كلنا ندري وش صار لصديقنا سرور
يوم تبدلت حياته وصار اسرع رجل بالعالم
ورغم المؤامرات عليه فاز باللقب
وما حب الشهرة واختفى بعدها
ظل العالم كله يبحث عن سرور
كل وسائل الإعلام المحلية والدولية
افردت نشرات وتقارير والسؤال كان
وين راح سرور
مضت ايام وشهور وسنين
وباقي البحث عن لغز اختفائه بشكل مفاجئ
في هذا الوقت كان عايش صديق سرور
متفائل بيوم يسمع فيه ان سرور عاد ورجع
ولا عمره يأس من عودته
قرر عايش يسوق سيارته الشاص
ويشيل غنمه معه
ما عادت الديرة زينه والصاحب مو موجود
مشى وتوكل الله وقال ان الله كتب لنا عمر وعشنا
وباقي سرور حي نلتقي به
بيوم من الايام طاحت عله (مرض) بالغنم حقت عايش
وصار كل يوم يموت راس او راسين
وش ذا البلا الي طاح في غنمي
في الديرة الي كان فيها نصحوه بطبيب يعالج كل شي حتى الغنم
راح له عايش وكان بالبر عايش بخيمته وعند غنمه
وهو مدرعم للخيمه تنطحه (يعني تصدفه وتقف بطريقه) حرمه
معها شوزن وتحطه بين عيونه وقف وقف وين رايح
عايش اختبص وضاعت علومه
هاه وش فيك يا بنت الحلال ابي الطبيب
ردت عليه الحرمه تبي المعالج ابو عطية
عايش :ايه بالله لو تكرمتي
الحرمه قلطت عايش بالمجلس والخادم يقهويه
عايش :طيب وين ابو عطية
رد عليه الخادم وقال بعد شوي يجي ان شاء الله
عايش وهو يتقهوى يسمع صوت كأنه قنابل
نط من مكانه ونقز الحرب الحرب غزونا الخماجات (الخواجات)
نظر ويشوف ان الوضع عادي محد تحرك وتكلم غيره
نظر فيه الخادم وقال له ترى هذا ابو عطية جاي بسيارته
وهذا صوت الشكمان خربان
عايش يكلم نفسه خير خير هذا من اولها كذا
وهو يهوجس يشوف الي جاي يمشي
وجدايل شعره تحرك يمين ويسار
قرب منه وعايش بدأت الصدمه وابتسم
لا اله الا الله
لا إله إلا الله
سرور
انت سرور
رد عليه ابو عطية :من سرور ذا يا ولد
وكانت ردة فعله طبيعيه ما يعرف عايش
عايش :اقسم بالله انك خويي سرور
ابو عطية:يا ابن الحلال انا ما اعرفك ولا اعرف سرور
الي تقوله
عايش :اقسم بالله انك خويي سرور
ابو عطية:يا ابن الحلال انا ما اعرفك ولا اعرف سرور
الي تقوله
عايش بدأ الشك يدخل بقلبه
هذا الرجل يشبه خويي سرور لكن
لو انه سرور بيعرفني على طول
وش له ينكر انه سرور
ابو عطية :خير يا الاخو وش عندك
عايش :يا طبيب غنمي طاحت فيه عله
كل يوم راس او راسين يموت
ابو عطية :طيب بسيطه بعطيك عشبه
اخلطها بالماء زين وشربها لغنمك وبعون الله
انها تطيب وترجع مثل اول
عايش :طيب كم حقها (بيعطيه فلوس)
ابو عطية: لا يابن الحلال انا ما آخذ فلوس
دعواتك الطيبه تكفيني
عايش :الله يجزاك خير ويكتب لك الاجر
راح عايش للغنم وجلس يومين يسقيها العشبه
فعلاً الغنم راحت علتها وطابت من المرض
عايش :عز الله انه طبيب ولزوم ارد له الجميل
راح عايش واخذ تيس من تيوسه الزينه
قاصد ابو عطية بيتعشى عنده
شال القدر والذبيحة جاهزة وخالصه
وصل لخيمة ابو عطية
عايش :يا اهل البيت جاكم ضيف
طلعت له الحرمه هلا بك وحياك
بس وش هالقدر الي معك
عايش :هذا شي بسيط ارد به جميلة ابو عطية علي
الحرمه :اقلط حياك الحين يجيك ابو عطية
عايش :وينه ابو عطية
رد عليه الخادم :ابو عطية راح للوادي
والحين يجي
عايش :وش عنده بالوادي بهذا الوقت
الخادم :مدري اذا جاء انشده يمكن يعلمك
عايش :يعني ما تدري وش عنده
الخادم :لا والله ما ادري ولا احد يدري حتى
عمتي ام عطية ما تدري
عايش :زين زين ان شاء الله يجي بس وما يطول
بدا النوم يغلب عايش وما حس بنفسه الا وهو بعز النوم
واحد يصحيه قوم يا رجل قوم يا رجل
عايش صحى من نومه مفجوع
يفتح ويدور يمين ويسار الا وهو عند بحر
وين خيمة ابو عطية وين الغنم ووين القدر والذبيحة
شك انه بحلم وانه ما صحى
والرجال الي صحاه من نومه ينظر فيه
وش فيك يا الطيب
عايش :هااه وين راحت الخيمه والغنم والقدر
رد عليه الرجال يابن الحلال انت لك يوم ونص مغيب
نحاول نصحيك ولا صحيت الا الحين
عايش: هااه لا لا اكيد هذا حلم
الرجل :لا والله انه علم
ويصكه بذاك الكف الي خلاه يطيح بالارض
عايش :يا قدرة الله وش ذا القوه الي فيك
خلاص علم علم
بس وين لقيتني ومن وين جبتني
يسلموا ياغلا
على هيك شيء جميل
وهذا ما عودتنا عليه دوماً
ربي يسعدك ولا يحرمنا من مواضيعك الجميلة
في انتظار جديدك لا عدمناك
لك جل تقديري واحترامي
كنت هنا
الفؤاد
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
سلسلة قصص سرور..الجزء السادس (حصريا)
العرض العادي
