رواية أربعة عشر أخوه يعيشون في صراع مع الزمن

الجزء الثـــاني
الفصــل الثــالث ..

دخــل تركــي القصــر وعلى طول فــي غرفته ..
ومن أول ماقفل الباب ضرب راسه بقــوه : يـــوه نسيت اشتري حق رحيل جوال يــاربي
بــس فكره الحين بدخل غــرفة خواتي وأخذ منهم مــلابس واشوف رحيل زي ذوق مين من خواتي
دخــل أقــرب غرفه غرفة ســاره
ساره على طول : خير وش عندك بغرفتي
تركي : الخير بوجهك يا أم الخير بس امي تبيك
ساره : اصلا امي مو موجوده في البيت لا تكذب
تركي : انا مو كذاب امي في دور خالتي ام بدر رووحي لها
ساره : رجعـــت ..؟
تركي : اييي
طلعت ســاره من غرفتها وراحت فــوق
فتح تركي كبت الملابس وشــاف
تــنورة كاروهات أحمر مع حزام أسـود وبلــوزه بدون اكمام سـودهـ وفيها من فــوق ورده حمـراء حلوه
خذها وطــلع بــره الغرفه ..
صـعد فــوق وهو خـايف يكــون أبــوه موجود..
طق الباب بســـرعه وفتحته الخدامه
: بابا كبير موجود ..؟
سيتي : No
تركي : طيب يـلا أذلفي عن وجهي
دخــل غرفة اسيل وماشافها موجوده فتح كبت الملابس بسرعه
طلـــــعت عيونه من كثـر مايدور على مــلابس ..
اللي يشــوف كبت اسيل يقول هذا له خمس سنوات وماحد رتب المـلابس
هو صحيح اسيل ماتحب ترتب مـلابسها تخليهم على فوضتهم
أخذ بلــوزه على طــول لــونها ابيــض سادي وفيها كتابات بالأنجليزي بجميع الألوان الفاقعه
وكتابات بالعربـي وكل شــيء وكلهـا بخط اسيل وبسيل..
ابتسم وهو عاجبتــه الفكره : فـكره حلوه بشتري بلــوزه لونها ابيض سادي واكتب انا ورحيل فيها
أخذ البلــوزه وهو يحـاول يقــره شيء من اللي كاتبته اسيل بس مافهم ولا كلمــه
كل اللي عــرفه إن هذي البلــوزه ذكرى حــق اسيل وبسيل
رجع البلــوزه مكانها وطلع بــره الغرفه ..
ودخــل غرفة فداء وماشاف فداء موجوده
شــاف برمودا جينز مليانه بالكرستال مع بلـوزه سيـر (سيـور) لونها ابيض سادي
سحبها وطلــع بســـرعه
وهو يصعد فــوق شـاف ساره واهي تمسح دموعها
راح لها وهو مستغرب : ساره شفيك تبكين
ساره واهي تصارخ : كلـــه منك ماحبك ماحبك ... ونزلت تحــت
تركي : وش فيها يــوو ليكون ابوي موجود وصرخ عليها
فجأه انفتح الباب وطلع أبــوه بهيبــــته وهو يقول : وش عندك واقف هنا
تركي برتباك : آآآآآ هذا بـس ساره بلوزة هذي
بو بدر : تتكلم بالألغــاز انت
تركي : لا إيي مساعد مساعد
بو بدر : وش فيه مساعد
تركي : لا مو مساعد بدر
بو بدر بعصبيه: تكلــــــــم عــدل
تركي بسرعه : بس كنت ادرو بدر
بو بدر : وانت تستهبل بدر اخوك في الكويت وحتى اذا كان هنا تتصل عليه مو تصعد له فــاهم
مـــاشاف بو بدر الا غبـــار ولـــده : ان الله وان اليه راجعـــون