ياكثر حبي لك

بأول دروب الـغـلا والقـلـب يـادوبه
تاهت خطاويه لين الشوق صاحبني

اقفيت واقفى وكل ٍ راح من صوبه
ان عاد ياشينها وان راح ياغبني

عـقـلـي وقلبي وكلي منجـذب صوبه
من غير ما اسأل وش اللي فيه يجذبني

فـيـه الاجابات مرســومه ومكتوبه
حـتـى بـســلـهـامته كـنـه يجاوبني

والضحكه اللي مع الاحزان مصحوبه
تـرســم لـي الـذكـريـات اللي تعـذبني

عـقــول الاحـبـاب لو برقت مسـلوبه
ظـنـيـت فـيـهـا وظـنـي مايـكـذبــّنـي

صاحـبـك ياصاحبي مازال عـذروبه
اليا هـدم غـيـره صروح الغلا يبني

كان الـغـلا ذنب يابعدي عن التوبه
ياكـثـر حـبــي لك الله لا يعـاقـبـنـي

وان كان بالناس منسـيـّه ومحسوبه
هـاك المحـبـه ولـو غـيـرك يعـاتـبني

راضي بحـبـك وراضي باكبر ذنـوبه
لا صار ذنب الـغـلا صوبـك يقـربني

والكلمه اللي من اقصى القلب منهوبه
جـنـبـت عـنهـا وعـيـّت لا تـجـنـبـنــي

ماظـنـتــي فـيـه نـوبه غـيـر هالنوبه
امـلــى عـيــونـي بشــوفـك يامتعبني

ان عشت لك قلبي اللي تاهت دروبه
وان مت يغـفـر لي اللي فيك حببني

نايف المطيري

الموضوع الأصلي: ياكثر حبي لك || الكاتب: محروم || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر