تعالوا بسبحن عليكم .. تعرفون اسبحن ..
يعني بحازيكم او اقص عليكم قصة
مدري وش هي ..
هنا هاك الواحد والواحد الله في سماه العالي ..
آخر موقف ماآصاآر لي ـأإنا .. لا
صاآر لواآحد من ـأإلربع ..
يقول صليت في ـأإلحرم صلاآة ـأإلعشاآء وطلعت
راآيح للسكن .. المهم يقول وانا أمشي
ألآ ذيك الحرمة مسيكينة من اللي في مكة
من اللي يربطون عيالهم وراهم بنفس الثوب اللي هي لابسته
مدري وش لون يسوونهاآ ياآحليلهم ..
يقول وانا أمشي على الرصيف وهذي قدامي ووليدها نايم
ومغمض عيونه يعني
ويسعبل ورقبته ملفوفة ضعيف ..
يقول قلت في نفسي مسكين هالوليد لا تنكسر رقبته ..
مد يده يبي يعدل رقبت الولد
وفجأة أثر الولد موب نايم ابن اللذينا صاآحي وهو يعض اصبع خوينا .. يقول
لعنبوه مدري وش لون عضني ..
يقول وتلتفت امه علي وتمسكني
يقول عاد امه دبا مرة من الوزن الثقيل ..
يقول وهي تمسكني بوسط الشارع
وتقعد تصايح :
هرآآآآمي ... هرآآآآمي ... يعني حرامي حرامي ..
يقول ويجتمعون الناس علي .. واقعد اتصبب عرق وانحرج يلعن هاك الموقف
يقول قلت نعنبوك من بيسرق ولدك هذا .. هذا بذمتك احد يسرقه
يقول ابفهمها عيت تفهم وتقتنع
المهم شوي يقول الا وجت الشرطة ..
وقامت تعلمهم تقول لهم ان هذا يمشي وراي من اليوم يبي يسرق ولدي
يوم ناظروا شكله كشخه ولابس بشت وحركاآت عاد هو يشتغل مع الشيوخ
الكبار ..
ضحك العسكري قال هذا اللي بيسرق ولدك ..
قالت ايوااا يوسرووقوو <<< بلهجتهم
قال خلاص انتي روحي وحنا نشوف شغلنا معاه ونوديه القسم ..
المهم انها راحت .. وقاموا الضباط يسألونه عن السالفه .. يوم علمهم
فطسوا من الضحك عليه ..
خوينا خلاآأص تاآب عقب هاك الموقف انه يسوي معروف في احد
يقول عساآها تنكسر رقبته ورجليه بعد ماعليه منه ..
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
قصة حلوة وتموت من الضحك
العرض الشجري