رواية يدري أني ما أقاوم ضحكته و يدري أن اسباب ضعفي نظرته
البارت الاول
الجد (سالم)
الأبناء
أبو إبراهيم (فهد).... أبوخالد (إبراهيم).... أبو وليد (سعد).... أم بندر (عايشه)....خوله
.................................................
1.عـــــائـــــلـــــه أبو إبراهيم (فهد) أم إبراهيم (ميثه) بنت عمه أخت ابو بندر زوج عايشه
أبنائهم::
إبراهيم (29 س) متزوج من سلمى بنت عمه لهم خمس سنين متزوجين بس الله ما رزقهم بالاولاد نجود (27س) متزوجه من صالح صديق ابراهيم اخوها لها 9 سنوات عندها 3 تؤام (محمد . أحمد . حمد) ساكنه في جده منى و منال( متوفيه) تؤام (25 س) : بس منال متوفيه من 5 سنوات وعندها ولد أسمه طلال عمره تقريبا 6 سنوات منى مربيته ^_^ فيصل (24س) سالم (23س) سمر (20س) ............................................
2.عـــــائـــــلـــــه أبوخالد (إبراهيم) أم خالد (مهره)
أبنائهم::
سلمى (26س): متزوجه من ولد عمها ابراهيم لها 5 سنوات خالد (25س) فهد (23س) فرح (21س) مملك عليها محمد ولد عمها رغد (9س)
3.عـــــائـــــلـــــه أبو وليد (سعد) زوجته الأولى (حمده) عقيم الله ما رزقها عيال بس عيال صيته مثل عيالها ولا يفرقون بينها و بين أمهم ..... زوجته الثانيه أم وليد (صيته) هي أخت مهره زوجة أبو خالد
أبنائهم::
وليد (32س): متزوج ثنتين الزوجه الاولى (حصه) عندها (ساره (8س).... سعود(6س) ).... الزوجه الثانيه (مها ) عندها (سعد (7س)....ناصر(4س) ) محمد(25س) مملك على فرح من سنتين ناصر(22س) ليالي(22س): توأم ناصر
4.عـــــائـــــلـــــه أم بندر (عائشه) أبوبندر(عبدالله) متوفي و يصير ولد عمها و أخو ميثه
أبنائهم::
بندر(30س): مطلق عنده بنت اسمها شوق(7س) ميثه (24س) ملك عليها خالد مي(20س)
.............................................
5. خوله (26س)
أصغر عيال الجد سالم بس من زوجه ثانيه توفت بعد فتره من ولادتها
...................................
الجد (مزنه)
أبنائها:: أبو بندر(عبدالله)......ابو عمر(عبدالكريم)......أم ابراهيم (ميثه).....أم سلطان (فضه)
1.عـــــائـــــلـــــه أم سلطان (فضه): مريضه بالقلب
أحمد الأب مطلق فضه من 22 سنه تقريبا
أبنائها::
سلطان (25س) عذاري (23س) (عذاري و سلطان يصيرون اخوان عيال خالتهم ميثه بالرضاعه ^_^)
هذي العائله عائلة عبدالكريم وجودها ليس أساسي ولا تذكر كثيرا في القصه للعلم فقط ^_^
2. عـــــائـــــلـــــه أبو عمر(عبدالكريم):يشتغل بالسفاره السعوديه بسوريه أم عمر(نوف): سورية الاصل
أبنائهم::
عمر (24س) لمى (22س)
-----------------------------------------
"في بيت أبو إبراهيم "
سمعت رنين جرس الساعة ومدت يدها تغلق ذاك المزعج الذي تعود الرنين دائما بنفس الوقت 8 صباحا ..
امسكت بعكاز الاعاقه لتستطيع الوقوف واتجهت لدولابها فتحته وتأملت ما فيه هاهو معلق منذ 5 سنين بين طيات ملابسها المهمة والثمينة تخرجه فقط لتغسله حتى لا يتراكم الغبار عليه تتذكر الماضي وما مضى من حياتها تعتبرها فتره الألم والمرارة و بصمه سوداء في حياتها ... ماضي تتمنى أن لا يعود إلا لأجل ان تعرف ذاك الغريب هذا ما أسمته به الغريب مجهول كان له يدا في حمايتها بعد الله يوم طرد زوجها لها في آخر الليل ونبذ الرحمة من قلبه ليجعلها عرضه لذئاب الشوارع متخذ أعاقتها عذرا لنفور الرجال منها وهو يعلم مدى جمالها الذي لا يترك مجال لنظر لإعاقتها فهي أنثى بكل المواصفات الجمالية لولا أن الله قد شاء لها بأن تكون عرجاء كم تبغض تلك الكلمة ليس خجلا من أعاقتها ولكن كلمه قد صم زوجها السابق بها أذنيها كلمه يتردد صداها بعقلها كلما تذكرت زوجها السابق أغمضت عينيها تأبى نزول الدمعة رافضه الاعتراف بتمزق قلبها من أحبته يوما ووقفت في وجه أهلها لتجبرهم بالقبول به زوجا لها أحبته بالماضي وكم كرهته بالحاضر والمستقبل ودت لو تمحي من شريط حياتها وجوده فيها ولم تتخذ أخته صديقه لها لتكون في يوم حلقه الوصل في ارتباطهم مع بعضهم .. أغلقت الدولاب بعد أن دعت لذاك الغريب بالصحة ودوام العافية واتجهت للإطار المذهب الموضوع على الطاولة انحنت وأخذته رفعت لشفتيها وقبلته تلك الصورة القابعة فيه منذ 5 سنوات توأمتها الغالية ضمت الصورة لصدرها وهي تكتم شهقاتها ودمعاتها التي أعلن نزولها حزنا لفراق الغالية حتى ولو مر على وفاتها 5 سنوات تشعر و كأنه بالأمس تدافعت الذكريات لذاك العقل الصغير دائما تتذكر تلك الليلة المشؤومه التي تسببت في وفاة أختها وزوجها وأعاقتها وانتهاء حياتها مع زوجها
بذلك الوقت أتفق زوجي وزوج أختي أن نذهب مع بعضنا لأداء العمرة ولكن زوجي أضطر لعدم الذهاب بسبب أنه أنشغل فذهبت مع أختي وزوجها وأبنهما الصغير طلال ذو 7 أشهر وبعد قضاء أربع أيام في مكة عدنا من اجل أعمال زوجها .. وعند العودة انحرفت السيارة بسبب ظهور شاحنه نقل أمامنا ولم يستطع زوج أختي تفادي الشاحنة الأخرى فصتدم بها سلمان زوج أختي لفظ أنفاسه بلحظه لان الضربة كانت قويه ولكن شاء الله أن يتشهد والحمد لله قبل وفاته .. أما شقيقتي وتوأمتي قد توفيت بعد يومين بسبب دخولها في الغيبوبة من بعد نزيف حاد في المخ أما أنا استيقظت لأجد نفسي على سرير أبيض ورأيت أجمل الوجوه بالوجود أمي لم أستطع الكلام في بادئ الأمر لأني أحسست بجفاف حلقي همست بصعوبة
منى: يمه أبي أشرب الأم (بفرح تعطيها الماء): الحمد لله على سلامتك منى: يمه وش صار ووين منال وسلمان يمه طلال الحادث والشاحنه الأم(دمعت عيونها):بخير يمه لله الحمد على كل حال هم بخير من الله منى :رجلي ما اقدر احركها يمه يمه الأم: انتظري ألحين أستدعي الدكتور ضربت الأم جرس الغرفه شوي الممرضه داخله الممرضه : يس الأم:استدعي الطبيب منى صحت الممرضه: اوكيه
ثواني الأطباء والممرضات بالغرفه وحولي
الدكتور (يبتسم): الحمدلله على سلامتك منى منى:الله يسلمك دكتور رجلي ليه ما اقدر احركها الدكتور: طيب الحين راح نعطيك مخدر عشان تنامين منى: ما ابي انام الدكتور:معليه لازم تنامين منى:لا اول ابي اعرف وش حصل وليه ما اقدر احرك رجلي و اختي
رفضت المخدر والدكتور كان بيجبرني عليه لان خاف اتعرض لصدمه وانا كنت بغيبوبه خاف أرجع لها حسيت في شيء غريب من اصراره على أني أخذ مخدر وقاومت تدخلت امي طلبت من الدكتور ما يخدرني رضى بالوقت الحالي
حسيت اني اختنق النفس ضاق والغرفه احسها كل مالها وتضيق علي حسيت حتى الثياب اللي علي تضيق وتضيق حاولت امزقهن اصرخ اصرخ رفضاَ مني لواقع موت منال
لا لااااااااااااااااااااااااااااااااااااااااااااااااا اااااااااااااااااااالالالا مناااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااال في ذيك اللحظه احس بالحركه حولي ما اسمع ما اقدر اتحرك الصدمه كانت قويه قوووووووووووووويه كرهت الحياه كنت اتمنى اطلب منهم ما ينعشوني وابيهم يخنقوني 20سنه معي منال مانفترق حتى الزواج تواعدنا ما نتزوج إلى مع بعض وتم بدت الدنيا تظلم بعيني حسيت بصوره تشكلت قدامي منال ظهرت لي توصيني بولدها حسيت انها تكلمني مديت يدي بلمسها لو لأخر مره بلمسها وأضمها بقول أحبك بقول لا تروحي سمعتها تهمس منى طلال يا منى امانه عندك طلااااااااااااااااااااااااااااااااااال ولدي ولدك طلاااااااااااااااااااااااال يا منى
صرخت لها وأنا مخنوقه ..
منااااااااااااااااااال ما اقدر اعيش بدونك منااااااااااااااال خذيني معك مناااااااااااااااااااااااااااااااااااااااا منال مناااااااااااااااااااااااااااااااااااااااااااااااا اااااااااالي لاااااااااااااا يا منال منااااااااااااااااااااااااااااال
الله كتب لي روح جديده وحياه سبحانه له الحكمه في هذا حسيت بجسمي أرتخى حسيت بأييد تضرب خدي بشويش ورقه سمعت صوت
:منى منى اصحي اصحي فتحت عيوني اول شفت الدكتور قدامي بس ما وضحت ملامحه من دموعي منى(بكيت من الصدمه): يماااااااااااااااااااااااااااااااااااااااااااااااا ااااااااااااااااااااااااااااه لاااااااااااااااااااااا آآآآآآآآآآآه يا يماااااااااااااااه الدكتور(بعصبيه) : عطيني الأبره بسرعه
نزلت دمعه من عيني حسيتها نار على خدي راحت توأمتي حياتي راحت الغاليه آخر شيء حسيت فيه يوم الدكتور خدرني نمت ودمعتي على خدي حزن على اختي وزوجها صحيت بعد فتره كانوا أهلي موجودين حولي ابتسمت بصعوبه لهم بس أبتسامه حزن الجد: لا لا الحمدلله على سلامتك (حب راسها) منى: جدي الجد: عيونه وقلبه منى : منال ياجدي ماتت صدق ماتت منال صرت جسد بدون روح ياجدي فقدت الغاليه بكيت و شفت اول مره جدي تدمع عيونه ويمسحهن بشماغه الجد:تعوذي من ابليس وادعي لها دعيت لها بالرحمه والمغفره ويوسع عليها قبرها منى(مسحت دموعي ) :يمه وين طلال الأم: الحين يجيبه ابراهيم لكي منى: كم صار لي ووش حصل الأم:صار لكي شهرين وأنتي بغيبوبة الحادث سبب لكي نزيف في المخ سو لكي عمليه بس الحمد لله اللي يحيى الموتى صحيتي من الغيبوبة مع ان البعض استبعد تصحين من الغيبوبة منى:ورجلي شفيها دخل الدكتور قال لي ان الحادث سبب لي خلع بالورك الايسر واني لازم اسوي عمليه بالخارج رفضت لما عرفت أن أهل سلمان قرروا يأخذون طلال مو حب فيه ولكن لورث الكبير اللي ملكه بعد وفاة أبوه تنازلنا لهم عن ورث طلال مقابل تنازلهم عن حضانة طلال نسيت عمري وعمليتي بحياتي للي سخرتها لتربيت طلال صار عمره ألحين 6 سنوات وهذي أول سنه له في المدرسة أتذكر بكيت بأول يوم تمنيت أمه وأبوه يشوفون فرحة حياتهم يبدأ عامه الأول بس هذي مشيئة الله ولا اعتراض طلال الكل يحبه وأهلي أول الناس عمامه ما أهتموا له بدليل أن خلال 5 سنوات ما زاروا أو سألوا عنه إلا يمكن 4 مرات فقط .. ونحاول نعوضه عن فقدان أمه وأبوه طلال يعرف أني مو أمه بس دائم يقول لي ماما أحلى كلمه بالوجود كلمه كانت منال تتمنى تسمعها منه ومن كان صغير كانت تردد قول ماما بس ماقال لها ماما شاء الله أن تقال هذه الكلمة لي وتعوضني عن كل شيء بالدنيا
رد: رواية يدري أني ما أقاوم ضحكته و يدري أن اسباب ضعفي نظرته
رحل منهو يسليني .. وصار اليوم في قبره
رحل عني وفارقني .. حزين وصرت في حسرة
ذكرته يوم يحاكيني .. وهالبسمات من ثغره
ذكرته يوم يواسيني .. اذا ما هلت العبره
ذكرته يوم يشكي لي .. عن همومن ملت صدره
ذكرت وهلت ادموعي .. وصار الفكر في اسره
حبيبك راح ياقلبي .. ولا حتى تشم عطره
وظلك مات ياظلي .. سكن وياه في قبره
ألا وينك تسولف لي .. تحت انوار هالقمره
وتنشدني عن اخباري .. ترا عقبك غدت مره
الا ياغايبن عني .. ترا قلبي فقد صبره
ولكن الأمل عندي .. لقاك بجنتن نضرة
ألا منصور يا غالي .. فقدك الكون من كبره
عساه بخلد يا ربي .. ويشرب عذب من نهره
تنهدت ووضعت الإطار كما هو دائما بعناية خوف من أن يخدش أو يتحطم واتجهت لتغسل وجهها وتتوضأ وبعد الصلاة كعادتها تفطر مع عائلتها كما تفعل دائما غيرت ملابسها ونزلت مستنده على العكاز خوفا من ان تزل قدمها من السلم فتقع رغم وجود المصعد في المنزل إلا أنها تفضل السلم تقويه لقدمها رفعت نظرها لترى من القادم من باب المنزل الذي فتح
منى(صرخت تحذره) : إبراهيم لحظه لحظه انتظر (اذا فات الفوت ما ينفع الصوت ) تششششششششششش (^_^) ششششششششششش تشششششششششش( صوت الماي ) منى:هههههههههه هههههههههههههههههههههههههه من كثر ما ضحكت ما قدرت توقف على قعدت على السلم إبراهيم (بعصبيه) :ضحكت من سرك منى: ههههههه شكلك يضحك وأنت غرقان مويه هههههههه إبراهيم :يضحك هاهاها أوريهم حاطين لي سطل مويه فوق الباب هل القرود منى: عيال نجود شاقين الارض وطالعين وأنت الله يهداك ورى ما تنتبه إبراهيم: شفت الباب مفتوح ودخلت منى: ليه جالس بالخارج شكلك مانمت إبراهيم(بحزن): لا مانمت بس مو هذي المشكله الحين ابي هل القرود وينهم منى: طيب روح غير ملابسك غرقت المكان كله مويه إبراهيم: ليه يا شيخه يعني المكان مو غرقان مويه منى: طيب روح قبل تاخذ برد قطع كلامها الجد اللي طالع من غرفته يوم شاف إبراهيم الجد: إبراهيم وش بلاك مغرق مويه إبراهيم : مو بكيفي ياجدي هذولا عيال نجود لا بارك الله فيهم ولا في الساعه اللي جو فيها للرياض الجد(عاقد حاجبيه): ليه وش بلاهم بزران يغرقونك مويه ليه منت رجال بزر إبراهيم : هذولا شياطين مهم بزران الله يلعنهم الجد : لا تلعن رح رح بدل ملابسك إبراهيم تلفت يمين يسار يمين يسار الجد : علامك تتلفت وش عليه تدور ابرهيم: شياطين نجود الجد: شياطين(الجد يتلفت حول نفسه) وينهم يا وليدي تعوذ من الشيطان الرجيم شفيك تخبلت ما فيه شياطين منى:هههههههههههههههه جدي اهو يقصد عيال نجود
التفت الجد للدرج لانه ما تنبه لوجود منى ابتسم لها وابتسمت له
الجد: هلا والله صباح بخير منى: صبحك الله بالنور والسرور الجد : تعالي وانا جدك نتفطر وخلي برهوم يدور عن شياطينه ان لقاهم يلحقنا منى:ههههههههههههههههههههههههههه إبراهيم( يهمس بصوت واطي) رجال وش كبري ويقول برهوم الجد: وش تقول هااااااا إبراهيم: سلامتك جدي ابي اصعد اغير ونازل الجد: ايه وانا جدك ورانا اشغال لا تاخرنا راح الجد لغرفة الاكل ومنى تحاول توقف بعكازها وتقوم من الدرج بس ما قدرت إبراهيم: هاتي يدك ياغلا جدك منى: تسلم ياغلا سلمى الله لا يحرمني منك صعد إبراهيم لجناحه ومنى راحت لغرفة الطعام كان ابوها موجود يتفطر منى: صباح الخير يبه الأب: صباح الخير تعالي قعدي جنبي منى: ان شاءالله الأم (دخلت مع الخدامه وحامله صينية الشاي): ماريا حطي الصينيه وروحي جيبي باقي الفطور منى : صباح الخير يمه الأم( تبتسم) : صباح النور والشهد الأب: والله انك تفتحين النفس اذا جلستي معنا منى (ابتسمت) : الله يخليكم لي :إهئئئئئئئئئئئئئئئئئئئئئئئئئئئ الجميع(اتجهت الأنظار للباب) : بسم الله الرحمن الرحيم الأم : وش فيك تشهقين سمر:أللحين الشهد والنور واللي تفتح النفس مناااااااي وانا!!!!؟؟؟؟؟ الجد: حسبي الله عليك من بنت وش بلاك سمر: طايحين مدح بمنى ياجدي منى( تطالع لها بطرف عينها) : ياشين الغيره على الصبح سمر: لا والله يحق لنا نغير المدح لك أنتي تاخذين نصيب الاسد من الحب وانا فتافيت (مدت بوزها تسوي نفسها زعلت) الجد:مو لايق عليك الدلع ردي برطمك( بوزك ) لمحله الكل:ههههههههههههههه منى: خلي الدلع لاهله سمر(تجلس على الطاوله) : ما عليه اساسا انا عارفه مكانتي عند من غاليه ومدلعه الأم: كلكن غاليات اخلصن افطرن سمر و منى: ان شاء الله
عم الهدوء وجلسو يتفطرون منى واهي تفطر تذكرت الموقف اللي حصل مع إبراهيم المقلب اللي سوه فيه عيال نجود
منى:هههههههههههههههههه منى نادرا ما تضحك الكل استغرب ضحكها فجأه و ابتسموا الأم: مناي عساه دوم الضحكه سمر(بلقافتها المعهوده): شنووووو ضحكينا منى: قبل شوي عيال نجود جهزوا مقلب بإبراهيم خـ... إبراهيم( قطع كلامها): أأأأأأأأيه منى طايحه فيني شماته منى: ههههههههههههههه سمر ( توقف وركضت لحد منى وقعدت جنبها) : ما عليك منه قولي لي إبراهيم: أأأأأأأأأأأأأأووووووووووص لا تفضحينا منى: بقوووول مو قادره اسكت سمعوا اليوم حطوا عيال نجود سطل (دلو) فوق الباب ولما فتحه إبراهيم انكب عليه وغرق بالمويه الكل :ههههههههههههههههههههههههههههههههههههههههههههههههه هههههههههههههههههههه إبراهيم(يسوي نفسه معصب): أيه يحق لكم الضحك الله يسامحكم صرت مهزله هزلت من هذا الزمان الأم: غريبه اول مره يسوووون فيك مقلب العاده فيصل وإلا سالم نجود تدخل عليهم: صادقه امي ما كانو يقصدونك يقصدون فيصل دحين وقت رجوعه إبراهيم : وينهم كانو متخبين ورى امهم إبراهيم يحك أيديه ببعض ويصر على ضروسه إبراهيم :أهاااااااااااااااااا ياويلكم يا عيال صالح والله لوريكم نجود( تضحك) : هههههههههههه تكفه هم وربي كانوا يقصدون فيصل فيصل( توه داخل راجع من الشغل) :هااااه من اللي يقصد فيصل وعن شنو فيصل نجود : بسم الله الرحمن الرحيم انت وصلت فيصل: لا رحت خخخخخخخخ سمر: حلووووووووووووووووه كفك فيصل رفع يده لها بس عطاها طنشها ( طاف) وضرب كفه بكف إبراهيم فيصل -إبراهيم: ههههههههههههه سمر: ياشينك سخيف إبراهيم: جيت والله جابك يوووووووه يوووووووه لوتدري يا فيصل عيال نجود وش كانو راح يسوين لك بس انا اللي طحت فيها فيصل: شنوووووووووو شنوووووووو عاد انا وموتي عيال نجود الثلاثي المرح ( يخزهم) قل يابو فهد
إبراهيم قال لفيصل عن المقلب اللي كان عيال نجود حضروه له واللي طاح فيه إبراهيم
فيصل( ما قدر يمسك نفسه ):هههههههههههههههههههههههههههههههههههههههه الحمد لله فيك ولا فيني عاد انا مو مروق اليوم إبراهيم :افااااااااااااااااااا افاااااااااااااا هذا بدل ما تفزع معي تقول كذا فيصل(يطوي اكمام قميصه) : اطلب انا عند الفزعه تلقاني إبراهيم: ايه كذا صيد من اليمين وانا يسار نجود: ياويل حالي لا تكفون توبه ما يعودونها تووووووووووووبه والله توني ملبستهم وأبوهم بالطريق عشان نروح جده فيصل أبراهيم لا فيصل : طرزااااااااااااااااااااااااااااااااااااااااااااان حدهم لحق ملاحق لحق وملاحق مااااااااااااااامااااااااااا مااااااااااااما يماما يماما سمر(تصفق ): وناااااااااااااااسه عاشووووووووووووو عاشووووووووووو نجود: سمروه فرحانه بعيالي بدل ما تعقلينهم تشجعينهم فيصل(ياخذ نفس من الركض وراهم) : صدناهم إبراهيم: قطعو انفاسي يله خانا نروح نجود:ياااااااويلي وين بتروحون إبراهيم (يبتسم بخبث) :المسبح نجود(بخوف): ليه توني مسبحتهم وااااااااالله فيصل: لا انا اشم ريحه (شايل محمد واحمد وأبراهيم معه حمد) عاد ووووووع معي اثنين الله يعين إبراهيم: شفتي أنا الحمد لله واحد بس الله يعينك على الاثنين يا فصولي الأم : خلووووووووووووهم اعقلوووووووو إبراهيم : فيصل خلنا نروح للمسبح سمر(توقف وتصفق): وناسه خذوني معكم نجود: يبه شف عيالك خلهم يهدون عيالي الأب: والله عيالك اللي جابوه لنفسه (أبتسم وكمل أكله يعرف )
طلع إبراهيم وفيصل حاملين عيال نجود واتجهوا للحديقة سمر راحت معهم فرحانة وتصفق وتشجع أخوانها ونجود تلحقهم تترجى وتطلب يخلونهم لأنها بتسافر لجده وما عندها وقت تغير لهم لبسهم ولا راااااااااااادين (ردوا) عليها
الأم(توقف) ياويل حالي من هل العيال أبي أروح أشوفهم لا يذبحون البزران منى الجد الأب: هههههههههههههههههههههههههههههههه منى:أما أنا اسمحولي أبي اصعد أشوف طلال صحى ولا بعد الأب : روحي طلعت من الغرفه كانت سمر تضحك ومو قادره توقف على حيلها من الضحك قعدت بالممر سمر:هههههههههههههههههههههههههههههههههههههههههههههه ههههههههههههههه منى:علامك وش صار سمر: رموهم بالمسبح منى سمر:هههههههههههههههههههههههههههههههههههههههههههههه هههههههههههههههههه منى : ونجود سمر: عاد هذي شكلها نكته تطلعهم هي وأمي واحد بعد الثاني منى(أبتسمت) : الله يعينها خليني أشوف طلال هههههههههههه سمر : وأنا بكمل فطوري باي منى : باي
********************
" بيت العم أبو خالد "
نزلت سلمى بتعب وتثاقل و اتجهت لغرفة الأكل سلمى:صباح الخير الأب والأم: صباح النور قعدت سلمى وصبت الأم لها كوب الشاي و عطته سلمى رفعت راسها سلمى (ابتسمت ) : تسلمين يمه الأم : سلمى علامهن عيونك نمتي عدل سلمى(نزلت راسها): نمت الأب( يوقف): سلمى اذا خلصتي تعالي للمجلس سلمى: ان شاء الله يبه( تلتفت لامها) يمه وش يبغى ابوي فيني الأم: انتي عارفه وش يبغى سلمى:افففففففففففف بس ما ابي ارجع لإبراهيم الأم(بعصبيه):وليه عاد إبراهيم رجال شاريك ويحبك سلمى(بحزن): والله هذا اللي كاسر ظهري الأم: وش راح تسوين الحين سلمى: يطلقني الطلاق هو الحل الأب( اللي سمع كلامها بعصبيه):سلمووووووووه شنو تقولين سلمى: هااه يبه لحظه نتفاهم يبه الأب(بصوت عالي) : والله لو انك مو على ذمة رجال لاعطيك كف تشوفين ضروسك قدامك قال يطلقني طلعت سلمى تصيح لغرفتها وراح الوالد للمجلس الأم (بحزن على بنتها):الله يهداك يا سلمى اتجهت الأم للمجلس تكلم زوجها اللي بعده معصب من كلام بنته ودخلت الأم: ليه يابو خالد تقسى عليها الأب(بعصبيه):لا والله تبيني اصفق لها واقول شاطره يابنتي تطلقي من إبراهيم الأم: لا موقصدي كذا تفاهم معها كلمها باللين والهدوء انت عارف ان سالفه انجاب الاطفال مؤثره عليها وعلى حياتها مع إبراهيم حتى العلاج وطفل الأنابيب بعد جربوه بس الله ما شاء لها تحمل الأب(ياخذ نفس يطلع الغضب من صدره) : أستغفر الله عارف والله بس مو بيدينا لازم تصبر وتدعي ربها خلاااااص انا شوي واصعد لها الأم: لا يالغالي أرتاح انا اخليها تجيك هنا وعلى هونك معها الأب: زين إلا وينهم العيال الأم: تو الناس نسيت ان اليوم الجمعه بدري الأب:هذا سوات السهر زين صحيهم ورانا روحه لبيت أبوابراهيم الأم: ان شاء الله يالغالي وفجأأأأأأأأأأأأأأأأأأأأأأأأأأأأأأأأأأأأه :ياعيني على الغزل(رفع نظره لفوق) عصافير الحب الله يخليهم الأب: فهد ووجع وش ذا الكلام فهد حب راس امه وابوه وصبحهم بالخير فهد: يامهره زعل الغالي الأب:مهره بعينك فهد: خشمك يابو خالد كله ولازعلك مو من حقي اتغزل بأمي ولا ناس مسموح وناس ممنوع ياحلو الأم:ههههههههه الأم:هذا الشبل من ذاك الاسد فهد +الأب: هههههههههههههههه الأم: عسى الضحك يا رب تدوم ويخليك لنا يا رب الأب: ويخليك فهد يوقف الأم: وين يمه فهد: يمه بروح أنادي خالد يتعلم الغزل والكلام الحلو ذا عشان يقوله لميثه الأب: وووووووووجع استح واقعد الأم: لا لا لا دامك وقفت رح صح خالد عشان تروحون المسجد لصلاة الجمعه مع ابوكم فهد:تأمرين امر(يطالع ابوه) يا مهره الأب: طس زين يافهيد والله لا وريك الأم(توقف): يله بروح انادي لك سلمى واصحي فرح ورغد طلعت الأم من المجلس الخارجي وصعدت الدرج شافت فهد يجري(يركض) وخالد يلحقه فهد(يتخبى ورى امه): يمه يمه شوفي ولدك خالد(بعصبيه ):والله لا وريك يافهدووووووووووووووه الأم: علامكم وش بلاك فهد وش سويت لاخوك فهد(مسوي نفسه متفاجئ) : اناااااااااااااااااااااا انا ماسويت شيء يمه انتي قلتي رح صح خالد وصحيته شفتي أني ولد مطيع
الأم: يا يمه تأخر الخلفه شيء وراثه انتي مثلي لما تزوجت ابوكي ما خلفت بسرعه حاولو بأبوك يتزوج علي بس رفض والله رزقنا بسلمى زينة بنات عائلة سالم الـــ........ كله
سلمى( ابتسمت وضمت امها) : تسلمين لي والله يخليك لي
رد: رواية يدري أني ما أقاوم ضحكته و يدري أن اسباب ضعفي نظرته
سمر: منى منى مناااااااااااااااااااى منى(رفعت نظري لها ) : هلا سمر: اللي ما خذ عقلك يتهنا بيه أحسك سرحانه يوم دخلت منى(بعيون دامعه) : اللي ماخذه عقلي الله يرحمها نزلت سمر لمستواي وحضنتني سمر: الله يرحمها لا تكدرين نفسك منى( تبتسم لها) : وش جابك بعدك ما لبستي سمر : احترت وش ألبس جبت لك بدلتين ابي ذوقك يا ام طلال ما يعلى على ذوقك احد منى: احم احم شكرااااااااااا شكرا سمر : هييييييييييييييييييييه انتي لا تصدقين منى: ههههههه مقبوله بس لاتكثرين خليني اشوف البدلات منى : امممممممممم شوفي ذي القميص الوردي مع التنوره الطويله حلو لونها بحري شوفي لا تلبسين اكسسوار حطي ايشارب على الرقبه بطريقه مو مرتبه احلى سمر (تبتسم وتحب اختها) : شكرا الله يخليك لي يله بروح اكمل لبسي منى(تتسند على عكازها وتوقف) : طلال يله ماما ننزل تحت طلال:ماما يله نزلت منى وطلال وفي هذي اللحظه دخل ابراهيم وسلمى منى(تبتسم): هلا وغلا سلمى : المهلي ما يولي هلا ام طلال ابراهيم : اسمحولي بروح أبدل منى : تفضل منى(تلتفت لسلمى بعد ما صعد ابراهيم): وش تنتظرين روحي له يله سلمى( تبتسم ): ان شاء الله دخلت جناحها ما شافته بالصاله كان في غرفة النوم حست بارتباك ودخلت لقت ابراهيم جالس على طرف السرير وقفت عند الباب ترددت بالدخول تخاف انه لازال زعلان عليها ابتسم ابراهيم لها وقف وفتح لها ايديه راحت له وضمها سلمى: اسفه على كلامي معك البارحه ابراهيم: أششششششششش نسيت الكلام دامك معي وقربي ماهمني شيء سلمى(ترفع نظرها له وتبتسم) : ويحسدوني عليك آآآآآآآآه ابراهيم (أبتسم وباس جبينها): ذكرتيني باغنيه
يحسدوني في هواك .. ويحسدونك في هواي الخبر قلبي معك .. وقلبك الوافي معاي
يا حبيبي في رجاك .. المنى إنك مناي انسى عذالك وراك .. وأنسى عذالي وراي
لا تروح بعيد عن عيني يا ضوى عيني حبي جنوني وروحي فيك مجبروه
بس اشوفك تضحك سنيني يا حلو سنيني تغلى وتحلى في عيني وقلبي وشعوره ولعتني سهرتني يا منيتي بحبك دامني انا ميت عنا بمشي انا بدربك
العمر لا رحت ما يسوى والله ما يسوى خذ روحي خذ قلبي خذ عمري يا هنيالي
دق الباب ..
سمر: ادخل ليالي وفرح:السلام عليكم سمر(بفرح) : هلا وعليكم السلام فرح: الله يسلمك ليالي : الله الله وش ذا الزين سمر : شكرا فرح : يااااااااي اغنية الوسمي اموت عليه مي( اللي دخلت عليهن فجأه) : تموتين فيه ولا في محمد هااااااه فرح: بسم الله متى جيتي مي:هههههههه من 5دقايق سلمو البنات على مي سمر: طيب تحبن نجلس هنا ولا ننزل فرح : هنا نأخذ راحتنا أكثر مي: الصراحه مالي خلق سوالف العجز وأزعاج البزارين ليالي: وعاد إذا جلستي مع العجز هذي تطلقت وهذي تزوجت وأم فلان خطبت لولدها وذيك طافها الزواج عنست البنات:ههههههههههههه سمر : اوكيه انا راح انزل اسلم وأجيب لنا شيء نشربه مي( تقلب سي دي الاغاني) : اقول عندك الشريط يارا سمر: أي مي : اغنية صدفه
سمر: ايه بروح اخليجن هالله هالله بالرقص صدفه و من بين كل الناس علقني من يوم شفته وعيني جات في عينه حسيت شي في عيونه حيل يجذبني لما ابتسم بانت بوجهي تلاوينه
سلم عليي وجلس جمبي وكلمني كل الحواجز تلاشت بيني و بينه اخذ ايديني بايديه وقام يوصفني ولا تمنيت ايدي تترك ايدينه
قالي كلام بصراحه حلو دوخني ماقد سمعت بحلاته اه يازينه معاه احس الأغاني عنه وعني واجمل اغاني الغزل شعري وتلحينه
سمر(بعدماطلعت رجعت) : بنات مي: علامك رجعتي سمر: لا ارجع وغرفتي واهي متخربه ترى رتبتها اليوم ومالي مزاج أرجع أرتب فاهمات فرح : وجع على بالي فيك شيء تطمني بترجعين وتلاقينها مثل ما خليتيها ليالي: مالت عليك من زين اغراضك سمر: ليلوه ما منك خوف انتي ماتحبين سوالف البنات ليالي (معصبه) : وش تقصدين سميييييييره ولد أنا مي وفرح: هههههههههههههههههههه سمر(مرتبكه) : لا لا والله موقصدي و(حبت راس ليالي) فرح: خوافه جبانه سمر(تبتسم) : من خاف سالم ليالي: يقولون سلم سمر : عارفه بس حبيت اذكر اسم سالم عارفه معزته عندك ( وابتسمت بخبث لها ) صح ليالي ترفع المخدة بتضرب سمر فيها بس سمر أسرع طلعت وسكرت الباب ليالي( بصوت عالي) : مالت عليك وعلى أخوك سالم كان مار وشاف سمر تركض طالعه من غرفتها وتوه يبي يسألها سمع ليالي وش تقول سالم: ليلوه مالت عليك انتي ليالي: جب سويلم سالم: رجال وش طولي تقولين لي جب بعد زودتها فرح ومي يحاولون يسكتون ليالي وسمر تحاول تهدي سالم ليالي عصبيه وسالم عصبي وممكن تنقلب ضرب و هوش ما يهمها ليالي إلا تأخذ حقها سمر:سالم تكفه بلا فضايح سالم(بعصبيه) : ما تسمعينها تسب والله لأتوطى (أدوس) ببطنها ليالي:تخسي سالم: تقول لي تخسي والله لا دخل وبكشتها لا طلعها ليالي: اللي ما تواصله بأيدك وصاله برجلك فرح مي سمر خلاص الرعب بقلبهن من الاثنين ليالي: هههههههههههههههههههههههههههههههه سالم: هههههههههههههههههههههههههههههههههههههههههههههههههه سمر : ؟؟؟؟؟؟؟؟؟؟ فرح مى: ؟؟؟؟؟ ليالي: سلوم لو تشوف فرح ومي وشوي يصيحون سالم:ههههههههههه عندك وعندي خير سمر تبي تصيح سمر( تضربه بكتفه) : وووووووووجع وش بلاكم سالم:أأأأأأأأأي سمر وش فيك عادي بيني وبين ليالي هذا أبو الشباب ههههههههههه ليالي(تضرب فرح ومي على خدهن ) : مي مي فروحه مي مي وفرح: هاااااااه ليالي : علامكن فرح: وش حصل لكم يا ذابح يا مذبوح ليالي: يا ربي ليه متعجبات هذا سالم عادي الهوش مو أول مره زين ما تضاربنا خساره كبرنا ولا أول ضرب وضراب ههههههههههههههه سالم: ليالي شخبارك ليالي: تمام وانت سالم: بخير يله باي ليالي: باي سمر(دخلت الغرفه حدها معصبه) : ليلووووووووووووووووووه مي وفرح(حالهن من حال سمر) : يالخايسه خوفتينى كل وحده مسكت المخدة وقربن من ليالي ليالي(تتراجع عنهن) : هييييييه بلا تهور اعقلن مي: هجووووووووووووووووووووووووووووووووووووووم بدأ الضرب على ليالي سمر( توقف ) : خلاص قطعت نفسي انتن كمل حليكن فيها بروح أجيب لنا شي نشربه نزلت سمر وسلمت على حريم عمانها وعماتها وراحت للمطبخ كانت أمها موجودة سمر(تفتح الثلاجة تطلع عصير) : يمه بيت خالتي فضه كأنهم تأخروا الأم : أتصلت عذاري تقول أمها تعبانه ما راح يقدرون يحضرون سمر: خير الأم: مدري العصر راح أروح لهم سمر: طيب أروح معك ونطلع للسوق بعدها الأم: مع من سمر(سمر تشيل الصينيه) : مع عذاري حابه اشتري ملابس الأم: ما أوعدك أشوف أبوك سمر تبوس رأس امها وتطلع غرفتها سمر( دخلت) : اوووووووه منكن عفستن الغرفة خلاص راح ارجع العصير والحلى ليالي بسرعه تقوم وتأخذ الصينية منها ليالي: من زين غرفتك أهي بالأصل كانت عفيسه مي: ليالي حرام عليك أنا ماشفت احد ارتب من غرفة سمر فرح: ياعيني يالمصالح سمر : مالي دخل رتبوها ليالي: انتم رتبوها انا مالي دخل لا مضروبه وارتب أحمدن ربكن ما ضربتكن صدق مهزلة بدن البنات ترتيب مي: سمر ماجت عمتي فضه سمر: لا تقول امي خالتي تعبانه وبتروح لهم العصر وراح اروح معها مي: وبعدين سمر: ولا قبلين راح أروح السوق مع عذاري مي( تشهق) : إهييييييييييييييييييييييييييئ يالخاينه تخليني ليالي( شرقت) : كح كحكحكح كح حسبي الله عليك من بنت روعتيني البنات: ههههههههههههههه سمر( تلتفت لمي) : لا ميو مو قصدي ليالي: هههههههههههههههههههههههههههههههههههههههههههههههههه ههههههه ميوه والله كنت شاكه أنك قطوه هههههههههههه مي: ووووووجع ليلوه قطوه تشمخك ان شاء الله فرح:ههههههه عاد ليالي نقطة الضعف فيها القطوه مي وسمر:ههههههههههههههههه ليالي : خخخخخخ بايخه فرخه فرح: فرخه بعينك ليالي : خلاص هونا راح نفركش الملكه راح نطلقك من روميووووووووو سمر ومي: روميو ليالي: روميو محمد اللي ذابحنا غزل طول اليوم فيها سمر ومي ( مع بعض): يعني فرح جولييه ووووووووع ما يصلح هههههههههههههههههههههههههههههههههههههههههههههههه فرح( مدت لهن لسانها )عادي ليالي:والله مرات اسميه عنترة مي:أكيد فرخه أوه أقصد فرح عبلة فرح: مالت عليكن أدري من الحره أنا مملك علي و أنتن تعنسن إن شاء الله مي + سمر (مع بعض يشهقن ): أهــــــــــــــئ بسم الله علينا تف تف تف علينا ليالي :إيه والله تــــــــــــــــــــــف وبعد تف عليكن بنات ميتات على العرس الحمد الله و الشكر ما همني زواج سمر :و سالم سلوم ليالي تخزها لدرجه خافت سمر منها سمر : بسم الله وش فيك تخزيني خوفتيني ليالي :لأن كلامك بايخ سالم مثل ناصر عندي هوش و مناقره و نقير و ضحك و مزح وبس لا أكثر ولا اقل سمر :عشان كذا أسلوبك مثل الشباب من مقابلتهم دايم ليالي طالعت لسمر وبعدها حست بطعنه من كلامها رغم أن تعرف سمر ما تقصد تجرح فيها بس تأثرت كثير في نظرتها لها معناها الكل ينظر لها بهذا الشكل حطت كوب(قلاص) العصير ووقفت سمر: ليالي أسفه و الله مو قصدي ليالي (تتصنع الأبتسامه ) :لا عادي سموره مي:عادي ليالي لا تزعلين سموره تمزح معك ليالي: ما أزعل من أختي الصغيره اسمحوا لي سمر : وين ليالي :أبي أسلم على عمتي عائشه و عمتي خوله ماشفتهن لما جيت وأخاف يزعلن مني طلعت ليالي و حست سمر بخطئها لما قالت هذا الكلام هي ما قصدت بس حبت توضح لليالي أشياء غافله عنها كثير ( صحيح ليالي معروف عنها أنها ما تحب تظهر جمالها و ما تحب الموضه و المكياج مثل البنات بالرغم من ملامحها الحلوه و شعرها الناعم وطويل وتتميز عن البنات بغمازاتها ألي تزيدها حلا ) سمر مسكت جوالها فرح : من راح تتصلين عليه سمر : على سالم مي (مستغربه): ليه سمر : أثنين بس يعرفون لليالي وأنا بصراحه خايفه أروح لوحدي تذبحني او ما تكلمني اللي أهم سالم وناصر وبما اني ما اقدر اكلم ناصر وأفهمه أقول لسالم (رفعت الجوال واتصت) ألو سالم :هلا سموره سمر :سالم إلك ولا لديب >>> الأخت إنقلبت سوريه سالم :ههههههههههه تحولتي سوريه ياخيتي خسى الديب و أها أمسك شواربي كمان سمر: هههههههههههههههه سالم أنا زعلت ليالي سالم :زعلتيها مو خابرها زعوله سمر : أممم لا قلتلها شيء ما كان لازم أقوله لها سالم : لا يكون ذكرتي اسمي قدامها أنا أعرفها تزعل هههههههههههههههه سمر :خخخخخخ بايخه لا شيء خاص فينا احنا البنات سالم (بخبث): وشو سمر : مولازم تعرف سالم : إذا ما عرفت ما راح أتدخل سحبت مي الجوال من سمر مي : سالم سالم : بسم الله منو ميوه مي :ميو في عينك شنو قطوه سالم :ميوه أسم قطوه مي :يا شينك كنك ليالي قطوه سالم :فظيعه ليالي مثل تفكيري فله هذي البنت خير ميوووووووووو ميو ميو مي :ليالي زعلت عشان أحنا أو بالأصح سمر قالت لها أن تصرفاتها صبيانيه سالم: ليه مي : لأنها مصاحبتك أنت و ناصر ومثلكم بكل شيء نسخه يعني منكم سالم : خلاص عطيني سمر سمر :هلا سالم سالم: أسمعي راح أصالحكم بس لا تعيدينها ليالي كلها حلا و رقه و جمال البنت ما هو في المكياج و اللبس ليالي مترفعه عن هذي الأشياء
سمر : أموووووووووت بالشعر يالله سي يو ايه صدق مناي حيلك فيه أدبيه
سالم( خزها) : شنو أدبيه روحي لغرفتج لا اقوم أأدبك أنا
سمر : يماااااااااااه أجل الكلام اللي أنقال سهل صح أنت متعود على ليالي ودفاشتها بس ما متعود تتغزل فيها كذا (تقلد سالم بالكلام) يا هنيييييييييييييك يا سمر .. (انبهت لنظرات سالم وخافت) اروح احسن لي
منى (بهدوئها الدائم) : سالم أسمع وأنا أختك ليالي مهما كانت بنت تستحي
سالم : عارف بس أنا أتعامل معاها عادي مثل أي أحد يعني مثل ناصر متعوده هي على كلامي
منى : تتعامل معها عادي وتقول لها يا هنيك يا سمر أظن عيييييييييييييب مفهومه و واضحه وش تقصد مو كلام عادي صح
سالم (خجل من نفسه) : آسف و تطمني ما راح أكررها
منى (ابتسمت لأخوها) : أسمع أنا ما أقول هذا الكلام عشان أحرجك بس لازم تنتبه لشغله (يوم رفع عيونه يطالع لها كملت) ليالي قبل شيء و ألحين شيء أوكيه يعني أهي ممكن تتزوج وأكيد زوجها ما راح يرضى عليها أنها تكلمك حتى لو متربين مع بعض تبقى مو من محارمك .. أنت لأنك متعود عليها وعلى جلستها دائم في بيت عمي و أهي مرات صح تصرفاتها صبيانيه لأنها بين شباب صارت مثلهم وأنت متربي معهم من كنت صغير يا ناصر هنا يا أنت هناك معه مع ليالي بس تغير الوقت كل البنات تغطن عنك يوم صار عمرهن 13 سنه إلا ليالي رفضت ولما وليد كان بيغصبها رفضت وعمي قال بس تغطي شعرها عنك والوجه عادي هي وافقت وتغطت عن الكل إلا أنت لأنها متعوده عليك وعلى وجودك مدري هي تعتبرك مثل ناصر و أخوانها أو لا بس لازم تكون على بينه وتعيش الواقع انها ممكن تتزوج وما تقدر تشوفها بعدها مثل ألحين ما فيه زوج شرقي يرضى حتى لو كان شخص متعوده عليه لأنها مو محرم لك
سالم (حس بغصه بس فكر أنها ممكن تبتعد عنه هو وناصر وأهم دوم صحبه وقف) : خلاص فهمت يالله أنا طالع مواعد ناصر
منى(تطالع ساعتها) : الساعه 2 يعني شمس وين رايحين بهذا الظهر
سالم(أبتسم) : أحنا تماسيح كل شيء عادي
منى : ههههههههههههه روح الله يحفظك (رفعت السماعه واتصلت على الرقم الداخلي) سونيا تعالي للصاله الداخليه
ليالي كانت سرحانة بكلام سالم : وش يقصد يا هنيييييييييييييك يا سمر طيب سمر ليه تقول لي تصرفاتي صبيانيه لهذي الدرجة أنا مسترجله (قامت من السرير ووقفت أمام التسريحة وفكت شعرها اللي كان طويل وهي دايم تلف ما تغير )كل بنات عمامي يقولن للقمر قوم وأنا اقعد مكانك ماشاء الله بس أنا مو مثلهن .. وسالم يمدحني ولا يستهزأ فيني .. يوووووووووه مو عارفه .. بلا سخافة لبس و مكياج أنا مالي شغل بسخافات البنات العبيطات (كانت بتلف شعرها وترجعه مثل حالته دايم طاويته (كبه ) دخلت مرت أبوها)
ليالي (ابتسمت ) : هلا يمه
حمده : بسم الله عليك ماشاء الله شعرك طول ليه ما تفكينه مثل البنات
ليالي(عقدت حواجبها ولفت شعرها كله ورفعته مثل دائم ) : مثل البنات
حمده : ليه منتي بنت مثل بنات خلق الله وأنتي أحلى البنات بعد
ليالي (ضمتها ) : يا ناس من قدي الناس عندهم أم وأنا عندي ماماتين يا حظي
حمده (تمسح على ظهرها) : يمه ليالي وش مكدرك
ليالي (تطالع لوجه حمده ) : ولاشيء يمه
حمده (تمسك يدها تقعد على السرير ) : أنا أعرفك أنا مربيتك مع أمك
ليالي : والله يمه مدري شقول لك بس أنتي دوم كاشفتني
رد: رواية يدري أني ما أقاوم ضحكته و يدري أن اسباب ضعفي نظرته
البارت الثاني ^_^
------------------------------------
سالم : حرااااااام عليك تكفه تهز الرجال قولي لي منى : فيصل حرام لا يموت سالم (يسبل(يرمش) عيونه) : أيه تكفه توني شباب خلني أعرس وأشوف عيالي لا أموت بحسرتي وفضولي منى وفيصل : ههههههههههههه فيصل (يجلس جنب منى) : طيب الهدية هالمره شنو منى (رفعت يدها) : ميدالية وورده جوريه حمراء فيصل : والله أنها ذوق باختيارها بس لو أعرف من أهي سالم : يا أخي مو لهذي الدرجه لا تبالغ تراها مو شيء صدق حلوه بس مو غاليه تلقاها عند أبو ريالين كثيرة فيصل (لف له) : الهديه مو ثمنها الهدية بشخصها وإحساسه وقصده من الهدية سالم : صرت شاعر وحساس منى : الولد يوم شفته ما شبهت عليه ما عرفته ما عمره مر عليك فيصل : لا ولا عمري شفته لا هو حتى مو من عيال الجيران أممممم معها كرت ولا بس ميدالية منى(تمد له ) : أيه في كرت بس ما فتحتها مكتوب خاصة لك سالم (قام وجلس الناحيه الثانيه لمنى) : يالله قولي لي السالفة كلها
فيصل بهذي اللحظه سافر لعالم ثاني عالم خاص معها المجهوله اللي سماها جوريتي لأنها ترسل له كل مره ورده جوريه
منى : هذي ياطويل العمر بنت صار لها سنه ونص تقريبا ترسل لفيصل هدايا أهي مو غاليه لا والله البعض عادي ونلقاه مثل ماقلت بمحلات أبو ريالين بس هدايا معبره وتكون معها كرت وطبعا لازم ورده جوريه وأحلى الكلمات تقراها أول فيصل ما يهتم فيها بس بعدين لا صار ينتظرها ويتمنى يعرفها بس صعب سالم : هدايا ليه في مناسبه ولا كل يوم منى : شوف يوم الجمعه ترسل له تهنيه بنهاية أسبوع وبداية أسبوع جديد وتدعي له وأيام العيد وأول رمضان وتهنينه فيه ويوم أخذ أجازه أرسلت له ويوم رجع للشغل لقى على سيارته ورده جوريه وبطاقه تتحمد له وتهنينه برجعته للشغل ودعاء ربي يحفظه وهكذا صار فضول ننتظر أي مناسبه يحاول يصيد الولد أو اللي يرسل يبي يعرف من سالم : كل هذا ولا اعرف طيب دوم ميداليه وورد جوري وكرت منى : لا مره أرسلت له صندوق خشبي بس مزينته بنفسها كان باين شغل يد بس حلو وذوق والميداليه هذي عليها حرف فيصل أنت ماتعرف أن اليوم عيد ميلاد فيصل سالم : وووووووول عليك حظ والله (ألتفت لفيصل اللي بعالمه الخاص ضرب كتفه) : هيييييه يالأخو فيصل (أنتبه) : هاااااااه سالم( يطالع منى) : الأخ مو معانا أبدا (رجع يطالع فيصل) إلا بسألك ماتعرف البنت فيصل(يطالع له من فوق لتحت) : والله لو عارفها ماقبلت هالوجه العفن سالم : أفاااااااا كأنه يشتمني منى : هههههههههههه تستاهل حشري
جابت الخدامه كوب شاي ووقف فيصل او ماشافها وأخذه منها وصعد الدرج
منى(بصوت عالي) : هييييييييه يالحبيب الشاي لنا فصوووووووووووووول سالم : ههههههههههههه تستاهلين منى : يالدب ماريا جيبي لي واحد ثاني سالم(يدزها بكتفها بخفيف) : طيب اعزمي ولا ما نستاهل منى : طيب طيب ماريا وجيبي له بعد
*************************
في أحد المجمعات ........
بوسلطان : عزززززوز صار لنا نص ساعه جالسين وينهن عبدالعزيز : تو الناس هي قالت الساعه 5 بتكون موجوده بوسلطان (عصب) : خيرررررررر ومجلسني كل هذا الوقت ليه عبدالعزيز: هد ترى عادي بوسلطان : أقول أتصل شوف وينها ولا بطلع ترى حامت (لوعت) كبدي عبدالعزيز : طيييييييييييييييب (رفع جواله يتصل فيها بس عذاري ما ترد ) سمر(بالسياره أزعجها الجوال) : أفففففففف عذوره ردي راسي عورني من الأتصال عذاري(بأرتباك) : أوكيه ألووو عبدالعزيز : ما بغيتي تردين وينك تأخرتي عذاري : أيه الله يسلمك لا ماني بالبيت طالعه للسوق عبدالعزيز : قريبه ولا بعيده عذاري(تطالع سمر) : لا لا ما يصير اكلمك أنا بنزل عند المجمع وصلت باي عبدالعزيز(أبتسم) : بأنتظارك ياقلبي باي سمر : أفففففف من هذي البايخه عذاري : ههههه هذي صاحبتي أسمها عزيزه بالجامعه سمر : حشى لزقه يلا نزلي بس لا نتأخر ساعه ونطلع عذاري : طيب
*************************
نعود لبيت أهل عذاري بس خارج البيت بسيارة بندر ....
بندر : هاه يالغاليه وصلنا أم بندر : وش معجلك بندر : الشباب ينتظروني بالأستراحه أم بندر : يا ربي منك ما تركد ياولد دايم مستعجل بندر : يممممه ترى بهون وماراح أجيبك هنا ثاني مره أم بندر : لا سوها وشف لك أم ثانيه غيري بندر(يحب راسها) : ماراح ألقى أحسن منك حبيبتي أنتي أم بندر : إلا ماقلت لي شوق متى راح تجيبها من عند أمها بندر(يطالع ساعته) : تو الناس الأسبوع الجاي أجيبها أم بندر : كلمتها ولا لا أنا كلمتها يوم الثلاثاء بندر : أممممم أيه اليوم أتصلت عليها أم بندر : وكيف أمها ورجل أمها معها بندر(في نفسه ) : لاحول ولا قوة إلا بالله يعني ما حصلت الأسأله إلا ألحين (لف لامه) يمه كلهم يحبونها ورجل أمها يعاملها مثل بنته وبحسبت عياله عادل ويارا يله يمه نزلي الله يخليك لي تأخرت أم بندر(تفتح الباب السياره) : ماتبي تنزل تسلم على عمتك وجدتك بندر : مره ثانيه مستعجل يمه أم بندر : لاتجي برجع مع أم أبراهيم بندر(أبتسم) : خلاص على راحتك أم بندر(دخلت البيت بعد ما فتحت لها الخدامه) : السلام عليكم أم سلطان وأم أبراهيم(سلمن عليها) : وعليكم السلام أم بندر : كيفك يافضه عساك بخير أم سلطان : بخير وأنتي كيفك و كيف العيال أم بندر : بخير ويسلمون عليك وبندر يوم وصلني أتصل واحد من اصحابه يستعجله ولا كان نزل يسلم عليك أم سلطان : جعله سالم يارب أم بندر(لفت لأم أبراهيم) : سبقتيني يا خويه ما نطرتيني أم أبراهيم : وش اسوي كل مره تسبقيني قلت خل أسبقك دخلت الخدامه معها صينيه ودله (ترمس – مطاره) وحطتهن قدامهن أم سلطان : نرجس وش هذا نرجس : هزا ماما آيشه يزيب (هذا ماما عايشه يجيب) أم بندر : أيه سويت لنا حليب بحلبه واشتهيت عمتي تذوقه معنا أم أبراهيم : يااااااه يجعلك سالمه ياأم بندر والله أحس رجولي توجعني بعد وقفت اليوم دخلت (أم عبدالله الجده) : كأني أشم ريحه حلبه أم بندر(تقوم تسلم عليها وتحب رأس عمتها أم المرحوم زوجها) : حياك يا عمه مسويه حلبه بالحليب الجده : والله ما خطيت يوم أني أخترك لولدي عبدالله الله يرحمه صبي لي الكل : الله يرحمه
*********************
في الأستراحه .....
هذي أستراحه دائم يجتمع فيها بندر وعيال خواله و أصحاب لهم بعرفكم في الشباب أكثر قبل نندمج مع جمعتهم وسوالفهم ^_^
بندر(يشتغل في أحدى البنوك ) ابراهيم (يشتغل مع ابوه في وكالات سيارات اللي ملكهم) (أبوخالد وأبو وليد فاتحين شركه مشتركه بين الاثنين ) خالد (نائب العام بشركة العائله) محمد (يشتغل مدير قسم المحاسبه في شركة العائله) فيصل..فهد (يشتغلون بالشرطة) سالم..ناصر (بطاليه لا شغل و لا مشغله بعد ما خلصوا الجامعه مبكر وليالي تاخرت سنه عنهم لأنها حبت ترتاح لما خلصت الثانويه سنه قبل التقديم ههههههههه)
بندر(يدخل) : السلام عليكم الشباب : وعليكم السلام خالد(فز ونط جنبه) : طلبتك بندر(تخرع) : بسم الله الرحمن الرحيم سلم خلني أجلس خرعتني خالد : أجلس أحد ماسكك قل تم بندر(يطالع وجيه عيال خواله ويأشر على خالد) : فيصل وش بلاه فيصل (يشرب من الشاي) : مدري بندر (يلتفت ) : فهد محمد تعرفون وش فيه الغبي خالد : غبي بعينك بندر : هاااااااااه غبي أجل خلاص ماني قايل تم خالد(يبوس راسه) : لا تكفه طلبتك قل تم أبراهيم : أبو شوق سايره(جاريه) قل تم خالد(يطالع أبراهيم) : هيييييييييييه بومطعس وش جاريه بزر قدامك أبراهيم : وش بو طعس وووووووع الله يقرفك وش هالكلام خالد : أيه والله اذا ماصرت معي لأطلع أسماء لعيالك مقرفه لا تنسى أني أخو زوجتك أبراهيم : خلاص قل تم بس فكنا من بندر : تم قل طلبك يا ولدي خالد : ولدك مقبوله ياعمي عمااااااااااااه تكفه طلبتك زوجني زوجتي المصون اللي هي أختك ست الحسن والدل والدلال
الكل : هههههههههههههههههههههههههههههههههههههههههههههههههه ههههههه خالد : هييييييييييييه شوي شوي لا يضرب عرق ويطالبوني بالديه بموتكم (ألتفت لبندر) أرحمني يا أبو شوق أنت وعمتي من هالحال
يا من يبيع الصبر يا ناس و اشـري محتاج كل الصبر و اصخي بالاقيام
يا مالك امري وش نوايـاك بامـري ارحم خفوق عن هوى غيركم صـام
حالي غدى مثل المساويـك مبـري يا باري حالي تـرى البعـد ظـلام
أدري بحالك و انت بالحـال تـدري ياالله عسى ذا العام أحسن من العـام
رد: رواية يدري أني ما أقاوم ضحكته و يدري أن اسباب ضعفي نظرته
الكل : صح لسانك
خالد : صح بدنكم
فيصل : ذابحنا من اليوم طلبتك وتم وبالنهايه تبي زوجتك
خالد : شايفها هينه أيه أبيها
أبراهيم : رح بيت عمتي عايشه وطق الباب وقل لها لو سمحتي يازوجتي تعالي معي
فهد : لا لا لا وأنا أخوك لا تطق أرفس الباب وخذها أنت مالك عليها
خالد : أيه أهي زوجتي وأنا متنازل عن العرس
بندر(بصوت يرج الجلسه) : هيييييييييييييييه أنت وأهو خذ زوجتك وطق الباب لا أرفسه كيفكم ولا كيفكم والله ياخويلد لو تقرب صوب الباب لأقص رجولك
خالد(جلس قدامه) : أفااااااااااااا ليه أن شاء الله ماعندي أحد يدافع عني
بندر(رفع حاجبه) : من اللي بيدافع عنك
خالد : اللي وراي عيال عمامي عزوتي
بندر(يطالع ورى خالد) : يالأخو ما فيه أحد كلن حط رجله وخون فيك
خالد (يطالع وراه ) : أفاااااااااااا صدق بزران ويقولون بيوقفون معاي خلوني زين اوريكم
بندر(يضربه بشويش على كتفه وبأستهزاء) : أقول يالحبيب وش كنت تبي
خالد(يحب خشمه) : جعلك سالم ما ابي شيء وحرمتي متى ما بغت تدل البيت الله لا يهينك
سمع أصوات ضحك : هههههههههههههههههههههههههههههههههههههههههههه
خالد(لف لقاهم جالسين) : ووووووووووجع توكم تجون شنو جنون بسم الله
أبراهيم : لا والله كنا نسوي فيك مقلب وجلسنا ورى الجلسات والكراسي
خالد : وهذا المقلب ما طلع ألا يوم كلمت بندر لا حلو العذر ما أقول إلا
يآ صبري اللي مآ قدرت أتحمله
يآ ليت في بعض الموآضيع إخـتصآر ‘’
الإنتظآر وبس .. مآ هو مشكلة ..
المشكلة هي إنتظآر الإنتظآر .. ,’
(رجع مكانه وتسند على المسند)
فيصل : خالد خلود بو وليد
فهد(يهمس لفيصل ) : خالد اذا زعل زعل لا تحاول
محمد(لف لأبراهيم ) : هذا من صدق زعل كل هذا عشان يتزوج
أبراهيم : خالد صار له سنتين مالك على ميثه وعمتي عايشه بس تأجل
محمد : هذا اعرفه بس عمتي ليه تأجل
أبراهيم : تقول البنت صغيره وتو الناس
ناصر وسالم : السلام عليكم
الكل : وعليكم السلام
خالد : أووووووووووووه جاكم عاد الثنائي المرح
سالم(يقعد جنبه) : أفاااااااااااااا رد السلام
خالد : وعليكم السلام
ناصر(يجلس بجنبه بالناحيه الثانيه) : وش فيك يا أبو وليد من زعلك
سالم : أسمع يالغالي هذي الأغنيه
ليش تزعل فديتك وانت غالي علينا.....
ماخذ القلب بيتك يالغلا من سنينا...
للتراضي رجيتك رجوه المشفقينا...
وانت فالناس صيتك تسامح المذنبينا....
كم طلبت وعطيتك من فوادن وعينا....
يالغظي ومانسيتك حاضرن دوم فينا...
خذ حياتي نصيتك فوق راح اليمينا...
فدوه لرمش عينك لك به نرد دينا...
يامنى النفس وينك صوبنا يالضنينا...
نذرنن يوم ريتك بصوملك اشهرينا
خالد(أبتسم دائم سالم وناصر بحضورهم يغيرون القعده) : أبو شوق أقوله بتزوج يقول أن شفتك عند عتبة الباب قصيت رجولك
سالم (ألتفت لناصر) : نصور تخيل مقصوصه رجل خالد
ناصر : وناااااااااااااااااسه أسلم عليه وأنا جالس مولازم أوقف
سالم : بندر تكفه طلبتك قل تم
بندر : لا لا لا أخاف تقول زوجني مي
سالم : تطمن أنا قلبي محجوز
فيصل : عشتوووووووووو ومن حاجزته
سالم (لف له) : يا أبو الهدايا مو بس أنت عندك أحد يحبك
فهد (يطالع فيصل بنص عين) : فيصل منو اللي يحبك
فيصل (خزه) : أسكت أنت ما تصدق
خالد(بصوت عالي وعصبيه) : ياااااااااااااااااااهووووووووووووه الموضوع عني (وقف ولف عليهم بعصبيه) الشرهه علي مو عليكم اللي جالس معكم
قام يمشي بيطلع من الأستراحه غمز ناصر لسالم وركضوا له ومسكوا يديه يكلمونه بس بصوت خفيف
بندر : بسم الله الرحمن الرحيم وش بلاهم هذولا
أبراهيم : الله يستر منهم بس
محمد : وقفوه عند الباب خلونا نشوف وش يصير
فيصل(بعد دقايق) : تشوفون اللي أشوفه فك التكشيره وأبتسم الظاهر اعجبه كلامهم
فهد : سلوم ونصور يقدرون يغيرون مزاج الواحد كيف بخالد عاد
طلع خالد فرحان ورجع سالم وناصر للشباب وجلسوا
بندر : كيف غيرتو مزاج خالد وش قلت انت وأهو خليتوه يفرح لهذي الدرجه
سالم : ولاشيء قلنا تعوذ من الشيطان الرجيم
ناصر(يكمل) : ترى امرك بأيد ربك وتوكل على لله وطلق حرمتك
الكل : شنوووووووووووووووووووووووووووووووووو
سالم : ليه متعجبين بأمانه يابندر ماتشوف أنكم ذليتو الرجال سنتين مالك ولاتبغونه يعرس ويفرح
ناصر(كالعاده يكمل) : قلنا شف لك حرمه ثانيه أهلها يزوجونك بسرعه
أبراهيم يمشي لهم ويمسكهم من كتوفهم ويوقفهم
أبراهيم(بعصبيه) : والله ياسويلم ويا نويصر أن طلق خالد حرمته لأنحركم هو خبل يسويها
رن الجوال والكل ألتفت لبندر لأنه جواله
بندر : ألو هلا وغلا بجدي ......بخير الله يسلمك كيفك أنت ..... شنو تجي لا لا ما قصدي حياك .... أمي عند عمتي فضه وأنا بالأستراحه .... خلاص أن شاء الله
... زين أسمع والله .. طيب من يجي .. هاه شنو ... أيه حياكم مع السلامه
سكر بندر الجوال وألتفت لأبراهيم ووقف قدام سالم وناصر
أبراهيم : وش فيك
بندر : بعرف شنو قلت أنت وأهو لخالد هااااااااه
سالم(لف لناصر) : نصور أحس بحراره الظاهر الأعصاب نار
ناصر : تصدق أحس الشرار يتطاير من عيونه ليه ياخوك قلت له يطلق كان قلت خذ الثانيه عليها
سالم : تظن هذا زعله
ناصر : أعتقد انت دائم ملقوف ياخوك و رأيك مثل وجهك
سالم(هز رأسه) : انا أأيدك بهذا الشيء أنت صاحبي كيف ما أكون ملقوف
ناصر : تسلم من بعض ما عندكم
سالم : الله يسلمك كل يوم تعال
أبراهيم(يهزهم وبعصبيه) : تكلموووووووووووو أخلصووووووووو
سالم : طيييييييييييييب رجيتنا تقول لبن مو بشر يا أبو فهد خل الثوب تكفه وراح أقول لك
أبراهيم تركهم وجلس هو وبندر بمكانهم
سالم (يهمس ناصر) : أسمع اذا غمزت أهرب أوكيه
ناصر : أوكي
بندر(بصوت عالي) : أخلص تتعازمون
سالم : بصراحه قلنا رح لجدي وأهو ينهي لك السالفه بندر وعمتي ما يجون إلا بالعين الحمرا
وغمز لناصر وطلعوا من الأستراحه بسرعه وركبوا السياره وانطلقوا بحال سبيلهم
الشباب : ههههههههههههههههههههههههههههههههههههههههههه
فهد : ههههههههههه والله فله هذولا العيال
فيصل : حلوه العين الحمرا ههههههههههههههه أحنا ماقدرنا نساعد خالد طول السنتين
محمد : وأهم بثانيتين أنهوا الموضوع هههههههههههههههههه
أبراهيم(يستند ويطالع بندر اللي معصب) : وش يبغى جدي
بندر : يقول بعد ساعه بيصلي المغرب بمسجد حارتنا ويمرنا البيت مع خالد
أبراهيم(يحك لحيته) : ظنك وش يبغى جاي ومعه خالد
فيصل : ما يحتاج لها تفكير أكيد زواج خالد يكلم عمتي عايشه
محمد : جدي ما يتكلم جدي يأمر بالزواج من مؤيدين الزواج المبكر
فهد : أقول الله يعينا إذا تحدد العرس
أبراهيم : وش دخلك إذا حددوا العرس
محمد : فهد قصده الحريم وتجهيزهن للعرس والسوق وصدعت راس
أبراهيم : أنا عادي زوجتي وحده بس ما تتعب
فهد : بعدي والله اختي حبابه مو مثل ( ألتفت لمحمد) زوجات بعض الناس
محمد : عارف تقصد زوجتي المصون خلاص اذا متعبتك لهذي الدرجه قل لها تتجهز اليوم بكره آخذها للسوق بنفسي
فهد : لا والله هذا اللي ناقص (يمثل العصبيه ويقلد بندر) والله لو تقرب صوب الباب لأقص رجولك
فيصل (يقلد ناصر) : وناااااااااااااااااسه أسلم عليه وأنا جالس مولازم أوقف
الكل : ههههههههههههههههههههههههههههههه
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف