناشيد
أنت المزامير
أنت المضيئة
أنت الحبيبة...

نزار القباني...


دخلت القصر وهي متضايقة من سفر هادي..
تمنت لو يظل معها اكثر..
طلب منها تسافر معه وترجع السعودية بس هي مارضت..
مابينت له السبب..ولا قالت له عن مشكلة ذياب..
قالت ظروف خاصة تمنعها ترجع معه..
ألح عليها وسالها وش تكون ظروفها بس ماجاوبته..
بكت وهي تحضنه وتودعه..
وهو مصمم يظل معها او ترجع معه..
أقنعته إنها بخير ومرتاحة مع غازي..
وبينزلون السعودية بوقت قريب..

كانت بتطلع تجيب ذياب..
طلب هادي يسلم عليه قبل يسافر..
بنص الدرج سمعت صوته..
ألتفتت لتحت وهي تشهق مصدوومة..
نزلت تركض وجلست على ركبها عندهـ..

بكت وهي تاشر على نفسها بضعف..
هديل بغصة\أنا ميـــن..؟؟
ذياب يتنفس بقوة وينطق\مــ...ــه
هديل ضمته وهي تصرخ\يارووووح أمك وقلبــــــــــــها..
لبيييه يا ذياب لبييه يا ابووووي..
غاااااااازي تعال شووووف..
عيدها ياقلبي..تكفى عيدها ابي اسمعها..

صار يصفق بيدينه ويشاهق مبسووط..
وهي تضمه لها وتبووسه..
لم يدينه عليها وفتح فمه على خدها..
هديل بحب\ههههههههههه فديييييتك انا..
ذياب تكفى قول ماما..
ابي اسمع صووتك يا قلبي قووولها..
ذياب\ممممــه..
هديل\الحمدلله ياربي يا حبيبي..
ألف الحمدلله والشكر..

نزلته من حضنها وسجدت في مكانها وهي تبكي..
سجدت لله شكر على نعمته ورحمته فيها وفي ولدها..
ولدها نطق يعني هو بخييير..

غازي يبتسم\مبروووك..
هديل تبكي\ناداني..
غازي بمحبة\اول مانطقها نزلنا ندور عليك..
الحمدلله على سلامته..
هديل\ذياب نطق..الحمدلله..الحمدلله ياربي..
غازي يعين هو الحين بخير..ماراح ينعمي صح..؟؟
ماراح أفقدهـ..؟؟مابيمرض..؟؟

غازي بهدؤ\ذياب تعالج من بعد العملية..
والنطق تاخر وهذا شيء طبيعي..
عمليته كانت ناجحة..وهو مايحتاج أخ..
كانت خدعة مني عشان تظلين هنا..

يــ الله كيف قلب شعورها..
كيف غير كل قراراتها..
مصدووومة من جرئته على خداعها للمرة المليوون..
ظنت إنهم تخطوا مرحلة الكذب والخدعة..
كيف يقدر يعذب بهذا الشكل..
من بعد العملية وهي عايشة عذاب نفسي..
عايشة خوفها على ولدها وخوفها من فقدانه..
كانت خايفة ماتقدر تنقذهـ وتجيب أخ يساعدهـ..
ليه ماراعى خوفها منه ورحم حالها..
لازال يحاول يجبرها ويكبلها بقيود الإكراهـ..

وقفت وهي ترتجف..
قربت منه مستنكرة كل كلمة يقولها..
ومستنكرة ثقته القوية بنفسه..
ضربته على صدرهـ ودفته بقوووة وهي تصرخ فيه..

هديل بقهر\بســــــــك ظلم..بسك قهر لي وإذلال..
الحب ماهو غـــصب..ما ابييييييييييك..
متى بتفهم إن لي حق أقرر واقول لا ما ابي اظل معك..
ليش ماتفهم إني رافضة وجودي معك مجبووورة..
أنا من حقي أقرر..من حقي أظل برضاي او اتركك..
انا راح أظل رافضتك طول ما انت تجبرني على الحياة معك..
ماراح اقدر أتقبلك وأنت تجبرني عليك..
مالك حق تغدر فيني اكثر مما غدرت..
كيف اقدر أثق فيك واسلمك روحي وانت ماتنصفني..
من حقــــــــــي أقول ما ابـــــــي أظل معك..
ومن حقــــــي أقوول أبيــــــك..
وأنت اللي جنيت اليوم..
انا بأرجع مع أخوووي...وما ابييييييييييك..

شالت ذياب وطلعت من القصر..
كانت تعرج وتتألم من قلبها قبل جسمها..
جلست جنب هادي وهي ضامة ذياب لها بقوووة..
هديل\رجعني يا هادي..


فمان الجـرح لا والله فمان احـــزاني ..] الكُـبـرى
فمان اغـلى ثلاث سنيـن [ مِـتّ ] بْـها عشــان اعيش

فمان الحب }~ واحـلام القلوب البيض والخضرا
فمان الآه مـن كثــر الزعـل والشـــوق ~.. والتطنيش

فمان عيونك اللي مالها بين العيون ..{ اُخرى
فمان [ غــرورك ] اللي علّـم الطاووس نفـْـش الريش

فمان عطورك اللي تسكن { انفاسي } وبالأحـرى
فمان انفاسك اللي تسكـن عطـوري ومدري ليش ..؟!

فمان الليل ]/.. واحضان الدفــا ومصافح القمـرا
فمان البــاب والشبّـاك يــوم اواعـــدك { ونطيش ..

فمان التوت والرمــان واحلى فاكهــه [ حمـرآآ
فمان الضحكه اللي كنّـها مـن مبسمك .. بخشيش

فمان { غيابك } اللي ما ترك لمْواصلك بُشرى
فمان الشـك وظنــون الخطــأ },, والكـذب والتشويش

فمان [ العيد ] كنـّي به يجيني وحالتي تزرى
يطبْطبْ فوق أكتـافي حزن ويقــولَ لِي "معْـليش"

فمان الجوع و احساس ]/.. العطش ومفارقك صحرا
[ تعبت .. افتـّــش ْلواحاتـــها و اضـنــاني التفتيش

فمان { ضلوع .. مكتـوب ٍعلى أنحاءها اليُسرى
"هُــنا توجـد جـروحي" لو تكــرّمتي: بـلا تنبيش

فمان [ دموع ] لا تـُسمن ولا تُغني من الذكـرى
وانا اللي ماقدرت اطلع من { اجوائي ,, معك بشويش

فمان الشـارع اللي كلّما جيـته [ وآنآ آقــرآ ..
معانـاتي ..} من اوّل يــوم فـي وصـلك إلى التهميش

فمان { الشاعر } اللي يجمع بتجربْـته الصغرى
فكر بــدْر [ ورومانسيّة نزار ] وفلسفة درويش

فمان [ الخوف ,,, ويدينك جنود وأضلعي أسرى
وانا فينـي مــن ’’ الإحبــاط }~ ما يكفي هزيمــة جيش

فمان اشيــاء ما تنقــال للعالم { ولا تــطرى ~
ممـالك ’’ حـب }~.. دمّـرها اللعب وسْياسـة التطفيش

فمان الإيش..!؟ ما أدري ولكنّ الزمان ادرى
وانا اللي ضاع ما يدري حبيبه ضيّـعه لجل ايش؟!

فمان الله ياقلبـي }~ مع انّــك جــرح ما يبــرا
كتب ربّي عليّ اعيش من دونك { وانا ما اعيش ..

البــــــارت الثــامن والثمـــانون ..


حنانك يا قلب .. فيم الخفوق
وهل كان ما كان إلا خيالا ؟

وفيم تحن إلى عهدها
وقد أرقتك الليالي الطوالا ؟

دع الوهم يا قلب .. ماذا جنينا
من الحب لما عشقنا المحالا ؟

حنانك يا قلب .. بعض الهدوء
فصدري كاد يجن أشتعالا

أتجسر أن تستبيح المدى
وتطوي إليها الدجى والرمالا ؟

وهبك وصلت الى صرحها
وهبك هدمت السدود نضالا

فماذا ستفعل يا قلب ؟ تجثو
على قدميها .. تذوب ابتهالا ؟

وتسألها : أتحبينني ؟
فيطوي الظلام الرهيب السؤالا

وترجع عنها وفي جانبيك
جرح تئن .. وتأبى اندمالا

فديتك يا قلب لن تستباح
ولن ترتمي في التراب مذالا

سنصمد يا قلب للعاصفات
ونوسعها ثورة ونزالا

ستعرف ياقلب أنا انتصرنا
وأنا هزمنا الهوى والجمالا


المرحووم بإذن الله تعالى..غازي القصيبي ,,,



شالت ذياب وطلعت من القصر..
كانت تعرج وتتألم من قلبها قبل جسمها..
جلست جنب هادي وهي ضامة ذياب لها بقوووة..
هديل\رجعني يا هادي..
هادي بحيرة\قلتي بتظلين هنا..
هديل بقهر\طلــــــــعني من حياته..
إنزعني من قلبـــه وإقهرهـ علي..
هادي بهدؤ\صلي على النبي..أبشري بأخذك معي..
جوازك واوراقك معك..؟؟
هديل\........لا معه..
هادي\بأروح اجيبها.

نزل من السيارة وقبل يبتعد عنها..
أنتبه على ماريا قريبة منه..
مد يدهـ وأخذ اللي بيدها..
ماريا\هذهـ أوراق تخص السيدة ديل..
طلب مني السيد إعطائها لك..
هادي يناظر مدخل القصر\شــــكراً لك..

جلس جنب هديل وحط الأوراق بشنطته..
هادي\أرسلها لنا قبل اطلبه إياها..
هديل\...............

أخيــــــــــراً فهم..
وارسل أوراقي من نفسه وبدون غدر..
كان ذياب يتحرك بحضنها بعصبية..
ويضرب على شباك السيارة..
لمت يدينها حوالينه وضمته لها..
حرمها تفرح بعلاج ولدها ..
كذب عليها وعيشها بخووف تفقد ضناها..
أو تسلمه نفسها مجبوورة..
قبلته على جبينه وهي تكتم عبرتها..
هديل\أبووك دووم يكسرني..

رفع راسه لها وبدأ ينطق بكلمات متقطعة..
ماتفهم منها إلا ..مـــه..وبالمووت تطلع منه..
ضمته لها اكثر وبكت لما طلعوا من اسوار المزرعة ولا التفتت وراها..
ماتبي تودعه ولا تشوفه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لاصرت تدري ليه تبكي عوآآآفي
على الأقل تدري وش اللي بكيته ..

الموت من يبكي على شي خافي
ومن دون ادنى ذنب كانك جنيته..!

خرجت من دورة المياهـ وهي لابسة روب الإستحمام..
ولامة منشفة على شعرها..
كانت تحس بدووخة وتعب بكل جسمها..
جلست على السرير بتعب..
وشالت المنشفة وحاولت تنشف شعرها..
بس الضعف مسيطر عليها..
من بعد ما كشف لها إنه زوجها وكل شكوكها اللي تجاهلتها صح..
انهارت ودخلت بحالة صدمة صعبببة..
ضمها وهي رفضت حضنه..
تحس بخيانة منهم كلهم..
من امها ومنه ومن مرام..

كانت تشك باشياء غريبة..
وحال الشايب وحال الشاب..
يتشابهون..بس كان يغشها بـ التجعيد اللي يحطه عل جبينه..
والنظارات واللحية البيضاء..
حبت الوهم اللي شافته..ولا سمحت لـ عقلها يكذبها..
عاشت الكذبة وتعلقت بوهم..

بعد نزولهم من الطيارة..
مروا بـ الجوازات..كان جوازها معه..
وكانت تحاول تلغي فكرة الخدعة من بالها..
وتاكد لنفسها إن الشايب بيوصل قريب..
مسكه ليدها وقربه منها..
خلاها تدرك إنه محرم لها بصورة غير اللي وضحها لها..
ومع ذلك كذبت هذا الإحساس واستمرت في خداع نفسها..
ظلت هادية معه تخاف تهاوشه او تتكلم فيهدم كل خيالها الكاذب..
مد ذراعه على كتفها وضمها له..
بقت ساكنة متجمدة ..
انتظر منها صراخ وهواش..
صمتها أكد له إنها صارت متاكدة إن له حق يلمسها بهذا الشكل..

دخلوا جناحهم في الفندق..
وجلست على الكنبة بعبايتها وحجابها..
وشنطتها الصغيرة لامتها بحضنها..
طلعت جوالها وفتحت رسالة وصلتها..
كانت رسالة مرام..
رفعت راسها بآآآسى ..
ثبتت عيونها بعيونه..
وكانت تسأله بصممممت ورجاء تكذيب ظنونها..
فهم نظراتها وقرر ينهي الموضوع..
مسفر بهدؤ\إيه انا مسفر الشايب والشاب..
وأنا زوجك..اللي توصلتي له صح..
واللي عشتيه كان وهم..
الشايب ماله وجود..

رمت المنشفة وهي تبكي..
إنهيارها كان نقطة ضعف كبيييرة عليها..
سمحت له يكون القوي..
سمحت له يحضنها ويهتم فيها..

بعد ماضربته وبعدته عنها..
قفلت عليها في غرفتها..
وظلت طول الليل تتذكر أبوها..
ترسم ملامحه في الظلام وتمحيها..

نامت ع السرير..
وهي تتذكر إن شنطتها برا الغرفة..
غمضت عيونها وغابت عن وعيها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

تبسمي بعض البكا في التبسام..
واقسى الحزن في النفس مكتوم..

وصلوا روما من ساعتين..
اتصلت على دار الأزياء..
وطلبت من صوفي تزورها في الفندق باقرب وقت..

طلعت من غرفتها بعد مانيمت ذياب..
وجلست قريبة من هادي..
رفع راسه وابتسم لها بحنية..
حست بالم فظييع بوجهها ومو قادرة تبتسم..
صدت وجهها عنه..
وتكلمت بصوت مبحوح..
هديل\متى رحلتك ع السعودية..؟؟
هادي\بكــرة..بس أجلت الحجز يومين..
لأني ماقدرت احجز لك على نفس الرحلة..
هديل\خلنا نطلع من إيطاليا..
نروح فرنسا ومن هناك نرجع السعودية..
ما ابي أظل هنا..
هادي بحنية\لاتخافين من شي وانا معك..
بترجعين السعودية اكيـــد..
هديل بآسى\لاتقول اكيـــد وتغلط غلطتي..
قوول إن شاء الله ياهادي..
هادي بضيق\هديل ماكان هذا حالك امس..
وش اللي مزعلك كذا..؟؟وش صار مع غازي..؟؟
هديل بغصة\لاتقول إسمه..
وبعدين هذا إتفاقنا..يتعالج ذياب ونفترق..
هادي\ما اقنعني جوابك..
هديل\مو ضروري يقنعك..
لأن حياتي كلها ما اقنعتني..

وقف وجلس قدامها..
مسك يدينها بيدهـ..
كان يتمنى لو ترفع راسها وتناظرهـ..
بس فضلت تظل صادة عنه..
هادي\في خاطري كلام كثير أقووله لك أنتي..
بس مشتاق أعرف وش كثر في خاطرك من وجع..
هديل تكتم العبرة\أنت توئمي..
تقاسمنا ظلمة الرحم مع بعض..
كنت اشكي لك ولو نغزتني شوكة..
ماعدت تملك الحق تعرف وش اللي في خاطري..
لأنه غزى الخاطر و التمني..
خاطري محكوم إعدام من دوونه..
ما ابي أشكي لاحد غيــرهـ..
ولا ابكــي إلا بين يدينه..
ياكثر اللي في خاطري ودي أقوله له..
بس حنيتي على نفسي تمنعني..

هادي بحسرة\قلتي كلمة جرحتني حييل..
قلتي بلحظة إنهيارك إن غازي أبووك..
وتاكدت وقتها..إنك ماتقدرين تتخلين عنه..

هديل بجمود\لا اقدر أتخلى عنه..
وحتى أقدر اتخلى عنكم..
أنا عشت من دونكم وشفني حية..
هادي\صح عشتي من دونا..
وعشتي معه..
هديل\تعتقد ما اقدر أعيش من دونكم ومن دونه..؟؟
حتى أنا هذا كان ظنــي..
بس الله اكرم منكم ومني..
وقدرت..
هادي بحيرة\مافهمت..
هديل بيأس\تدري إن غازي أحسن منكم..
إيه أحسن بكثيير..
هادي بقهر\أحسن منا حن هلك..؟؟
هديل بغصة\إيـــــــه..
أنتوا جرحتوني وضيعتوني..
ولما رجعت لكم مالميتوني ولا حاولتوا تعوضوني..
صديتوا عني..أنت وابوي وكلكم..
عاقبتوني بتقصيركم..
أما هو..صح جرحني وماقصرر ابد فيني..
بس ندم..ولازال نادم وبيظل..
يحاول يصلح شيء من خطاياهـ..
رغم إنه مايملك اي وسيلة مباحة تساعدهـ..
أستعمل الغلط مرة ثانية وثالثة..
تجبر بقرارات جديدة..
يبي يهدم بقايا ماضي ويبني عليه مستقبل جديد..
يبي يمحي كل آسى مر علي معه..
وأنا واقفة أتأمل محاولاته وأوقع عليها بـ الفشل..
ماساعدته وهو يحاول يساعدني..
أشوفه يحاول يراضيني..وانا اصد مليون مرة..
أبيه يفهم مانقدر نبني حياة جديدة على ركام حياة قديمة..
هو فاهمني..بس خانته الحيلة..
ولو ارجع له بعد سنين مابيسوي سواتكم..
هو الوحيد اللي مستحيل يصدني..
لأنه غلط بحقي ومؤمن إن لي كل الحق في الصد والهجران..
بيعذرني مهما قسيت..
بس أنتوا ياهادي حملتوني وزر النوايا..


دخلت غرفتها تنام بعد ما انهت كلامها مع هادي..
تدري إنها جرحته..
بس تبيه يظل متأكد إنها مابتنسى صدهم عنها لما رجعت لهم..
مابتنسى هروبهم منها..
ولازم يتحملون صدها عنهم مثل ماغازي يتحمل..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛

أدري إنَّك .. في حيآتك .. لي .. بديل
وإنت تبحث .. عـ الفآرق .. من زمآن

الله هو حسبي .. وهو .. نعم الوكيل
المفآرق .. صآر .. والله المستعآن !

يعني شوفك .. في حيآتي .. مستحيل
يعني مرَّة .. مآ أشوفك بـ أيَّ مكآن


شال جواله ومفاتيحه..
صد عنها بعصبية ناوي يطلع من الغرفة..
وقف لما سمعها تكلمه..
غادة\بأروح بيت هلي..
ما ابي أظل هنا..تعبانة..
راكان بجمود\إنطقي في بيتك..
غادة ببرود\بأروح يا راكان..
راكان بسخرية\ليه يا مدام بعدك واحم..؟؟
غادة بسخرية مماثلة\لا مو واحم..بس قرفانة منك..
راكان بهدؤ\تصدقين نفس الإحساس..
قرفت منك ومن كذبك وتظاهرك..
محسبتني ميت عليك وعلى وصالك..؟؟
غادة بقهر\أدري بخاطرك شيء..
وتبي أي مشكلة تصير عشان تقول اللي في قلبك..
عادي يا محترم قوول اللي تبيه..
طلع كل اللي في قلبك مابقى شيء متخبي..
راكان بهدؤ\وش اللي في قلبي وابي اقووله..
أطربيني يا غادة..
غادة بحدة\تدري وش اللي يقهر..؟؟
إنك راكان..مصدوومة تكون أنت كذا..
راكان بطولة بال\أبهريني كيف أكون..؟؟
غادة\تبي تتمسخر..أوكي يا راكان باقوول..
لأني مو متحملة..
بانجن من تصرفاتك..مو قادرة اصدق والله..
أنت نبيل كبييير يا راكان كيف تسويها كيييف..؟؟
راكان بحيرة\غادة وش اللي سويته وذبحك..؟؟
غادة تبكي\إيه ذبحتني..هذا اللي أنت سويته..
راكان بهدؤ\كملـــي..!!
غادة بصوت مخنوق\لقيت باقي الطقم تبع الخاتم..
راكان بإستغراب\طيب وبعدين..؟؟
غادة بقهر\أقووولك لقيت باقي الطقم..
إللي أنت مخبيه عنــــــــي..؟؟
راكان\إهدي وصلي على النبي..
انا ماخبيت عنك شيء..
وإن كنت ماقلت لك وين الطقم فلأن هذا الشيء ما يعنيك..
غادة بصدمة\مايعنيني..؟؟!
ليه تهديها وتهديني..؟؟راكان ليه كذا ليييه..؟؟!
راكان بحيرة\أهديت ميين غيرك..؟؟
غادة\لا تحاول تتوهني بكلامك..
أهديتني الخاتم وهديل اهديتها باقي الطقم..
لييييه تسوي كذا..؟؟
راكان أنت وش ترتجي من تصرفك..؟؟
راكان\مدري وش أرتجي..؟؟
أنتي خبريني وش أخطط أنا..؟؟
غادة\الاجووبة عندك مو عندي..
راكان بجمود\طيب أجاوبك..
أنا لما عطيتك الخاتم وش قلت لك..؟؟
غادة\....................... ما اذكر نسيت..
راكان\مو قلت لك وصلت الأمانة..
ولبستك إياه بيدك..
غادة\إيـــه..
راكان\الخاتم مو مني يا غادة..
كل الهدايا اللي جبتها مني بس الخاتم لا..
الخاتم عطاني إياهـ غازي يقول من هديل..
وباقي الطقم طلب مني أعطيه جدتي..
تحفظه لهديل لحتى ترجع لاهلها..

غادة بصدمة\من هديل..؟؟!
راكان بجمود\إيه يا محترمة من هديل..
ولو فرضاً فكرت انا اهدي هديل شيء..
صدقيني ماراح اقدر..تدرين ليه..؟؟!
لأن مافيه شيء يوصل مستواها..
وقبل لا تسوين دراما ومآسي..
وتفترضين إن هديل بخاطري..
أبيك تعرفين شغلة وحدة..
هديل أخت صغيرة لي من قبل لا اتزوجك أو أحبك..
وبعد اللي سواهـ سلمان وهادي فيها..
كبر قدرها وصارت تستاهل نحفى لها كلنا..
وهذي هي أهدتك وأنتي توجعينها من وراها..
المهم لا تعرف هي بأفكارك..كفاية مافيها..
وياليت تكبرين عقلك شوي..
وصدقيني ياغادة لو ماكنتي حامل..
كان بيكون لي تصرف ثاني معك..
بس مقدر حالتك ونفسيتك..

أبتعد عنها وطلع من الجناح معصـــب..
حطت يدينها على فمها تمنع شهقاتها ونحيبها..
جلست على الكنبة بضعف..
وهي تحس برجفة قووية بجسمها..
كلامه يتردد في بالها..
هدية من هديل..
من اختي الوحيدة..
اختي اللي تغربت وأنحرمت منا..
أدركت إنها مقصرة كثييير في حق أختها..
ياما تمنت رجوعها من المووت..
ولما رجعت لهم حية..
أحتضنتها اول ايامها..
وبعدها لهت عنها في حياتها ووحامها..
وهي كانت تشوف وجعها اللي تحاول تخفيه..
تشوف جرحها من هلها اللي صادين عنها..
وكم مرة سمعتها تتكلم بمرارة وضيق..
ماسألتها ليه تبكي..؟؟
ليـــه ضايقة ومكتئبة..؟؟
كانت تخاف من الإجابة..
حالها حال أبوها واخوانها..
كلهم خافوا من إجابتها المخفية عنهم..
صدقوا كذبتها الظاهرة..
واوهموها إنهم مصدقينها..فضلوا نفسهم عليها..

بكت بنحيب وهي ضامة نفسها..
وحست بشوووق كبيير لهديل..
لأختها المغدوورة من هلها ومن الزمن..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

تكفى يابو قلبي وعمّه وخاله
تكفى يابو كل الجروح القديمه
تكفى تعزيني بجرحن بقاله
في خاطري مثل انتظار الهزيمه..


عقدت حواجبها بإنزعاج..
فتحت عيونها بتعب وضيق..
ناظرت حوالينها وتذكرت هي وين..
لازالت بغرفتها في الفندق..
بس ماكان هذا هو وضعها..
رفعت يدها لجبينها..
وأنتبهت لوجود بلاستر على كفها..
ولابسة قميص وردي طويل..
آخر شيء كانت لابسته هو روب الحمام..
جلست لما أنفتح الباب ودخل مسفر..
أبتسم لها وهي صدت عنه..

مسفر بهدؤ\صبـــاح الخير..
خلود\.....................
مسفر\الحمدلله على السلامة..
بصراحة صدمتيني..كنت أظنك عاقلة..
بس تصرفك أثبت العكس..
خلود\إطلع برا..
مسفر\خلود أنا ما ابي منك شيء..
كل اللي أبيه راحتك..
خلود بغصة\راحتي أرجع لامي..
وماتدخل غرفتي ولا تلمسني..
ولا توهمني بكذبة أنت بطلها..
مسفر\دخلت غرفتك لاني كنت خايف عليك..
يومين ماطلعتي من الغرفة..
حرمتي نفسك الأكل والشرب وكان بيصيبك جفاف..
إن كان لك رأي عبري عنه..
بقول أو فعل..بس ماهو بهروبك وإنهزامك..
خلود بقهر\إطلع برا..ما ابيييك في حياتي..
أبي ارجع لامي..
وأنت بتشوف كيف راح تعاقبك على خداعك لنا..
مسفر\لازلتي تلعبين دور الضحية..
أمك عندها خبر انا من أكون..
خلود بصدمة\أمـــي..؟؟!!
أمي أنا تدري عنك..؟؟
مسفر\إيه تدري..
هي مارضت اتزوجك بخدعة..
بس أنا اقنعتها..

وقفت وهي ترتجف من التعب والقهر..
قربت منه غير مهتمة بلبسها وشكلها قدامه..
خلود برجفة\خذيت مني أبوي..
وخليت امي تخدعني..؟؟
أنت مين دخلك حياتي..؟؟
ليه متسلط علي..؟؟وش تبي منـــي..؟؟
مسفر\قلت لك ..أبي راحتك يا زوجتي..
خلود بغيض\ماني زووجتك..
ومالك حق تلمسني وتبدل ملابسي..
مسفر برفعة حاجب\كان لازم البسك..
لأن الطبيب يبي يفحصك..
خلود بقهر\ما ابي طبيب ولا هم..
مالك شغل فيني..
إنت مو زوجي..
ماكنت على بينة لما تزوجتك..
خدعتنييييييييي..خدعتني..

تراجعت لما قرب منها..
منع نفسه لا يلمسها ويخوفها منه..
مسفر\أنا زوجك يا خلود..
أنا الشايب وأنا الشاب..
إذا حابة اردد هذا الكلام الحين وبكرة ماعندي مانع..
خلود بغصة\أنت النذل مسفر..
وخالتك النذلة الخاينة مرام..
ليييه نصبتوا علي..؟؟
لأن مالي أب..ماعندي عزووة..؟؟
لو أبوي حي ماكنت بتخدعني..
ولا كان بيسمح لك تجرحني..
بيمنعك تقهرني ..
مسفر بحنية\الله يرحمه..
خلود تبكي\مــــات..!!
قدام عيوني..وبين يديني..
قتله ببرود..طعنه بقسوووة..
ضربني لما كنت ابي ادافع عن ابوي..
ككـــ...كــ ....ـــان فيه ثنين..واقفين بعيد عنا..
ماساعدونا..كانوا يتفرجون على ابوي وهو ينقتل..
ابن الحرام هرب..وأنا اضم ابوي..
ماعرفت كيف أتصرف..؟؟
كان ينازع ويطلبني أذكر الشهادة..
ماقدرت..وكاني أقدر أمنع الموت عنه..
ضغط بيدينه علي بقووة..يصرخ وروحه تطلع..
حطيت كفي على أذني..واقوله ماراح تموت..
كيف تموت وتخلينا..؟؟أنت ابونا لاتموت..
بس مارضى يظل معنا..
مات..
لأنه طالع مشوار مع بنته مات..
لأن القاتل مطرود من وظيفته قتل ابوي..
لأن أنـ.....................

حط يدهـ على فمها بلطف..
منعها تكمل لوم وتفسير غلط..
مسفر بهمس\ولأن هذا قدرهـ مات..
قدرهـ يموت مقتول..
وقدرهـ يموت بين يدينك انتي..
قدرك تكونين آخر من يحضنه ويضمه..
قدرك أنتي تسمعين آخر كلماته ..
خلود بإنكسار\أبووي مات..
مسفر\الله يرحمه..
خلود تبكي\كان طيب..
مسفر\ذكرهـ حي..واعماله تشهد عليه..
خلود بحسرة\ليييه خذيت الطيب اللي يشبه ابوي..؟؟
لييييييييييييه..؟؟
مسفر بحدة\الطيبة ماهي بس لـ الشواب..
أنا الشايب وانا الشاب..وبأظل أرددها..
أنا الطيب اللي تبينه..والشيب كان قناع..

ضمهاوهي تبكي ..
تتذكر كل تفصيل مر عليها بلحظة موت ابوها..
كرهت كل الرجال..
واحد قتل أبوها..وثنين ظلوا يتفرجون عليه وهو يموت..
وحتى لما هرب القاتل..
ظلوا واقفين بمكانهم ..
ما ساعدوها فيه ولا ذكروا له الشهاده قبل يموت..
واللي طلبوا الصلح بدم ابوها رجال..
واللي قبل الصلح بعد رجال..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

تذكرِينْ !!

الليلْ ، اللهفَه ،السَهر ،،
السُوآلفْ ،وَالحَنيــنْ !

تَذكرِينْ !!

البَرد ، وَ المِطر ..
وَ رِيحْ العِطر ..
الليْ بِـ كفُوفك .. » سجِينّ !

تَذكرِينْ .. الوصَايآ
.................. وَ الوعُود ..
......................... وَ حلفْ اليَمينْ !
.......................................... « مآ نتفآرقْ ! »
وانْ تَفآرقنَآ :
إمآ أجِي , والآ تجِينْ !

تذكرِينْ !!

تَذكرِينْ الوَدآع !!
الليْ وَصفتِيه بِ ' ضَيآع '
وَ طآرِيْ الفَرقآ آ
اللِي كِنتيْ .. تكرِهينْ !

تذكِرينْ هَذآآآك .. الليّ يَنوووووومِك ..
وتُوعدِينَه .. فِيه بِ تَحلمِينْ !!

يَــا عزّتيْ لَه !
هَذا هُو بِ كلّ حَيله
( يَصرخّ ) وآنتِي , ولآ تَسمعِينْ ..

كنتْ آسولِف لِك ..
وكنتِي تَخجلِينْ ..‘

يَوم اشّر لكْ علىَ صدرٍيْ ...
وآقُول :
........ منْ هُو هِنآ !!
..... مَن هُو هِنآ !!

كنتْ انآظِر فِيْ عُيونك ...
ومنْ خَجلك ... تَغمضِينْ !

وَ هذِيْ اللّيلهَ آسولِف لِ الغيآبّ
كآنتْ هِنآ ..
كآنتْ هِنآ ..
كآنتْ هِنآ ..

ولِ الأسسَسسفْ ...
مآتسمعيـن ... !! ‏

تذكِرينْ هَذآآآك .. الليّ يَنوووووومِك ..
وتُوعدِينَه .. فِيه بِ تَحلمِينْ !!

تَذكرِيييييينْ .... !
البقية: . . . تذكـريـْـنْ ..؟؟!!


جالس على البلكونة..
وعلى نفس المقعد اللي ضمها معه ..
يتذكر آخر ليلة لهم في البلكونة..
يذكر لبسها..عطرها..
خجلها طاغي عليه خوفها..

يذكر بكاها وهي تحكي له عن مآسيها..
عن هربها منه..
عن صدمتها في خبر موتها عند أهلها..
وحكت له عن حملها..
وكيف عرفت إنها حامل ومتزوجة..

غمض عيوونه وهو يسترجع ريحة عطرها بشالها..
عطرها اللي ذوبه فيها اكثر..
ولما طلبها تنام عندهـ مارضت..
يشكرها في قلبه لأنها مارضت..
لو وثقت فيه ماكان بيتركها..

أبتسم وهو يتذكر خجلها منه..
لما يناظرها بوله..
يحرجها وتطلب منه مايناظرها..
يعند وهي تغمض عيونها خجلانة..
ولما صرح لها إن حلمه بحجم حمامته اللي يعشقها..
صدت عنه تخفي معالمها عنه..

ضم وشاحها على وجهه..
ويتمنى لو يعرف هل هي حلمت فيه..
قال لها إحلمي فيني يا أغلى من سكن قلبي..

ناظر الورقة اللي بيدهـ..
مكتوبة بخط يدها..
قبل ولادتها بذياب..
كتبت الرسالة له..

كانت تظن إنهها بتموت..
كتبت رسالتها له هو..
مو لأبوها ولا امها..
ولا حتى ولدهـــا..

لجلموودها القاسي..
رسالة وداع..إعتراف..حرمان..

أول مرة قرأ الرسالة ..
انصــــــدم ..
ماتوقع يكون له هذا المكان بقلب هديل..
كانت اكبر طموحاته إبتسامة كاذبة منها..
راضي بأي شيء تقدمه سواء قسوة او رضى..
المهم تظل معه..

صار يدور في مكتبه..
ويحس بطيييش كبيير يتحكم فيه..
كان بيروح لها يواجها برسالتها ويقول كافي صد ..
أحبــــك حبيني..

بس هو واثق إن هديل ماتبيه يعرف اللي برسالتها..
تبيه يعرف إذا كانت ميته..
بس مادامت حية فإعترافها بـ الرسالة راح يجرحها وبتهرب منه بدون رجووع..



نهــــــــاية البارت ,,

البـــــــــــــارت التـــــــــاسع والثمــانون ,,


يا دميتي: حاصرتني الأربعون مدى
مجنونة...وجراحا أدمت العمرا..
فمن يرد لي الدنيا التي انقشعت
ومن يعيد لي الحلم الذي عبرا؟..
ما الشيب أن تفقد الألوان نضرتها
الشيب أن يسقط الإنسان منحدرا..
وما بكيت على لهوي ولا عمري
لكن بكيت طهري الذي انتحرا..

المرحووم بإذن الله تعالى غازي القصيبي...


ياشوق تكفى لا تخليه يرتاح
ياشوق تكفى داعبه في غيابي..
خله يحس إني معه وين ماراح
خله يحس اشلون لذة عذابي..
عطر الفراق اللي مع غيبته فاح
عطرت به جرحي بس باقي ثيابي..


دخلوا المطار تسمع هادي وصوفي يتكلمون أو يتهاوشون..
بس ماتدري وش يقولون ..
كل بالها في مكالمتها مع أمها قبل تنام..
ألتفتت على صراخ ذياب وصوفي..
أبتسمت لما شافته مدخل يدينه بشعر صوفي..
ويسحبها على تحت..
طنشهم هادي واخذ أوراق الحجز..
قربت من صوفي اللي تصرخ على ذياب وتهددهـ..
صوفي\وولفي أيها الغدار..
ألا تعلم من انا..؟؟أتركني قبل أن تصورني الصحافة..
يارثت الثياب ابعدي ذئبك عني..
هديل بعتب\ذيب يا ورعي..فك شعر العصلاء..
لاتفضحنا فديتك..يمكن يتهمونك ..
صوفي بقهر\وجع..
هديل\يوووجع العدوو..

شالت ذياب بحضنها وابعدته عن يدين صوفي..
اللي حاولت تسحبه وتعضه..
صوفي\لو كان إبني لعاقبته..
هديل\هو إبني..فلتنجبي لك طفلاً..
وعاقبيه كما تشائين..
صوفي\وجع..
هديل تبتسم\سأشتاق لك..
صوفي\آسفة لأني سلمته أشيائك الخاصة..
ظننت بأنكما عدتما لبعضكما..
هديل بهدؤ\سنكون بخير ذات يوم..لاتقلقي..
صوفي\كلام غير منطقي..
هــ أنتي تهربين منه مرة أخرى..فمتى ستكونان بخير..؟
هديل بغصة\عندما يكتب الله ذلك..
صوفي\لمن ستعودين هناك..؟؟
هديل بضيق\يكفي صوفي..
صوفي\لماذا تهربين منه وأنتي تريدين البقاء معه..؟؟
هديل\لاتتدخلي باموري..
فلم اعاتبك لأنك عدتي لماكس..
وهو كان مذنباً مثل غازي..
صوفي\عدت إليه لأني كنت خائفة أن اترك الإسلام..
عندما اسلمت كنتي معي ولم اشعر بــ الخوف..
وبعد رحيلك أصبحت وحيدة..
فكل من هم حولي يعتنقون ديانة غير الإسلام..
لازلتي بيننا ديل..
هديل بآسى\حان وقت الرحيل..
وداعاً صوفي..

أبتعدت عنها وقربت من هادي..
جلست على مقاعد الإنتظار..
كلام امها..وكلام صوفي..
وكلام روحها يحاصرها..
مابتنسى الغصة بصوت أمها وهي تكلمها عن غازي وعن حياتها..
عاتبتها ليش ماتكلمها ولا تسأل عليها..

ام علي بحنية\لاتظنين تصرفي رفض لك..
كنت ابيك تاخذين قرارك بقناعتك..
هديل\أي قرار يومه..؟؟
ام علي\حياتك مع غازي..
هديل بزعل\بس كلكم تعرفون قراري..
قلت لكم يتعالج ذياب وارجع لكم..
ام علي بغصة\وأم ذياب عالجتيها..؟؟
هديل تتنهد\مالها علاج إلا بحضنكم..
ام علي\رجعتي لنا..ولازدناك الا وجع..
إصدقيني القول ياهديل..يحبك..؟؟
هديل تبكي\بجنون يومه..
ام علي\تحبينه..؟؟
هديل\ولاشوي..
ام علي\كذآآآبة يابنت أمك..
خذاك وانتي صادقة ولما رجعتي مالقيت منك الا الكذب..
هديل بشهقة\يووومه لا تظلميني..
ام علي\قلتي ماعمرهـ جرحك ولا أذاك..
وانتي كذابة ضربك وجلدك بـ السووط..
هديل بجمود\اللي قالك هذا الكلام كذاب..
ام علي\ادري إنه كذاب..
تبين تدرين من قالي هذا الكلام..؟؟
أنتي يا هديل اللي قلتيه..
هديل بقهر\لا ماقلته..ماقلت لأحد شيء..
ام علي\قلتي يومه قلتي..
وشاقهتي باسمه وقلتي إنك تحبينه..
هديل تبكي\والله ماقلت..
مستحيييييييل اقولها والله ماقلتها والله..
ام علي بحسرة\تذكرين لما كنتي تعبانة..
وأخذك علي الشرقية..نمت عندك وأنتي مو حاسة بـ الدنيا..
كنتي محمومة وتهذين..قلتي لي عن ضربه لك..
وعن ولادتك وقلتي إنك تحبينه..
هديل بعناد\ولاشيء من اللي سمعتيه صح..
مريضة ماينوخذ بكلامي..
لاضربني ولا أحبه..كله كذب..
ام علي\دامك قررتي ترجعين لأمك..
فوالله ما أردك..تعالي يابنتي الكذابة..
أغلى وأعز من يلفاني..

أنتبهت على صوت هادي يناديها..
وقفت وقربت منه..
هادي\يالله ينادون على رحلتنا..
هديل بغصة\هادي لمن برجع أنا..؟؟
هادي\ترجعين لنا..لهلك..
هديل\بس أنا رجعت لكم..
بس مالقيتكم..دورت عليكم..
في ملامحكم في حياتكم..في بيتكم الجديد..
دورت على هلي اللي ابيهم..بس مالقيتهم..
هادي برجاء\هديل تكفين..لاتضيعين منا مرة ثانية..
تعالي معي..لازم نطلع الطيارة..
هديل بغصة\جربت حياتي معه ومن دونكم..
كانت صعـــــــبة كثييير..
عشت من دونه ومن دونكم كانت حياتي مآآآساة..
ورجعت لكم عشت معكم ومن دونه وكانت ضيـــــــاع..
ولما رجعت له ماصد عني مثلكم..
شريتكم وصديتوني..شراني وصديته..
أنا ما ابييكم..أبيـــه هو..
هادي بضيق\كنا مصدومين من كذبت موتك..
من رجوعك ومعك ولد..من كل شيء..
تعذري لنا يا قلبي وإرجعي..
هديل بآسى\وأنا أنصدمت كثير..
من هربك..من غازي..من دفن ابوي لي وانا حية..
من سنين غربتي..ومن رجوعي لكم..
واكبر صدماتي كانت صدكم لي..
هروبكم مني كل ماشفتوني..
خجلكم من رجوعي وكلام الناس عني..
كل شيء صدمني..بس ماعاقبتكم..
ولا عاتبتكم على أوجاعي..
هادي يمسك يدها\خلينا نرجع...تكفين..
هديل تبتسم\تخليتوا عني..بس هو ماتخلى..
بأرجع ياهادي إن شاء الله بأرجع..
بس مع زوجي..فمان الله يا أخوي..

قبلته علة جبينه وكتفه..
أبتعدت عنه واشرت له بيدها تودعه..
كانت تبتسم من دون ماتحس بألم في وجها..
تبتسم من قلب وضمير..
راضية بقرارها ومقتنعة بمصيرها..
أبتسمت لاتجامل هادي ولا توهم نفسها..
صدت عنه وهو واقف يناظرها..
وطلبت من صوفي تاخذها لشقة غازي الخاصة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛

اطوي الجديلة في كفوفي وهي ليل...
ولامن طويت الليل صار الجديلة..

ناظر جديلتها بحنين..
وتمنى لو يقدر يحبس صاحبتها في صندوق..
مثل ما يخبي الجديلة..
تكلم مع الجديلة بضيق..
غازي\ماهي وفية مثلك..
متمردة حاقدة على العالم..
وعلى نفسها ..
ما ابيها ترجع..بس أبيها تكون بخير..
رجعت لهم وهم مايستاهلونها..
لا ياجديلتها مايستاهلونها..
أبيييييها تكوون بخير..

رجع الجديلة ونام على فراشها..
اليوم هي بتسافر..
بترجع السعودية مع اخوها..
بتهرب منه بعلمه..
منع نفسه بـ الموووت مايتعرض لها..
ولا يروح روما قبل ماتسافر..

غمض عيونه ..
وبصوت هامس صار يردد كلامها في الرسالة..
حفظ رسالتها بكل كلمة وكل حرف..
كل ما تخيلها قدامه يسترجع كلمتها اللي يعرف إنها مستحيل تقولها بوجهه..
أبتسم على آخر جزء من رسالتها..
وهمس بصوت عتبان\ودامني هذا كله..
تعذبيني بفراقك ليه يا اطهر ذنوبي..؟؟

تذكر موقف صار له معها..
جننته بكلمتها وثقتها فيه..

كانت واقفة على سور البلكونة الخاصة بـ الملحق..
أنصدم لما شافها واقفة بهذا الشكل..
قرب منها مايبيها تحس بوجودهـ..
كان ناوي يمسكها قبل ترمي نفسها..
خاف تكون هذي محاولت إنتحار..
أنتبه على جسمها يتحرك بجهته..
رفع يدينه ولمها له بقووة ومنعها توصل الأرض..
ناظرها مصدوووم من تصرفها..
ولاحظ إبتسامة باهتة على وجها..
نزلها على الارض معصب وناوي يعاقبها..
غازي بغضب\ليش رميتي نفسك بهذا الشكل..؟؟
هديل بهدؤ\لأني واثقة إنك راح تمسكني..

صدت عنه بعد كلامها ورجعت القصر..
وهو ظل واقف بمكانه كلمتها له جمدته..
تثق فيه..
يعني ترتاح بوجودهـ..
تثق إنه موجود دائماً عشانها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

ودي ادري هي حياتي إختياري..
أو اختيارك..
ودي انسى..
ليلة وعدك..انسى وعدك ما احبك..
وش يضرك لو أخونك مرهـ..
واختارك عليك..؟؟


خجلانة منه كثييير..
من اول ماوصلوا ماليزيا وهي تبكي وتنهار..
فقدت الشايب وكأنها فقدت أبوها من جديد..
عدلت ملابسها وقررت تطلع وتتكلم معه بهدؤ..
بتطلب منه يرجعها السعودية..
زواجهم غلطة منها ومنه..
ناظرت بجوالها وأنتبهت على إتصال مرام..
قفلت الخط ..
وأتصلت على أمها..

ام خلود\هلا والله..
خلود بغصة\هلا يومه..كيفك...؟؟
ام خلود\الحمدلله حبيبتي..أنا بخير ..
وأخواتك واخوك طيبين..
طمنيني عنك يا بنتي ..
خلود\الحمدلله..
بارجع لكم قريب..
ام خلود\ليش يومه ترجعون..؟؟
خذوا وقتكم وتعرفوا على بعض..
شهر العسل مابينعاد..
خلود\أنتي تدرين إن زوجي ماهو شايب..
وهذا غش وغدر..أنا باطلب الطلاق منه..
أنتي أمــي ومهما جرحتيني مالي حق أعاتبك..
خدعتيني معه ومع خالته..وتظلين أمي وتاج راسي..
أنا راجعة يومه..
ام خلود بحدة\خلووود..
لاتجنين على نفسك أكثر مما جنيتي..
يومه انتي يحق لك تعيشين وتفرحين بحياتك..
أذكر وانتي اكيد تذكرين كيف أنبسطتي إنك راح تتزوجين الشايب..
بس الشايب كان يدري إنك بقرارة نفسك تدرين إنه شاب..
وقالي عن هذا الشيء..قال خلود تعرف بس رافضة تصدق..
يابنتي أنتي أخترتي تكملين معه حياتك..
سواء شايب أو شاب..ما احد خدعك ولا غدر فيك..
صدقتي وهم وحن ساعدناك تحققينه..
خلود بزعل\هذا ماهو كلامك..
ام خلود\إيه هذا كلام زوجك..
يابنتي الرجال طيب ولو ماكنتي تهمينه ماكان بيمثل عليك..
لو غيره بيقولون مجنونة ويهربون منك..
خلود تبكي\يومه ما ابيييه..
ام خلود بصبر\عطيه فرصة وعطي نفسك معه..
تعرفي عليه وعلى أخلاقه وطيبته..
إن ضايقك أو غلط عليك أجيك بنفسي واخذك منه..
يابنتي لا تهدمين فرحتك..
أنتي خايفة تفرحين معه وتعيشين مبسوطة..
تخافين لا تفرحين وابوك مات بحضنك..
يوومه الدنيا ماهي عامرة..
بكره كلنا بنشرب الكاس اللي شرب منها ابوك..
بنرجع لربنا اللي خلقنا..
وأنا ما ابيك ترجعين لربك وانتي قانطة من رحمته..
القنووط من رحمة الله ذنب ياروح أمك..
لنفسك عليك حق يا خلوود..لا تخلين نفسك تشكيك عند ربي..
الظلم ماهو زين حتى لنفسك مايصير تظلمينها..

قفلت الجوال من أمها..
ولاقدرت تتحكم بدموعها..
كلام أمها كله صح..
ماتبي تعيش مع مسفر عشان لا تفرح..
تبي تظل تعيسة وحزينة على طول..
تبي تظل بحداد على أبوها اللي مات مقتول..
مات ينازع بين يدينها..
ظلمتي نفسك كثير يا خلود..
لاتجنين على حالك..
لنفسك عليك حق يابنتي..
الظلم حرام لاتظلمين..

كتمت نفسها بـ القوة لما شافته يدخل الغرفة..
وقفت بسرعة تبي تهرب منه لدورة المياهـ..
قطع عليها الطريق ومنعها تمشي..
كانت منزلة راسها وكاتمة عبرتها..
أرتجفت بخوف لما حست بيدينه على خصرها..
كانت بتتراجع بخطواتها لكن منعها..
قربها منه لحتى لامس وجها كتفه..
نزل راسه وهمس لها..
مسفر بهمس\أبي أحس إنك معي..
من وصولنا ماطلعتي من الغرفة..
ما ابيك تتعبين من قل الاكل..
تعالي تعشي معي..
خلود بخوف\ممـ......مــ ــا اببي..
ببــ ـأنام..

رفع راسها له وعقد حواجبه لما لاحظ أثر دموع..
مسك يدها ودخلها دورة المياهـ..
فتح الماء وغسل وجها بيدهـ..
ظلت متجمدة من دون اي ردت فعل..
أخذ منشفة صغيرة ونشف وجها بهدؤ..

كانت ملامحها ناعمة وجميلة..
ولازالت آثار البكاء محفورة فيها..
لاحظ شفايفها ترتجف بخوف..
أبتسم بخبث وقرب منها أكثر..
وقبل يلمسها أبتعدت عنه وطلعت من دورة المياهـ..

خرجت من الغرفة وهي تتنفس بصعوبة..
جلست على الكنبة خايفة من قربه منها..
تعاتب نفسها ليش ماهاوشته أو ضربته..
صرخت بخوف لما جلس جنبها وحط يده على كتفها..
مسفر\هههههههههه بسم الله عليك..
كل هذا خوف مني..
خلود\ما انتبهت عليك..
إبعد عني..
وقفت بسرعة وهو مامنعها..
جلست بكرسي منفرد وعينها بعيونه..
مسفر بهدؤ\بدلي ملابسك وخلينا نطلع..
تغيرين جو ونتعشى مع بعض..
خلود\ما ابي اطلع..
مسفر يمط كلامه\وحتـــى انا ما أبي أطلع..
أبـــــي أظل معـــك تعالي جنبــــي..

شهقت ووقفت..
لا لا ما ابيه..إذا طلعنا احسن..
ما ابي أظل معه لحالي والله لأعلم امي عليه..
خلود\وويــ وين بنطلع..؟؟
مسفر يبتسم\بنطلع وبس..
يــ الله لا تتأخرين..

دخلت غرفتها وقفلت الباب بس ماكان فيه مفتاح..
شاله بعد ما حبست نفسها في الغرفة..
بدلت ملابسها بسرعة واخذت عبايتها وطرحتها..
خجلت تطلع قدامه في ملابسها الضيقة..
لبست العباية في غرفتها قبل تطلع..

أبتسم لها برضى..
مسفر\خيبتي توقعي..
ظنيتك نمتي وطنشتي..
عقدت حواجبها..
وهي تدرك إنها خيبت ظنون نفسها..
لو كان تقربه منها صار قبل لا تكلم أمها..
كانت بتهاوشه وتطلب الطلاق..
راح لها بسرعة لما شافها تتراجع في خطواتها ..
وناوية ترجع الغرفة..
مسك يدها وطلعها من الجناح..
وهو يدرك إنها تحارب إحساس الخذلان اللي تملكها منه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛