هلا يا نشوة الخافق ... هلا يا نصفي الثاني

رسمت الشوق بحروف القوافي والحنين الوان معاني تنسج اللوعة وتعزف صـــرخة الحاني على بوح القصيد العف بقايا تنشد النسيان عن أحلامي ؟ عن أوهامي ؟ عن اللي سّبب أحزاني؟ أشد القــاف من واقع وانا في واقعي حيــران وأسولف عن ألم جرحي من المجني من الجاني أهيّجن صوت قيفاني وصوتي بالقصيد أشجان على رجوى أمل كاذب لقيت البوح يعصــاني وأصوّر من معاناتي ملامح مالها عنوان وإثير الموج من فيض المشاعر لين يقراني أترجم لوعة الذكرى حنين العاشق الولهان وأهيم بطيفه العابر وأعانق غربة أوطاني أحسه داخلي عالم بلا شاطيء بلا ربان وأعوم بموجه العاتي ولا أدري وين وداني خذاني لآخر الدنيا ويرسم في سماي ألوان تلّون لي بلون الطيف ونسيت بجوه ألواني عليــك الله وأمـان الله وجـاه الله عزيز الشأن تراك أقرب من أنفاسي وساكن وسط وجداني هلا ياعمري الحاضر .. هلا ياحلمي اللي كان هلا يانشوة الخــافق .. هلا يانصـــفي الثاني حبيبي قولها لو كذب أبنسى لوعة الحرمان حبيبي كلمة أحبـــــك تبّدد فيك حـــــرماني أشوفك جنة الدنيا .. أشوفك روضة التحنان أجيك بشوقي العاصف وطيف البعد يحداني هدير الموج يأخذني وأنا الظامي وأنا الغرقان على شاطــي غـــلاك اللــي تمنيته وتمــناني أحسه نبضي وذاتي شعور الشاعر الانسان كأنه غيمةٍ تطرد سموم القيض بأغصــاني أو أنه حرف والريشه تجسد صورة الفنان حبيبٍ يعزف إحساس الغلا ويترجم الحاني أحبه كثر حبي له وأنا له عاشــقٍ ماخان وعزاي إني رسمته للوفا بحروف قيفاني

سهام الروح ,اشراق معجبون بهذا

الموضوع الأصلي: هلا يا نشوة الخافق ... هلا يا نصفي الثاني || الكاتب: ريآن || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر