ودي انسى
ان قلبي كان مرسى ..
ترمي اجْروحك عليه .. كل ما مريت فيه
بعدها ترحل وتقسى ..
ودي أنسى ..
♥♥♥
كان هالشارع ظلام
وكان بالسكة رصيف ..
دايمٍ تجلس عليه ..
كنت أشوفك من بعيد ..
حاير بصمتك وحيد
وكنت ألمح بالسما دخان طاير ..
من غيومك …
واتحسّس فوق خدي دمع حاير ..
من همومك …
تبتسم صوبي تنادي ..
لي تنادي ؟
ما أصدق .. لي تنادي ؟
وليه تنادي ..
وانت ناسيني وغادي ..
ودي أنسى ..
♥♥♥
ودي انسى ...
اني في ليلة بكيت ..
يوم جيتك مادريت
انك تنادي علي ..
لجل تسألني عليك ..
عن عيونك .. عن جنونك ..
عن ألم جرّح جفونك ..
عن حبيبة قلبك اللي
للأسف كانت تخونك ..
ودي أنسى
♥♥♥
ودي انسى ..
ان قلبي كان مرسى ..
ترمي جروحك عليه
كل ما مريت فيه
بعدها ترحل وتقسى ..
ودي أنسى ..
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف