08-03-2017, 08:25 AM
ارسل عليـك ولا تـرد المراسيـل
خليتني مـا بيـن شكـة وريبـه
أتعبت حيلي لين ما عاد أبي حيـل
ترا الهوى بالطيب ما هو غصيبـه
صدّقت في صاحبك هرج العواذيـل
عوايد العـذال مـا هـي غريبـه
انفوسهم واقلوبهـم كنهـا الليـل
الحقـد لاقيلـه ديـارٍ خصيـبـه
ياكثر ما عنـد العـواذل مواويـل
أحيان تخدعنـا النفـوس الكئيبـه
اللـي يحبـون العنـى والبهاذيـل
والتفرقة بيـن الحبيـب وحبيبـه
واللي تبعهم ما يحصل محاصيـل
يبعـد ولا يلقـى دروبٍ تجيـبـه
يبطي ودمعه يمسحـه بالمناديـل
ويلوم نفسـه ليـه هـذا نصيبـه
أخترت أكون أنسان ما يبخس الكيل
يوفـي ودورات الزمـان تغديبـه
يعني هذا جزاي يوم أعـدل الميـل
تزعل بدل مـا صاحبـك تقتديبـه
خليتنـي قدامـك مـن العراقيـل
الصدق والمعروف عندك مصيبـه
وآخر زمانك رحت راعي محابيـل
ما ني بخابر فيـك نمّـه وغيبـه
مسموح لـو جازيتنـي بالغرابيـل
لو كان نفسي منك تبطي صويبـه
قلبٍ هواك وذاق من كفـك الويـل
دورت ما حصلت به غيـر طيبـه
كلمات البحث
العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر