إشتقت لك يافرحة العمر وين أنت=ياللي عيوني منك ينبـع ضياهـا
لولاك بالغايـه بدنيـاي ماكنـت=أشفق على أيامي يطـول مداهـا
سرقتني مثل الكرى لين تمكنـت=من مهجةٍٍ ماقبلك أحـدٍ غشاهـا
أشوف حسنٍ كل شئ تحاسنـت=لوبه ذهاب النفس أشوفه مناهـا
ماخبر يوم في منامـي تطامنـت=إلا أن بعثت الطيف لي في دجاها
أهين نفسي لك بمرضاك لاهنـت=وأتبع هواك بعسرها عن هواهـا
رجلي تيامن غصبٍ كانك تيامنت=وإن خذت باليسرى تياسر إخطاها
كلٍ بعينـه زيـن وليـا تبينـت=كلٍ زهد فـي خلقتـه مابغاهـا
لو فات لك تسعين بالعمر ماشنت=في عين نفسٍ علقت بك رجاهـا
آمنت بك في عالم الحب آمنـت=يامتلـفٍ روح العنـا يـادواهـا
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف