خيزرانه خصرها لين انهصر والعود مال .... المثلث والمربع والمعين تستطيل وكيف حالك ياللي حالك ليل حالك واستحال وانت حالك مثل حالي من محال الى مستحيل لا ذلولٍ للحمول ولا حلول ٍ للوصال لا وداع ٍ للطلول ولا هطول الحرف ليل حال حول وحل حول وحالنا حله محال ياحلو حيل احتيالي حالتي بالحيل ميل بس اخايل واتخايل خيل خاواها خيال ياخليلي عل خيلك مثل خيلي تستخيل وياعيون ٍ حملتني حمل بالحمال مال ويش اشيل وويش احط وويش احط وويش اشيل الصبر شق الصدر والنحر من حوله حبال في عيوني الف موت ولا حصل منه حصيل وبالحنايا ضيف ٍ اقشر ماحد ٍ قله تعال اما تعشاني بكا والا تعشاني عويل وصاحب الرقم المميز ماحصل منه اتصال وعاجز افتح هالرساله في بريد الهوتميل وياقصيدي وش رصيدي من ترانيم الليال ياقصيدي من رصيدي هات واسردلي جزيل وياقصيدي هات واسكب من مباهير الدلال كلمتين وصبها بعروقي وخلها تسيل ياقصيدي تذكر اللي لبسك ثوب الجمال والله اني مانسيته شايله بالعين شيل ذاك من بد الجميع اشوف فيه الاكتمال ولا يعيبه غير بحة صوته الناعم قليل والا غيره فالله اكبر آية ٍ لاهل الشمال لا هنوف ٍ في حلاه ولا بعد يوسف مثيل الشعر ليل ٍ ظلام ٍ ظالم الحد العدال لا نتثر فالله وكيل اللي ولا عنده وكيل والعيون ان سلهمت تنهي الجدال ابلا جدال بالكحل سحر البيان وبالهدب سيف ٍ صقيل والشفا جمر ودفى والخد براق ٍ يخال وبالنحر حب العرق لولو على المرمر دخيل وبالصدر رمانتين ٍ طايفيات ٍ اثقال فتنة اعيون المطوع ذبحة القلب العليل خيزرانه خصرها لين انهصر والعود مال المثلث والمربع والمعين تستطيل والردايف من نكدها لامشت في اقتتال وكل ردف ٍ حالف الا يسبق الثاني ويميل لا مشت شفت الغزال اللي يسمونه غزال واثق الخطوه رفيع الراس معتز ٍ ثقيل من نظرها بالطريق وهو معه ام العيال ناظر ابوجه المدام وقرر انه يستقيل ضيعوا عشاقها عشاق الاهلي والهلال وضيعت بحضورها طفل ٍ نهد امه يسيل جاها يزحف قبل ينحف جاها يحبو في خبال يبغى يرضع من نهدها وعن نهدها آه حيل فرأى بأن المستحيل باربع ٍ يابن الحلال الغول والعنقاء والخل الوفي والسلسبيل والله انها وصلتني للجنون امن الجمال ووالله انها وردتني بالمحبه ويل ويل وياقصيدي كم رصيدي في شريحة الاتصال ودي اسمع صوتها بي شبت اطراف الفتيل ويا جهاز النوكيا حول هنا قرب تعال والله انك يالجهاز النوكيا اوفى خليل وصفر خمسه صفر خمسه صفر خمسه امن الشمال والبقيه في فوادي ماهي والله بالدليل ووهذا هو والله يرن وياهلا والله ابدلال يادلال الشوق نار وخابره عظمي هزيل وكيف حالك ياللي حالك ليل حالك واستحال وانت حالك مثل حالي من محيل ٍ في محيل حال حول وحل حول وحالنا حله محال ياحلو حيل احتيالي حالتي بالحيل ميل بس اخايل واتخايل خيل خاواها خيا ل وياخليلي عل خيلك مثل خيلي تستخيل وياعيون ٍ حملتني حمل بالحمال مال ويش اشيل وويش احط وويش احط وويش اشيل
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
العرض الشجري