دام الحشى بيتها وآنا مدلّعها …

الجادل الّلي يمرّ القلب شارعها … بين الحنايا تعدّي ماتطالعني

تقفي مع الدم بعروقي وأتابعها … وأحسّ كنَها على نفسي توزّعني

قامت تبعثر غلا وإن جيت أجمّعها … أضمّها وآتشتّت لين تجمعني

بين الحنايا تثنّى في مرابعها … كنَها تقول آتحدّى من يطلّعني

دام الحشى بيتها وآنا مدلّعها … وش دخّل القلب يزعل يوم توجعني ؟

وليا خذا رمشها رَجلٍ يطالعها … لعلّ رمشٍ خذاني مايرجّعني

عيونه جيوش والنظرة طلايعها … غارت بصدري وجاز لسيفها طَعني

ويوم أنكفت لين قلبي من قلايعها … والصبر عن خافقي ماعاد ينفعني

مدهالها القلب وعيوني مراتعها … أموت فيها وهي للريح تزرعني

ريحانتي والغلا بالقلب زارعها … تشرب عروقي وترواني وتشبعني

كان النحل من رحيق الورد مشبعها … وأنا شموخي من أحلى شيّ جوّعني

وليا تعانق خجلها مع تواضعها … عانقت ليلٍ على مسراه شجّعني

لو يِنسري ليلها سريت بايعها … بَشَرْ .. ولا الله عن الزلّة مرفّعني

وأصبحت من عقب ماني ضدّها .. معها … إن ضاعت آضيع .. وإن دلّت تسنّعني

للجادل الّلي شراييني شوارعها … القلب يقتادني والنفس .. تمنعني


الشاعر ضيدان بن قضعان

أتمنى أن تنال على رضاكم
ولكم ودي ومودتي

ياسمين ,سندريلا ,سهام الروح و 4 آخرون معجبون بهذا

ملامح طفله ,ابو خليفه ,حلا ,الزين كله

الموضوع الأصلي: دام الحشى بيتها وآنا مدلّعها … || الكاتب: لـولـو || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر