ياحي هالشوف والضحكه وهالنبره

#1 03-09-2018, 01:14 PM

أشتقت لك والغلا قرّب يضيعني

والخاطر اللي صبر ملْ وقضا صبره

بـا اعلّمك شيْ وأفْهم دام تسمعني

من واقع التجربه والوقت والخبره,,

لو الخلايق على حبك تنازعني

يبطون ماحركوا فيني مغزّ أبره

ماغيرك أحدن قوى قلبي وولعّني

وغلاك عندي وسط القلب ياكبره

لو باتكلّم غزير الشوق قاطعني

مكسور خاطر والمكسور وش جبره

يخونني الوقت والغيبه تصارعني

أكتب وحتى القلم خان ونشف حبره

رجعتلك والغلا والحب رجّعني

ياحيْ هالشوف والضحكه وهالنبره

غيرك من الناس لو حاول يطالعني

أصد عنْه ولا أشوفه ولاأعتبره

الاأنت يالشاري اللّي منت بايعني

نظرة عيونك صفا لو ليلتي غبره

وأن كان ودك لدرب الحب تدفعني

قلبي يحبك ولا يحتاج تخْتبْره

الموضوع الأصلي: ياحي هالشوف والضحكه وهالنبره || الكاتب: محروم || المصدر: منتديات سهام الروح

سهام الروح

كلمات البحث
العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر