الموت ولا بعدك يا ولد الناس

السلآم عليكم

روآية : الموت ولا بعدك يا ولد الناس

للكاتبة : آهآت مبعثرة

البـــآرت الاول


على سريرها الكبير .. تتقلب يمين وشمآل .. ضايقة حيل وتحس قلبها راح يطلع من محلها .. ليش هو تعامله جافي معاها .. ما عنده احساس ومايحس فيها .. تحبه وتموت فيه .. بس هو ما يحس .. طول الوقت وطول اليوم برآ البيت .. كان يتجنبها او ما يبي يشوف وجهها .. من يوم ما تزوجوآ وهو ما يطالع بوجهه .. يكلمها وهو مو ماعطيها اي اهمية .. يكلمها كأن متملل ويبي الفكة منها .. تتحسس من هالشي بس تسكت لانها بس تحبه .. ينفر منها .. زواجهم للحين على الورق .. كل ما تقربت منه اكثر واكثر هو يبعد اكثر واكثر .. قاسي حيل .. وقلبه اقسى ..
تنهدت بهدوء وسحبت جوالها .. صارت تدور بالقائمة على اسم .. وقفت على اسم محدد وابتسمت .. ضغطت على زر الاتصآل .. ترررن ترررن .. تررررن ترررن .. لآ يوجد رد .. تنهدت بحزن وسكرت الجوال ورمته على الكوميدنآ .. وعادت لهوآجسها وافكارها الي توديها وتجيبها .. انطق الباب .. طق طق طق ..
: منوو ؟
الخادمه بلكنتها الغريبة : انا ماما ساندي في يجيب فطور
تعجبت وقالت لها بصوتها الناعم : تفضلي
الخادمه فتحت الباب ودخلت بابتسآمه : قود مورننق مدام ميرا
ميرا بابتسآمه عريضة : صباح الورد والفل .. بس انا من متى اتفطر بغرفتي
الخادمه : بابا فيصل يقول حق انا يجيب حق انتي فطور
ميرا وارتسمت علامات التعجب على وجهها : بآبا فيصل
الخادمه باستغراب : اي ماما
ميرا بابتسامه خافتة : طيب حطيه هنا وشوفي شغلك

حطت الخادمه الفطور وطلعت بعد ما سكرت الباب .. تعجبت ميرا من تصرف فيصل الغريب .. اول مرة يأمر وحده من الخدم ان يجيبون لها فطور .. ابتسمت بهدوء بس ماحبت تأمل نفسها بشيء .. اكيد في شيء وانا الي راح اكتشفه

مدت يدها للطاولة الصغيرة .. شافت انواع واشكال من الفطور .. فطيرتين من اللبنه وفطيرتين من السبانخ وعصير برتقال وقطع خبز صغيرة مع ذرة وحمص وجبن .. مدت ايدها وسمت بسم الله وبدت تاكل بهدوء

(( ميرا : عمرها 24 سنة .. متخرجه من الجامعه تخصص حقوق .. تكاسلت عن العمل فجلست بالبيت .. تزوجت من فيصل قبل شهر بالضبط .. ميرا لها عيون سوداء كسواد الليل تهبل .. ورموشها كثاف حيل ومكحلين .. انفها سلة السيف .. شفايفها وردية ومليانه .. بشرتها بيضآء وناعمه .. شعرها اسود كسواد الليل طويل لظهرها وناعم حيل .. جسمها نحييل ومرسوم رسم .. تموت باللون الاسود ))


قدام مكتبه .. يرتشف القهوة بهدوء .. والاوراق المبعثرة على طاولة العمل .. فاتح الجريده على صفحة الاقتصاد .. يقرآ ويلعن مليون مرة .. تنهد وسكر الجريدة وحذفها بعيد عنه .. لملم الاوراق المبعثرة وحطهم على جنب وارتشف قهوته بهدوء .. تنرفز حيل لان اسهمه صارت تنزل يوم عن يوم .. ويوم عن يوم يخسر فلوسه ومكانته ومركزه بالسوق .. اسهم غيره يزدادون يوم عن يوم ويحصلون ارباح اكثر منه .. فيصل ال.. .. الي كان اسمه يهز السوق هز كذا يخسر ؟ ومن شنو من عامل غبي ولا يستغله .. تنهد بهدوء ونزل كوب القهوة على الطاولة .. طلع من المكتب بس استوقفه صوت

: وين ؟
فيصل التفت له وقاله بملل : طالع لاني مليت وطقت كبدي هنآ
: اجي معاك ؟
فيصل بعصبية : افففف يا سيف اتركني بحالي ترا حالي ما يسر
سيف بحزن : فاهمك ياخوك بس مايصير كذا تماسك وانت فيصل ال.. مو هالشيء الي يهزك
فيصل نزل راسه بحزن : على خير ان شاء الله .. بس انا باروح بروحي مالي خلق
سيف وهو يضع كفه على كتف فيصل : اي اجل دير بالك على نفسك ها
فيصل بابتسآمه سرعان ما اختفت : طيب طيب

بعد ما كلم سيف ومشى عنه .. طلع من الشركة وتوجه لسيارته البورش .. دخلها وهو يتنهد ويطلق الاف الاهات .. من الحال الي وصل له .. ياربي معقولة هذي حوبة ميرا ؟ معقولة هذي حوبتها لاني ما اعاملها زين .. لاني جافي معاها وقاسي وهي مالها ذنب .. بس انا ما اقدر قلبي مو قادر يستوعب هالشيء .. مع ان محد مالك هالقلب بس انا مو قادر احب ميرا ولا قادر اتقرب منها اكثر .. ليش ما ادري مع ان البنت بنت ناس وخوش بنت وما شفت منها الا الخير .. تنهد تنهيده اطول من الي قبلها .. شغل السيارة وحرك تائه ما يعرف وين يروح ؟ من جهه شغله ومن جهه ميرا

(( فيصل : عمره 27 سنة .. مدير شكرة كبيرة واسم كبير بالسوق .. تزوج ميرا من شهر .. عصبي ومزاجي كثير .. فيصل له عيون بنية مايلة للعسلي لاصله البدوي .. وانفه سلة السيف وطويل .. شفايفه حمرة .. واسمر سمار عذابي مو طبيعي .. طويل ومعضل وجسمه رياضي يموت باللون الاسود وهو الشيء الوحيد الي يتشابهه فيه مع ميرا .. واي شيء لونه اسود يغريه ))


تتنهد بملل .. مافي شي بهالبيت .. ممنوع طلعة وممنوع روحه مهي حاله هذي .. لا من ابو عدل ولا من ام عدله ولا من اخوان زينين .. كلهم معتبريني بزر وانا طقيت العشرين .. ياخي خلوني على راحتي شهالحاله .. تتمشى في الممر بخطوات ثقيلة ومملة وتطلق الاهات وتتنهد بملل .. مرت على الحديقة الخارجية ونست انها طالعة بدون طرحه .. طلعت على السور الخارجي وجلست جنبه .. بحيث هي تشوف الشارع وهم ما يشوفنهآ .. ياربي ليش انا مو ثل هالعالم اطلع واروح واستانس ماغير محبوسة هنا كأني مسوية جريمة استغفر الله العظيم .. تمت على هالحال تقريبا نص ساعه .. بعدين حست على نفسها .. كانت بتدخل بس استوقفهآآ صوت

: الحلو ليه جالس هنا وعافس وجهه
: طيير عني زين مني بناقصة مغازلجية اذلف عني
اطلق ضحكات عالية : اما عاد .. جالسة قدام العالم وفاصخه .. ماتبين احد يغازلك
تنرفزت من طريقة كلامه .. طالعت يمين وشمال وشافت حصى .. التقتها ورمتها على الشاب

: آآآه يالقآسية ليه تسوين كذآآ
قالت بعصبية وهي عاقدة حوآجبها : انقلع من هنا اذا شافك واحد من اخواني والله يذبحونك
: آهآ والله الشرهه مو عليك الشرهه علي اني ماعط وجه
: اذلف بس اذلف

مشى عنها .. وهي مشت بسرعه معصبة متوجهه للمنزل .. وهي تمشي اتصادمت بجسم .. وطاحت على الارض .. وهي مغمضة عيونها..فتحت عيونها وطالعت للجسم بغضب

: شنوو ماتشوف انت
: ههههههههههههههههههه هدي اعصابك .. انتي الي ما تشوفين
: افف فارس والله مو مشتهية اتهاوش معاك
فارس وهو يمد ايده لها : يلا قومي كسرتي خاطري وبعدين ليه جاية كذا معصبة
مسكت بيده ووقفت : لا مافي شيء بس كنت متضايقة
فارس قرب لها وحضنها : افا اميرة اخت فارس اميرة القصر متضايقة
اميرة بدلع ممزوج بقهر : اففف فارس والله مليت من البيت طول الوقت محبوسة وما اسوي شي
فارس وهو يمسح على شعرها : ولا يهمك يا اميرتي الليلة انا مطلعك وش تبين اكثر ؟
اميرة بزعل : مو تسوي مثل كل مرة يطلع لك شغل مدري وش
فارس اطلق ضحكه عالية : ههههههههههههه لا اوعدك ما راح اخلف بوعدي
اميرة بدلع : فدييت فرووسي اخوي
فارس وهو ينظر لساعته ويبعد اميرة عنه : يلا يا اختي الحلوة وراي شغل اشوفك على خير
اميرة : بآآآي

(( فارس : عمره 28 سنة .. دكتور اسناس .. طيوب وحنون ويموت في اخته الوحيده اميرة مع ان هو اكبر منها بكثير ..عيونه بنية فاتحه وواسعه رموشه كثاف طويل ونحيف .. بشرته سمراء

اميرة : عمرها 20 سنة .. دلوعة ودايما متنرفزة واذا عصبت انسوها .. عيونها عسلية فاتحه .. بشرتها حنطية .. شعرها بني فاتح لخصرها .. طويلة ونحيفة كثيير ))

كملت من الفطور وابعدت الطاولة الصغيرة عنها .. حمدت ربها على النعمه وهي للحين مستغربة تصرف فيصل .. ياربي يمكن اتخيل .. يمكن ربي حنن قلبه علي .. يمكن حبني .. لا شنو حبني طل في وجهي .. ما ادري ليش ما يحبني .. انا سويت شي غلط .. ما اتذكر اني سويت شيء غلط .. افف استغفر الله العظييم .. سحبت لها مجلة .. وجلست تطالع بالازياء وتقرآ عن اخبار الفنآنآت .. قاطعها صوت جوآلهآآ ..شافت المتصل وانصدمت !!!

ردت وهي بالعة ريقها : الوو

الموضوع الأصلي: الموت ولا بعدك يا ولد الناس || الكاتب: بنوته كيوت || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر

السلام عليكم

رواية : الموت ولا بعدك يا ولد الناس

البارت الثـــآني



كررت الكلمة مرة ثانية لما ما حصلت اي مجيب : الوو من معاي ؟
يسمع صوتها وهو بداخله ناصر تغلي ورد عليها بهمس : هلا ميرآ
حز في خاطرها صوته وقالت : في شي ؟
قالها ببرود : ميرا ؟
ردت عليه بصوت ناعم : نعم ؟
ابتسم بهدوء وقالها : انا ظالمك بشي ؟
بلعت ريقها وما حست الا بدموعها وهي تنزل وردت عليه بنبرة هادئة : لا منت ظالمني بشيء لا تخاف
رد عليها بصوت يغلبه الحزن واليأس : اجل ليش يصير معي كل هذا
ميرا بخوف : وش صاير معاك ؟
رد بصوت متعب : ميرا انا تعبان
ميرا : اسم الله حبيبي .. تعال البيت بسرعه ابي اعرف وش فيك
فيصل بهدوء : طيب

سكر منها وهو يتعجب حالها .. ظالمها وقاسي عليها ومجافيها وكل هذا ما ظالمها ؟ .. ليش يا ميرا انتي طيبة كذا ؟ .. ميرا ليه ما تتركيني وتروحين .. مجافيك ومعاديك ونافر منك وش تبين مني .. روحي وتركيني خلاص .. من تزوجتك وانا تعبان حيل .. مو قادر افهم نفسي .. مو قادر استوعب اني انسان متزوج ومرتبط .. ومو قادر اخذ واعطي مع زوجتي .. زوجتي الي مافي اطيب من قلبها .. الي تتحمل مني كل شيء .. ومتحملتها بكل شيء حتى جفائي المو معقول .. أشر على الجرسون ودفع له حق القهوة الي ارتشفها .. ارتشف الكثير من القهوة اليوم .. من شد الاعصاب الي صاده .. توجه بخطوات ثقيلة للسيارة واخيرا وصل لها .. فتح السيارة وحرك للبيت وحديث مع ميرا

--

يمشي بعصبية وكأن وده يكسر كل شيء قدامه .. وقفته ايد مسكته من من كتفه

: هيي شفيييك ؟
: لو تدري وش صار من شوي
بتسآئل : ايش صار بعد ؟
بعصبية: تخيل في بنت من شوي قالت لي كلام قهرني ..
ضحك بصوت عالي : وخير يا طير ياما بنات والاف البنات قالو لك كلام يقهر تمت على هذي ؟
بغرور : بس هذي غير مو بس قهرتني الا استفزتني الكلبة ..
: يا شهاب اهدأ ترا ماله داعي هالعصبية
شهاب بغضب : لا والله .. بادفعها الثمن غالي مو انا تكلمني بهالطريقة
: وش بتسوي ؟
شهاب بخبث : بتشوف

(( شهاب : عمره 25 سنة .. صايع ومغازلجي درجه اولى بس مافي احن من قلبه .. عيونه بنية واسعه .. ابيض وطويل .. جسمه عادي لاهو نحيف ولا سمين .. بس وسييم ))

--

وصل للبيت .. سكر سيارته .. حط ايده على زر الجرس وضغطه .. اننتظر حوالي ثانيتين وانفتح .. انصدم .. ليش هي الي تفتح الباب العاده وحده من الخدم هم الي يفتحونه .. شاف علامات الخوف والتعجب والرهبة على ملامحها .. قدر يفسرها بسرعه لان يشوفها على وجهها من شهر .. ومايشوف غيرها .. لا فرح ولا حزن .. ملامح جامده ومتناقضة .. دخل رجله اليمين دآخل البيت .. وهي للحين واقفه .. صار لاصق فيها ومايفرق عنهم اي شي .. نزل راسه لها لقصر قامتها ولطوله الرهيب .. رفع كفه وصار يلوحه قدام عيونها .. استوعبت الحركة وبعدت شوي عشان تسكر الباب

ميرا وهي تبلع ريقها : وش فييك ؟
فيصل ببرود : مافيني شيء بس تعبان ودي انآم
ميرآ وهي تسرع بخطواتها : ماتبي تاخذ شاور ؟
فيصل ببرود اكثر : قلت لك ابي انام وابدل ملابسي بس
ميرا بتوتر : اجل باطلع لك ملابس
فيصل : تسوين خيير

اسرعت ميرا وفتحت الدولاب .. لعشقها للون الاسود ودون معرفتها لعشق فيصل للون الاسود ايضا .. رغم الغرفة التي يكسوها اللون الاسود .. من السرير والكوميدنا والتسريحه والجلسة حتى الباب الحمام مكسوآ باللون الاسود والدولاب ايضا .. اخرجت له بجامه باللون الاسود .. طلت عليه وشافته يفصخ حذائه .. والكبكآت والساعه .. خلع ثوبه .. وقدمت له البجامه .. ابتسم على اللون الاسود .. رغم انها لا تعرف بعشقه له ولكن لما يطلب منها تطلع له ملابس دايما تطلع له ملابس لونها اسود .. لبس البجامه .. اعجبها شكله باللون الاسود .. مغري فعلا .. لا زالت تتأمله وكأن ودها تحفظ شكلها وتخزنه بذاركتهآ

فيصل حس فيها وابتسم : مضيعة شي ؟
ميرا الي مافهمت : شنو ؟
فيصل اطلق ضحكة عالية : اقولك فيك شيء
ميرا خقت على ضحكته وابتسمت : لا بس خايفة عليك
فيصل تعجب رد ميرا وتوتر : لا ماكو الا العافية بس تعبان
ميرا بخوف : ابي اسألك
فيصل ببرود : سألي
ميرآ بلعت ريقها من الخوف : ليش طلبت من الخدامه تجيب لي الفطور لغرفتي
فيصل ببرود وهو يوقف ويتوجه للسرير : ماعجبتك الخدمه ؟ اسف اخر مرة اسويها
ميرا توترت فعلا : لا مو قصدي بس ...
فيصل قاطعها : آشش بس ابي انآم

حط راسه على المخده وراح بسابع نومه .. اما هي تنهدت لان فهمها غلط .. وطلعت من الغرفة متوجهه للحديقة .. لفت يمين وشافتها قاعده ومتمللة حيل .. ابتسمت وتوجهت لها بخطوات خفيفة دون ما تحس
ميرآ بصوت عالي: بووووووووووووووووو
نقزت من محلها : ميرآآآ يا حمآآرة خرعتيني
ميرآ وهي تجلس جنبها : آسفة حبيبتي مو قصدي .. ليه سرحانه كذآ
قالت بقهر : وعدني الكلب ان يطلعني بس ما جه
ميرآ : ههههههههههههههه اميرة عن من تتكلمين ؟
اميرة بقهر : فارس
ميرآ بتسآئل : فارس ؟
اميرة : اي فارس

ميرا تتكلم في قلبها " شلون فارس وعدها وفارس مات !!! " : وين شفتي فارس
اميرة بعصبية : شفييييك ميرا من شوي شفته ووعدني ان يطلعني
ميرا بلعت ريقها وقالت : باروح وباجييك
اميرة : اووكي

دخلت القصر مسرعه .. وش قاعده تقول هذي .. فارس مات من اسبوعين .. معقولة تتخيله .. ما اقول بس الا الله يصبرك يا اميرة .. شكثر كانت متعلقة بفارس .. والله حرام الي صار .. ياربي للحين ما عرفوا من الي ذبحه وليش ذبحوه .. الله يستر

--

صحت على صوت المنبه .. التفت للجهه الثانية وماشافته ..سمعت صوت الماي .. وعرفت ان جالس يتروش .. تنهدت بهدوء وابتسمت .. قامت بسرعه على حيلها وطلعت من الجناح .. توجهت للمطبخ وصبت لها كاس ماي يبرد على قلبها من بعد الليلة الصعبة الي واجهتها امس .. جلست تتذكر احداثها وصارت تضحك على نفسها .. حطت الكاس على الطاولة .. وارتجفت لما حست باحد يحاوطها من خصرها ولاصق فيها

: صباح الحلو
خجلت والتفت له .. كان لابس الروب حق الحمام وشعره ووجهه كله مبلل : صباح الورد .. روح البس
قالها بخبث : امونتي مو عاجبك شكلي كذا
اماني تضرب كف على الخفيف : كلك على بعضك تعجبني بس هنا باريس وبرد يلا البس
قرب منها بهدوء وطبع بوسه على خدها وهمس لها : آحبك
اماني بخجل : بس يا راشد فهمت يلا روح
راشد ضحك بصوت عالي وراح

(( اماني : عمرها 24 سنة .. حبوبة وطيوبة وقلبها ابيض .. عيونها بنية واسعه .. بشرتها بيضاء .. قصيرة القامة وجسمها مليان شوي

راشد :.. تعرف على اماني ايام الجامعه ووعدها بالزواج بعد ما يتخرجون وفعلا تزوجوآ البارحه .. عمره 24 سنة .. طيوب ومغرور شوي بس يعشق اماني كثير .. عيونه عسلية بشرته سمرآء وطويل ومعضل ))

--

دخلت الغرفة .. وشافته نايم وبسابع نومه .. يغريها اللون الاسود الي لابسه .. تجاهلته قبل لا تتهور وتسوي اي شي ويفشلها .. تقدمت لجهه الي عادة ما تنام فيها .. تلحفت وجلست تطالعه بنظرات كلها حب واشتياق .. مثل الطفل النايم بكل طمأنينة ورآحت .. مدت ايدها ودفنتهم بين خصلات شعره الناعم الكثيف وهمست " ليتني اعرف وش الي متعبك يا فيصل " ابتسمت وابعدت يدها .. ودخلت الحمآم عشان تتروش

لما حس انها دخلت الحمآم وسكرته وفتحت الماي .. فتح عيونه وتنهد بضعف .. دخلت اصابعه بين خصلات شعرها وصار يشد على راسه .. كأن الود وده يفجر راسه ويفتك منه .. غمض عيونه وقال بهمس خافت " ليتك تعرفين الي فيني ياميرا ليتك بس " .. غمض عيونه يحاول ينام بس يكذب على نفسه .. شلون ينام ومستقبله ومستقبل بيته وهالبنت المسكينه بين ايده .. لازم يرتاح شوي عشان يرجع مركز واسمه بالسوق ويرجع فيصل ال... .. الي الكل يعرفه ويهابه

--

على الطاولة .. تتناول الطعام بشهية .. وهو كذلك .. ينظر اليها بحب وشكله مو ناوي يبعد عيونه عنها .. يعشق كل شي فيها .. عفويتها وطيبة قلبها واسلوبها الي تجذبه لها

رفعت راسها وابتسمت : انتي تاكل ولا تتأملني
بفهاوهه : الاثنين
اردفت بضحكة عالية : لا والله راشد .. اكل وانت تطالع الاكل وربي احلى
راشد بلع ريقه : الاكل احلى ها ؟ من جدك ؟
اماني بخجل : هههههههههههههههههههههه
راشد بهيام وحب : يا فديت صاحبة هالضحكة .. بتجيب الاجل وبتذبحني
اماني بصوت ناعم: اسم الله عليك يا قلب صاحبة الضحكة
راشد وهو يمثل الموت : فدييييييييييييييييت الصووت
اماني نزلت راسها وما تكلمت
راشد رجع وضعيته مثل ما كانت وسحب الشوكة وقعد ياكل وهو يطالعها بنظرات خبث .. وهي مو قادرة تاكل من نظراته الي تاكلها اكل

--

قاعد قدام ابوه .. مو عارف شلون يفتح الموضوع معاه .. كل شيء تخربط .. كل مخططآته تخربطت .. خايف يتكلم وكل شيء يخترب وما يصير الي يبيه

بوسعود : يبه شفيك تكلم
سعود وهو بالع العافية : يبه ابي اكلمك بموضوع بس خايف تردني
بوسعود بطيبة : قول يا ولدي قول
سعود يستجمع كل قوآه وقال : ..............

البـــآرت الثـــآلث

سعود استجمع كل قوآه وتنهد بتنهيد طويلة : يبه أنآ ودي بـ
بوسعود الي نفذ صبره منه : ودك بوشو يا يبه ؟
سعود بلع ريقه : يبه انا ودي امسك الشركة
بوسعود فصخ نظارته وحطها على المكتب ووقف غاضب وهو يمد صبعه السبابة وبصراخ : لا والله ما تمسك شيء وانا عايش .. اذا مت سو الي تبيه
سعود بلع ريقه ووقف عشان يهديه : يا يبه ولي يسلمك هد اعصابك والله ما قلت شيء بس ابي امسك الشركة
بوسعود بعصبية : والله ما تمسك شيء وانا عايش ؟ شايفني عاجز وما اعرف وشلون اشتغل .. اذا مت خذ الي تبيه وغير هالكلام ماعندي
سعود يشتت انظاره بعيد عن ابوه : يبه شنو انت مو واثق فيني ؟ انا مو ولدك وعضيدك ؟ وش الي فيك مو شايفه فيني ؟
بوسعود تنهد وجلس على الكرسي : انا ما قلت ان مافيك الي فيني .. بس انا ودي اشتغل واكمل حياتي وانا اشتغل وانت امسك الي تبيه بعد موتي .. واثق فيك وعارف انك عضيدي بس ما اقدر اعيش بدون شغل .. احس نفسي وحيد ومال امي داعي بالحياة .. اتركني على راحتي
سعود بغضب : وانآآ ؟ تبيني اتم كذا لا شغله ولا مشغله ؟
بوسعود رفع انظاره وركزها على عيون ولده الغاضبة : قلت لك تعال اشتغل معاي تقولي لا
سعود شتت انظاره بعيد : يبه .. شنو تبيني اقول حق مرتي وعيالي .. ابوك يشتغل موظف في شركة ابوه ؟ مو حلوة بحقي
بوسعود تنهد : وانا اقول من الي فار عقلك كذا .. اكيد مرتك
سعود وقف بغضب : انتم شفييييكم على مرتي من اخذتها من 4 سنين وانتم ما ادري وش فيكم عليها .. ليه ما تحبونها .. هي طيبة وقلبها ابيض بس انتوا ما ادري شلون

طلع وصفق البـآب ورآه

--

قدام المراية .. تسرح شعرها الاسود الحريري وتنظر لعياناها السوداوتان الواسعتانان .. تنهدت بهدوء على شكلها .. هي قبل ما كانت كذآ .. طلعت لها ملابس .. بعد الشاور الخفيف الي خذته .. طلت عليه وشافته للحين نايم .. نايم وبعمق .. ابتسمت بهدوء .. رغم عذابها معاه الا انها تحبه بسلبياته وايجابياته .. طلعت لها بجآمه لونها موف علاقه .. طلعت عليها حلوة مع شعرها الاسود وبياض بشرتها .. استشورت شعرها على السريع .. سحبت شنطة المكياج وطلعت لها كحل سائل .. حطته على عيونها بعناية .. طالعت بشكلها وابتسمت .. وجههآ عاد له الحيوية المعروفة عنه .. حطت لها قلوس وردي فاتح وزاد من روعة شكلها .. دخلت الشنطة داخل الكبت وطلت مرة ثانية وشافته للحين نآيم .. تأففت وطلعت برآ الغرفة .. ياربي مافي احد وينهم .. تقدمت ناحية المرآية الي تطل على الحديثة الكبيرة ..

ميرا تكلم نفسها : للحين جالسة هنآك

تنهدت بضعف وطلعت للحديقة متوجهه لهآ

--

للحين قاعده ومعصبة حيل .. تعتقد ان راح يجيها ويطلعها مثل ما وعدها .. ناظرت للجهه الاخرى وشافت طيفه .. ابتسمت ابتسآمه عريضة .. طالعت بشكله وهو مبتسم ابتسآمه هادئة .. ركضت لطيفه متأمله انها تمسكه وتؤبخه على تأخره عليه .. بينمآ هي تركض .. لاحظتها ميرا تعجبت ركيضها الي مبين انها متحمسة .. ناظرت للجهه الي تركض فيها اميرة .. ركضت ورآهآ خوفآ عليهآآ

أميرة وصلت للطيف ومدت يدها محاولة انها تحضنه او تمسكه حتى .. وفجأه اختفى الطيف .. وقفت أميرة بخوف وهي مو مستوعبة ..

ميرآ مسكت أميرة من ايدها : اميرة وش فيك تركضين ؟.
أميرة مبطله عيونها على وسعهم ولفت لميرا : م..يرآ أن,..آ ششفت .. ف,,آآ

ما كملت اسمه لانها انفجرت من البكآء .. طاحت على الارض ضعفآ .. نزلت معاها ميرا وحضنتهآ .. كان صوتها وهي تبكي يقطع القلب .. لدرجه ان عيون ميرا دمعت معها .. بنت بهالعمر يصير معها كذا ..

ميرا وهي تمسح على شعر اميرة : اميرة خلاص فارس راح انسي
أميرة تصيح وتشاهق بطريقة مخيفة وتعور القلب : لآآآآآآآآآآآآ لآآآآآآآآآآآآآآآ
ميرآآ تبكي بصوت عآآلي : خلاص اميرة خلآص

أميرة تمسك بميرا بضعف وهي تبكي بصوت عالي وفجأه مآ حست الا بالسواد الي يغطي عيونها يبشر بفقدان وعيها
حست فيها ميرا وصارت تهزها وفجأه صرخت باعلى صوتها : أميييييييييييييييييييييييييييرة

--

فز من نومه على صوت صراخها .. هذي ميرا الي تصرخ .. اي هذي ميرآ .. شصاير .. سحب النعال القريبة منه ولبسها بسرعه ونسى نفسها .. نزل بسرعه تابع لصراخ ميرا .. طلع برا البيت متوجهه للحديقة الكبيرة .. شافها على الارض وماسكة وحده .. قرب وهو يركض ناحيتهم ..

فيصل بخوف : ميرآ وش صاير
ميرآ وهي تبكي ورافعه عيونها لفيصل : أمييرة مدري وش فيها
طاحت عيونه على البنت المغشي عليها وشهق : آمييييرة
ميرآ بخوف : مدري وش صار فيها
فيصل يبعد ميرا عن اميرة وحملها : روحي لبسي عباتك ولا تنسين تجيبين عباة اميرة
ميرآ بتوتر : آووكيه آوكييه

توجهت بسرعه للمنزل .. خذت عبايتها وتوجهت لجنآح أميرة وسحبت اي عباة وطرحه .. نزلت مسرعه لمكآن فيصل .. لبستها العباية بسرعه وطلعوآ متوجهين لسيارة فيصل .. حرك السيارة بسرعه متوجه للمستشفى

--
كان في واحد يراقبهم من بعيد ومستغرب حالهم .. من هذي الي شايلينها ويراكضون فيها كذا .. معقولة ذيك السخيفة .. لا ماعتقد يصير فيها كذا .. ليش .. اوهو انا وش يخصني .. طلع جواله واتصل على صاحبه

--

في الغرفة .. بعثر شعره الاسود الكثيف .. ناظر لعيونه الغاضبة العسلية وانفه سلة السيف وشفايفه الحمرة .. تنهد بضعف .. حس بوحدع تحاوطه من خصره .. ابتسم وهو يطالعه من انعكاس المرآية

قالت له بدلع : وش صار بينك وبين عمي ؟
تنهد بضعف : ما رضى
عصبت وقالت : ابوك هذا ينرفزني
لف عليها وابعد ايدها عن خصره : لا تقولين كذا مهما يكون هذا ابوي
ناظرته بعصبية ونزلت عيونها : سعود
لف عليها بملل : نور لا تعورين راسي
كتمت عصبيتها لا تنفجر عليه .. لمتى بنتم تحت رحمة ابوه .. هذا ليش يتكلم كذا .. يقهر يقهررررر ... رفعت عيونها وشافته يلبس حذائه .. تعجبت وين بيطلع هالحزة .. تقدمت شوي شوي ناحيته وجلست جنبه .. رفعت كفها وحطتها على خده اليسار .. رفع عيونه لها.. مافهم نظراتها له .. فابتسم بهدوء لها

--

وصلوآ للمستشفى .. حملها وهو يصرخ على الدكاترة .. لاحظوه وجابوآ الحمآلة وطلبوآ منه يحطها عليها .. صاروآ يمشون فيها وفيصل وميرا ورآهم .. دخلوها على الدكتور عشان يفحصها .. اما فيصل سند راسه بضعف على الحائط وميرا جلست على الكرسي وهي ميته من البكى عليهآ .. رفعت عيونها وشافته مغمض .. حز في خاطرها شكله .. قربت ناحيته .. ومسكت كفه وشدت عليها .. حس فيها وفتح عيونه وطالعها بنظرات هي مافهمتها او هو مافهم ليش يطالعها كذا ..اكتفى بابتسآمه باهتة

ميرا : تعال اجلس
فيصل هز راسه بالايجآب وجلس
ميرا وهي تشد اكثر على كفه : لا تخاف مافيها الا العافية
فيصل ابتسم : ان شاء الله ..
ميرا بضعف : تعرف مدى تعلقها بفارس وشلون تتخيله من ثانية لثانية .. مو مستوعبة ان راح
فيصل ابتسم بضعف : وانا بعد مو مستوعب ان راح بيوم وليلة واستغربت هدوء اميرة

ميرا بدون ما تحس ولا تعطي للناس اهمية قربت كفه وطبعت قبله خفيفة عليها .. انتبه له واستغرب وطالعها باستغراب

ميرا توترت وابعدت ايدها عنه وقالت : آ..سف,,ة
فيصل للحين يطالعها مو مستوعب شي : لا عادي
ميرا بلعت ريقها وقالت : ماتبي تشرب شيء
فيصل بتعب : يا بنت الحلال وش اشرب شي واختي ما اعرف عنها اي شيء
ميرا اكتفت بهز راسها ونزلت عيونها وهي تفكر بـ أميرة

--

لبست لها بنطلون ازرق جينز مع بلوزة وردية ناعمة ..صندل وردي .. لفت حجابها الاسود .. ناظرت لعيونها البنية .. حطت لها كحل سائل ومآسكره .. وقلوس وردي خفيف على شفايفها .. طلعت شافته للحين جالس .. راق لها شكله .. كان لابس برموده جينز وتيشرت عنابي وكبوس على فيراري ولابس نظارته .. توجهت له بهدوء وقالت له بدلع : جهـــزت
رفع عيونه لها وابتسم ابتسآمه عريضة : روحي بدلي
تخصبت وقالت : ليش مو حلو ؟
وقف لها وحاوطها من خصرها ولصقها فيه : لا يا قلبي مو قصدي كذا اصلا لو تلبسين بجآمه بعد تهبلين بس اغار
نزلت راسها من الخجل : عن حركات المبزرة يا راشد
راشد بغضب مصطنع : شايفتني بزر ؟
بلعت ريقها من نبرة الصوت : لآ بس
راشد قاطعها وهو للحين يتصنع الغضب : بس جب يلا
سكتت ونزلت راسها ومشت ورآه .. وهو للحين كاتم ضحكته

--

في المستشفى .. للحين جالسين والصمت سيد الموقف .. قطع عليهم هالصمت صوت الدكتور .. فزوآ من صوته

فيصل : بشر يا دكتور
الدكتور بحزن : مو عارف شقول بس
فيصل بخوف : بس ؟

البــآرت الرآبــع





ميرا تمسكت بكتف فيصل الي شوي وينهار من كلام الدكتور

ميرا بخوف : فيصل اجلس تكفى
فيصل جلس وهو منصدم ومو مستوعب شي : تركككككينيي
ميرا من الخوف تركته وسكتت
فيصل للحين مبطل فمه على الاخر وعيونه محمره .. دخل اصابعه بين خصلات شعره وشد على راسه ونزله تحت وغمض عيونه بقوة .. ميرا بكت على حاله .. ماتتحمل تشوفه كذا .. شافت الممرضة وركضت لها .. همست له بصوت خافت " عادي ادخل عند المريضة " ..
ابتسمت لها الممرضة : اي تفضلي

لفت على فيصل وشافته على حاله .. استغلت الفرصة ودخلت على اميرة .. شافتها مفتحه عيونها وابتسمت .. قربت ناحيته ومسكت ايدهآ وشدت عليها .. انتبهت لها ولفت
اميرة بتعب وصوت يالله يالله ينسمع : ميرا ماسويت شيء
ميرا دمعتها خانته : ادري ماسويتي شيء والي سوى كذا ربي راح يعاقبه
امييرة صاحت بصوت يقطع القلب : والله مو ذنبي والله مو ذنبي
ميرا باست ايد اميرة : اوكي حبيبتي الحين انتي ارتاحي وفي وقت ثاني راح نزورك ونفهم كل شيء
اميرة اكتفت بهز راسها بالايجاب واغماض عينها

تنهدت ميرا وطلعت من الغرفة .. لفت مكآن فيصل ماشافته .. استغربت .. وين راح هذا ؟ .. توجهت للبوابة الخارجية وشافته قاعد بالسيارة .. تنهدت براحه .. راحت للسيارة وفتحت الباب .. انتبه لها ورفع راسه وطالعها بنظرات تخرع .. بعد ما سكرت الباب طالعته شلون يطالعها وانتفضت من نظراته ونزلت راسها

فيصل وهو عاقد حواجبه وبغضب : ويييين رحتي ؟
ميرا بلعت ريقها : مارحت مكان
فيصل بصوت عالي : لا والله تستغفليني بزر قدامك ؟
ميرا بخوف : ليش معصب علي
فيصل بصوت عالي : لآنك غبييييييييية

ميرا انتفضت ونزلت راسها وبكت .. اما هو ابعد انظاره عنها وشغل السيارة .. وصار يسوق بسرعه جنونية

--

ماسكين ايادي بعض ويتمشون في اسواق باريس .. هو كل ساعة يلتفت لها ويطالعها بنظرات خبيثة ومليانه حب .. وهي تحاول تتجنب هالنظرات عشان ما تنهار وتضعف قدامه .. شد من مسكة ايده لها .. ابتسمت بهدوء ولفت عشان تشوفه .. بس سرعان ما ابعدت عيونها عنه من الخجل ونظراته الي تموتهآ من حياها .. رفع صبعه السبابة من ايده اليمين ولف وجهها له وصار يطالعها بابتسآمه عريضة .. بلعت ريقها وحاولت تلف وجهها بعيد عنه بس هيهات .. رجع وجهها قبالها وقربها له .. بحيث ايده على خصرها وراسها على صدره ويمشي فيها .. ماتت من الحياء بس هو ماسكها بقوة مو قادرة تتحرك لا يمين ولا يسار .. وتطالع بالناس الي يطالعون فيهم باعجاب ويضحكون عليهم .. رفعت راسها عشان تشوفه .. كان هادئ ويبتسم ابتسآمه عريضة .. ساعات يعجبها هدوئه وساعات يقهرها خصوصا لما يحطها بمواقف غبية مثل هالموقف .. نست نفسها وهي تتأملهـ ..

نزل رآسه لهآ وشافها شلون تطالعه : مضيعة شي بوجهي ؟
بلعت ريقها وشتت انظارها بعيد عنه : لا مافي شيء بس شف حالتنا والناس تطالعنا ما حسيت بهالشيء ؟
ضحك بصوت عالي : عآدي يا قلبي ترا الي هنآ يسوون اكثر من كذآ
قالت له ببرآئة : وش يسوون ؟

ابتسم بخبث وقرب صوبها وطبع بوسة خفيفة على خدهآآ بلعت ريقها وسكتت وشتت انظارها بعييد وصارت تطالع بالناس الي يضحكون ويتسآسرون .. بلعت العافية وتوعدت براشد بس يرجعون

--

قاعد مع صاحبه ويسولف ويسولف .. بس هو عقله مو معه .. يفكر بالبنت الي شالوها اهلها وودوها المستشفى .. ياربي ليش ماخذه عقلي .. خل تولي بس مع وجههآ المخيس .. التفت لصاحبه الي يسولف وضحك عليه

: لييه تضحك
شهاب : ماكو بس مافهمت شي من الي قلته
قرب صوبه وضربه على راسه : لانك غبي مادري من الجديده الي خذت عقلك
شهاب وهو يرتشف القهوة : تخسي بنت تاخذ عقلي ماعرفتني زيين
: ههههههههههههههههههه انا الي عارفك زيين

--

صفط السيارة .. طلع منها وهو معصب .. دخل القصر وبسرعه متوجه لجناح اميرة .. ميرا ركضت وراه وهي خايفة عليه .. لان فيصل لا عصب انسوه .. دخلت وشافته يحوس بالاغراض .. تسائلت عن فعلته وليش جالس يسوي كذا .. خافت تسأله يصرخ عليها فالتزمت الصمت وهي ساندة نفسها على الحائط وتنتظره يخلص

--

فتحت عيونها .. لفت للجهه الثانية ماشافت احد .. غمضت عيونها بهدوء ورجعت فتحتها .. شافته مرة ثانية .. تجمعت الدموع في عيونها معلنة نزولها .. شهقت بصوت متعب ويعور القلب باسم " فــأرس " .. ليش هديتني ورحت .. تعذبت من بعدك يا فارس .. ياخوي ياعزوتي .. مت وماتت حياتي وراك بذاك اليوم .. خنقتها العبرة وماقدرت تكمل وهي تشوف طيف اخوها الي يبستم لها براحه .. ايقنت انه فعلا خلاص مات .. والي تشوفه كله تهيئات بتهيئات .. بس عقلها الصغير والي صار فيها مو شويه .. سكتت وراحت بسابع نومه

--

ملت وهي تشوفه يفتش باغراض اميرة .. استسلمت للامر الواقع لان الفضول بيذبحها قربت صوبه ومسكت كتفه .. لف لها وهو عاقد حواجبه .. طريقته لما يعصب هي عقد الحواجب وترعيص العيون .. مسكت نفسها عن الضحك .. وقالت له بصوت جدي ممزوج بالخوف : خلاص عاد مهي حاله
فيصل يوقف ووقفها معاه وهو يهزها بطريقة جنونية : انتي وش دخلك اساسا ليش تتدخلين باشياء ما تخصك .. انقلعي من هنا لان جد واصلة حدي وما ابي اطلع حرتي فيك
ميرا بعناد رغم انها خايفة : ماني طالعة من هنا قبل ما تقولي على ايش تدور وليش معصب اساسا .. اميرة مالها ذنب
فيصل ووجهه احمر من الغضب وصرخ فيها : كيييييف مالهااا ذنب هاااه ؟ كيييف مالها ذنب وتطلع مو بنت ؟ يعني كانت مع رجاااال وبالحرااام .. تعرفييين يعني ايش بالحرااام يا ميرااا ؟ يعني لو احد درى بهالموضوع بنروووح وطي
ميرا بلعت ريقها من الخوف : طيب انت اهدأ .. الاكيد انها ما كانت معاه برضاها .. اسمها اول وافهم منها كل شيء
فيصل دخل اصابعه بين خصلات شعره وقعد على السرير : ميرا مو فاهمتني ؟ انا للحين مو مستوعب ان اميرة البنت العفيفة الطاهرة الطيبة البريئة تسوي كذا .. وشلون بدون رضاها اقنعيني بالله ؟
ميرا جلست جنبه وهي متأملة ان تلين قلبه على اخته : ياقلبي .. ممكن هالشيء صار غصبن عنها يعني اغتصاب لا تظلم اختك وتخسرها بعدين
فيصل مانتبه على كلمتها " ياقلبي " وقالها بهدوء : اي طيب بس الي اعرفه ان شرفنا راح من ورى هالمتهورة

ميرا مسكت يده وشدت عليها .. وهو اكتفى بالابتسآمه

طالعت شكله وحبت تغير الجو شوي وضحكت بصوت عالي .. التفت لها وهو عاقد حواجبه
فيصل بغضب : ليه تضحكين ؟
ميرا حاطه كفوفها على فمها : شوف نفسك
فيصل طالع بنفسه وماهتم لان مابقى في راسه عقل : شنو ؟
ميرا فجرت ضحكه طويلة وعريضة : هههههههههههههههههههههههههههههههههههههههههههههههه
فيصل مو فاهم شيء غير ان عصب من ضحكتها .. تستفزه وصرخ فيها : مــــيــــــرآآآآآ
ميرا سكتت وبلعت العافية بس للحين ماسكة ضحكتها وقالت : شوف نفسك
فيصل شاف نفسه وهالمرة ركز وفهم قصدها .. رغم ان مزاجه متقلب وماله خلق لشيء فجرها : هههههههههههههههههههههه
ميرا تنحت عنده .. اول مرة يضحك بوجههآ كذا وحبت تاخذ وتعطي معه بهالكم دقيقة ممكن تفهمه : هههههههههههههههههههههه انا نفسي مو مستوعبة شلون رضيت على نفسي اطلع معك كذا
فيصل للحين يطالع نفسه : الشرهه مو علي الشرهه علييك يا مداام كيف ترضين على زوجك يطلع بالبجآمه ؟
ميرا ضحكت بصوت عالي : هههههههههههههههههههههههههههههههه والله وقتها مابقى فيني عقل يعني انت عقلك طار ؟
فيصل فعلا خذ وعطى مع ميرا وقالها بصيغة الامر : يلا جيبي لي ملابس اي شيء عشان نروح لاميرة ونشوف وش اخرتها معها
ميرا ابتسمت بهدوء وقالت بدون ما تحس : ان شاء الله يا قلبي

راحت للدولاب وطلعت له تيشرت اسود مع بنطلون جينز .. طلعت متوجهه لجناح اميرة .. دخلت عليه وشافته للحين جالس على وضعيته .. تنهدت بهدوء لاول مرة تتكلم معاه مثل العالم والخلق وهو يتكلم معاها مثل أي زوج طبيعي . مدت الملابس له .. حس فيها ورفع عيونه وطاحت على اللون الاسود .. ابتسم رغم تقلب مزاجه وغضبه من اميرة .. ثم رفع انظاره لعيون اميرة .. واخذ الملابس ودخل الحمام عشان يلبس ..

--

واقفه على راسه تبيه يجاوبها سؤالها بس هو مطنشها وجالس يلبس حذائه .. رفع عيونه لها وشافها شلو تطالعه ..
تنهد بملل : خير ؟
قالت له بغضب : صارلي ساعة انتظرك تتكلم ياخي حس فيني
رد عليها ببرود : نور لا تعورين راسي قلت لك خلاص ابوي ملزم ومستحيل احد يغير له رايه
نور بهدوء : طيب حاول معاه مرة ثانية
سعود بغضب : نور انا مادري ليه انتي مصممة اني امسك الشركة .. اكا انتي عايشة احسن حياة مهوب داعي امسكها
نور توترت وقالت : هآه .. بس انا حالتك مو عاجبتني جالس بالبيت لا شغله ولا مشغله
سعود بمزح : يعني تبين الفكة مني
نور بتوتر : لا حشآ .. اصلا انا ابيك قربي على طول
سعود : اجل خلاص سكري على الموضوع
نور بقهر : بس انا بعد ما ودي تتم كذا عشان الولد الي ببطنآ
سعود باستغراب : قلت لك احنا عايشين احسن حياة وبعد عمرن طويل لا توفى انا بمسكها ولا يهمك
نور : بس انا ابيك الحين تمسكها
سعود عصب فعلا منها : نور لا تنرفزيني .. ابوي لا قال كلمة مستحيل يرجع عنه
تأففت وقالت : طيب مافي داعي تعصب علي
سعود وده يغير الجو .. سحبها لحضنه وباس خدودها الحمر وحضنها

--

طلع من الحمام وتوجه لها .. رفعت انظارها له .. ابتسمت ابتسامه عريضة .. ماتنكر ان اللون الاسود عليه يغريها .. حاولت تخفي هالابتسامه بس عيت ..
فيصل تجاهل ضحكتها : يلا لا نتأخر
وقفت وهي تلبس عبايتها : يلا مشينآ

طلعوا مع بعض وتوجهوآ للسيارة .. دخلوها وفيصل فتحها وحركوآ للمستشفى

البـــارت الخـــامس

,,,





دخلوا للشقه .. جلست على الكنبة القريبة وهي حدها معصبة ومو طايقة نفسها ولا طايقة هالكائن البشري الي يسألها بكل بساطة ولا كأن مسوي شيء غبي من شوي " وش فيك "

ردت عليه بعصبية : لا والله تسأل بعد
رد عليها وهو معصب : لا تكلميني كذا اماني مو بزر قدامك
قالت له وهي منقهرة بدون ماتحس : لا والله بزر واكبر بزر بعد لو ما كنت بزر ماسويت حركات المبزرة هذي قدام العالم
حط ايده على جبهته يحاول يهدأ نفسه : يعني هذا الي مضايقك يا مدام ؟
قالت له بعصبية : اي مضايقني ونص
ابتسم لها باستهزاء عكس مابداخله مو ثوران وغضب من اسلوبها : اجل انا اسف وما كان قصدي .. يلا انا تعبان تصبحين على الف خير يا مدام

دخل الغرفة وسكر الباب بالقوة .. لامت نفسها على تصرفها معاه .. كان لازم تفهمه بطريقة ثانية .. الطريقة الي استخدمتها ما فادتها الا زعلته منها وممكن تخسره بسبب هالاسلوب .. يلا بكرة بكلمه وباعتذر منه لان جد الحين تعبانه .. لفينا باريس كلها وما تم احد ماشافنه واحنا حاضنين بعض

,,,

وصلوا للمستشفى .. ثوران وغضب بقلبه مو راضي يهدأ .. شلون بيطالعها وهو يبتسم ويتحمد لها بالسلامة وكأن مو صاير اي شيء .. حس بالايد الي مسكته وشدت على ايده .. ابتسم لها ودخل معاها للمستشفى وطول الوقت وهو يمسك نفسه ويقرأ المعوذات عشان مايتهور ويذبحها بأرضها .. ومقرر ان يسمعها للاخر ..

وصلوا للغرفة ووصقفت ميرا .. استغرب وقوفها وعقد حواجبه .. فهمت ان معصب وحاولت تتدارك الوضع

ميرا بخوف : فيصل انت هادي
فيصل باستغراب : اي هادي لا تخافين
ميرا بلعت ريقها : اخاف تخربها داخل
فيصل بغضب : شايفتني بزر اخربها لا تخافين ما بسوي شيء يلا خلينا ندخل
ميرا بخوف : طيب طيب يلا

دخلوا للغرفة .. وفيصل سحب ايده من ايد ميرا .. ما انكرت انها تضايقت من حركته بس ما عطتها أي اهمية وطنشت مثل عادتها .. كل يوم تقول راح يتغير وراح يصير احسن معها .. مع العشرة راح يتقبلها ويحبها مثل ماتحبه اهي .. ليش يعاملها كذا ماتدري .. ممكن الضغوطات الي صارت معاه بالفترة الاخيرة تعبته كثير موت اخوه وحالة اميرة وشغله .. عاذرته مع اني عارفة ان في سبب كبير .. وسر كبير وراك يا فيصل ..

ميرا قربت من اميرة الي مغمضة عيونها وتبكي بصمت : اميييرتي

أميرة فتحت عيونها ووجهت انظارها لميرا .. بعدين رفعتهم وشافت فيصل الي مشتت انظاره عنها .. فهمت ان ما يبي يشوفها واستسلمت لدموعها وشهقاتها .. تخرعت ميرا ومسكت ايدها بقوة وصارت تمسح على شعرها .. امآ فيصل ما تحمل شيء .. لان اي حركة تسويها او ممكن يتهور بأي لحظة ويذبحها بدون رحمة .. فطلع بكرامته خارج المستشفى

,,,

متمللة ومنسدحة على سريرها وحاطة ايدها على بطنها وتفكر بالمستقبل والي جآي .. وتفكر بابوه ليش معند ومعارض فكرة ان سعود يمسك الشركة .. يعني سعود وش فيه وهو من ايش خايف ؟ .. خايفة يفرون راسه علي ويصدق اني متزوجته عشان فلوسه .. يارب مايصير هالشيء .. والله احبه وودي يكون ابو ولدي الي ببطني .. الولد الي راح يربطنا ببعض طول عمرنا .. بس الشيء الي مو مستوعبته قرار ابوسعود .. ليش يسوي كذا ؟ .. قطع عليها افكارها مسكة ايده على بطنها وهو يمسح عليه .. قرب راسه وسدحه على بطنها وصار يكلم نفسه

بصوت حنون : بابا حبيبي متى تطلع والله مشتاق اشوفك واشوف من تشبه الماما ولا البابا
نور بمرح : يشبه الماما طبعا
عقد حواجبه وقالها بنص عين : لا والله ؟ و وش فيه ابوه عشان مايصير مثله
نور بلعت ريقهآ : مافيه شيء بس ما ابيه يصير ضعيف شخصية مثله

كلام نور طاح عليه مثل الصاعقة .. عقد حواجبه وابتعد عنها .. وطلع من الغرفة وهو معصب حيل .. أما هي حطت ايدها على بطنها ولا اهتمت .. رغم ان انشغل بالها عليه .. وخافت عليه .. بس خله يحس اني متضايقة من هالوضع .. مهي حالة بعد .. نتم تحت رحمة ابوه !

,,,

جالس يرقم بنت جديده .. ومستانس ويسولف وفالها .. قاعد صديقه جنبه وهو ميت ضحك على الكلام الي يقوله .. يستغرب شلون يصفف الكلام كذا .. انهى المكالمة .. وطالع بصديقه وهو شلون كاتم ضحكته

قاله باستغراب : خير ان شاء الله
رد عليه : ههههههههههههههههههههههههههههههههههههههه
شهاب ضحك معاه : هههههههههههههههههههههههه وش فيه ؟
صديقه : لا بس مستغرب شلون تصفف الكلام كذا اعوذ بالله منك
شهاب بغرور : آجل ايش انا شهاب معذب قلوب العذاري تبيني ما اعرف شلون اصفف الكلام
صديقه : ههههههههههههههههههههه مهوب هين يالكلب
شهاب يغمز له : اعجبك وقريبا بنت اللذيه هذي .. شكلها ماطلعت من المستشفى
صديقه بقلق : تهقى وش فيها ؟
شهاب بدون مبالاه : مدري .. تلاقيها خافت مني وصادها انهيار هههههههههههههههههههههه
صديقه : هآ هآ هآ .. يا ملغك يالملييغ

,,,

للحين ماسكة يدها تحاول تهديهآ .. بس اميرة للحين منفجرة من البكى ومو راضية تهدأ .. خصوصا من ردة فعل اخوها فيصل لما ابعد انظاره عنها ومارضى حتى يطل بوجههآ

ميرا وهي تحاول تهدئها : خلاص يا اميرة .. اهدي مايصير تسوين كذا
اميرة من بين شهقاتها : شفتيييه ؟ شفتييه حتى ما طل بوجههي ؟ يعني مفكر ان كان برضاي ؟ والله مو برضاي والله مو برضاي
ميرا بخوف : خلاص والله ادري ان مو برضاك بس هالشي متى صار خبريني عشان استوعب !

اميرة حاولت تتكلم بس خنقتها العبرة وصارت تبكي وهي تشهق وتحس بغصة مو قادرة تتكلم او تحكي لميرا كل الي صار..مسكت ايدها وشدت عليها .. لما حست انها هدأت شوي وغمضت عيونها .. بعدت كفوفها عنها .. عدلت طرحتها وطلعت عشان تدور عليه .. طالعت يمين يسار ما لقته .. كانت بتمشي بس شافته جالس على الارض وحاضن نفسه برجله ومنزل راسه .. خافت من شكله ونزلت لمستوآه .. حطت ايدها على كتفه وصارت تهزه
ميرا بخوف : فيييييصل ؟
رفع راسه وهو يطالعها شلون خايفة عليه .. رد عليها ببرود : نعم ~؟
ميرا : حبيبي وش فييك
قالها بغضب : لا تقولين لي حبيبي انا مو حبيبك فهمتي .. والي فيني مايخصك
ميرا بلعت العافية وسكتت وقالت : تبي اجيب لك شيء
رفع راسها وهو يلعنها مليون مرة : ما ابي شي تركيني بحالي لان الي فيني كافيني تكفين يا ميرا

ميرا نزلت راسها بضعف وماقدرت تتحرك من مكآنها بجلست معاه بالارض .. اما هو رجع نزل راسه وهو يزفر بقوة لدرجة ان ميرا كانت تسمعه وودها تحضنه بس ماتقدر !!

,,,

يسمع امه وهي تتكلم معاه بهدوء .. بس عقله وفكره مو معاه .. مع البنت الي حبها قلبه وتعلق فيها .. مع البنت الي تزوجت غيره وتركته تايه .. مع البنت الي ماقدر يعبر عن مشاعره لها .. راحت منها بلمحة عين .. كان وده يعيش معاها طول عمره .. ويعيل منها ويجيب احلى بنت واحلى ولد .. بس هي راحت لواحد غيري .. تعتبره مثل اخوها بس هو يعتبرها شي ثاني .. قاطعت افكاره امه وهي تهز كتفه

أمه : يمه شفيك قاعده اتكلم معاك
رد عليها بتعب : يمه اسمعك
أمه بفرحه : وش رايك اجل ؟
رد عليها بملل : يمه انا مو مستعد اني ارتبط بأي وحده .. خليها لوقت ثاني
أمه بقهر : خلاص الي تفكر فيها تزوجت وعايشة احسن عيشة مع زوجها .. طلعها من بالك لانها خلاص راحت لنصيبها
رد عليها بعصبية : يمه انا احبها وما راح ارضى بغيرها واذا ما تطلقت منها ما اكون ولد ابوي .. هي لي لحالي مو لواحد غيري
امه وهي تضرب فخذها بقهر : يمه يمه .. وش قاعد تقول انت خلاص انساها هي لواحد غيرك افهم .. هذا نصيبها
دخل اصابعه بين خصلات شعره وهو منقهر : لآآ .. لآآ والف لا .. والله ما اكون ولدك وولد ابوي ان ما طلقتها منه وغصبن عليه وعليها
امه بغضب وبصيغة امر : علم يوصلك ويتعداك يا رامي .. ان سمعت انك متعرض لها هي وزوجها والله ماراح اسامحك ليوم الدين
كلامها سقط عليه كالصاعقة .. قعد على ركبته قدام رجل امه وبصوت باكي : يمه لا تسوين كذا .. اكره شي انك تغضبين علي .. ادري ان الي اسويه غلط بس انا احبها والله احبها وما اتخيل انها تنام بخدة واحد غيري .. وانا ما اتخيل اني افتح عيوني واطالع ببنت غيرها .. احبها لدرجه ما تتصويرنها يمه
امه بحزن وهي تبكي : يمه افهمني زين .. اذا انكتب لك نصيب فيها راح تاخذها غصبن عليها وعلى زوجها بس هي الحين نصيب وحلال غيرك .. لا تسوي شي تندم عليه طول عمرك

,,,

مغمضة عيونها .. تحس روحها راح تطلع من محلها .. الي صار لها بالفترة الاخيرة تعبها كثير .. فوق كل هذا .. خنقتها العبرة وصارت تبكي بحرقة .. بس بصوت محد يسمعه غيرها وغير ربها .. رفعت كفوفها وحطتها على بطنها .. طالعته بقهر .. شدت على بطنها بقوة وهي تبكي بحرقة .. وصارت تشهق بصوت عالي وهي تضرب بطنها بقهر .. وتصرخ بكلمة " مــــووووت مـــــووووووووت " .. سمعوهآ السسترز ودخلو عليها .. وحده مسكتها من ايدها اليسار ووحده جهزت ابرة المخدر عشان يهدونهآ .. تبكي بحرقة لدرجه ان وحده من السسترز نزلت دموعها عليها .. شعور كريه تكتشفين انك حـآمل بدون زواج .. وبذنب انتي ما اقترفتيه ! .. بذنب صار غصبن عنك .. هدأت بمجرد ما غرزت الممرضة الابرة بايدها .. لحفتها ومسحت على شعرها .. أشرت على السستر الي تصيح عليها عشان يطلعون .. سكروآ الليتآت .. وتركوها !

,,,

عوره قلبه وهو يسمعها تصرخ بصوت عالي .. حاول ان يدخل داخل بس ميرا مسكته .. والسسترز ما خلوه يدخل .. طاح على الارض وحضن نفسه برجله .. جلست معاه على الارض وهي تمسح على شعره .. ماحس على نفسه الا وهو رامي نفسه في حضنها ويبكي مثل الاطفال .. ما استحملت شكله وصارت تبكي معاه وهي حاضنته باقوى ما عندها وتسمي عليه وتقرأ المعوذآت عسا ربي يهديه ويلطف بحاله !,,,

روآية جميله اختي
في الانتظار البارت السادس

اهنيك ع روعة القصه
ابداع في الطرح وروعة في الانتقاء
وجهد تشكرين عليه
دمتي بروعة طرحك
أكاليل الزهر انثرها بمتصفحك

البارت السادس
ابعدته عنها بهدوء .. حاولت توقف بس عيت لانه كآن متمسك فيها .. حاولت تفك اصابعه عن عبايتها .. وفكتهم .. وقفت على حيلها وهي تحاول توازن نفسها وتقويها .. مسكت ايده ووقفته .. سندته بالجدار .. حطت كفوفها على خده ورفعت راسه .. كان مغمض عيونه ووجهه تعبان حيل .. حتى مو قادر يوقف على رجله

طالعت في وجهه وركزت فيه : فيصل تكفى صير اقوى من كذا .. أميرة محتاجتنآ
فتح عيونه تأمل عيونها المغورقة بالدموع .. بس مليانه امل وتحدي .. ابتسم بتعب وهز راسه وهمس : طيب

ابتعدت عنه ومسكت كفه .. وهو استجاب لها بدون ما ينطق أي كلمة .. وطلعوآ من المستشفى

,,,

صبـاح يوم جديد يمر على ابطال روايتي ..

صحت من النوم وهي مقررة ان تصالحه اليوم .. لانها ماعادت تتحمل بعده وتجاهله لها .. خصوصا بليلة امس لما حاولت تتلمس شعر راسه وهو صد عنها للجهه الثانية .. تروشت ولبست لها بلوزة لونها اخضر ورقي طويلة لخصرها .. مع بنطلون جينز سكيني .. طلت عليه وشافته للحين نايم .. طلعت بسرعه من الغرفة .. توجهت للمطبخ الصغير الموجود بالجناح .. سوت توست بالجبن .. مع كوبين قهوة .. وسحبت وردة حمرة من المزهرية القريبة منهم .. شمتها وابتسمت .. وحطتها بالطاولة الصغيرة .. حملتها ودخلت الغرفة .. شافتها للحين نايم بسابع نومه .. قربت صوبه وقعدت على طرف السرير .. حطت كفها على خدها وهمست له : حبيبي رشود
راشد : ..............
علت صوتها شوي : رشوووود
رآشد وعى شوي : هممممم
بدلع لايق عليها : رشودي يلا قوم
فتح عيونه وطالعها بنص عين : خير شتبين مقعدتني من صباح الله خير
مدت بوزها وسوت روحها زعلانه وتكتفت : هذي جزاتي مسوية لك فطور ولا مدلعتك جايبته لك للسرير
كتم ضحكته ومثل العصبية : محد طلب منك تسوين لنا فطور لا تجلسين تتمننين علينا

عقدت حواجبها ولفت وجهها عنه وسكتت .. تفآجات فيه وهو يسحبها لحضنه .. حط راسها على صدره وصار يمسح على شعرها وهو يضحك .. عصبت منه وضربته بخفه على صدره وماحست بنفسها الا وهي تبكي .. طالعها بنص عين وتفآجأ بدموعها .. بصبعه السبابه صار يمسح دموعها برقه وهو يهمس لها باعذب كلمات الغزل وهي تضحك وخاقة بعد .. ههههههـ

,,,

طلع بروب الحمام .. حايس بملابسه مايعرف ايش يختار .. او عقله مو معاه ومحيوس .. وموقادر يركض بأي شي .. حست فيه وقربت صوبه .. وقفت جنبه وشافته شلون عاقد حواجبه وواصلة معه .. ماحبت تتكلم عشان مايعصب عليها .. اكتفت بانهآ تبعد ايده على الدولاب .. ما انكرت خوفها من نظراته بس تجاهلتها بابتسآمه تذوب القلب .. طلعت له قميص ابيض مع بنطلون جينز اسود .. قدمتهم له وهي تبتسم .. خذاهم منها بدون ما ينطق بكلمة وحده .. ما انكرت ان اغراها بروبه الاسود بس طلعت بسرعه من كثر ما انحرجت ..

لبس البنطلون والقميص .. رغم مزاجه المتعكر .. ما اخفى ابتسامته على تصرف ميرا الطفولي .. طفله وراح تظل طفلة بالنسبة له .. مستحيل تتحمل مسؤولية بيت ولا انها تكون زوجة .. رغم ان مافي فرق بينه وبينها بالعمر الا سنة او سنتين الا ان يحس انها اصغر من بعشر سنين .. طالع بشكله بالمراية .. تعطر وطلع من الغرفة .. شافها جالسة قدام التلفزيون .. ابتسم على جلستها .. كانت رافعة رجولها وحاطتهم على الطاولة الي قدامها .. رافعة راسها ومسندته على الكنبة ومغمضة عيونها .. شعرها الاسود مبعثر حولينها .. واغراه اللون الاسود .. البلوزة السودآء الي مالها اكمام .. وبرموده اسود .. مبينه كأنها طفلة صغيرة .. قرب صوبها وجلس بدون ما ينطق بولا كلمة .. مر على حالهم هذا تقريبا ربع ساعه .. فتحت عيونها وانصدمت بوجوده .. توترت وارتجف كل مافيها خصوصا من نظرات الاعجاب الي تشوفها بعيونه .. شافتها باول يوم لهم مع بعض ومن بعدها ماشافتهم ابد ..

ميرا بخوف : ليش تطالع كذآ ؟
رد عليها : ولا شيء بس ما كأنك متعمده تلبسين اسود قدامي
ناظرت للبسها وقالت : لا مو متعمده ولا شيء
بنص عين : اجل ليش لابسة اسود ؟
قالت له وهي بالعة العافية : لأني احب اللون الاسود ونص ملابسي لونها اسود يعني انت ما تحب اللون الاسود ولا شلون ؟
استغرب ورفع حاجبه : تحبين اللون الاسود ؟
نزلت عيونها من نظرته : اي احبه وكثير
ابتسم لها ابتسامه عريضة : وانا اموت باللون الاسود عشان كذا تكفين لا تلبسين قدامي اسود اخاف ما امسك نفسي
تعجبت كثير من طبعه المتقلب ونزلت راسها خجل : بس انا احب الاسود ما اقدر استغني عنه بشكلي
رجع جسمه للوراء وتسند على الكنب وتنهد : يكفيني شعرك الاسود الي جايب العيد فيني بعد تلبسين اسود مع بياض بشرتك
ما عرفت وش ترد عليه غير انها تبتسم وتنزل راسها ! ..

,,,

صحت من نومها .. وهي تتمنى كل الي صار فيها وصار معها يكون مجرد كابوس ويروح .. ناظرت حولينها كأنها تو تدري انها مرقدة بالمستشفى .. حطت ايدها على بطنها ومسحت عليه .. حست باحساس حلو .. رغم ان ولد حرام بس هذا ولدها ومهما يكون ولدها .. شهالافكار .. هذا ولد حرام ولازم يموت .. لا اعرف من ابوه ولا ابوه يعرفني .. مستحيل اولد هالولد .. لازم يموت .. لازم يموت .. لازم يموت .. تنهدت بضعف وحاولت تمسك دموعها .. بس ماقدرت .. تذكرت موقف صادها مع اخوها فارسس

وهي طايحة على الارض : آآآآآآآآي
ركض لها وجلس بمستواها : اسم الله عليك فيك شي ؟
نزلت دموعها على وجهها واشرت بايدها لرجلها : يعور
ضحك عليها وعلى برائتها : يعني وش اسوي لك
عقدت حواجبها بين دموعها : يعني تعرف وش تسوي
قعد على الارض وضحك : ههههههههههههههههههههههه يعني تبيني اشيلك ؟
ابتسمت ابتسامه عريضة وقالت ببرائة : اي اي
طالعها بنص عين : ممممم .. بس انتي ثقيلة
بصوت عالي :فاااااااااارس
ضحك عليها : طيب طيب .. بكرا راح اشيل عيالك وعيال عيالك اذا تبين
باسته بخده : فدييتك يا احلى اخو .. اصلا عيالي بيكونون محظوظين بخالهم

رجعت للواقع .. مسحت دموعها وهي تتذكر فارس كيف يتمنى يشوف عيالها ويشيلهم ويبوس فيهم .. ودها تجيب هالولد .. بس الناس وش بيقولون عنها .. وش بيقولون عنها وهي تحمل باحشائها ولد بدون اب وبدون زواج .. ضحكت على نفسها بسخرية .. هه .. شلون بجيب هالولد ؟ .. مستحيل لا انا راح ارضى ولا اخوي راح يرضى .. زين ما ذبحني بارضي .. تذكرت فيصل وشلون صد عنها .. لو كان فارس موجود وش راح تكون ردة فعله ؟ مثل فيصل ؟ .. بس هو ماشاف الي صار فيني .. كان ميت شلون بيشوف .. آخ لو القى هالحقير الي سوى فيني كذا والله لادفعه الثمن غالي وما راح اتردد حتى بذبحه .. تنهدت بضعف وابعدت ايدها عن بطنها وغمضت عيونها

,,,

يغلق ازارير قميصه الاخيرة .. يلبس حذائه الرياضي .. بعده كبوسه الي على فيراري باللون الاحمر .. واقفة وراه وحاطه ايدها وراء ظهرها .. طالعها من انعكاس المراية بس ما عطاها أي اهمية .. فتح المجر وخذ ساعته الالماس .. الي هداه اياه عمه بيوم زواجه .. حاوطته من خصره .. بس هو ابعدها عنه .. وطلع بدون ما يعطيها وجه او ينطق بكلمة وحده !

,,,

فاتح البوم الذكريات .. يطالع بالصور ويبتسم .. لمح صورة ماسك فيها ايدها وحاضنها .. هنا لما كان عمره 7 سنين وهي عمرها 4 سنين .. ابتسم كثير .. ليتها هي جنبه الحين عشان يسوي لها هالحركه .. بس آخ .. راحت من ايدي ومانطقت بحرف واحد .. ليش سوت فيني كذا ؟ .. والله ماراح اخليها .. والله ماراح يمر هالشيء كذا .. قام وحاول يبعد هالافكار بعيده عنه .. لبس له تيشرت ابيض مع برموده اسود .. سرح شعره وسواه سبايكي .. طلع مسرع من البيت حتى ما استجاب لنداء امه ..

,,,

ينظر لساعته وتأفف .. حست فيه .. وطالعته بدون ما تتكلم .. رفع عيونه وتلاقت بعيونها المستغربة والمستفسرة .. ابتسم لها بهدوء ووقف ..

بهدوء : تأخرنا على اميرة
مشت ناحية الغرفة : طيب بجيب عبايتي
بصوت عالي : استناك تحت
بصوت عالي : طيب ماراح أتأخــر

طلع يستناها بالسيارة .. كانت في عيون تراقبه من بعيد بنظرات حقد .. ما انتبه له لان رن جواله .. ابتسم ورد عليه وكان المتصل سيف .. خلص المكالمة لما لمحها وهي جاية .. دخلت السيارة مسرعة وهي تدخل جوالها بشنطتها .. كانت العيون الحاقده تطالعها بحب وعتاب .. دخلت السيارة .. وحركوا بسرعه ناحية المستشفى

حس بقهر بداخله .. ضرب الحائط بايده مرة ومرتين وثلاث .. عل وعسى يبرد الحرة والقهر .. كل يوم يشوفهم طالعين مع بعض .. منسجمين مع بعض .. شكلها تحبه .. شكلها جد تحبه ومو حاسة فيني .. لمتى يا ميرا .. لمتى ؟ .. وش شايفه في هالاناني المغرور ومو شايفته فيني .. شلون رضيتي فيه وانتي عارفة انهـ مغرور واناني وما يتعاشر .. لهدرجه تحبينه ؟ .. تحبينه لدرجه انك راضية تعيشين مع نفسية مثل هذا .. لكن آخ يالقهر ... آخ يالقهر .. توجه لسيارته الي صافطها بعيد عن القصر .. وهو يمشي .. لمحه شهاب .. واستغرب وجوده امام بيت فيصل .. ماهتم له وكمل طريقه !

,,,

جالس مع اصحابه .. وعقله مو معه .. يفكر بكلامها الي جرحه من امس لدرجه ان موقادر حتى يحط عينه بعينها او ياخذ ويعطي معاها .. للحين جملتها الاخيرة ترن في راسه " مابيه يصير ضعيف شخصية مثله " .. " مابيه يصير ضعيف شخصية مثله " ... " مابيه يصير ضعيف شخصية مثله " .. ضرب بالطاولة لدرجه ان الاكل الي عليها اهتز .. نقزوا اصحابه .. وشافوه شلون معصب وعيونه محمرة .. جرب واحد يتكلم معاهه

: ياخي شفيييك معصب وشايل الدنيا فوق راسك
رد عليه بعصبية : مآلك خص ولا تتدخل باشياء ماتخصك

بلع العافية من شكله وسكت وهو يلعنه مليون مرة .. وش مفكر نفسه ولد العز .. مالت بس والله لولا الحاجه والفلوس ماكنت حتى صاحبته .. ولد اللذينه !!!

,,,

وصلوا للمستشفى .. كل خلية فيه تبشر بثوران وغضب .. تمالك الوضع ومسكت ايده وشدت عليها .. اما هو ما اعطاها اي اهمية ودخلوا للمستشفى .. ركبوا الاصانصير .. فك ايده من ايدها وفتح اول ازارير قميصه الابيض .. عل وعسى يقدر يتنفس او يهدأ .. لان متأكد اذا شافها او لمحها حتى راح يتوطى في بطنها ويذبح الي فيه ويشرب من دمعها .. بلعت ريقها لما شافت تعابير وجهه .. خصوصا لما فك ايده من ايدها .. بسم الله توه وش زينه .. مزاجي درجة اولى .. تعودت على طبعه وصارت تطنش وماتهتم بادق التفاصيل .. انفتح الاصانصير .. وتوجهوآ لغرفة اميرة .. مسكت ميرا مقبض الباب وهي متوترة من ردة فعل فيصل تجاه اميرة .. حس انها طولت وبعد ايدها عن المقبض وفتح الباب .. نقزت من لما سمعت الباب ينفتح .. لمحت وجه اخوها وصار قلبها يرقع من الخوف وبلعت ريقها الف مرة .. مشى تجاههآ وهو يحاول يمسك نفسه عنها .. مهما يكون هذي من لحمه ودمه بس الي صار مو شويه .. سحب كرسي قريب وجلس قريب منها .. اما ميرا وقفت فوق راسه وايده ورجولها وكل مافيها يرجف

,,,

قاعد مع صاحبه وعقله مو معاه .. يفكر بالانسان الي شافه قدام بااب بيت فيصل .. معقولة له علاقة بذيك البنت ؟ .. على حسب معرفتي ماعنده اخت غيرها وامه وابوه ميتين وهو متزوج .. يعني هذا جاي لمنو ؟ اكيد لها .. ايا بنت اللذينه .. يعني الحين رفضتيني وقطيتي علي الحصآ .. واخر شي اشوف هذا الكلب قدام بيتهم .. انا اوريك.. مسوية شريفة وهالكلب جاي جنب بيتهم وواقف لها .. يحليله العاشق الولهان .. معليه انا الي راح أأدبك !

,,,

تملل من الجلسة معاهم .. سحب جواله وبوكه ومفتاحه .. كان بيقوم بس مسكه واحد منهم .. لف له وطالعها بنضرة يعني ليش ماسكني

قاله بنص عين : وين رايح يا ابو الشباب ؟
رد عليه : باروح البيت مليت
رد عليه وهو رافع حاجبه : بدون ما تدفع الحساب ؟
قاله بغضب : وليش انت ماتدفع ؟
قاله بجدية : يا سعود يا حبيبي انت تدري ان انا ولد فقر وجيبي مافيه الا ريال ولا ريالين .. بالله من وين اجيب فلوس وادفع ؟

تنهد بملل ورمى 200 ريال وطلع

,,,

تطالع بعيونه الي تطلع منها شرار وتبشر بصراخ وثورة وعصبية راح تطيح فوق راسها .. بلعت ريقها وبعدت عيونها عنه ونزلتهم ..

صرخ فيها : رفعي عيونك وطالعيني
بلعت ريقها ورفعته وقالت : فيصل والله انه...
قاطعها : ولا كلمة يا اميرة ولا كلمة .. بعمري ماتخيلت انك راح تسوين شي مثل هذا
دمعوا عيونها مع كلام اخوها : حرام عليك يا فيصل تظلمني خلني اقولك الي صار
صرخ : جــــــــب
ارجتفت وغمضت عيونها من الخوف وهي ترجف : فيصل اسمعني
صرخ : قلت لك جب ولا كلمة ما ابي اسمع منك ولا حرف و ولد الكلب الي بطنك راح تنزلينه
قاطعته ميرا : مايصير يافيصل هذي روح مالها ذنب شلون تسمح لنفسك تكون سبب بموتتة روح ؟
صرخ بميرا : انتي لا تتدخلين الموضوع يخصني انا واميرة .. والولد راح ينزل اليوم قبل بكرا تبين تفضحينآ
تنهدت ميرا : بس هذي روح ...
قاطعها بصراخ : شنو انتي ماتفهمين ؟ اقولك بتفضحنا وانتي تقولين لي روح ماروح عساها جهنم تحرقها
اميرة بصوت باكي : فيصل ما ابي انزله
فتح عيونه على وسعهم وهدد بيده : نعم نعم ؟. ما سمعت ؟ .. يعني عشانه ولد حبيب القلب الكلب ماراح تنزلينه
صرخت فيه بصوت مقهور : وش حبيب قلبه ؟ انا اصلا مستحيل اكلم صبي وتربيتي وديني مايسمحونلي اني اسوي كذا .. انا أميرة اختك المتربية والعفيفة الطاهرة اسوي كذا ؟؟ فيصل انت شقاعد تقول ؟
رد عليها بقهر : انا نفسي مو مستوعب الشي الي سويتيه .. بس للاسف سويتيه وسلمتي نفسك لواحد كلب ما نعرف ارضه من سماه
قالت بصراخ : لو كان فارس عايش ماسمح لك تسوي فيني كذا
رد عليها بصراخ وهو يوقف : لو كان فارس هنا كان مات من القهر من الي سويتيه يا كلبببة

سكتت بقهر وصارت تبكي بحرقة .. اما هو تنرفز وطلع برا وقبل لا يطلع قـأل " علم يوصلك ويتعداك يا اميرة ان مانزلتي هالولد لا انتي اختي ولا انا اخوك فـــــآهمة ؟ "

البـآرت السـابع



انتلفت اعصابها .. من جهه اميرة وهي تصيح باعلى صوتها ومن جهه فيصل المعصب الي ثاير كل شي فيه .. تظل مع هذي ولا تروح لذاك .. تنهدت بضعف .. جلست قريب من اميرة وحضنتها .. حاولت تهديها وتسمي عليها بالرحمن وتقرأ قرآن .. بعد فترة هدأت اميرة بس لا زال صوت أنينها يوصل لميرا .. ميرا ما قدرت تمسك دموعها فاعلنت نزولها بدون ماتحس .. باست جبهة اميرة وكملت وهي تقرأ القرآن عليها

,,,

دخل البيت وهو معصب .. توجه لغرفته وسكر الباب بالقو .. سند نفسه وراء الباب وصار يتنفس بصعوبة .. ماسمع لنداءات امه وراء الباب .. وقعد على الارض وماسك راسه بقوة .. ويبكي مثل الاطفال .. المنظر الي شافه ماتحمله .. يشوف حبيبته داخله معاه بالسيارة ومتفاهمين وعايشين احسن عيشة .. وانا هني محترق وقلبي يحترق اكثر واكثر عليها .. هذي ليش ماتحس .. والله ماراح تعيشون بسلام وانا هني احترق .. والله يا ميرا راح تكونين لي بروحي

,,,

قدام التلفزيون رافع رجوله على الطاولة .. وحاضنها بحيث يكون راسها على صدره ومنزل عنقه شوي فوق راسها ويمسح على شعرها بهدوء ..

رفعت راسها : حبيبي ماراح نطلع اليوم
رد عليها بابتسآمه تذوب : مممم تبين تطلعين ؟
بلعت ريقها : اي بس مو تسوي مثل حركاتك امس
ضحك : ههههههههه شسوي يا قلبي انا رومنسي وزيادة عن اللزوم ما هقيتك بتزعلين
نزلت راسها : حبيبي انا استحي ما احب احد يطالعنا كذا
باس خدها : بس كذا من عيوني بس يمكن ما امسك نفسي
ضربت على صدره بخفه : رآآآشد

ضحك عليها وحضنهآ ورجعوآ يتابعون التلفزيون

,,,
يلعب بجواله .. يقلب فيه يمين ويسار وهو عاقد حواجبه .. ابعده عنه بسرعه وشد على راسه بقوة .. وغمض عيونه .. حس فيها وهي تحاول تبعد ايده بقوته الي ولا شي قدام قوة ايده .. فتح عيونه وشافها تبكي .. تعجب من بكائها واستغرب بنفس الوقت .. شافها حاطه ايدها الخفيفة على يده .. ابعده عن راسه .. وهي جلست جنبه .. كانو جالسين بالكفتيريا

بخوف : لا تسوي كذا بنفسك
رد عليها بقهر : شسويت يا ميرا ؟ .. اختي انصدمت فيها .. اختي الي كنت واثق فيها تسوي كذا ؟
ردت عليه : حبيبي انت اسمعها اول ما يصير كذا
رد عليها بعصبية : وش اسمع ؟ .. باختصار هي ضيعتنآ وضيعت سمعتنا وهالولد الزفت الي بطنها يموت اليوم قبل بكرا
بلعت ريقها : طيب لا تعصب .. الي تبيه بيصير بس لا تعادي اختك ترا والله الي فيها مكفيها
رد عليها بضعف : ليش انا اقدر اعاديها .. بس هي جبرتني على هالشيء وجبرتني على تغيير معاملتي معاها
مسكت ايده وشدتها : طيب الحين تعال وتكلم معاها .. والله ذبحت نفسها من البكى بعد ما طلعت من عندك
ابعد ايدها عنه : مالي خلق الحين
استسلمت للامر الواقع : طيب طيب .. قوم الحين روح البيت وريح
وهو واقف : بتمين هنآآ ؟
بتوتر : انت ايش رايك
بنص عين : ماله داعي وجودك يلا امشي
وقفت معاه : طيب

,,,

فتح ازارير قميصه الاولى .. شافها واقفة على راسه .. طالعها بنص عين ونزل راسه لقميصه .. لبس له بيجامه لونها كحلي .. ضبط شعره .. وراح انسدح على سريره بدون ما ينطق بولا كلمة .. انقهرت منه وراحت شالت اللحاف من عليه .. استغرب منها وطالعها وهو رافع حاجبه .. تطالعه وهي عاقدة حواجبه ومرة معصبة وموصصلة معهآآ

قالت له بصراخ : انت ليه تسوي كذا ؟
قال لها ببرود : وش مسوي
قالت له بصوت باكي وصراخ : ليش ماتكلمني ؟ صارلك اسبوع الحين وانت لسانك ما طاح على لساني .. تطلع من الصبح وما تجي الا نص الليل ولا ما تكلمني تبدل وتنام .. هذي حالة وياك يعني ؟
قال لها ببرود وهو يسحب اللحاف : راجعي نفسك يا مدام ومرة ثانية ثمني كلامك قبل لا تقطينه
قالت له وهي منقهرة : طيب انا اسفة والله اسفة .. اذا تبي اعتذر لك من اليوم لبكرا .. بس لا تتجاهلني
قال لها ببرود : تصبحين على خير

سكتت ونزلت راسها وطلعت برا الغرفة .. جلست بالصالة الصغيرة وهي تبكي

,,,

وصلوا للقصر .. دخل الغرفة وفتح الليتات .. فتح اول ازارير من قميصه الابيض وانبطح على ظهره بالسرير .. اما هي فصخت عبايتها وطرحتها .. طالعت فيه بنظرة حزن .. رغم كل الي يسويه معاها الا انها تحبه وتخاف عليه .. قربت صوبه .. وجلست على السرير قريب منه .. انبطحت على مستوآه وصارت تمسح على خده بنعومة .. حس فيها وفتح عيونه .. تنح عند عيونها الممزوجه بلمعة حزن وعشق .. مافهمها فيصل واكتفى بابتسآمه وغمض عيونه .. مرت فتره عليهم وهم كذا .. تفاجئت فيه وهو يبعد عنها

قال بتنهد : طلعليلي ثياب ابي انآم

بلعت ريقها واكتفت بهز راسها .. قامت متوجهه للدولاب .. لاحظت ورقة مدعوسة بين الثياب .. ماعطت لها اي اهمية لانها فكرت ان الورقة من الشغل او شي مثل كذا .. طلعت له بجامة سوداء .. ابتسمت وهي تتذكر موقفها معاه لما عرف انها تحب اللون الاسود .. سكرت الدولاب وطلعت له .. عطته البجامه .. بدل ولبسها ..

وقفها قبل لا تطلع من الغرفة : لحظة
لفت له : هلا
قال لها : بكرا الظهر راح يخرجون اميرة .. ذكريني هاه
ابتسمت : طيب انت نام ولا توصي حريص

,,,

تبكي بصمت ومحد حاس فيها .. تتذكر ذكرياتها الحلوة مع اخوها المرحوم .. لو كان هو هنا طبعا راح يكون رايه مثل راي فيصل وراح يطلب مني اني انزله .. حطت ايدها على بطنها .. جاها احساس حلو ما تقدر توصفه .. ممكن مشاعر امومه .. ابعدت هالافكار بعيده عنها .. وصارت تنزل دموعها على ذاك اليوم الاسود .. اليوم الي اخترب كل شي فيه .. اليوم الي خسرت فيه اغلى ما عندها .. واغلى انسان على قلبه .. عادت فيها الذاكرة لتاريخ 17 يوليو 2012 .. تقريبا من اسبوع .. يوم كانت ...............


انتهى البارت

البـــارت الثــامن

,,,



أميرة باستغراب : مين الي جاينا هالحزة
فارس وهو يستعجلها : روحي جيبي لي ماي الولد شكله تعبان حييل
اميرة : اصلا شلون تستقبله والحين الساعه 1 بالليل ..
فارس بعصبية : اميرة فكيني ما اقدر اخليه كذا .. مرة تعبان ونفسيته تعبانه اكثر
أميرة وهي عاقدة حواجبها : آآففف أوكييه

راحت اميرة وهي تركض للمطبخ .. صبت كاس مآي .. قبل لا تطلع سمعت صوت اخوها فيصل وهو يصارخ .. ماهتمت بالموضوع .. لان فيصل دايما معصب ويهاوش في هالمسكينه ميرا .. راحت تركض بسرعه وقفت لما سمعت صرخة اخوها " وآآآآآآآآآآآه " ... تصنمت في مكآنها وطاح كاس الماي وهي تشوف جثة اخوها ملطخة بالدماء .. طاحت عيونها على الشاب الشبه سكران والشبه واعي ووو....

صحت من افكارها وهي تحط ايدها على اذنها وتصرخ باعلى صوتها بـ كلمة " لآآآآآآآآآآآآآآآآ " .. سمعوها السسترز ودخلوآ عليها .. حاولوا يهدونها .. شكلها كان يقطع القلب والمصارين .. تتحرك من مكانها وتضرب راسها بالسرير .. ضربت راسها بحديدة السرير .. مرة ومرتين وثلاث .. ما كانوا ملاحظينها السسترز لانهم مشغولين بتهدئتهآ .. ضربتها السستر ابرة مهدئه وهدأت على الفور .. لاحظو راسها .. وشهقوآ .. بسرعه وحده منهم راحت تجيب شاش ومعقم .. عقمت الجرح الي براسها وحطت الشاش عليه .. تنهدت بضعف وهي تدعي لها .. طلعت هي والسستر الثانية وسكروآ الليتآت

,,,

صبـاح يوم جديد .. صباح يوم الجمعه .. يوم الطاعة والمغفرة ..

صحى من نومه وهو تعبان حيل .. وقف .. بس سرعان ما فقد توازنه وسند نفسه على الجدار .. شد على راسه بقوة وهو مغضمض عيونه على امل ان يستعيد توازنه .. حس بالدنيا وهي تسود بوجهه .. ووقع من ارضه !

,,,

متكور على نفسه بالسرير .. يبكي مثل الاطفال وهو يتذكر منظرهم وهم داخلين للبيت .. وهم طالعين من البيت .. كل يوم يوقف جنب الباب ويراقبهم .. يراقب تحركات ميرا وزوجها على طول .. مبين من شكلها انها مو مبسوطه معه ابدا .. هي اكيد ما تحبه .. ممكن تحبني انا ؟ .. لا ما اظن لو تحبي ما كانت تزوجت هاللوح .. شد على راسه بقوة .. بهاللحظة بالذات يتمنى نفسه لو كان ميت ومقبور بارضه .. تمنى ان ما كان موجود وهو يشوف ميرا بايد واحد غيره .. ومين ؟ .. عدوه اللدود فيصل بن بدر .. سمع صوت الاذان وهو يرتفع معلنآ لدخول وقت صلاة الجمعه .. استغفر ربه .. ودخل الحمام – مكرمين - ..

,,,

جالس على الكنب وهو يضبط كبكات ثوبه .. الشي الوحيد الي مايقدر يسويه هو تضبيط الكبكات بالثوب .. تنهد بغضب وزفر تزفيرة طويلة .. حست فيه ولفت له .. وشافته حايس بالكبكات .. ابتسمت وانتهزت الفرصة وقربت صوبه .. بعدت ايده عن الثوب .. رفع عيونه لها وطالعها ببرود اما هي تتبوسم له مثل الهبله والضحكة واصله لاذونها .. ضبط الكبكات وهي تتميلح عليه .. مرة تحط شعرها على كتفه .. ومرة تزفر تطالع بعيونه بعمق .. خلصت من تسكير الكبكات .. ووقف .. عدل شماغه وطلع بدون اي كلمة .. انقهرت من تصرفه .. هذا وش يبي .. مالت عليه زين مني مضبطة الكبك له .. ما يسوى علي هالكلمة الي قطيتها .. لكن مو منه من ابوه وامه الي ماليين راسه علي .. وحاطين في باله اني متزوجته عشان الفلوس .. تأففت بقهر وهي عاقدة حواجبها وهي تفكر بطريقة تصالحه فيه وتطيح الحطب .. قطع حبل افكارها رنة جوالها .. سحبته لها وطالعت بالشاشة .. زفرت بقوة وهي عاقدة حواجبها .. ضغطت الزر الاخضر

قالت : آلوووو
المتصل : الوو هلا نوارة اخبارك يمه
قالت بملل : نعم يمه بغيتي شي ؟
امها : افا .. ما تبين تكلميني يا يمه ؟
ردت عليها : يمه مو قصدي كذا لا تقوليني كلام انا ما قلته بس متضايقة ومالي خلق اكلم احد
امها بخوف : تهاوشتي مع زوجك ؟
ردتت عليها بحزن : اي
امها وهي تشجعها : لا تخافين يا يمه .. زوجك يحبك وما راح يزعل عليك بسرعه .. بعدين حافظي عليه زين واذا خسرتيه نخسر كل شيء يا يمه
قالت لها بصراخ وعيونها مليانة دموع : يمممه شنو انتي .. ماتفكرين الا بالفلوس ؟ .. انا احب سعود وماتهمني الفلوس .. اصلا كل صار من تحت راسك ومن بعد ما مليتي براسي اني اخليه يمسك الشركة .. انا مابي شي مابي شي .. بس ابييييي سعووود
امها بغضب : لا تقولين تحبينه ؟ .. انتي ما تحبينه ولا شي انتي تزوجتيه عشان فلوسه .. ولا اذكرك بسابق عهدك
قالت بصراخ وصوت يقطع القلب : لا تذكريني باللي مضى انا نسيت كل شي مع سعود وانا ببدي معاه حياة حلوة بعيده عن القذارة الي دخلتيني فيها وانا حامل بولده .. بعدي عني يمه .. اتركيني بحالي .. انتي ما تبيني اكون سعيده

سكرت الجوال على وجههآ بدون ما تسمع كلام امها .. رمت الجوال تجاه الجدار لدرجه ان انكسر نصين .. رمت نفسها على السرير وقعدت تبكي بحرقة وهي تتذكر نظرات وبرود سعود معاها ...

,,,

يحس بغصه مو قادرة تطلع .. وهو كل يوم يطل من الشباك ويطالع الحقير واقف لها .. طلعتي منتي هينة يا اخت فيصل .. بو حتى اسمها ما اعرفه .. لكن انا اوريك يالحقيرة .. تصديني .. بالله وش شايفه فيه هذا .. مافي شي محليه غير السبايكي والنظارة الشمسية .. لاهو من خشم ولا شفايف ولا حتى بشرة .. استغفر ربه .. وقام دخل الحمام – مكرمين – عشان يستعد لصلاة الجمعه

,,,

خلصت من الصلاة .. طالعت للساعة المعلقة على الجدار .. ياربي صارت الساعه 1 وهو للحين ما طلع ولا راح المسجد .. افف خلني اشوفه .. فسخت جلبابها ولفت السجاده وحطتها على اقرب كنب .. تسحبت لداخل الغرفة .. ماسمعت لها حس .. فتحت الباب والغرفة كانت مظلمة وباردة حيل .. كانت تمشي بس تعثرت .. وألمتها رجلها .. مسكت الجسم الي تعثرت عليه .. وصرخت مفزوعه

ميرا بخوف : فيصل ؟ فييييييييصل !!!

قامت بسرعه وفتحت الستاير والليتات .. تخرعت من شكله وهو مسدوح على الارض ومبين من شكله ان تعبان حيل .. نزلت دموعها وما عرفت وش تسوي بالضبط .. راحت بسرعه تحت تجيب ماي وهي تنادي الخدامات .. خدت كاس الماي وركضت بسرعه لفوق .. رفعت راسه حطته على حضنها .. صارت تشربه ماي وتكبه على وجهه .. حست فيه وهو يصحى شوي شوي .. تنهدت بارتياح .. وصارت تضرب خده بهدوء .. فتح عيونه وناظرها بتعب

بصوت يالله يالله ينسمع : ميرا
وهي تبكي : يا عيون ميرا .. يلا ساعدني خلني اقومك
وهو يبلع ريقه : تعبان .. حيل تعبان يا ميرا
وهي تساعده عشان يقوم : سلامتك من التعب .. عسا فيني ولا فيك .. يلا قوم
سند نفسه عليها : تعبت من هالدنيا .. تعبت من هالعوار الي يجيني على طول
وهي تسدحه على السرير : اسم الله عليك .. ليش ماتروح عند الطبيب ؟
غمض عيونه وقالها بعصبية : مابي طبيب ولا شي وخلاص تركيني بحالي ابي انام
بلعت ريقها من عصبيته : طيب طيب .. بس الصلاة ؟
ضرب جبهته بقوة : اوه .. الصلاة زين ذكرتيني .. ساعديني عشان اقوم

ابتسمت له ومسكت ايده .. وسندته عليها .. ومشت فيه للحمام .. ساعدته عشان يتوضأ .. ثم طلع وفرش السجادة

,,,

نايمة بسلام .. يلعب بخصلات شعرها البني بايده اليسار .. وحاط ايده اليمين على خدها الناعم المحمر .. حست فيه وتضايقت منه .. فتحت عيونها وشافته شلون يبتسم لها ووجهه كله حيوية .. حطت ايدها على خده وارتفعت شوي وباست خده ..

قالت له بهمس يذوب : صباح الخير
ابتسم ابتسامه عريضة : صباح الورد والاماني يا اماني حياتي
خجلت ونزلت راسها : من متى قاعد ؟
لف وجهه باتجاه الساعه المعلقة ورفع حاجبه بمرح : ممم كان الساعه 6
لفت وجهها للساعه وكان 8 ونص : بو يعني كل هالمدة جالس تتأمل فيني ماسويت شي ثاني ؟
ابتسم لها وباس رقبتها : يعني ترضين اتأمل بشي ثاني غيرك ؟
قالت بتفكير : نــو ؟
ضحك بضحكة تخقق : اجل خلاص تفداك هالعين وتأملهآآ

,,,

انتهى من صلاته .. رفع ايده للسماء وصار يدعي بصدق وعيونه تدمع .. كأن يطلب من الله ان يغفر كل ذنوبه ومعاصيه الي سواها .. نزل ايده وقام على حيله .. رجعت له الدوخه بس هالمرة قدر يوازن نفسه .. سحب السجادة من الارض .. لبس له تيشرت اسود مع بنطلون ازرق جينز .. ونظارة شمية من ماركة "رايبون" .. طلع وشافها جالسة وجنبها عبايتها .. أشر لها بعينه .. وهي فهمت .. لبست عبايتها وطلعت بسرعه متوجهه للسيآرة

,,,

صحت من المخدر الي عطوها اياها .. تذكرت الي صار معاها .. تذكرت جثة اخوها الميتة والمجلس الملطخ بالدماء .. حست بلوعه .. استفرغت جنب السرير .. وصارت تسعل بطريقة توجع القلب .. كانت معاها السستر ويوم شافتها وهي ترجع .. بسرعه نادت الدكتور .. والدكتور راح لها بسرعه جنونية .. تخرع من شكلها وهي تسعل وترجع وماسكة بطنها بقوه .. حست الدنيا تسود بوجهها وعوار ببطنها .. عضت شفايفها وهي تحاول تبعد هالالم عنها بسرعه .. بس ماقدرت وما لقت حل غير انها تبكي .. حاول الدكتور يفك ايدها عن بطنها بس عيت .. صرخ باعلى صوته .. وطلب منهم ان يجيبون الحمالة عشان ينقلونها لغرفة العمليات !!!!

,,,

يحضر الفطور لها .. طبعا اليوم الدور عليه .. وهي جالسة تتروش .. حب يعمل لها بعض الحركات الرومنسية الي يعرفها .. خصوصا ان رجل رومنسي وهادئ جدآ .. اغلق الستائر والمصابيح .. رغم ان الدنيا نهار والشمس بوسط السماء .. الا ان الشقة الي استأجروها محاطه بمباني عالية جدا وضوء الشمس ينحجب عنهم بس يوصل .. طلع من الكبت شموع حمرة وزينهم على طاولة الفطور .. شعلهم .. سحب وردة حمرة من المزهرية وشمها بهدوء وابتسم .. ريحة الوردة مثل ريحة ملكة قلبي .. ابتسم على تفكيره ووقف جنب الطاولة واستناها تطلع له

,,,

يقلب بالتلفون يمين يسير .. جالس بستار بكس لحاله .. ما اتصل بواحد من ربعه لان ما يشتهي يكلم احد بهالوقت بالذات .. خصوصا من الحركة الي سوتها له نور لما كانت تسكر الكبكات له .. بشعره او بلمحه كان ممكن يضعف قدامها .. بس جملتها الي كسرت قلبه وحطمته صارت ترن في راسه .. ورجعته لوعيه .. هالبنت تقدر تلعب بحسبتي بأي وقت .. بس انا مستحيل استسلم او اضعف لها .. صحيح اعتذرت لي .. بس الاعتذار مو كافي .. اذا سامحتها مرة راح تتمادى معاي مرة ومرتين وثلاث ويمكن عشر .. خلها كذا احسن تتأدب عشان تعرف تثمن كلامها زين معاي

,,,

وصلوا للمستشفى .. كانوا بيدخلون للاصانصير بس وقفتهم البنت الي توقف عند الرسبشن .. طالعوا ببعض باستغراب وتوجهوا لهآآ

قالت لهم : انتو اهل المريضة اميرة بنت بدر ال... ؟
فيصل : اي نعم ؟
قالت لهم : مع الاسف المريضة نقلت الى غرفة العمليات
ميرا بخوف : ايششش ؟؟ لييش وش صار ؟
فيصل بخوف : ليش دخلوها غرفة العمليات وش صار ؟
قالت لهم وهي متخرعه من ردة فعلهم : انا ما بعرف أي شي .. ممكن تتنظروا جنب غرفة العمليات والدكتور حيفيدكن

فيصل هز راسه بالايجاب وراح يركض لغرفة العمليات وميرا ورآآه !!