اشرب صبر

اشرب صبر

اشرب صبر ويغص ف البال تفكير
زحمة مشاعر كابته في ضلوعي

والهم يلفي ضمن جملة مسايير
ضيف ثقيل الدم شين الطبوعي

احاول اخلق في وجوده معاذير
ياكود تنفع مير ماهوب طوعي

احس روحي كن فيها مسامير
والرجل تثقل في نزول وطلوعي

زادت حمولي في القياس ومعايير
ماعدت افرق بين شبعي وجوعي

ياشامخه في قامتك كالمغاتير
ياحادبه لظهرك لى حد الركوعي

دنيا بها احتار الغنا والمخاسير
واحتار فيها كل جشع وقنوعي

الوصف خان والصور والتعابير
ماتنوصف ادري بحال الجزوعي

لو صوروها وابدعو بالتصاوير
او لبسوها ثوب مابه رقوعي

بعض الكسر ماينتفع به مجابير
لو اجبروه من الرسغ لين كوعي

وسط الجبيره تكسر العظم تكسير
لان وقسى مثل قمع الشموعي

انشد عن رياح الفلا والاعاصير
وشلون هبتها سيلت لي دموعي

الورقى انشدها و حتى اسئل الطير
يومه بكا من حزن همي ولوعي

والحين تصبح وتمسي على خير
ي ناوي بقطف الفرح من زروعي

الموضوع الأصلي: اشرب صبر || الكاتب: فارس الشهباء || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر