للبدو اهتمام خاص باقهوة خصوصاً في وقت الصباح وبعد العصر وكان قديما القهوة تكون عند الشيخ او أحد اعيان وكبار القبيلة حيث يكون لها التزاما مادياً و معنوياً ,
وفي أغلب الاحيان في بعض البيوت تكون والمه للضيف , ومما قيل في هذا الشأن قول دغيم الظلماوي :
الوالمة ياكليب عجل بصبه = والرزق عند اللي ينشي السحابي
وللظلماوي ميزه خاصه عن غيره ويسمى " براعي الوالمة " أي أن قهوته جاهزة على مدار الساعة ويقول دغيم الظلماوي :
ياكليب شب النار ياكليب شبه = عليك شبة والحطب لك يجابـي
وعلي أنا ياكليب هيله وحبه = وعليك تقليـط الـدلال العذابـي
وادغث لها ياكليب من سمر جبه = وشبة الي منه غفى كل هابـي
وعدة عن اللي مايداري المسبه = اللي يدور بالقصيـر الغيابـي
عن الطيب عده نازلا له بغبه = يضرب علي درب الخطا مايهابي
لا باطن الهلباج خطوا الجلبة = يا حلو خبط عصيهـم بالركابـي
أطمر لهم وأبدي سلام المحبه = لا جو على هجناً يديهم خرابـي
سلام أخلى من شخاليل جبه = وأحلى من السمن الجديد العرابي
مع كبشً مصلاح راسه نجبه = لا أدبـر الهيـن متيـن العلابـي
خطو الولد يوم الملاقي نكبه = يأتي علينا من حسـاب الزهابـي
وحتى ايش لو يلبس وبينن وجبه = معيرة على غضير الشبابـي
أنا لقيت الصبر يازين غبه = يرقيك رؤوس مشمرخات الهضابي
من لاصبر ياكليب في حكم ربه = هذاك يوم البعث ماله ثوابـي
يقولها اللي ما حسب المسبه = ولا عرقل الاجواد ببعة الهلابي
هذا هوى بالي وهذا مطبه = من قبـل مايسفـح علينـا الترابـي
ويقول خلف ابوزويد الشمري في مقبلات القهوة :
قالوا تسير قلت مامن فضا بال وقت على المخلوق مابه وناسه
قم سو يا راع المعاميل فنجال = كثر بهار الهيل يغذي عماسه
ويقول آخر في وصف الدله التي لا تبهر من الهيل :
الدلة اللي ماتبهر من الهيل = مثل العجور اللي خبيث نسمها
وكان البدو يسمون المجلس او الديوانية بــ القــهــوة و الـربـعـة وكانت القهوة في اغلب الاحيان تنساق اولاً
للناس دون ناس وفي هذا الشان قال الشاعر ذعار بن مشاري بن ربيعان :
يامكيف الفنجال خصص هل الجاه = راعي الجمايل قبل قن قموحي
صبه لمن هو تنثر الدم يمناه = يثني جواده عند راعي المدوحي
والثاني اللي ما توانى مطاياه = يضوي إليا سكة عليه النبوحي
وعنده لمن عوص النجايب تنصاه = ريف لهن لاجا الزمان اللحوحي
دب الدهر يضحك حجاجه لمن جاه = وقت المعاسر مايرد ما يزوحي
وباقي الرجال فحول نسوان و رعاه = ضباط مال و حافظين السروحي
وراع الردى ماأحد إليامات ينعاه = لا صار محروم جبات شحوحي
ويقول الشاعر هايس بن مجلاد من الدهامشه من عنزة :
قم سو ما يصبغ على الصين يا ذياب = بدلال يشدن البطاط المحاديب
احمس إليا من العرق فوقها ذاب = واستدن مايجذب عليك الشراريب
نجر يصيح من السكر تقل نعاب = يصبر على طول السنة بالمواجيب
وإليا أنطلق من ثعبته كنه اخضاب = وروس صبغ بكفوف بيض الرعايب
عده لمن قاد السرايا للجناب = له مفرس يشبع به الطير و الذيب
والثاني الي لا لفا بيته ركاب = قدام بيته مثل جزر القصاصيب
والثالث اللي لا غشا الزمل ضبضاب = يرخص بعمره دون زمل الرعايب
وباقي العرب يكفيهم التول لا شاب = قضابة المجلس حمير المشاعيب
اللي نهار الكون يفزع بمصلاب = أكبار الانفس ساهجين المواجيب
ومن المواقف التي حدثت في عهد آل رشيد بخصوص القهوة موقف الشيخ سودان الوبير وقال الشاعر عواد بن عويد الويباري
وكان حاضراً بمجلس طلال بن عبدالله الرشيد
ـ تستاهل الفنجان والموسمينا = اللي كفا الفنجال بحضرة زقيحان (1)
بحضرة طلال وسل حد السنينا = بين الرشيد وبين حضرن وبدوان
اللي خذا فوز على العارفينا = ولد الوبير اللي تقولون سودان
امجلس زلازل نجد والحاضرينا = في وسط شيوخ جالسين ابرزان
زقيحان :لقب طلال بن عبدالله الرشيد
وإيضا من المواقف قصة علوش بن ظويهر العنزي المتميز بمعرفة طعم القهوة الذي عرغ ان القهوة صايدة في مجلس الامير طلال بن عبدالله الرشيد ,
ويقول الذويبي
تستاهل الكيف الحمر يا بن وايل = أنت الذي تستـاهل الكيف كله
يللي نقدته وسـط ديوان حــايـل = لولاك يا علوش محدن فطن له
بدلال من يـجـعد صـقـا كل عايل = الضـيـغمي ريف اليدين المقلة
الضيغمي مردا المـهـار الأصايل = يا ما أنقطع بساقته من سجله
يا بن ظويهر مـا بها قول قــايـل = تستاهل الفنجـان لا جا محله
يا نــاقـد الدلال بحكـم الدلايــل = يا ريف هجن والمزاهــب مقلة
ربعك بني وايل مجاز القبـــايل = أهل الجموع الراسية والمظلة
زبن الدخيل اللي توطاه طايل = الجمع دونه والرمك مردف له
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف