عسى مايثور حضرة جنابه

أمسيت كنـي طايـرً بـات مقضـوب

وقت الغـروب الله مـن الجـو جابـه

في صحصحً خالي وفي طرّف أهضوب

شاف العشاء يلمـح وجوعـه رمابـه

ولحظه عرف نفسه بجربـوع منكـوب

صـادت مخاليبـه اسلـوكٍ تشـابـه

وكفخ بعد مااصبح على الأمر مغلـوب

يـوم اقبـل الشبـاك تلفـح اثيـابـه

وده يموت أو يدخـل الأرض ويـذوب

عينٍ بالأرض وعيـن تبغـا السحابـه

اوذيبٍ ارقب سمع لـه حنـة اذهـوب

ويديـه زلـت فيـه مـن راس لابـه

طاح وتعور وانكسـر فيـه عرقـوب

يبي الضلال وطـاح وسـط الشطابـه

ماعاد لـه رجعـه ونزلـه ولادروب

سمع الحسـاس وشـاف ظـل الذيابـه

مـن شـي لونـه مقـدر ومكـتـوب

فــي حــال لاوالله لامرحـبـابـه

هذي هي البلـوى وهـذا هـو النـوب

وهذا الـذي ماكنـت حاسـب احسابـه

راح بخبر كان وهـو فيـه عـذروب

بيـن النظـام وبيـن كيـد العصابـه

لكن اليـا فكـرت ماهـو بمغصـوب

خله عسى مايثـور حضـرت جنابـه

امـا يـدل الـدرب بعديـن ويتـوب

ويسـد عـن ريـح الغرابيـل بـابـه

او ياخذ الف احساب ويصير محسـوب

الموضوع الأصلي: عسى مايثور حضرة جنابه || الكاتب: محروم || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر