06-09-2018, 10:38 PM
إمّا يدفيني : وصالك وإلا جعلي مادفيت
كلّ ماناديت : وينك ، صدني عنّك قساك
يا أرقّ انسان قاسي / كيف في حقي قسيت
من كثر صدمة عيوني في تغلّيك وجفاك !
كنت أشكّ انك حبيبي ذاك يوم اني سعيت
كيف قلبك طاوعك تترك مابنينا وراك
كيف كفّينك تدمّر ما بكفّينك ،بنيت
كيف كيف وألف كيفٍ صاحت بوجهك : وراك ؟
هو خطاي اني منحتك / أو خطاي اني وفيت ؟
كنت لك : حضن يدفّيك ويصارع لك عناك
صرت لي : منفى تشربني عنادك / وارتويت
كنت لك : صبح تسلّف نسمته من عطر فاك
صرت لي : ليل ٍ يكسّرني ./ ويبني ألف بيت
كنت لك : بستاان عطّر راحتينك واحتواك
صرت لي نار ٍ تحرّق راحتيني / وارتميت
أجمع الذكرى / شظايا ، وآتخيلني : معاك ..
وأتخيلني في حضنك من قسى بردي لقيت !
حضن : دفّاني وشتّت برد خضته في هوااااك
حضن : جمّعني وبعثر حزن عارم / واهتنيت
يادفى هالكون / ياكون الدفىء ماذا دهاك ؟
بسألك وأرجوك جاوب في بعادك وش جنيت
جيت لك : والبرد قارس وانت مستكثر دفاك
إمّا يدفيني : وصالك وإلا جعلي مادفيت
كلمات البحث
العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر