05-24-2018, 01:56 AM
مستشار طالبكـ خلني بــحـالي
يآصآحبي طآلبكـ خلنَي بــحـآلي
ما أبي "أضيــّــق خاطرك" وأنت مرتاح••
ياصاحبي وإن غبت عنك " ليالي "
غلاك باقي بــالحنايا ولا راح••
تبي أسولف لك،وش اللي جرالي؟؟
أخاف يمسح قولنا الصبـــح لا لاح ..!!••
أجل تعال أجلس "هنيـّـا" قبــالي
دام الحطب طاح وكثير العتب طاح••
لو كل شخص إليا عطيته وفالي
ماكان بــ الدنيا حزن ليل وجراح ..!!••
ولو كل غالي قدّر إحساس غالي
ماشفت ذاك الدمع من محجره ســاح ..!!••
ولو كل قلب من الحسد جاك خالي
مايشتكي من "شحّ الأمطار" فــــلاّح••
ولو كل واحدجاك طبعه مثـــالي
ماكان بــ الدنيا سجن ناس وإصلاح ..!!••
ولولا الذنوب اللي بـكبر الجبالي
ماكان "جيش الكفر" لــ بلادنا إجتـاح••
ولو الردي يعرف شــ معنى عيالي
ماقطّ أبوه بـــ دار الآلآم يــا صاح ..!!••
هذا بعض "حزن السنين" التوالي
طير الحزن مبطي على خافقي ناح••
ما أقول أن الخير ماله مجالي
لآ والذي يفلق من الليل الإصبــــاح••
لكن هنا بعض "الألم" ياحلالي
وأنا أدري أن العود يوم أحترق فاح••
أول أقول إني صبور وشمالي
واليوم لآ والله أنفجر سدّي وبـــاح ..!!••
ماقلت لك يا ذيب خلّني بـ حالي
هذا أنت "ضقت" وأذكرك جيت مرتاح .!!
كلمات البحث
العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر