انا بطبعي الوفاء بس في الحب خوان للكاتبة هايدي فتاة صحراء

في بيت ام ياسر
جلسين في الحديقة يتكلمون عن تجهيزات العرس .. الحناية بكره بتجي لمياء زعلانه انه في ما راح تجي قال لها ابوها لا تزعلين الله يهديها
خالد بحنان : حبيبتي لمياء لا تزعلين .. ان شاء الله انها تجي .. راح أحاول معها بس هي ماردت علي ...
لمياء: ان شاء الله .. أي يمه بكره راح يكون البيت مليان من أهلك .. واهل ابوي طلبتي بوفيه جدتي سافرت الرياض
ام ياسر : أي حبيبتي لا تخافين كل شيء منظم ومرتب لا جدتك موجود هنا في الفندق قلت لها تعالي عندي رفضت
لمياء : أي الحمد لله أصلا انتِ يمه تنظمين كل شيء اكيد ما راح أحاتي بس اسأل ..الله يهديها جدتي تستحي بالحيل
خالد متضايق لانه زفت سكرت جوال في وجهه بس انتبه الاشعارات الواتس اب من مي دخلها بسرعه كانه حاس بمشكله جاي في طريق .. كتبت له انا ما سكرت جوال بوجهك قاصده لا بس امي سمعت كلامك والحين جاي بيتكم بـ تسوي سالفة تكفى ... خل أمي هدى لا ترد عليها كل مني حطيت جوال سبيكر وجات وسمعت اوف
خالد سمع الجرس يضرب قال اكيد هي : يمه ترى اللي يضرب الجرس مرت عمي وجاي تهوش
ام ياسر : ليه ان شاء الله
خالد توهق : لانه اسمعت مكالمتي مع مي وقالت له اني بتزوج واكيد جات تبغى مني اطلق بنتها
ياسر : ليش تقول لزوجتك هـ الكلام وانت جاد انك بتزوج الثانية
خالد بعصبية : اوه منك .. ي ياسر وقت أسئلة الحين .. بعدين بجواب عليك الحين وش اسوي معها
ام ياسر بحده لانه عرف خالد ما راح يسكت : اسمع روح دخل وانا اتفهم معها زي يلا تحركوا حتى انتِ ي لمياء ... بـ فعلاً ادخلوا داخل
ام ياسر : مين ع الباب ..
ام نواف بعصبيه : انا افتحي الساعة كامله عشان تفتحون الباب .. دخلت ... تعالي ي مي وش فيك خايفة
ام ياسر بهدوء : كانا داخل مسمعنا الجرس المهم حياك الله ادخلي ليش واقفها عند الباب
ام نواف بغرور : انا مو جايها عشان تقهوى .. انا جايها ابغى ولدك يطلق بنتي
مي انصدمت توها تقول .. ما راح أقول : يمه وش هل كلام انا ما ابغى اطلق
ام نواف بعصبية : مو ع كيفك انا صلا ما بغى بنتي تكون زوج لواحد من عيالك ... لو سمحتي نادي ولدك وخليه يطلق بنتي
ام ياسر تنهد بهدوء: شوفي انا العيال ما ادخل في حياتهم ... وهـ الشيء راجع لهم ... واذا مي تبغى طلاق تتفهم مع خالد ... وهم ما صار لهم الا 4 أيام متزوجين تبغينهم يطلقون
مي : لا يمه انا ما ابغى اطلق ولا شيء بس امي .. جات معصبه .. بكذبة لأنها اسمعت كلام خالد هو يمزح معي
ام نواف بعصبيه : طسي بالي ما يحفظك ان شاء الله بس والله لو تجين ... تتشكين .. راح اعلمك ذاك ساعة
مي فيها البكيه ... بس ما تبغى تنزل دموعها قدام أمها : ان شاء الله يمه وانتِ تدرين اني مستحيل اجاي اشتكي عندك
ام نواف : بطقاق جعل يتزوج عليك عشر مو وحده ...انا لغلطانه اللي جايها ادفع عنك ... طلعت وهي تسكر الباب بقوة
*
*
*عند خالد راح يجي ... أتوقع زفت .. مي راحت تشكى عند أمها والله لا ارويها كيف ... ياسر صعد غرفته يرتاح .. واكيد مي بتجي الصالة ما يبغى يحرجها
لمياء: خلاص خالد اجلس امي بتصرف معها ... وانت من صدقك .. تبغى تزوج عليها ليه ما خليتها تروح في حال سبيلها لما بغى نايف
خالد بعصبيه غير معهود منه: نايف نايف ... ترى طقت كبدي ... من هـ لي أسمه نايف هي لي انا.. بس راح اتزوج عليها وبكيفي
لمياء ارتاعت من عصبية ... ول كبريت : انا وش علي منك ...بس لاتصرخ علي روعتني ... راحت المطبخ ... تشرب مويه ... والله خالد انجن وبقوة بعد
انا كنت غلطانها لما قلت انه يحبها اشوف الكره في عيونه حرم عليك مسكينه مي حتى نادر اللي قلت بـ ينتقم من رحيل شفت الحب في عيونه لما راحت اودي أغراض ناصر بس فيه شويت حزن ي ترى وش فيك ي نادر ي ليت اقدر اساعدك
*
*
خالد انزعج من نفسه لما صرخ ع لمياء.. راح لها المطبخ شافها تشرب مويه احدث صوت عشان ما ترتاع
لمياء لفت عليه زعلانه منه : باقي بعد شيء تبغى تقول لي
خالد ابتسم : لمو حبيبتي انتِ والله اني كنت معصب لانه أمها جات هنا وتهدد بعد اسف لا تزعلين مني
لمياء تحس اخوها مو عرف كيف يتصرف مع مي : ي خالد انا ما زعلت منك زعلانه عليك ليه انت لما اعرفت انه ناصر طلقني قمت انت ونادر رحتوا له وضربتُ ضرب بس لانه طلقني .. وانتُ مو فاهمين سالفة ... الحين انت تظلم بنت الناس معك حتى لو كانت بنت عمك ما لك حق تظلمها وع فكره .. ناصر ما ظلمني معه وانا للي طلبت طلاق هو كان رفض لانه تزوج علي
خالد انصدم يعني حنا ظلمنا ناصر يا الله : ليه ما تكلمتي ما قلت شيء لية تزوج عليك وش سبب
لمياء : ما دري بس عجبني وقفتكم معي ... بس لما صحيت .. ع نفسي .. قلت لازم أقول .. الحين مو مهم هـ السالفة زي ما انت بتوقف في وجه أي احد يعترض اخواتك حتى مي اخوانها نواف وصقر ما راح يرحمونك .. اذا نزلت دمعه من عين اختهم
خالد تضايق هو ما يبغى احد يعرف بمشكلهم بس هين ي مي راحي عند امك تشتكين اجل: طيب ان شاء الله تنحل مشاكلنا ... تعرفين بداية الزواج لازم فيه مشاكل
لمياء : الله يوفقك يارب ويسعدك مع مي
خالد : امين .. ها سامحتيني
لمياء ضحكت : قلت لك ما زعلت منك بس اريحك أي سامحتك
خالد ابتسم : فديت اختي ي الناس قلبها حنون ي حظ محمد فيك
لمياء ابتسمت لها وسكتت لانه انحرجت من اخوها
ام ياسر تنادي ع خالد ولمياء : تعالوا وينكم ...
خالد لمياء طلعوا من المطبخ يضحكون : نعم يمه امري
ام ياسر : ما يأمر عليك عدو ... أقول خذ زوجتك روح فوق ...مره الثانية ان تكلمت انك تبغى تزوج ... روحوا تزوج بس اترك مي ... بيت أهلها ... وخلها تروح في حال سبيلها
مي دخلت الصالة واقفها جنب ام ياسر تبغى تروح غرفتهم ما تبغى تًواجهه مع خالد بس لازم مواجهه معه تسمع كلام مرت عمها حتى انتِ ي مرت عمي تبغيني اترك خالد ليه
ام ياسر حست باللي تفكر فيه مي : لانه مي مثل بنتي ما رضى عليها بشين سامع مو أمها راح توقف في وجهك انا .. يلا اخذ زوجتك روحوا ناموا بكر ورنا شغل انتِ لمياء بعد روحي نامي ... ورتاحي بكره راح تتعبين من الحناء
لمياء : ان شاء الله يمه ... أي نسيت اقولك يمه بتصرين جده
ام ياسر : بصير جده بـ استغراب مي حامل
خالد بوقحة : يمه مسرع تونا متزوجين ما أخذنا لنا أسبوع
مي انحرجت من كلام ام ياسر وخويلد سخيف وقليل الادب وقح
لمياء ابتسم : لا يمه نادر بـ يصير أبو لما كنت عندهم بشرتني امي مها
ام ياسر بفرحه : الله يبشرك بالخير راح يصير عند طفل الله ان شاء الله تولد وتقوم بسلامها الله يسهل عليها الحمل
خالد ابتسم : اوخص ي نادر بتصير أبو قبلي للأسف اصغر مني بـ يصير ابوي ما صير ظلم
ام ياسر : الرزق من عند ي خالد ولا تحسد اخوك وش قلت انا يلا كل واحد ع الغرفة النوم يلا ولا تزعل مي ي ويلك مني
لمياء : طيب الحين بصعد فوق ... لمياءطلعت فوق ع طول

خالد : أي الله يتمم عليهم هـ الحمل ...قرب من مي مسكها من يدها بتملك باس راس أمه ان شاء الله يمه .. ما راح اعيدها كل ولا ازعلك
مي توترت من قربه تبغى يبعد عنها
صعد خالد وهو مسك يدها ومي تحاول تفك يدها لا ضغط عليها وبقوة : اجل راحتي قلتي لـ امك انتِ تهددين بأمك
مي طنشيه ولا كانه يكلمك توه من شوي يسوي حاله عند امه الحين يتفرعن عندي
ادخلوا الغرفة خالد فك يده منها : طنشي .. والله لو تجيب العالم كله راح اتزوج يعني راح اتزوج
مي بهدوء: انا قلت لك لو تبغى تزوج عشر من الحين بعد من ماسكك محد بس انت تتكلم عشان تقهرني ..شوف حبيبي انا مي ... ما نخلقت عشان أكون منذلها لا حبيبي ...تبغى تزوج روح تزوج انا مو مفكره فيك سامع
خالد يحاول يضبط اعصابه: يعني عادي عندك اوك خلاص بس نمشي من هنا راح ادور لي ع عروس .. أي بعد .. مشكلنا ما تطلع برا سامعه
مي تنهدت : كم مرة قلت لك مو انا قلت لها هي سمعت مكالمتك وانت فرحان انك بتزوج علي
خالد : طيب راح صدقك هـ المره بس والله اذا سمعت انك تكلمين في اسرارنا علمتك كيف .. تركها راح حمام انتُ بكرامة ... مي راحت الحمام الثاني ... توضأ عشان تصلي الصلاة الليل طلعت من حمام انتُ بكرامة .. كبرت وصلت ..
خالد اخذ له شاور يبغى يريح اعصابه .. والله لو امي ما رفضت اطلع ... لـ مرت عمي كان علمتها كيف ترفع صوتها ع امي لا بعد جاي متهجم علينا الحمد لله انه ابوي مو هنا ولا كان صارت مشكله كبير .. فديتك يمه دايم تحلينا مشاكلنا ... حتى حنا اكبار
خلص من شاور لبس ملابس توضأ للصلاة الليل
عند مي قلت دامه .. نام معي في الغرفة الثانية ليه ترك هـ الغرفة واسعه مريحة... هو بعد قفل الغرفة ما عندي مفتاحها انسدحت مكانه ناوي شر هههههه .. سمعته طلع من حمام سوت حالها نايمة
خالد شافها نايمة في مكانه هين خليني بس اخلص الصلاة .. كبر وصل
مي فعلا نوم تسلل لعيونها غفت شوي الا خالد واقف فوق راسها بصرخ: قومي من مكاني بسرعه
مي ارتاعت : بسم الله الرحمن الرحيم اوف يعني ما نام لازم فيه هواش قبل لـ أنام ... روح الغرفة الثانية مو لازم تنام هنا ي أخي مو طايقتك ..ما بغاك تنام معي طلع برا الغرفة
خالد بحده : عاد انا اللي طايقك هيه انت انا مو اخوك انا زوجك سامعه أي والله .. اسمعي قومي من مكاني بسرعه وهـ الغرفة حقتي سامعه قبل لا اشوفك
مي تقهر اكثر : ما راح أقوم روني وش بـ تسوي يعني
خالد بخبث نفض الفراش خلها تدحرج الجهة الثانية جلس مكانه وهو يضحك : هذا اللي بسوية مره الثانية لا تنامين مكاني
مي جاتها دوخة من حذف لها بعصبيه : انا برويك ما راح انام راح طفشك الين الفجر
خالد بعصبيه حذف المخدة عليها طير كشته لها: طسي نامي ابارك لك ولا ارويك شغلك
مي ميت ضحك عليه بس بصمت احسن زي ما قهرتني اقهرك ههههههههههه اخذت البطانية وتلحفت وخالد شده لاحول ولا قوة الا بالله ناوي هواش هو طنشيه ونامي بس فعلاً غمضت عيونها وراحت بسابع نومه
اما خالد جالس يفكر ... وش راح يصير اذا تزوج هل فعلاً مي راح تتركه مثل ما اخته تركت ناصر

ليلة الحناء في بيت أل أبو محمد اليوم الأربعاء
سعاد اخذت لها شاور ارتاحت اعصابها متوتر لانه عامر قال اخر شيء بعد قرارها انه لازم ينفصلون كيف تبلغ أهلها امس ضلت تبكي الى الفجر بس هي
ما تبغى كذا صح ما تحب عامر بس انه يوم قرب زواجهم قال خلاص ليه طيب .. تذكرت قبل اليوم .. لما قلت لها قرارها
سعاد : قراري انا ما بغى طلاق الحين ... تبغى الناس تكلم فيني .. معليه انتظر شهر شهرين بعدها طلقني
عامر بعصبيه غير معهوده منه : خلاص ي سعاد طافح الكيل منك انتِ ما همك الا الناس وانا بطقاق اللي يطقني في حريق ... متى تحسين انا ابغاك انتِ ابغى تحبين زي ما انا احبك
سعاد رتاعت : وش فيك كلتني بقشوري .. انت تدري اني ما بغاك ... بس بعد حركتك لي سويته ... كان قلت لك طلقني
عامر خلاص وصل حد منه : اوكي الحين انا عند المحكمة ورقة طلاقك بجيك ليش كمل معك نلعب حنا متى ما بغى حضرت جنابك قلتي طلق لا ... بغصة للأسف انا احبيت لي وحده قلبها اسود سكر تلفون وفي وجهها
جات ام محمد : يلا حبيبتي ترى الضيوف وجد ما شاء الله سماعات شغلها تعالي شوفي الصالة كيف صارت بعد ما زينها .. يلا قومي خلي الحناية تحنيك
سعاد امسكت الجوال شافت عامر رسل لها خلاص ي سعاد ...
سعاد انهارت تبكي : يمه خلاص انتهى كل شيء
*
*
*
يتــــــــــــــــــبع