غالبا مايكون الحب قدر لاخيارا/بقلم كاتبه سحابٍ دنى
غالبآ مايكون الحب قدر لاخيارآ
-1-
يوم الخميس
في الجامعة
رهف ووجدان كانو لابسين عباياتهم بيطلعون مع سواق رهف
رهف : وجدان ارسلت لأمك وقلت لها ابي وجدان ترجع معي بيتنا ووافقت
وجدان : جججد ؟ صراحه ماتوقعت انها توافق لانها تقول اليوم لازم تروحين معي لبيت جدي
رهف : الا اقول وين هنوفه ماشفتها اليوم
وجدان : عندها اووف اليوم
رهف : خلينا نروح لها وناخذها بيتنا
وجدان : لا ويين شكلك تبين اهلك يطردونا
رهف : لا عادي والله خلينا ننبسط ونطلع الليل للمول
وجدان : خلاص بتصل عليها اشوف اذا قامت اقولها تجهز
وبمكان ثاني تحديدآ بيت ابوفيصل
فيصل وامه جالسين بالصالة يتقهوون نزل عليهم عبدالرحمن
عبدالرحمن : يمه وين وجدان ؟
ام فيصل : راحت مع صديقتها رهف بيتهم
عبدالرحمن : وبموافقة من ؟
ام فيصل تضحك : انا قلت لها روحي
عبدالرحمن يجي يجلس جنبهم : يمه لاتعودينها على الطلعات والجيات ترى بعدين تصير ماتشاور
فيصل يقاطعه : اقول خلك من وجدان وراك ماداومت اليوم ؟
عبدالرحمن : نفس السبب اللي خلاك ماتداوم
فيصل يمسك يده ويلفها بقوه : كبرك انا عشان تقارن نفسك فيني ؟
ام فيصل : الله يهديييكم بس اتركو بعض وقومو للصلاة اذن
عائلة ابو فيصل
فيصل 26 سنة توه راجع من كندا
معه بكالوريوس ادارة اعمال ويدور له شغل
نورة : 24 خلصت جامعة تخصص انجليزي وتوظفت في شركة
وجدان : 23 سنة باالجامعة تخصص ادب انجليزي
عبدالرحمن : 15 ثالث متوسط
ريم : 12 سادس ابتدائي
اول ماجت تدق الجرس
انفتح الباب ورهف مانتبهت للي طلع وقالت بصوت عالي : اخيرررررا مابغيتي تطلعين
عبدالله : ليه كنتي تنتظريني ؟
رهف لفت عليه وهي مرتاعة : لا انا كنت اقصد ااا اقصد
عبدالله يقاطعها : تفضلي اختي من تبين
رهف : ابي الهنووف
عبدالله : طيب دقايق اناديها
دخل ورهف رجعت السيارة
ووجدان تضحك
رهف : ميين هذا اللي طلع بوجهي الله يقلعك ياوجدان انتي وعيال عمك
وجدان : ذاا عبدالله اخووو الهنوف
رهف : روعني انتظر الهنوف ويطلع ذا بوجهي
وجدان ميتة ضححك ورهف لفت تناظر الباب وهي تسب بوجدان
داخل البيت
عبدالله دخل الصالة وهو يشووف الهنوف وامه جالسين يسولفون
عبدالله : الهنوووف تنتظرين احد ؟
الهنوف : لااا مانتظر احد ليه
عبدالله : فيه وحدة عند الباب تقول ابي الهنوف
الهنوف تطق راسهاا : يووووووووووه رهف ووجدااان ياوووويلي نسيييييتهم
ام عبدالله : وش رهف ووجدان ؟
الهنووف : وجدان بنت عمي ورهف صديقتي مواعدتهم ارجع معهم بيت رهف ونسييتهم
عبدالله : ياوييييلك شكلهم معصبييين (وهو يضحك)
ام عبدالله : بتروحين ؟
الهنوف : ايييه يمه بليز ماراح اطول عندهم كذا بعد صلاة العشاء برجع
ام عبدالله : وعزيمة جدك ؟
الهنوف : مالي خلق ناس والله وبعدين بكرة اذا جا عمي من الشرقية بشوووفهم كلهم ببيت جدتي اكيد
ام عبدالله : الله يهديك
الهنوف : يعني اروح ؟
ام عبدالله : روحي
عبدالله : بتطلعين ماراح تلقين الا السيارة ذابو وهم ينتظرونك
الهنوف تضحك وتطقه وتركض لفوق تجيب عبايتهاا واغراضها
عائلة ابو عبدالله
عبدالله 25 سنة مدرس رياضة بمدرسة ابتدائي
الهنوف 23 سنة بالجامعة تخصص رياض اطفال
غدي وجمانة توأم 19 ثالث ثانوي
ببيت اهل رهف
وجدان ورهف جالسين على السرير يسولفون والهنوف تحوس بدولاب رهف
الهنوف تمسك فستان : رهههههههف وين لقيتي هذا ؟
رهف : لقيته بالزبالة وحسيته يناسبني
الهنوف : هههههههه ياشينك بس والله صدق وين خذتيه منه ؟ وبكم؟
رهف : من موقع ...
الهنوف : بكم ؟
رهف : تقريباً 300
الهنوف : تدرييين اني شايفة نفس الموديل عند تاجره بالانستقرام ب1400
رهف : لاااتاخذين منهم خذي من هذا الموقع
الهنوف : لا بس اعلمك عشان تكرهينه واخذه
رهف : هههههههههههههههههه بلبسه بحفلة بنت عمتي بعدين اعطيك اياه
الهنوف تلف على وجدان : وجدان تعالي تفرجي معي على دولاب رهف فيه اشياء جديدة خلينا ناخذ منها
وجدان تنط من السرير
وتجي رهف قدام دولابها : هييييه لا لا خير انتي وياها ما اشتري انا عشان اوزع عليكم
الهنوف تطيح على السرير وهي تضححك وتهف على نفسها ثم قامت وقالت : رهف يابخيله جيبي لنا شي ناكله
رهف : وش تبوون ؟
وجدان : جيبي قهوة وتشوكليت
رهف تعطيها نظرة : ايوه كملي ؟
وجدان : بس مانبي نكلف علييك
رهف : ماقصرتي والله بس والله مالي خلق انزل هنوووف انزلي
الهنوف : لا خيير واهلك ؟
رهف : ماافيه احد في البيت تركي وابوي بالدوام ووعد نايمة بغرفتها
الهنوف بنظرة حذر : اكييييد ؟
رهف : اييه والله انزلي بس
الهنوف تطلع وهي ترقص
رهف : ههههههههههه خبلة هالبنت
تووه داخل البيت مصددددع
انسدح بالصالة وهو ينادي : سااااااندي ساااااندي
ماسمع رد : ساااااندي وصمخ
الهنوف بالمطبخ وقففف قلبها وهي تسمع الصوت
وتقول بنفسها : يمممه وش جابه هذا رهف تقول انه بالدواااام
توها بتدور مكان تتخبى فيه دخل تركي : سااااندي اناديك لي ساعة
لف وشاف وحدة واقفه وارتاع شوي ورجع ورا
تركي : وين ساندي ؟
الهنوف بقلبها : وش يعرفني انا
تركي شافها سااكتة وتطالعه
تركي استوعب ان سؤاله غلط ورجع يقول : طيب رهف وين ؟
الهنوف نطقت بصعوبة : ف..فوق
تركي لف جسمه عن الباب وقال : طيب ناديها لي اذا ممكن
الهنوف بقلبها : وششششش يبي هذاااااا شكله يحسبني ساندي
وراحت الهنوف تركض فوق
دخلت غرفة رهف
الهنوف : رهف اخوك يبيك
رهف : من ؟؟ ترركي ؟
الهنوف : عندك اخو غيره ؟ ايييه تركي وقولي له ترى ذي الهنوف مب ساندي
رهف : هههههههههههههههههه ليه وش قايل لك ؟
الهنوف تلف عنها : اسأليه
طلعت رهف وقفت الهنوف واستوعبت شوي وشافت شكلها وقالت : يممممممممممممه شاااافني كذاااا !
الهنوف كانت لابسة بنطلون سكيني وتيشيرت فيه شقوق عند البطن (كذا موديله) وماحطت على شعرها شي
وجدان : هههههههههههههههههههههههههههههههه وتبينه يكلمك طبيعي بعد ؟
الهنوف : الله يقلعه ياوجدان ماعنده اسلووووب ابدا يأمرني كني شغالة وبعدين خير
وجدان : وش قال لك طيب ؟
الهنوف جلست تعلمها السالفة
عائلة ابو تركي
تركي 30 سنة يشتغل في بنك ....
رهف 23 سنة مع وجدان ونفس تخصصها ادب انجليزي
وعد 25 سنة تخرجت من الجامعة وتدور وظيفة
في الشرقية
كانت ترتب شنطتها ودخلت عليها اختها
هيفاء : مشاااااعل عندك بدي ابيض ؟
مشاعل : اممممم اكيد دوري بدولابي بس لو مالقيتي الا واحد لا تاخذينه ابيه
هيفاء : يوم بغيته صرتي تبينه فجأه ياخايسه
مشاعل وهي تضحك : لاااوالله بس احتاجه يااختي
هيفاء : طيب تتوقعين يمدينا نروح المول ؟
مشاعل : اذا وصلنا الرياض شوفي يمكن تلقين عند هنوف او وجدان او اي وحدة من البنات
هيفاء هزت راسها وطلعت وصدمت بعبدالعزيز
هيفاء : وججع
عبدالعزيز : يووجعك وش ذااا الحماس ؟ مو طاير شي هدي اعصابك
هيفاء مشت وماردت عليه
عبدالعزيز يدخل عند مشاعل : وش فيها اختك ذي
مشاعل : تبي بدي ابيض ويوم ماعطيتها زعلت
عبدالعزيز : الحمدلله والشكر
مشاعل : هههههههههههه اهم شي انك مصدق انها زعلت
عبدالعزيز : مدري انتم احيانا عندكم طلعات غريبة المهم كنت جااي اقولك
مشاعل باهتمام تلف عليه : عن ايش ؟
عبدالعزيز : رحلتنا الساعة 5 على الساعة 3 كلكم جاهزين عشان نروح المطار بدري
مشاعل : اووكي انا جاهزة بس قل لهيفاء هي اللي بتأخرنا كالعادة
عبدالعزيز يطلع : بروح اعجلها
عائلة ابوسلمان
سلمان 30 سنة يشتغل بأرامكو
عبدالعزيز 27 سنة مهندس في شركة الكهرب
مشاعل 26 سنة تشتغل مرشدة طلابية بمدرسة متوسط
هيفاء 22 جامعه تخصصها علم نفس
مشعل 18 سنة ثاني ثانوي
يوم الجمعة
الساعة 11 الظهر
ببيت ابو فيصل
ام فيصل تدخل البيت وتشوف فيصل ووجدان جالسين بالصالة
وجدان : يممممه اخيرا رجعتي من بيت ام سليمان
ام فيصل وهي تجلس : اييييه اليوم جت وحده جديده علينا
وجدان : مين ؟ من معارف ام سليمان ؟
ام فيصل : لا اسمها ام نايف اللي بالبيت اللي مقابلنا
وجدان وهي تضحك : ماشاءالله متى سكنوا ومتى تعرفت عليها ام سليمان ؟
ام فيصل : ساكنين الاسبوع اللي فات وعاد انتي تعرفين أم سليمان مابقى احد ماتعرفت عليه ( وتضحك )
على فكره ترى ام سليمان تسأل عنك اليوم ورجعت تقول لي انها تبيك لسليمان
وجدان تصارخ : لاااااااا مااانست ذي السالفة
ام فيصل وهي تضحك : مسسستحيل تنساها ههههههههههههه
فيصل : عاد اذا اخذتي سليمان والله بتبرأ منك
ام فيصل : شايف منه شي عشان تقول كذا حرام عليكم
فيصل وهو يقوم : بثر يمه والله ماتخيل انه ياخذ اختي
وجدان : خلينا من سالفة سليمان ذي الجارة الجديدة عندها بنااات بعمري ؟
ام فيصل : معها 3 بنات وشكلهم نفس عمرك وفيه وحدة متزوجة معها عيالها
وجدان : طيب كشخات ولا ؟
ام فيصل : مدري جايين بعباياتهم تعالي معي الجمعة الجاية وشوفيهم
وجدان : لا وييين مالي خلق صراحة وتخيلي اروح وتقعد تلمح لي ام سليمان والله باتضارب معها
ام فيصل : عييب يابنت تراها بعمري احترميها
وجدان : اوكي ماما صحيح بعمرك بس والله فيه فرق بسم الله عليك منها
ام فيصل ترميها بالخداديه : اقول بس قومي عني اشغلتيني عن صلاة الضحى بكلامك الفاضي هذا
وجدان : طيب اسمعي يمه متى بنروح بيت جدتي اليوم ؟
ام فيصل : العصر وتجهزوا بدري عشان مانتأخر عليهم
وجدان ترقى الدرج : اوكي
الليل
في بيت الجده
الصالة كانت زحممه الحريم جالسين يسولفون والبنات من جهة ثانية
الهنوف تحاول تقنع البنات انهم يطلعون عن ازعاج الحريم والبزران
والبنات داخلين جو وماعطوها وجه
كانت جنبها وجدان
لفت عليها وقالت
الهنوف : وجدان تعالي نطلع الحوش ابي اشم هوا وابعد عن هالازعاج
وجدان : يااالله تعالي انا بعد احس اني مليت
طلعو الهنوف ووجدان
وجدان : يرحم امك مانبي نقرب من الملحق ماجبت طرحتي
الهنوف : لااا بنروح من ورا عند الملعب اكيد فاضي
وجدان : يالله
راحو ورا وفعلآ كان الملعب فاضي جلسو على الطاوله اللي جنبه يسولفوون
الهنوف : صح بيت رهف هنا ؟
وجدان : اييييه قدام بيت جدتي بس يسار شوي واضح مره وقريب
الهنوف : ليتنا نروح لها قبل العشاء شووي
وجدان اعجبتها الفكرة: شرايك صدق نروح لها ؟
الهنوف : يااالله بس لحظة خلينا نتصل عليها يمكن مو بالبيت
اتصلت الهنوف وردت رهف
رهف : هلاا
الهنوف حطت سبيكر وتكلمت هي ووجدان : هااااي رهف
رهف : هلااا والله يالخاينات مجتمعين
الهنوف وهي تضحك : اييييه عند جدتي
رهف : ايييه اشوف بيت جدتك منوووور
الهنوف بدلع : ايييه اكيد نوري
رهف : ههههههههههه لاياغبية فاتحين الانوار يعني
وجدان ماتت ضححك
الهنوف : طيب اكذبي علي وقولي ايه ههههههههههههههههه
وجدان : اسمعي رهف فاضيين نجيك شوي ؟
رهف : حيااااكم تعالووو ان ماشالكم البيت تشيلكم عيوني وجيبو من يعز عليكم بعد
الهنوف : ترى بنصدق ونجي كلنا
رهف : والله جد تعالو ترى مررررة فااااضية ماعندي شي
وجدان : خلااص جهزي القهوة وافتحي الباب وبنجيك بس مدري مين بيجي من البنات
رهف : اهم شي جيبو مشاعل واختها ماقد شفتهم ابد
وجدان : اوك بجيبهم غصب
سكرو من رهف وراحو يدخلوون الصالة وقالو للبنات ان رهف عازمتهم
والبنات تحمسوو وراحو عند الامهات عشان يقولون لهم
وجدان : يمممه بنروح لرهف شوي قبل العشاء تبي تشوف بنات عمي مشاعل وهيفاء
ام فيصل : خلووها تجي هي وحدة انتم كثير
الجده : خلهم يروحون ينبسطون عندها شوي ويرجعون
الهنوف : مسستحيل تجي يمه اكيد بتستحي حنا بنروح لها نص ساعة نتقهوى ونرجع قبل العشا
ام عبدالعزيز بتسائل : مين رهف هذي ؟
ام عبدالله : صديقتهم يعرفونها من الثانوي
ام عبدالعزيز : تعرفونهم زيين ؟
الجده :افاا يام عبدالعزيز ماتثقين بجيراني
ام عبدالعزيز : لاوالله ياخالتي ماقصد كذا بس اني ماعرفهم
الجده : انا اعرفهم وش حليييلهم وامهم تنحط على الجرح يبرى
مشااعل : اييييه يمه تكفين مرة خاطري اشوف رهف هذي اسمع فيها وللحين ماشفتها
ام عبدالعزيز : روحوو اجل بس خلو جوالاتكم معاكم ولاتطولون
البنات راحووو يلبسون عباياتهم عشان يطلعون
عند الملحق اللي بابه عند باب الشارع
البنات كلهم طالعين ولابسين عباياتهم بيروحون لرهف
طلع من الملحق عبدالله
مشاعل : الهنوف اخوك لو تغيرو كل الناس مستحيل يتغير
الهنوف : طالع على اخته الله يخلف على امي بس
نورة : والله احبه هالمخلوق يختي لو انه موب كبري عرضت عليه الزواج
الهنوف : وقدامي بعد ؟ ههههههههههههههههههه
نورة : وش علي منك ولد عمي واحبه
وجدان : امشوا بس لاتبرد قهوة رهف
تركي سمع الجرس وهو بالملحق وطلع يبي يشوف
فتح الباب وشاف كم بنت واقفين
تركي : تفضلو حياكم الله الاهل داخل
الهنوف كانت بمقدمة البنات وناظرته بطرف عين
هو شافها وارتاع وشلون هذي اللي ببيتنا اليوم تجي الحين
تشابكت الافكار بمخه ووقف شوي مفهي
جت رهف من ورااه
رهف : تررريكي وش مجلسك عند الباب ووراك مادخلتهم
تركي استوعب الموضوع وقعد يضحك لانه ارتبك من كثرتهم
وطلع من البيت وراح لسيارته وهو يضحك
رهف : ادخلووو ماعليكم من اخوي مو طبيعي اليوم
الهنوف وهي تدخل وتفك طرحتها : اكييد مو صاحي عقب اللي سواه فيني اليوم
رهف وهي تسلم على البنات : تراك مروعته اليوم داخل مصدع وشافك وزاد الصداع
البنات : ههههههههههههههههههههههههههههههههه
كانو مشاعل وهيفاء ورا البنات وصلتهم رهف
رهف : هلاا هلاااا تو مانور بيتنا
مشاعل : منووور بأهله
وسلمت عليها وعلى هيفاء
رهف : وجدان ياخاينه ليه ماعلمتيني ان بنات عمك حلوات كذا
هيفاء : وجدان ليه ماعلمتينا ان صديقتك ذوق
رهف تضم هيفاء : ياااحلووووك
وجلسو البنات
رهف تصب القهوة : ايييه وش اخباركم ياحلووووين
نورة : تماااام انتي بشرينا عنك من زمااان عنك
رهف تلف على غدي وجمانة : وانتم اخباااركم وكيف ثالث ثانوي معكم
جمانة : يوووووه لاتسأليني تكفيييين احاول انسى
غدي : من جدد رهف حنا جايين ننبسط لاتطلعين القهوة من عيوننا
وجدان : اللي يشوفكم يقول دكتوراة ترى كلها ثالث ثانوي
غدي : مانكلم اللي داخلين ادب انجليزي
رهف : ههههههههههههههههه انا ادب انجليزي بعد
غدي : يووووه خلاص يعني نسكت ؟
رهف : لالاكلموني لحالي خلكم من وجدان
الهنوف : بنات شرايكم ننحاش
هيفاء : تكلمت ام الشطحات
مشاعل : هههههههههههههه وين تنحاشين والشارع كله سيارات عمانك وعيال عمانك ؟
الهنوف : ياشينكم عطوني جوي
نورة : الهنوف بنحاش معك بس زوجيني اخوك
الهنوف : ههههههههههههههههههه تبينه من جدك ؟
نورة تمثل انها دايخه باستهبال : اييييه شق قلبي من النص احبه يختي
وعد مرتاعة من صراحتها : تحبينه انتي صدق ؟
نورة طاحت على ورا وهي تضحك : اييييه وعد ليه ماصدقتيني ؟؟؟
وعد : افف الله يعطيني نفس جرائتك
رهف : ليه وعد تحبين احد وتبين تعترفين له
وعد : لااااا بس يعني ماشاءالله جريئة
نورة : هههههههههههههههههههههههه يختي لو شفتي عبدالله صدقيني بتصيرين كذا
كملوو البنات سواليف وضحك ولما خلصو رجعو لبيت جدتهم يتعشون ورجعو لبيوتهم كلهم وهم تعبانيين
رد: غالبا مايكون الحب قدر لاخيارا/بقلم كاتبه سحابٍ دنى
-2-
بعد 3 ايام
بالجامعة الساعة 3 ونصف
رهف ووجدان توهم طالعين من الاختبار
وجدان شوي وتبكي : ماحليت يختي مت امس وانا اذاكر بس اسئلتها صعببة
رهف : مررررة انا الفت منهج جديد خلاص بخليها على الحظ
وجدان تجلس على الكرسي وهي متضايقة : يختي قهر اكلت الكتاب اكل
رهف : على طاري الاكل خلينا نفطر جوعانة
وجدان : وانا بعد جووعااانة من امس ما اكلت شي
رهف : وش تبين بجيب اكل
وجدان : لااا مابي شي الحين باكل بالبيت ان شاءالله بس خلاص ابي اطلع من الجامعة فيني اكتئاب للحين من الاختبار
رهف : خلاص لا تسوين دراما بليز عوضي بالاختبار الثاني
وبعدين يامجنونة ليه ما اكلتي ؟؟
وجدان تطلع جوالها : بالبيت ان شاءالله اسمعي بس شرايك ترجعين معي للبيت ؟
رهف : لاا تخيلي اطلع معك وتدوخين علي فاضية لك ههههههههههههههههههه
وجدان : ههههههههههههه ان شاءالله لا ماراح ادوخ وتعالي معي شوي ساعتين كذا نراجع مادة بكرة بعدين ترجعين بيتكم
رهف : لا خليها بعد الاختبارات احسن عشان انام عندكم
وجدان وهي تشوف جوالها : جوالي طافي ياربيه مو وققققته
رهف طلعت جوالها : خذي اتصلي على سواقكم من جوالي
خذت وجدان جوال رهف واتصلت على السواق وعلمها مكانه
وودعت رهف وطلعت
قدام بنك .....
كان تركي وعلي يسولفون قدام سياراتهم
تركي : المدير وافق على اجازتك ؟
علي : ايييه جلست اسولف معه اليوم ويالله يالله عطاني اسبوع ويقول بعد الخميس لازم تداوم عندك دورة
تركي : تدري اني اقنعه بالاجازة لي شهرين ورافض تمامآ
علي يرفع حواجبه : الناس مقامات ياخي
تركي : طيب ناوي تسوي شي ولا بس ماخذها لعب ؟
علي : ودي اروح دبي يومين ثم ارجع هنا اخلص لي كم شغلة
تركي : يطاوعك قلبك تروح بدوني ؟
علي : ايه يطاوعني مثل مايطاوعني الحين اني اسحب عليك وارجع البيت يارجل احترقت بالشمس
تركي : انا مافكرت بحرارة الشمس محترق قلبي من اجازتك
علي : ههههههههههههههههههههههههههههه قل ماشاءالله لاتطيح فيني الطيارة
تركي يضحك ويفتح باب السيارة : ماشاءالله يالله بس انقلع ماكلم ناس مأجزين
علي يفتح باب سيارته وهو يضحك
بالسيارة قدام بيت ابو فيصل
راجو : ماما مدام وبابا وفيصل برا بيت
وجدان : وين رايحين له ؟
راجو : مايدري والله بس يقول بابا قول لوجدان
وجدان : اوكي
تنزل من السيارة وهي تعدل طرحتها
وتفتح شنطتها عشان تطلع المفتاح وتدوره مالقته
وجدان : يوووه شكله بشنطتي الثانية من بعد بيت جدتي يااااربيه وجوالي مقفل شسوي
التفتت تبي تشوف السواق ولا ولقت السيارة مو موجودة : لاااا بعد رااجو راح شهاليووووم النححححس
وقفت قدام الباب وهي خايفه شوي لان بعض البيوت عندهم فيها عمال للحين يبنونها
بالسيارة عند علي
مشغل محمد عبده الاماكن وطربااان ويغني معه
وقف عند البيت ومانزل ينتظر الاغنية تخلص
وجدان سمعت صوت سيارة وانبسطت تحسب انه اهلها ولفت وشافتها قدام بيت جيرانهم
وجدان تتحلطم بصوت واطي : احد يشغل محمد عبده هالجووو والله رايق بعد
بالسيارة
علي جا بينزل من السيارة وشاف وحدة واقفة عند باب البيت اللي قدامهم
علي : وش موقفها هنا هذي ؟ ( وبعدم اهتمام ) انا وش دخلني بعد اكيد مافتحو لها اهلها
جلس شوي مانزل من السيارة
وشافها طولت واقفة عند الباب ونزل من السيارة
وجدان الشمس فوق راسها بالضبططط وبدت تحس ان الدنيا قاعدة تدور
شوي وجلست على الدرج وحطت يدها على وجهها عشان تغطي الشمس عنه
فجأة سمعت صوت
علي : اختي ليه مادخلتي البيت ؟
وجدان مو فاضية له وببالها تقول يعني بجلس برا اتشمس مثلا ؟ اكيد ماعندي مفتاح
علي شافها حاطه يدها على وجهها
علي : فيك شي ؟
وجدان ترد بصعوبة : لاا مافيني شي
علي : طيب وجودك هنا غلط ترى العمال موجودين بكل مكان اتصلتي على اهلك ؟؟؟
وجدان تكذب : اييه اتصلت عليهم ويقولون اللحين بيوصلون
علي : طيب تعالي عند الاهل لين يجون اهلك
وجدان : لااا مشكور بس ابي موية
علي : ابشري
ويروح لسيارته ويطلع علبة موية شارب هو شوي منها
علي : خذي هذي
وجدان تفتحها بصعوبة وتغسل وجهها بعدين تاخذ الباقي وتشرب منه
علي يناظرها خايف شوي وفيه الضحكة
وجدان تمسك راسها : خ..خلاص مشكور اخوي
علي : يختي تعالي معي عند الاهل وجودك هنا والله غلط وشكلي وانا واقف عندك غلط
وجدان جت تحاول تقوم وحست انها ددددايخة ورجعت تجلس
علي خاف وقرب منها
علي : وش فيك ؟
وجدان تسمع الصوت وتحس انه قاعد يختفي شوي وحطت يدها على الارض وهي تطلع صوت انييين من الم راسها
علي خاااف عليها وقرب اكثر ومسك يدها يبي يساعدها عشان تقوم
مسك يدها وهو مرتاع وشافها ترجع ورا على الباب
ورفعها عشان ماتطيح بقوة على راسها ومسك ظهرها من ورا وحس كأنها بتطيح مرة ثانية
شدها اكثر وقربها لجسمه
وجدان ماعاد تحس بشي ابدددد غابت عن الوعي
هو ماسكها من ظهرها وشادها له عشان ماتفلت من يده وتطيح
وراسها على صدره من يسار
ولف على الباب وشاف شنطتها خذها بيده الثانيه ورجع يمسكها
مسك طرحتها بيد وحدة وغطى وجهها عشان ماتحرقها الشمس
ومشى فيها
علي بقلبه : انا وش خلاني انزل لو اني جالس بالسيارة ماصار كل هذا
( ونزل راسه وشافها ) بس والله تنرحم المسكينة شكلها من ساعتين بنفس المكان
وصل البيت وفتح الباب وهو مازال ماسكها
دخل وهو ينادي : يمممممه
ام نايف كانت بالمطبخ الخارجي سمعته وطلعت وشافته حاضن بنت الا شوي وماسكها بيدينها
ام نايف بخوف : عليييي ؟؟؟؟ من هذييي؟
علي : يمه هذي بنت الجيران داخت عند بيتهم ومدري وش صار فيها وجبتها
ام نايف جت جهته وهي تركض : يافضيحتنا عند الجيران وراهااا ماجت تدق الجرس
علي : وش دراني عنها يمه تكفين امسكيها ونادي الجازي او اي احد يمسكها معك
ام نايف خذتها من يدينه ومسكتها وهي ترفع طرحتها وتطق وجهها بخفيف : علي جب موية
علي: طيب
وراح يجيب موية
رجع لها وهو يعطيها الكاس وهي مازالت تطق وجهها خذت موية شوي ورشتها على وجهها فزت وجدان من برودة الموية
ام نايف تسمي عليها : بسم الله عليك بسم الله علييك
وجدان تلف وتشوف حرمة واقفة وجنبها واحد واقف وماتدري وينها فيه
خافت وجلست تصيح
ام نايف بتفهم : وش فييك يامي لاتخافين حنا جيرانكم بس انتي بنت مين
وجدان سكتت وتمسح دموعها : حنا بيت ال.....
ام نايف تبتسم : ونعععم والله ببنت ام فيصل بس انتي اي وحدة من بناتها
وجدان : انا وجدان .. خالتي بس الله يعافيك ابي شاحن جوال عشان اكلم امي
علي يفتح عيونه بقوه : الكذااابه تو تقول دقيت على اهلي
وجدان تلتفت عليه وهي مرتبكة
ام نايف : انت وش مجلسك هنا للحين رح خل البنت تاخذ راحتها
علي يضحك وهو لاف بيروح الملحق : ابشري ياست الكل
وجدان فيها الضحكة بس الموقف يربك موب وقته تضحك
ام نايف تطلع جوالها وتدق رقم ام فيصل : تعالي كلمي امك داخل عن الشمس والحر
وجدان تمشي معها داخل وتاخذ الجوال منها وتدق على امها
عائلة ابو نايف
نايف 35 متزوج وعنده ولد واحد ومبتعث هو وزوجته
علي 29 يشتغل مع تركي بنفس البنك
العنود 19 ثالث ثانوي
الجازي 23 بالجامعة تخصص حاسب
بتول 15 ثالث متوسط
دخلت وجدان الصالة وهي مستحية ووجهها متقلب مره ماتدري وش صار ووشلون وصلت ماستوعبت ولاشي
الجازي والعنود كانو جالسين على جوالاتهم شافو بنت داخلة مع امهم وقامو
ام نايف وهي تحط يدها على كتف وجدان : هذي وجدان بنت ام فيصل اجلسي يامي عندهم لين ترد امك
رهف بغرفتها توها راجعة من الجامعة وقاعدة تمسح المكياج وتفصخ العدسات
جرحت عينها بااظفرها وهي تطلع العدسة والعدسه كملت الباقي وجرحت عينها
وعورتها مرة
رهف : ااااحححح وش سويت انا
وتمسك عينها وهي تدمع
دخلت ام تركي : رهف اليوم بن... وش فييك ؟؟؟؟
رهف ويدها على عينها : ماادري فصخت العدسات وشكلها جرحت عيني او انقطعت ماادري
ام تركي بخوف : وريني عينك افتحيها
رهف : مااقدر تحرقققني
ام تركي : البسي عبايتك خل نروح المستشفى
جابت ام تركي عباية رهف ولبسو وطلعو
الساعة 5 ونصف
بمستشفى ......
دكتور معاذ جالس بمكتبه يكلم بالجوال
معاذ : لاياعيني كم لي متفق معك هالموضوع ؟ .. ابشري من عيوني الثنتين ولاتزعلين .. والله ,, (ويبتسم ويحك شعره )
يووووه ماتنتظرين طيب لين ارجع البيت ونفتح السالفة من جديد ؟ .. لاياقلبي عندي مواعيد كثيرة اليوم ماتوقع ارجع قبل 12
ونصف
دق تلفون مكتبه
معاذ : شوي وارجع اكلمك
سكر منها ورد على التلفون
وكان موظف الاستقبال يقول له ان فيه حالة طارئة تنتظره وقال له يدخلها
ببيت ابو فيصل
وجدان قاعدة تاكل بالصالة وامها عندها
ام فيصل : ابلعي اكلك وقولي لي وش صار بالتفصيل
وجدان تضحك وهي تاكل وتتكلم كلام غير مفهوم
ام فيصل تطقها : ابلعي اول
وجدان تشرب موية : صار وش يعني والله يمه ماصار شي
ام فيصل : جايبتك من بيت ام نايف وانتي مصدعة وتقولين ماصار شي ؟
وجدان تكذب : لما شفتكم طولتو رحت رنيت الجرس عليهم وقلت اني بكلم اهلي عشان جوالي مخلص شحنه
ام فيصل صدقتها : مرة ثانية اشحني جوالك وجيبي المفتاح
وجدان ارتاحت انها ماسألت اكثر: ان شاااااءالله بعلق المفتاح برقبتي عشان مانساه ابد
دخل فيصل ويشوف وجدان تاكل
فيصل : شوي شوي لاتاكلين الملعقة
وجدان ماناظرته ولاعطته اي اهتمام
فيصل يناظر امه يأشر على وجدان : وش فيها ذي ؟
ام فيصل : خلها تاكل الخبلة من امس ماكلت شي
فيصل : يمه خل نقوم عنها تكفين والله تسويها وتاكلنا
ام فيصل تضحك عليه ووجدان تركت الاكل يعنني زعلانة
بمستشفى ال......
رهف عند دكتور معاذ ويكشف على عينها
معاذ : الالم مع اي عين ؟
رهف : اليسار
معاذ : العدسات طبية ؟
وهل اول مرة تلبسينها ولا كثير تلبسينها؟
وهل اشتكيتي من قبل من الم بعيونك ولا اول مرة ؟
رهف بقلبها : حشااااا وش ذا الاسئلة
معاذ استغرب انها ساكتة : رهف ؟
رهف : هلا دكتور
لا العدسات مو طبية وعادي دايم البسها بس هالمره وانا اطلعها جرحت عيني باظفري وهي انقطعت وجرحت عيني اكثر
معاذ يفصخ البالطو ويمشي لمكتبه : بكتب لك قطرة تخفف الالم لكن ماتنهيه ابد وبعطيك موعد بس هل انتي موظفة او طالبة ؟
اذا ايه علميني عشان ماتتعارض مواعيدك مع دوامك
رهف : انا طالبة
معاذ يفصخ نظارته : طيب انا بكتب لك موعدين بالاسبوع وش يناسبك اي يوم ؟
رهف بخوف : لهالدرجة المشكلة اللي بعيوني صعبة ؟
معاذ : لاا مو صعبة لكن انا شاك بشي وان شاءالله انه غلط علي
رهف خافت اكثر : وشووو ؟
معاذ : بعد ما اتأكد اقولك بس اختاري يومين ودقي على الاستقبال وبلغيهم عشان يخبروني بهالشي (يبتسم ) وللمعلومية دوامي يبدا من 5 الى 12
رهف : طيب مشكور دكتور
معاذ ابتسم اقوى وبانت غمازته : العفووو
في بيت ابو فيصل
وجدان جالسة بغرفة نورة ويسولفون
وجدان : يختي احس ان هيفاء بنت عمي متغيرة شوي ماحسيتي ؟
نورة وهي تحط كريم : لااا ماحسيت صراحة ليه وش تحسين فيها يعني؟
وجدان : مااادري احس نفسيتها مش ولابد مو هيفاء اللي نعرفها ابد
نورة : اتوقع من الاختبارات وكذا
وجدان : كلنا نختبر لكن محد نفسيته كذا صدقيني لااا الموضوع موب موضوع اختبارات
نورة : ليتك قلتي لي لما كنا ببيت جدتي
وجدان : لما كنا عند رهف اغمز لك ابيك تشوفيني وتدققين بس ماعطيتيني وجه تسولفين عن الحب عبدالله
نورة : هههههههههههههههههههه يختي انتم ماتفهمون اني احبه
وجدان تضحك على هبالها : هههههههههههه مابينك وبينه الا سنة ماينفع تحبينه يختي خليك مثلي مستحيل ارضى الا بواحد بيني وبينه عالاقل 4 سنوات
نورة : وين بتلقينه ذا ؟
وجدان : بقعد ادور عليه طول عمري فتى احلاااامي ( وتمسك قلبها ) حبيييييبي والله
نورة : منهوووووو يالخااااينة ؟؟؟ من وراااي ؟؟؟
وجدان : اقولها بدوره تقول منهو .. اول مالقاه بعلمك صدقيني
نورة تدفها من السرير : قومي عني دوريه وانا وراي شغل لازم اسلمه بكرة للمدير
وجدان ترجع تقرب عندها : لحظة لحظة بقولك شي قبل ماتبدين
نورة وهي ماسكة اللاب توب : امممم
وجدان : شوووفيني يوم الخميس الجاي يوم ميلاد الهنوف خل نسوي قروب ونجمع البنات ونتفق وش نسوي
نورة : قداام بس بليز لايصير نفس ميلادها السنة اللي فاتت نص اللي انعزموا ماجو
وجدان : لااا كلهم بيجون ماعليك وغصب بعد وبعدين ماعزمنا كثيير
نورة : خلاص اجل اجمعيهم بقروب وانا بخلص شغلي وادخل معاكم
وجدان تقوم تطلع من الغرفة : زيييين
من بكرة بالجامعة
الهنوف تطب على وجدان ورهف جالسين يتكلمون بشويش
الهنوف : شتسوووووووون بدوني
رهف ووجدان ارتاعو ولفو عليها
وجدان : خبصتي قلبي حسبي الله عليك
رهف : متى تصيرين انثى انتي وتتكلمين بشويش
الهنوف تضحك : بأحلامك اصير انثى المهم علموني وش كنتو تقولون وش شايفين ومن تحشون فيه (وتتلفت على البنات ) اي وحدة بسرعة بحش
وجدان تطقها : فضحتيييينا والله مانحش في احد بس رهف جالسة تعلمني عن موعدها امس مع دكتور وسيييييم
الهنوف : منهووووو ووش موعده واي مستشفى بسرعة كل شي بجسمي يوجعني بروووح له
رهف : هههههههههههههههههههههههههههههه الله ياخذك هدي اعصابك شوي عشان اعرف اجاوب
الهنوف تناظر عيون رهف وهي حمرا شوي : شفييها عيونك بعدد ؟؟؟؟
رهف : ياغبية انا رايحة لدكتور عيون امس عيني التهبت مدري شصار لها من العدسات ورحت لدكتور عيون يختي يهبلللل تعرفين اللي مرة حلووو بس سويت نفسي اي دونت كير
الهنوف : انا مابي اسوي نفسي اني ماهتميت هاتي رقمه بتعرف عليه
وجدان : وش فيك الهنوف صرتي خفيفة ماتوقعتها منك هههههههههههههههه
الهنوف : وش اسوي حياتي يملاها الجفاف يختي ابي واحد يقولي كلام حلو بس
رهف : خذي عيوني وروحي له تكفين بس اهم شي مايرجع لي الالم اللي امس
الهنوف ووجدان جلسو يسألونها وش قال لها ووش صار بعيونها
بنفس الجامعة ونفس المكان لكن بطاولة ثانية
الجازي وصديقتها جالسين يشوفون البنات
ريوف : شوفيي ذيك اللي معطيتنا ظهرها وصابغة شعرها رمادي تجججنن صبغتها
الجازي : اييه ماشاءالله حلووو شعرها ودي اسألها وين صبغتيه
ريوف : ههههههههههههههه عاد اتحداك تقولك وين بنات الجامعة كذابين
الجازي تتخيل وتقلد : والله حبيبتي كان مغمى علي ووداني اخوي لمشغل بعيد مدري وش اسمه
وصبغت وطلعت وانفجر المشغل بعد ساعة وتدمر الحي كله بس الحمدلله نجينا حنا
ريوف ماتت ضحك : هههههههههههههههههههههههههههههههههههههههههههههه
الجازي فتحت عيونها : شفتيي اللي قدامها ؟
ريوف : فيه ثنتين اي وحدة ؟ اللي رابطة شعرها ولا اللي فاكته
الجازي : لا رابطته هذي اعرفففها والله قد شفتها بمكان
ريوف : يمه تخيلي الحلقة الاخيرة تصير تقرب لك
الجازي : لااا بس والله شايفتها بمكان ( وسكتت شوي ) ايييييييه ذكككككررررت تدرين منهييي
ريوف : ميييين
الجازي: اخخخت صديق علي اخوي شفناها في زواج عمتها
ريوف : بالله علييك
الجازي : والله .. شرايك نقوم نسلم عليهم
ريوف : لاا استحي يختي شوفيهم يسولفون كنهم داخلين بسالفة حماس
الجازي تقوم وتسحبها : قومي بس وش ورانا خل نسلم ونرجع
ريوف تقوم معها
رهف ووجدان يتكلمون الهنوف شافت بنتين جايين جهتهم
الهنوف : بنات انتم تنتظرون احد
وجدان تلتفت عليها : لااا ليه ؟
تو الهنوف جت تتكلم وجت الجازي ومعها ريوف
رهف : شلووون تعرفون بعض يالخاينااات
الجازي : امسس كانت عندنا ببيتنا
رهف فتحت عيونها : شجاابها لبيتكم
وجلست الجازي وهي تعلمهم السالفة
وجدان تذكرت علي وانقلب وجهها وتدعي ربها انها ماتدري كيف وصلت بيتهم
الجازي خلصت السالفة بدون ماتجيب طاري علي ووجدان ارتاااحت نفسيآ انه ماقال لها شي
وخذو ارقام بعض وجلسو يسولفون لين كل وحدة راحت لمحاضرتها
بعد اسبوع اختبارات نصف الفصل اللي كان طويل على البعض والبعض مر عليهم بغمضة عين
يوم الاربعاء الليل
رهف ووجدان ببيت ابوفيصل يتعشون
رهف : تدرين انك ماقلتي لي للحين عن سالفة بيت الجازي شلووون رحتي لهم
وجدان تغص بالاكل : كحححح كححح
رهف : ونفسسس ردة الفعل تجيني كل مافتحت السالفة ؟ شفييك انتي
وجدان تركت البطاطس ولفت عليها : لو تدرين يارهف شصار بتجلديني
رهف : وششش صااار قولي بسرعة انا سمعت السالفة من الجازي بس وجهك وقتها مايبشر بخير حسيت ان الموضوع ناقص شوي او فيه انّ
وجدان رجعت تتذكر الموضوع وابتسمت
رهف نطت عليها : وششششش ذاااا الابتساااامة علميييييني وش صااار
وجدان قالت لها من يوم نزل من السيارة لييييين جت امه وخذتها منه ورهف تناظرها وهي ماسكة البطاطس بيدها ومفهييييية
رهف : ايوووووواااااااه
وجدان وهي تضحك : لاويوم قلت لخالتي ام نايف اني ابي شاحن او جوال قال النصااابة تقول لي مامعي ياربيييه مسوي يموون
رهف : خخخالتي ام ناايف ! ههههههههههههههه من متى صارت خالتك ؟
وجدان : يعني كبر امي كذا اكيد بتصير خالتي احترام يعني
رهف : ماشاءالله وش هالاحترام اللي نزل فجأة بس يالله بمشيها لك
وجدان : يختي احس اني ماستوعبت للحين ان واحد ماسكني وحاطني على صدره بالرياض بعد
رهف تضحك : ههههههههههههههههههههههه انا ماتخيلك دايخة يختي احسك كنتي تستهبلين
وجدان : ياربيه الله لايعيد ذاك اليوم والله رهف احس اني كنت بين الموت والحياة احس فيه ماسكني بس بنفس الوقت احس اني موب موجودة مدري كيف
رهف : طيب حلوووووو ؟؟
وجدان : يووه يالروقان والله مدري ماركزت كانت خالتي ( وتضحك ) خااالتي ام نايف كانت موجودة
رهف : تصدقين عاد على كثر مايجي بيتنا الا اني ماقد شفته اسمع فيه من تركي بس
وجدان باهتمام : وش يقول عنه ؟
رهف : يعني مايقول عنه شي بس دايم يسافر معه وكذا ( وتغمز لها ) وبعدين وش هالاسئلة ولاحب من اول دوخة
وجدان تطقها : لاوالله بس ابي اعرف يعني كذا سواليف
رهف : علييينا ؟
وجدان : تصدقين عاد اقولك شي ؟
رهف : ايوه؟
وجدان بغت تتكلم بعدين غيرت رايها : صح على طاااري اهل نايف بكلم الجازي وخواتها اعزمهم
رهف تذكرت انهم ماعزموهم وخذت جوالها بسرعة
رهف : تتصلين انتي ولا انا ؟
وجدان سحبت جوالها : احد يتصل هالحزة ؟
رهف شافت الساعة 12 : هههههههههههههه اشوا اني مااتصلت والله مايجون
وجدان : ههههههههههههه من جد اجل احد يعزم اخر الليل ؟
رهف تنسدح : خلينا ننااام وبكرة نتصل عليهم
وجدان تكلم رهف : مادقت عليك وعد ؟ الله يستر خايفة توهقنا وتقول لهنوف كل شي
رهف : لا انا قايلة لها لو قالت شي بذبحها
نورة : وش رايكم اروح معهم
وجدان : هههههههههههه لا ياعيني دارية انك ماتبين تشتغلين
نورة : ماجبتو هنوف وماجبتو خواتها ماينكرف هنا الا حنا
رهف : ياشينك عاد ماسويتي شي كلها ترتيب بس
نورة تحرك شعرها بغرور : وش ترتيب اساسا انا ماعرف شي اسمه ترتيب من يوم انولدت ووجدان تشتغل عندي
وجدان تفتح عيونها : شف الخايسسه
رهف تضحك على هبال نورة وتلتفت على وجدان
رهف : وجدان تأكدتي من حضور البنات كلهم ؟
وجدان : قلت لهم وارسلت اللوكيشن لهم وبعضهم تعذرو بس القريبات مرة بيجون
رهف : طيب متى نتصل على الجازي ؟
وجدان : صح زين ذكرتيني بدق عليهم العصر كذا تلقينهم الحين بالجامعة
رهف : بالعكس اتصلي الحين عشان يكون عندها خبر اخاف ترجع وتنام وماترد
وجدان : خلاص اجل شوي وادق عليها
رهف : زييين اكدتو موضوع الكيكة ؟
نورة : ايييه تو دقيت على المحل وقال انها جاهزة وبخلي السواق يروح ياخذها بعد ساعتين
رهف : طيب حلو وش باقي لنا ؟
وجدان : خلاص كل شي جاهز بس باقي الهدايا
رهف : ماشرييتي ؟
وجدان : شريت لها عطر بس ودي اخذ شي ثاني
نورة : احس العطر يكفي
وجدان : بما اننا خلصنا شرايكم نروح المول
نورة ورهف : اووك
طلعو من البيت رايحين للسوق
الساعة 4 ونص
قدام باب الجامعة واقف علي عند البوابة ينتظر الجازي
الجازي تركب السيارة : وششش عنده علييوي جايني
علي: عليوي اجل ؟ انزلي انزلي
الجازي : يوووه وش هالنفسية ؟
علي : ههههههههه امزح والله يابعدي
الجازي : ايوه وش صاير بالدنيا عشان يوصلني الشيخ علي
علي : اشتقت لك وحبيت اعزمك على الغدا من زمان ماطلعنا سوا
الجازي : والله عزيمتك جت بوقتهااااا من زمان ماتغديت برا
علي : نروح اول نتغدا ولا نتمشى ؟
الجازي : اللي تبي بس اسمع لازم ارجع بدري اليوم
علي : ليه ؟
الجازي : وجدان بنت جيراننا عازمتني وتقول تعالي بدري وابي ارجع اكشخ وكذا
علي يلف عليها باهتمام : بنت ابوفيصل ؟
الجازي : اييه
علي : ليه العزيمة طيب؟
الجازي : عيد ميلاد بنت عمها
علي : طيب خذتي لها هدية ؟
الجازي : لااوالله بس عندي كم شي مافتحته من علبته بغلفها واعطيها اياها ماعندي وقت اشتري
علي : خلاص خل نروح المول الحين نشتري لها وبعدها نرجع البيت عشان تطلعين لهم بدري
الجازي : والغداااا ؟
علي يأشر على عيونه : من عيوووني الثنتين بكرة وبعده كلها بتتغدين برا والمطعم اللي تختارينه بعد
الجازي : الله يخليييييك لي
علي يقرص خدها : امييييين ويخليك لي
بنفس اليوم العصر
وجدان ورهف ونورة رجعو من المول وجالسين يتقهوون
رهف : وجدان اكدتي على الجازي وخواتها؟
وجدان : اييه اتصلت عليهم وقلت لها تعالي بدري مرة قبل البنات
نورة : لاخليهم يجون مع العالم مالي خلق اكشخ من الحين
وجدان بدون ماتشوفها : عااادي لبسك حلو
نورة كانت لابسة بجامة : وجدان ارجعي شوفي بدون تسليك
وجدان تلف عليها : هههههههههههههههههههههههه اسحب كلامي
نورة : زين اني عرفت تفكيرك عشان ما اثق فيك ابد
وجدان : والله على بالي انك بلبس الدوام للحين
رهف : اسكتي انتي وياها مو وقت هوشتكم .. اتصل على جوجو ولا ؟
نورة تقوم : اتصلي عليها بروح البس
وجدان : بروح فوق اشبك جوالي بالشاحن واتصل عليها
رهف : اوكي
راحت وجدان فوق
بنفس اللحظة ببيت ابونايف
علي طالع من غرفته ورايح لغرفة الجازي دخل ولقى مافيه احد وسمع صوت الموية بالحمام
جا بيطلع وسمع جوالها يدق
جا يبي يشوف وقرا على الشاشة
وجدان ال.....
مسك الجوال بيرد بعدين حس انو لا ماله داعي وتركه
انقطع الاتصال ورجع يدق مرة ثانية
علي بقلبه : خل ارد واهبل فيها
رد عليها
وجدان من الجهة الثانية شافت الجازي ردت واستنزلت عليها
وجدان تنسدح : بدري عمتي جوجو ؟ كان مارديتي ؟؟ تعالي بسرعة قبل مايجي احد انا ونوير ورهوفه نتقهوى وننتظرك
ياويلك ان ماجيتي والله اذبحك
علي : ليتك دايم دايخة
وجدان سكتت مصدومة : ميين ؟ هذا جوال الجازي ( بعدين استوعبت كلامه ) وش دوخته ؟؟؟؟
علي : ايه جوال الجازي بس وش هالاسئلة اسألي حبة حبة بشويش على اختي
وجدان استوعبت انه مو الجازي وسكتت
علي يجلس على السرير ويتمدد : الوووووو ؟
وجدان بهدوء : وين الجازي ؟
علي : تتحمم (يكذب عليها) وترى امي رفضت انها تجي تقول ماله داعي حفلات الميلاد
وجدان صدقت : ليييييه ؟
علي فيه الضحكة وماسكها : مادري لاتسأليني اسألي الوالدة
وجدان صدقته : طيب قول لها او للعنود يتصلون علي ضروري
علي مازال ماسك ضحكته : اممم الجازي تقول اذا دقت وجدان صرفوها مابي اكلمها
وجدان عرفت انه يطقطق عليها وسكرت بوجهه وهو انفجر ضحك
رجع يتصل عليها
ردت وهي ساكتة
علي ميت ضحك : والله امزح معك ترى بس جوجو بالحمام وبتطلع بعد شوي وتجيك
وجدان : امم طيب مشكور باي
علي دموعه تنزل من الضحك : اسف والله ادري اني ثقيل دم
وجدان معصبة : طيب باي انا بسكر
علي : بااي ولاتزعليييين
وجدان سكرت منه وهي مستغربة من جرائته
وبنفس الوقت تحس قلبها يدق بقوة وفيه شعور غريب
وقعدت تتذكر لما كان ماسكها ورجعت تتذكر صوته وهو يكلمها خصوصآ لما قال الوو بهدوء
رهف دخلت عليها وشافتها جالسة وتناظر الجوال وهو مسكر
نورة : رهففف اخليك تروحين تنادينها وتروحين تجلسين عندها
رهف : تو دخلت عليها ما امداني يختي
نورة تجي تجلس : يالله طيب قومو نسوي القهوة والشاهي ونطلع العصيرات من الثلاجة مابقى شي ترى
قامو البنات ورهف تناظر وجدان بشك وخوف
نرجع لغرفة الجازي
سكر منها وهو يضحك
طلعت الجازي من الحمام
الجازي : وش تسوووي هنا
علي مازال متمدد على السرير : دقت صديقتك ورديت عليها
الجازي : ياملقوووف منهي ؟ ناوي تنحش صديقاتي ؟
علي : بنت ابوفيصل
الجازي : ايييه وجدان اكيد معصبة علي ياويلي
علي تذكر عصبيتها وضحك
الجازي : وش تبي ؟
علي : تسأل عنك وهبلت فيها شوي وشكلها زعلت
الجازي : لييييه ياسخيف
علي : من زمان مابكيت بنت
الجازي تدفه من السرير : ياشينك الحين بتتضايق اكيد
علي : تكفين قولي لها اني اسف والله انبني ضميري
الجازي تضحك : خلاص اطلع بلبس واكلمها
ابوعبدالعزيز اتصل على اخوانه وقال لهم يجون عنده بالشرقية وحجز لهم شالية
الاخوان شاورو زوجاتهم وكلهم قررو انهم يروحون يوم السبت
الهنوف اتصلت على البنات كلهم وجمعتهم بمكالمة وحدة
مشاعل : اخييييييرا والله فرحت يوم قال لي ابوي انكم بتجون
هيفاء : من زماااان عن الشرقية عاد اخر مرة لما تزوجت خالتي صح ؟
وجدان : ايه اتوقع من 6 سنوات
مشاعل : ليييه ماتجون اليوم والله تحمسست
الهنوف : بنات قولو ان امي لطيفة ماراح تجي معنا
البنات ماتو ضحك
غدي : هههههههههههههههههههههههههههههههههه الا وابشرك اسمع ابوي اليوم يقنعها بالجوال
نورة : يارب تجلس جنبك بالطيارة نفس لما رحنا لقطر
الهنوف : لاااا تكفون
وجدان : ههههههههههههههههه انتي تنرفزينها اكيد بتستقعد لك
الهنوف : طيب وافكاري بكيفية التفصخ عند البحر وين اصرفها ؟؟؟
جمانة : هههههههههههههههههههههه على اساس امي لطيفة هي اللي مانعتك عن التفصخ ؟
هيفاء : ولايهمك هنوف نطلع انا وانتي الفجر وتفصخي مثل ماتبين بس لاتخلينها بخاطرك
مشاعل : اعقلو ترى اعلمها عنكم
نورة : مشاعل بليز لاتاخذين وضعية اكبر وحدة ترى مو لايق والله
هيفاء : اهم شي بنااات لاتنسون التان خلنا نطقم كلنا
وجدان : ايييه صح وودي اصبغ شعري قبل عشان يطلع لوك جديد
الهنوف : بنات معليش ببعثركم الحين بس مضطرة اسكر بجهز شنطتي واطلع للمول اخلص كم شغلة
وجدان : اي مول ؟
الهنوف : مول .....
وجدان : بتطولين بالمول نجي ونطلع نتعشى بعده ؟
الهنوف : يس تعالوا
نورة : اوك اجل يالله
سكرو وراحو نورة ووجدان يتجهزون عشان هنوف بتمرهم
ومشاعل وهيفاء سكرو وجلسو يقررون وش بيسوون لما يجون بنات عمهم
الساعة 6 المغرب
بمستشفى ال .......
رهف دخلت المستشفى وهي تكلم تركي بالجوال
تركي : رهووف رحلتنا الساعة 8 ونصف حنا بنروح المطار بعد نصف ساعة انتي اطلعي من موعدك وتعالي المطار مع السواق
رهف : انا خايفة مايدخلني اليوم لان موعدي المفروض انو يكون بكرة
تركي : قولي له يقدمه يوم ماراح يضر خصوصآ انك مضطرة
رهف : اوكي بقول له وارد لك اذا صار شي
تركي : خلاص قولي لي بالواتس اب وش يصير معاك
رهف : طيب
سكرت منه وركبت الاصنصير
بغرفة د . معاذ
جالس على مكتبه ويتناقش مع صديقه سلطان عن اخر قرارات الادارة
معاذ بعصبيه : ياخي انا توني راجع مالي الا اسبوعين مو منطق انهم ينقلوني للشرقية وبدون موافقتي بعد
سلطان جنب الباب يشوف المراية ويعدل شماغه
سلطان : يارجل لاتكون عصبي سايرهم وراح تمشي امورك
معاذ : فيه مليون دكتور غيري وقفت علي ؟ (ويقلد صوت رئيس القسم) انت يامعاذ الشخص المطلوب
سلطان : هههههههههههه خلاص انا بكلمه لا تزعل نفسك بس
معاذ : مابيك تكلمه انا اقدر اتكلم بس انا مقهور ان كل هذا يصير بدون ماياخذون رايي حتى
سلطان : طيب هد اعصابك انت ليه منفعل لهالدرجة
معاذ : توني راجع وابي استقر وامي مبسوطة اني رجعت واهلي كلهم وتبيني ارجع مرة ثانية اغترب ؟
بوقت نقاشهم طقت رهف الباب ومحد سمعها
فتحت الباب بشويش ودخلت كان سلطان ورا الباب يعدل شماغه وماشافته راحت قدام طاولة د.معاذ
رهف : السلام عليكم دكتور ممكن تقدم موعدي الان اذا عندك فرصة ؟
معاذ باقتضاب : انتي تشوفين هذا الوقت المناسب انك تجيني فيه ؟
ماعندك موعد اليوم موعدك بكرة اطلعي وتعالي لي بكرة
سلطان كان واقف بمكانه ويناظر بتوتر مايدري وشلون يتصرف
سلطان يتنحنح لفت عليه رهف وماستوعبت انه موجود من زمان
سلطان : انا بطلع الان واذا فضيت يامعاذ اتصل علي
رهف مشاعرها اختلطت اكثر مقهورة من معاذ ومستحية من هالشخص اللي ماتدري من وين طلع
ونفس الوقت خايفه تخونها دموعها وتنزل
معاذ : سلطان اقعد الاخت رهف بتطلع الان
رهف ماتحملت الفشيله اكثر وحطت يدها على وجهها وقعدت تبكي
وسلطان على طول فتح الباب وطلع
معاذ جاه تأنيب ضميررر قووي
قام من مكتبه وراح لها جلسها على الكرسي
وهي منهارة مازالت تبكي
اخذ معاذ الكرسي الثاني وجلس قدامها قرييب مره
معاذ : اسف رهف كنت متنرفز والله اعذريني ماحسيت بالكلام اللي قلته
رهف تبي تسكت وماقدرت
معاذ زاد عليه تأنيب الضمير اكثر
معاذ بحناان : قومي الان غسلي وجهك وتعالي بعدها اكشف عليك ولا يهمك
رهف قامت من مكانها وتكلمت بصعوبة
رهف : انا بطلع الان ماقدر اجلس اكثر من كذا رحلتي بعد شوي
معاذ : اوك بس بعطيك اسم قطرات معقمه للجرح عشان مايلتهب اكثر لما الموعد الجاي
رهف بصوت خفيف : وهي فيها موعد جاي بعد
معاذ سمعها بس سوى نفسه ماسمع
كتب معاذ اسم القطرات في ورقه ومدها لها
هي بدون ماتشوف وجهه سحبتها بقوه منه وطلعت بسرعة
معاذ قام ويده على راسه ويسحب شعره وفيه تأنيب ضمير قوي
السبت الليل
العوائل كلهم مجتمعين بشالية البنات جالسين برا على الكراسي والحريم والبزران داخل والرجال كلهم برا بعد بس جهة بعيدة عن البنات والعيال يسبحون
البنات يتقهوون ويسولفون
الهنوف اتصلت عليها صديقتها دخلت داخل عشان تكلمها زين
مشاعل : هنووف لاتطولين بناخذ لنا دبابات
الهنوف قايمة من عندهم : طييب لاتسوون شي بدوني شوي وبجيكم
قامت الهنووف ودخلت
مشاعل مسكت جوالها : باتصل على سلمان
البنات ينتظرونها
فتحت جوالها وقعدت تشوف شوي بعدين نقزت وصرخت بحماس
البنات : شفيييك ؟
مشاعل تنطط : تدروون من بيجي ؟
وجدان : ميين ؟
مشاعل تجلس وهي تضحك : اصبرووو ههههههههههههههههههههه
والله هو قال لي لاتعلمين احد خليها مفاجأة بس ماقدر
هيفاء : مين بسرررررعة ؟؟؟؟
غدي سحبت الجوال منها بسرعة ونطت جمانة عند غدي تبي تشوف معها
غدي : عمممممممممممممممي خااااااالد
مشاعل : عمي خالد بيجي بكرة يسس اخييييييييييرا وربي مشتاقة له
نورة : يالله من وين طلعتوه من زمااان عنه
وجدان تطقها : هههههههههههههه وجع عيب عمك وش من وين طلعتوه
مشاعل : بليز بنات لاتقولون لاحد والله يذبحني اففف بنات تحمست مدري وشلون بسكت
نورة : وصل السعوودية ؟
مشاعل : ايييه يقول بالرياض باتصل عليه
البنات تحمسووو وكلهم جو قريب منها
العم خالد : 35 سنة يدرس برا على حسابه الخاص من يوم عمره 25 سنة درس ماجستير ودكتوراة ببريطانيا
خالد : الوووو هلا بالزيينة والله اني انتظرك تتصلين
مشاعل : هلااا والله بعمي الجميل كيفك وش اخبااارك اشتقت لك
والبنات عندها يتكلمون كلهم
خالد : علمتييهم !!
مشاعل : هههههههههههههههههههه والله انت ارسلت وكلهم عندي ماقدرت اخفي ردة فعلي
خالد : يسمعوني هم الحين ؟
البنات : ايييييه نسمعك
خالد : هلا والله ببنات اخواني وش اخباركم اشتقت لكم
البنات بردود متفرقة : تمام .. بخيييير .. انت كييفك ؟
خالد : انا بخير ماشاءالله مجتمعين ؟ كلمت عبدالعزيز يقول انكم بالشالية
مشاعل : احسسب انا لحالي ادري
خالد : ههههههههههه لاقلت لعزيز عشان يجي يستقبلني بالمطار بس انتي ماقصرتي علمتك وماخليتي احد ماعلمتيه
وجدان : عمي ليه ماارسلت لي انا والله ماحد يدري
خالد : هنوف ولاوجدان ؟
وجدان : بعد ماتعرف صوووتي اوكي زعللت
خالد : اصواتكم تتشابه ياعمي
وجدان : هههههههههه لا وجدان مو الهنوف
جلسو يسولفون معه
نرجع لهنوف اللي دخلت المقلط اللي بين قسم الرجال والحريم
تكلم صديقتها وتسولف وتضحك وداخله جوو
الهنوف : ههههههههههههههههههه لاتقوووولين ؟ ..
والله مدري عنكم انتي وياه ملاحيس قسم بالله ..
ههههههههههه حبيته يختي قولي هنوف صديقتي ترسلك سلامها ..
امززح امززح عندي اللي يملى عيني .. بحب بيومين يعني ؟ ..
لابطل المسلسل الجديد اوكي صحيح حب من طرف واحد لكن يكفي اني انا احبه ..
بسافر له الاجازه الجاية ادعي لي يدري عني
(تناظر جوالها) رييهام باتصل عليك بعد شوي رهوف تتصل علي .. اوكي قلبي باي
ردت على رهف
رهف : الكككلب الحقيير
الهنوف ارتاعت : شفيك بسسم الله ؟؟؟؟
ررهف علممتها السالفة
الهنوف : وجع الكلب ماعنده اسلوب ياقهر ليتني ماخقيت عليه
رهف : تدرين ايش قهرني ؟؟؟
الهنوف : اييش ؟؟
رهف بقهرر واضح : الهنوف بكيت والله مقهوره اني بكيت قدامه خيير دمعتي اللي ماتنزل بسهوله نزلت لييش
الهنوف : هههههههههههه يالله رهووف لـ هذي الدرجه هيبه!
رهف : لاتضحكين انتي الثانيه اللي يقهر اكثر انو كان عنده واحد بالمكتب
طول الوقت اللي كان يهزئني فيه كان الشخص الثاني يشوف , لااابعد لو تدرين مين
الهنوف : مييين ؟؟؟؟
رهف : سلطان ال......
الهنوف : وشووووو سلطان مين ؟؟؟
رهف جتها الضحكة بس بقهر وفشيله بنفس الوقت : ال.....
الهنوف : شجاابه ذا ؟ رهف لو اني مكانك رحت ضميته وسحبت على معاذ وهواشه
رهف : ههههههههههههههههههه مو فاضية يختي والله وقتها مابين عيوني الا ذا المعاذ
المشكله ابي ارد اتكلم اقول شي مااقدرت
الهنوف : اصبري اصبري كيف شكل سلطان ؟ نفس شكله لما يطلع بالتلفزيون ولا احلى ؟؟
رهف : لا اطول واعرض من التلفزيون بس حلو شوي
الهنوف تمسك قلبها : اخخخخ ياقلبي اطول بعد ؟؟
بعدين هذا وانتي مو فاضيه وصفتي هالوصف كيف لو كنتي فاضيه
رهف : يووه والله انتي فيك روقان انا اسولف عليك عن معاذ وانتي تسولفين عن سلطان ؟
وبعدين ايه اكيد تعرفين احنا البنات مايفوتنا شي في اصعب الظروف يمدينا نوصف كل شي هههههههه
كان عبدالعزيز داخل الغرفة من لما بدت تتكلم مع رهف
كان بشورت السباحة وداخل عشان يلبس وشاف هذي اللي معطيته ظهرها وتتكلم بحماس
ومتحمس معها بالموضوع وحس شوي ان شكله غلط ورجع يفتح الباب حق قسم الرجال وسكره بقوة عشان تستوعب ان فيه احد
الهنوف لفت بقوة وطار جوالها شافته واقف ويناظرها
الهنوف : من متى انت هنا ؟
عبدالعزيز : من لما قلتي ضميه وماضميه !
الهنوف : انا اكلم تقعد تتسمعني ليه ؟ على اي اساس ؟ ماتدري ان هالشي قلة حياء ؟؟
عبدالعزيز انقهر منها : من قليل الحيا اانا ولا اللي يقول (ويقلد صوتها) لو انيي منك رحت ضميته
الهنوف انفجرت : شدخلللك ؟ ابوي اخوي ؟؟؟؟؟؟
عبدالعزيز : يكفي ان اسمائنا تنتهي بنفس العايلة هذا شي يخليني مسؤول عن اي تصرف انتي تسوينه
الهنوف ماقدرت تتحمل : تخسسى
عبدالعزيز قرب منها لين صار يشوف وجهها وااضح
عبدالعزيز : من اللي يخسى ؟
الهنوف خافت بس ماوضحت : سمعت قبل شوي مايحتاج اعيد واذا ودك اعيد عادي
عبدالعزيز مسك زندها بقوة وقرب وجهه لها اكثر : عيدي ماسمعت ؟
الهنوف ماقدرت تتكلم خافت من قربه واوجعتها يدها منه
عبدالعزيز حس انه ضغط عليها بس ماتركها
عبدالعزيز : عيدي
الهنوف : اتررررركني
عبدالعزيز تركها وحط عينه بعينها
عبدالعزيز : تذكري انك قلتي هالكلمة لعبدالعزيز
الهنوف : انت اللي خليتني اقولها
عبدالعزيز : اسكتي خلاص وانا بطلع الحين وانتي خذي جوالك واطلعي
الهنوف : لحظة
عبدالعزيز : ندمتي ؟
الهنوف ساكتة
عبدالعزيز رجع يقرب منها ويشوفها من فوق لين تحت : صح نسيت اقولك شي
الهنوف : وشو ؟
قرب اكثر لما لصق فيها الا شوي
عبدالعزيز : بما انك مرة مشتاقة تضمين ضميني انا ولا ما اصلح لك ؟
الهنوف دفته : وقح وقليل ادب
خذت جوالها من على الارض وراحت تطلع من باب الحريم
عبدالعزيز يناظرها وفيه ضحكة : ان ماعرفتك وربيتك مايكون اسمي عبدالعزيز
خذت جوالها ودخلت داخل وهي مقهوورة
وصلت الغرفة وتذكرت ان رهف على الخط
رهف من الجهة الثانية كانت بالسيارة رايحة للمطار وسمعت كل شي
الهنوف استجمعت نفسها : الو هلا رهف معليش ج..
قاطعتها رهف : من عبدالعزيز ؟
الهنوف : ولد عمي
رهف : اسلوبه يروع الهنوف
الهنوف : انا خفت منه ( وتقعد تستوعب اللي صار كله وبصوت كله خوف) رهف ايييش اسوي ؟؟
رهف : هو شفيه عصب اصلا ؟
الهنوف صاحت : مدرري عنه رهف انا خربتها معه شوي وقلت له تخسى
رهف : من جدك ؟
الهنوف : مدري انا غبية رهف بروح اتأسف له واقول ماقصدت
رهف : لا ياويلك والله لااضربك لو تأسفتي ياكل تبن
عند الرجال
جالسين بالمجلس كلهم
فيصل منسدح على رجل مشعل
مشعل : تراك زودتها قم عني
فيصل : استح على وجهك بيني وبيينك 9 سنوات وتكلمني كذا
مشعل : الكبر بالعقل مو بالعمر عاد شف الفرق بين عقليتي وعقليتك
فيصل : عقليه مين ؟؟؟؟
مشعل خاف : مو انت اقصد (ويلف على العيال) عبدالعزيز
عبدالعزيز : لاياشيخ ؟
مشعل : اقصد عبدالله اخوي مو انتم
سلمان : تستغل عدم وجوده هههههههههههههههههههه
مشعل : لاتقولون له تكفون مالي خلق انجلد
عبدالعزيز : هو متى بيجي ؟ وليه ماجا معكم ؟
عبدالرحمن : عشان موعد امي لطيفة اليوم الليل وبكرة بيجي هو وياها
عبدالعزيز : سلامتها امي لطيفة فيها شي ؟
فيصل : لاا مافيها الا العافية بس فحص
دخل ابو سلمان عليهم
ابوسلمان : ياعيال ترى ابوريان بيجي الحين تعالو برا
وسلمان قل لاهلك يجهزون القهوة ويطلعونها
ومشعل او عبدالرحمن روحو للبنات وقولو لهم يدخلون لين يروح الرجال
مشعل : اوك انا بروح لهم
عبدالعزيز يقوم : لامشعل خلك انا بروح لهم
البنات كانو برا ينتظرون الدبابات
باستثناء هنوف هي الوحيدة اللي داخل
جاهم عبدالعزيز
عبدالعزيز : مساء الخير جميعا
البنات : هلا عبدالعزيز
عبدالعزيز : كييفكم وش هالجلسة الحلوة ؟ ولاتعزمون ؟
مشاعل : هذا انت جيت بدون عزيمة بس لاتجلس بليز عندنا سواليف ماتنفع لك
عبدالعزيز : لالا جاي اسلم ايوه كيفكم بنات (يدقق في وجيههم يدور اللي شافها بالمقلط ولالقاها)
البنات : تمااام
نورة بجراءة : انت كيفك عزوز
عبدالعزيز يناظرها وفيه الضحكة : تمااام نورة صح ؟
نورة : ايييه بسم الله شلون عرفتني
عبدالعزيز : اسلوبك اطلعه بين مليون وحدة
غدي : ماشاءالله تعرف مليون وحدة ؟
عبدالعزيز : يوووه عاد لا تدققين انتي بعد
مشاعل تلف على وجدان
مشاعل : وين هنووفه والله بتذبحنا لو لعبنا بدونها
وجدان : مدرري دخلت تكلم وماعاد طلعت ابدخل اشوفها
دخلت وجدان
عبدالعزيز اذنه معهم وبقلبه : اهاا صارت الهنوف
(وبصوت عالي ) بنات مابي اخرب عليكم جلستكم بس واحد من اصدقاء الوالد بيجي وبيجلسون برا ادخلو لين يطلع
مشاعل : طيب احنا ننتظر الدبابات اللحين
عبدالعزيز : خلوها بالنهار احسن عشان ماتضيعون
نرجع لهنوف اللي سكرت من رهف
وجدان دخلت الغرفة وشافت هنوف جالسة بالزاوية وتفكرر
الهنوف : وجدان بليز وقفي معي حتى لو اللي بسويه بنظرك غلط
وجدان : بوقف معك بس والله يالهنوف غلط مره مايستاااهل تبرير
الهنوف : ماعلييه بس انا ابي مايكفي اني ابي ؟؟؟؟ حتى لو انه مايستاهل
وجدان : امم طيب وش بتسوين الحين ؟
الهنوف : ابكلمه واتس اب واقوله يطلع ابكلمه برا بما ان الكل نامو
وجدان : ليه ماترسلين كلام؟
الهنوف : مابيه يمسك علي شي عشان كذا ابقولها بصوت
وجدان : طيب متى بتسوين هالشي ؟
الهنوف : الحين
وجدان : طيب يالله وش بتقولين ؟
الهنوف مسكت جوالها وهي ترتجف فتحت الواتس اب على محادثته
الهنوف خافت : اخر ظهور له قبل كم دقيقه
وجدان : اكتبي صباح الخير
الهنوف : مايستاهل والله بس اوكي بكتب
الهنوف تكتب : صباح الخير
عبدالعزيز صار اون لاين على طول
الهنوف دق قلبها بقوة وخافت وندمت انها كتبت بس خلاص ماعاد يفيد الندم
عبدالعزيز يكتب : صباح النور ,, مين ؟
الهنوف تكتب : كيفك عبدالعزيز
عبدالعزيز : تمام انت كيفك ؟ او انتي !
الهنوف : انا الهنوف
نروح لعبدالعزيز
كان برا مع الشباب
يلعبون كوورة وهو جالس على كرسي ينتظرهم يخلصون الشوط الاول عشان يدخل معهم بالثاني
عبدالعزيز بعد ماقرا ان اسم الهنوف استغرب شوي
عبدالعزيز بعدم استيعاب : الهنووف مين ؟
الهنوف : بنت عمك
عبدالعزيز : اهلا الهنوف امري
الهنوف : عبدالعزيز عادي اكلمك بخصوص الموضوع اللي حصل امس ؟
عبدالعزيز : ايوه ؟ قولي وش عندك
الهنوف بقهر حاولت ماتوضحه في كلامها : اذا مايهمك عادي مو لازم احكي
عبدالعزيز حس انها انقهرت وابتسم
عبدالعزيز : لا يهمني قولي
الهنوف : ابي اشوفك برا ابكلمك وجه لوجه
عبدالعزيز : طيب عادي تصبرين شوي لما يدخلون الشباب ينامون ؟
الهنوف : تمام اذا دخلو علمني المكان وانا بجيك
عبدالعزيز طلع بدون مايرد عليها
عبدالعزيز دخل بالشوط الثاني ولعبو لين تعبو بعدين دخلو ينامون
عبدالعزيز جلس برا
اتصل على الهنوف
الهنوف كانت تتكلم مع وجدان فجأة جوالها اتصل بصوت عالي وارتاعت يوم شافت اسم عبدالعزيز
الهنوف : يمماه اتصل وش اسوي
وجدان : قفلي بوجهه
قفلت الهنوف ودخلت عليه واتس اب
الهنوف مانامت الا الظهر تبكي من الم يدها واهانة عزيز لها
مشاعل تفتح النور : هنوووووفه
الهنوف تفتح عينها بصعوبة
وجدان تقرب عند هنوف : هنوف قلبي قومي الساعة 6 المغرب وجت امي لطيفة
الهنوف : صحيت خلاص
وجدان تتفحص وجهها وهي خايفة عليها
وجه الهنوف كان اصفر وواضح انها بكت لما نامت عيونها منفخة شوي
مشاعل تدقق على وجه هنوف : هنوف شفيك ؟ ليييه وجهك كذا ؟
الهنوف بكذب : صاحبتي جدها توفى اليوم
مشاعل صدقت : ياااعمري الله يرحمه ويصبرهم .. بس ليه انتي تبكين ياكرهك لاتصييرين حساسة كذا
الهنوف : صديقتي مره وقد شفت جدها وماتحملت يوم سمعت الخبر وبكيت
مشاعل : طيب غسلي وجهك يالله وتعالي براا
وجدان : روحي مشاعل بلبس انا واجي
مشاعل تطلع : اوككي
لفت وجدان على الهنوف اللي نزلت دموعها على طول لما طلعت مشاعل
وجدان : لاتبكين وربي مايستاااهل دمعة من عيونك
الهنوف : طيب انا شسويت له عشان يسوي كل هذا ؟
وجدان : ماادري مريض نفسيآ
الهنوف : يوم شفت مشاعل جاني امنية اني اذبحها
وجدان : هههههههههههه حرام عليك اخوها الكلب مو هي
الهنوف : هههههه ادري والله بس ابي احرق قلبه
وجدان : يمممااه الهنوف صارت شررانيه كللله منك ياعزوز حسبي الله عليييك
الهنوف : الله ياخذه يدي تألمني مرره جعل يده الكسر
وجدان : لاتحركينها كثير
الهنوف تقوم : تعالي نطلع لو جلست هنا بفكر واموت
وجدان : حطي ميك اب او شي وجهك يروع
الهنوف تبتسم : طيب
عند العيال
عبدالعزيز هو الوحيد اللي نايم وكلهم براا
صحى من النوم وراح يغسل وجهه ورجع يدخل الغرفة
يحس انه متضايق شوي بس مايدري ليه
تذكر الهنوف وحس بكئابة
عبدالعزيز يكلم نفسه : انا ليه سويت فيها كذا ! بس هي تستاهل حركاتها قهرررتني ..
بس ماسوت لي شي ليه انا مكبر الموضوع مرة !!!
دخل خالد عليه وهو قاعد يكلم نفسه
خالد : اخيرررا صحيت
عبدالعزيز لف على خالد : ايييه واحس ان فيني نوم بعد
خالد يدفه : اقول قم بس الجووو برا راايق
عبدالعزيز : امممم اقول خالد
خالد : سم ؟
عبدالعزيز : ودي اكلمك بموضوع
خالد باهتمام : امرني فيه شي ناقصك ؟ تبي شي ؟
عبدالعزيز : لاا عندي موضوع ثاني ابي اشاورك فيه
خالد : طيب تبي نتكلم هنا ولا نطلع برا نتكلم ؟
عبدالعزيز : لاتعال نطلع بالسيارة نبعد عن هالمكان شوي وبكلمك
خالد خاف عليه شوي : طيب يالله
طلع هو وياه بالسيارة وراحو للبحر ونزلو يتمشون عنده
خالد : ايووه عزوز ترى ضيقت صدري شوي وخوفتني وش صاير ؟
عبدالعزيز : يمكن تعصب علي ويمكن تتفهم الموقف ويمكن تطقني مدري انا راضي بأي شي بس ابي شورك
خالد : ايوه ؟
عبدالعزيز قال له سالفة الهنوف بس ماعلمه عن موضوع الكف والضمه ..
بس قال له اني قليت ادبي شوي معها وانه نادم
خالد كان ساكت ويسمع له
عبدالعزيز : وش رايك ؟
خالد : خلصت ؟
عبدالعزيز : ايه
خالد : انت ولد اخوي وهي بنت اخوي ماقدر ازعل عليك ولا اهاوشك لكن تصرفك غلط ولازم تصححه
عبدالعزيز : كيف اصححه ؟ لو اكلمها واقولها اسف والله ماتسامحني
خالد : انا اعرف بنت اخوي حسااسة ياعبدالعزيز متأكد ان نفسيتها اللحين مش ولا بد..
تدري اني للحين ماشفتها ؟ كم مرة اسأل عنها ويقولون نايمة
عبدالعزيز عوره قلبه شوي
عبدالعزيز بقلبه : مادريت عن الضمه والكف لو تدري عنها والله ان تذبني بالبحر
خالد يسترسل : لازم تتأسف منها او تحاول انك ترقع تصرفك بأي طريقة كانت
عبدالعزيز : طيب وش رايك تكلمها انت ؟
خالد : لا الغلط جا منك انت وانت اللي بتكلمها
عبدالعزيز : طيب
خالد : خل نرجع الحين عشان مايحسون بغيابنا
عبدالعزيز يقوم معه وهو حاط بباله شي ويبتسم وبقلبه : ان شاءالله ماتنامين الا راضية علي ياهنوف
رجعو للشالية
عند الحريم
الجده والامهات يسولفون والبنات داخلين جو مع بعض ويسولفون ويسمعون اغاني
ام سلمان : الله يهديهم الرجال بيأذن وهم مابعد جابو العشا
ام فيصل : ميخالف تونا بدري
ام عبدالله : لاابالعكس ليتهم يعجلون فيه عشان خالتي
ام فيصل : باتصل على ابوفيصل اسأل عن العشا واشوف
ام سلمان : لا ابوسلمان قايل لي انه بيجيكم بدري بس مدري وراهم تأخرو
مشاعل : امي لطيفة عزوز بيدخل يسلم عليك يقول ماشفتها زين اليوم
الجده : يابعدهم والله ياجعل عيني ماتبكيه خليه يدخل مافيه احد
وجدان تكلم الهنوف بشويش : يبيي يشووووفك اكيددد
الهنوف بصوت واطي : مادرا عني والله وجدان انا بدخل بلييز مابي اشوووفه
وجدان : مجنونه انتي ؟؟؟ ماعليك منه خليه يدخل ويشوفك وارفعي راسك ووضحي له انك ماهتميتي ابد
الهنوف سكتت
عبدالعزيز كان برا وفيه توتر شوي وخايف من الخطوة اللي بيسويها الحين
دخل
عبدالعزيز : السلااام عليكم
الكل : وعليكم السلام
عبدالعزيز يدور بعيونه يبي يشوف هي معهم ولالا وشافها جنب وجدان
عبدالعزيز بابتسامه : اخبارهم بنات العم ؟
البنات : الحمدلله بخير
راح عند جدته وحب راسها وجلس جنبها
الجده تطقه بالعصا : لييه ماجيت تسلم العصر مع العيال
عبدالعزيز يضحك : والله ناييييم ولا اجل ادري ان لطوف هنا وتبي تسلم علي ولا اجي ؟ ما اسويها والله
الجده : تلعب علي بالكلام الزين
عبدالعزيز : يابعد عيني والله اني نايم مانمت اليوم الا متأخر
الجده : يابوي والله اني ماشوفك بالرياض ماتجيني كثر اخوك وابوك
عبدالعزيز : والله لاهي بالشغل بس ابشررري والله الشهر الجاي بجيكم شهرين مو يومين مثل ابوي واخوي
الجده : ياااسعد عيييني والله
ام سلمان : صادق عبدالعزيز ؟
عبدالعزيز بابتسامه : ايه والله عندي دورة بالرياض
الجده انبسطت : عساها ترقية ولاشي حلو ؟
عبدالعزيز : لا كل فترة يختارون موظف يروح يمشي الشغل بالرياض والحين جا دوري
ام سلمان : لمدة كم ؟
عبدالعزيز : شهرين الى 3
ام سلمان : زيييين الله يوووفقك
دخلو الشغالات معهم العشا
عبدالعزيز يقوم : يالله اجل اخليكم الحين
الجده تمسك ثوبه : اجلس تعشى معي
عبدالعزيز : لايمه خليهم يتعشون وهم مرتاحين
الجده : بيتعشوون انت بس اجلس
عبدالعزيز جلس : ابشرري من عيوني
الهنوف تشوف جوالها ماتبي ترفع عينها وتشوفه
وجدان ترسل لها واتس اب
وجدان : بشووويش على الجوال ههههههه
الهنوف : ليت مكانه رقبته
وجدان ضحكت بقوة لف عليها عبدالعزيز وشافها تضحك والهنوف مبتسمة وماسكين جوالاتهم
عبدالعزيز : ضحكووونا معكم
الهنوف ارتااعت ووجدان ضحكت اكثر
وجدان : مقطع مايصلح الا للحريم
عبدالعزيز : اووه ازين شي ارسلوه لي عشان اضحك
وجدان : مايصلح لك والله
عبدالعزيز : هنوف ارسليه لي ماعليك من وجدان
الهنوف ودها تقوم تتفل بوجهه وبتسليك : قالت لك وجدان ماايصلح
مشاعل : عزززوز بلا استقعااد
عبدالعزيز : هههههههههه امزح معكم والله
جت حلا اخت الهنوف الصغيرة جنبه
حلا : عزوووز ابي اروح البقالة
عبدالعزيز يسحبها لحضنه
عبدالعزيز : بس بقااالة ؟
حلا : اييييه
عبدالعزيز : من عيوني والله بس اخلص عشا واوديك
حلا راحت تركض عند امها : ماما لبسيني ابروح مع عزوز
الجده : يالله يارب اشوووف عيالك بحضنك
عبدالعزيز بتنهيده : امييييييييين
ام سلمان : وش ذا الحركااات الجديدة عزوز امين اجل ؟ وين اللي اذا جبت له هالطاري يتهرب ؟
عبدالعزيز : ههههههههههه لا الوضع تغير الحين
ام سلمان : بخطب لك قبل ماتغير رايك
الجده : ليتك تاخذ بنت ام عبدالاله ثقل وعقل وسنع
عبدالعزيز : هي وحدة اللي ابيها ولو رفضت مانيب متزوج ابد
الحريم ارتاعو شوي من جرائته والبنات يضحكون وهنوف بقلبها ( الله يعيييينها عليه )
الجده : منهي انا بنفسي بروح اخطبها لك
ام سلمان : عزيييز منهي اللي حاط عينك عليها ؟
عبدالعزيز بجراءة : الهنوف بنت عمي
الهنوف كانت تاكل وغصت وقعدت تكح
والجده تزغرط
ام سلمان : عندك هي وامها هنا اذا وافقو عليك من عيوني
الجده : وراه مايوافقون عليه وليدي كله ملح
ام عبدالله : والله مانلقى احسن من عبدالعزيز (ولفت على الهنوف )
الهنوف كانت تعرق وتتمنى الارض تنشق وتبلعها
ام عبدالله حست فيها : خلاص بنيتي داخت من الحيا حرام عليكم
عبدالعزيز يقوم : تامريني على شي امي لطيفة ؟
الجده : سلااامتك يابوي
عبدالعزيز طلع بسرعة
الهنوف تتمنى انها بحلم
الحريم والبنات قامو يزغرطون كلهم
الهنوف قامت بسرررعة وطلعت
عبدالعزيز توه طالع ويدندن بأغنية
الهنوف تسحب ثوبه ولف عليها
عبدالعزيز ارتاع يوم شاف الهنوف
الهنوف بغضب : مين قالك اني ابيك ؟؟؟
عبدالعزيز : اول شي لا احد يشوفنا كذا ثاني شي انا اللي ابيك هذا مايكفي ؟
الهنوف : لامايكفي اتمنى انك تتراجع عن االموضوع عشان ماتتعب نفسك ولا اتعب نفسي
عبدالعزيز : ابيك انا لو رفضتيني مرة مرتين ثلاث مايهمني ابيييك
الهنوف بخوف : عبدالعزيز خلاص خلاااص اعتقني تكفى مابيك انا اوعدك وبنسى كل شي صار وبترجع ولد عمي زي قبل احترمك واقدرك بس بلاش هالموضوع
عبدالعزيز يقرب من وجهها : ا ب ي ك
لف عنها ومشى وهي تحس رجلينها ماتشيلها
راحت للغرفة وكانت وجدان هناك
وجدان : ويينك !!!!!!!
الهنوف : رحت له
وجدان تنط على الهنوف : لايكون عطيتيه كف ؟
الهنوف بضحكه مع خوف : هههههههههههههههه كل يوم كف عاد ؟ لا قلت له مابيك
وجدان مرتاعة : اييييوه
الهنوف : قال لي (وتقلد صوته بسخرية ) ابيك انا لو رفضتيني مرة مرتين ثلاث مايهمني ابيييك
وجدان انسدحت وبخقه : اللله كيووت هنووفه من قدك
الهنوف تدفها : ويييين كيوت معه ؟ انقلعي خذيه تكفين مابيه
وجدان تضحك وبعدين حست بجدية الوضع
وجدان : طييب وش بتسوين الحين ؟
الهنوف : مابيه وجدان مااابيه
وجدان : اسمعي تجاهليه تمامآ وتجاهلي الموضوع يمكن بس يبي يجس النبض
الهنوف : وين يجس النبض وهو قايل ابيها قدام مليون شخص
وجدان : طيب مو مشكلة تجاهلي الموضوع واذا رجعنا الرياض ربي بيحلها
الهنوف بضيقه صدر : اوكي
وجدان : قومي نطلع للبنات وننبسط
بعد يومين كان اليوم الاخير لجلستهم بالشالية وبكرة الصباح كلهم بيرجعون الرياض
فيصل متجه للبنات : خلصتوو ؟ مشعل وعبدالرحمن ذبحووونا يبون الدبابات
مشاعل : باقي هنوووفه مالعبت للحين
عبدالعزيز اللي كان ورا فيصل فز يوم سمع اسم الهنوف بس مالتفت ولا ابدا اي ردة فعل
مشاعل تلف على الهنوف : هنوف قومي العبي قبل مايجون مشيعل ودحوم والله ماعاد نشوف الدبابات ابد
الهنوف : ماابي انا انتم العبو وانبسطو وانا بشوفكم
غدي وجمانة متجهين لهم وتعبانييين ويضحكون
غدي : الله ياخذك ياجمانة بغيتي تقلبينا
جمانة : من قالك تثقين فيني وتركبين معي
غدي : الهنوووف ابي اركب معك والله سواقتك طبيعية مو زي ذا الغبية
الهنوف : ماتعرفين تسوقين انتي ؟
غدي : لا والله اخاف
الهنوف : يدي تألمني شوي والله ولاكان ابشري في من يفحط فيك لين يدور راسك
عبدالعزيز تذكر يوم لف يدها بقوة وضاق صدره شوي بس سكت
غدي : ماخفت يدك ؟ انا ابي افهم بس وش الحظ هذا اللي عندك اول مره اشوف احد يطيح وتلتوي يده
عبدالعزيز عينه على جواله ويرفعها شوي شوي يبي يشوف رده فعل الهنوف
الهنوف : الا الحمدلله بس مازالت تألم ماقدر احركها
(وبنبرة سخريه) ايه والله مدري وش هالحظ
عبدالعزيز رجع عينه على جواله : سلامتك بنت عمي اذا تبين اوديك المستشفى مستعد
مشاعل : يوووووه يعنني اخاف على زوجة المستقبل
الهنوف تندمت انها تكلمت ومسكت جوالها
نورة : ههههههههههههههههه عزوز ترى مابعد صار شي
هيفاء : استحت هنوووفه
غدي تطق هنوف مع كتفها : هنوف عطي عزوز وجه يكلمك
خالد من وراهم : لحد يطق هنوفه حبيبة عمهاا ولا بجلده
عبدالعزيز يرفع راسه : لاخالد ماعليك انا اكسر يده
الهنوف : ايه عاد انت متعود تكسر يدين خلق الله
كلن سكت واستوعبت الهنوف انها قالت شي ممكن تندم عليه باقي عمرها
الهنوف استرسلت : مانسيت الحين لما كسرت يد عبود اخوي قبل كم سنة
وجدان ارتااحت يوم رقعتها الهنوف
الباقي ضحكووو باستثناء عبدالعزيز اللي انبه ضميره اكثر
عبدالعزيز عينه بعينها : مانسيتيها للحين ؟ انا اجيب عبود الحين واضمه واحب راسه قدامك واذا تبين اتأسف له
الهنوف وهي فاهمة وش يقصد : لا مايحتاج الموضوع صار مايهمه الحين ولايحرك فيه شعره
وجدان تبي تلطف الجو عشان محد يحس : شررايك فيصل نشوي اليوم
فيصل : اوكي يالله
عبدالعزيز وده يقوم يحب راس وجدان اللي انقذت الموقف
نرجع للرياض ببيت ام نايف
علي توه راجع من الدوام ويتغدى بالصالة وامه والجازي جالسين عنده
الجازي فاتحه سناباتها بصوت عالي
خلصت منها ولفت على امها
الجازي : ابي اساااافر مليت
ام نايف تضحك : وانتي هذي حالتك ماتتذكرين السفر الا اذا شفتي السناب ؟
الجازي : معي حق والله كل وحدة من صحباتي بمكان
علي : والله لو ماعندي دوام وديتكم بس ان شاءالله نعوضها الاجازه الجاية
الجازي : حتى ماقدر اروح لاحد ولا اشوف احد كلهم مسافرين وانا لحالي هنا بالرياض
علي : معقول محد جلس منهم ؟
الجازي : والله محد جلس حتى وجدان اللي كنت اخطط معها طلعات الاجازه راحت
علي : ماشاءالله صارت صديقتك مررة ؟؟
الجازي : اييه
ام نايف : عاد وجدان تهبل ازين وحدة صادقتيها
الجازي : يمه تكفين خلينا نزوجها علي
علي يغص بالاكل
الجازي ماتت ضحك
ام نايف : ياسعدد عيني والله لو ياخذها
علي : لااا وين زواج الحين مابي توني شاب في عمر الزهور
ام نايف : مابقى الا كم شهر على 30 وتقول شاب ؟
علي : الله ياخذك الجازي ليه فتحتي هالموضوع
الجازي : وش اسوووي ابي وحدة من صحباتي تصير زوجة اخوي شوف بحط لك 3 خيارات
علي : ايوه ؟
الجازي : وجدان ولا رهف ولا ريوف يالله اختار
علي : وجدان وشفناها بقى رهف وريوف
الجازي : ياللي ماتستحي تبي تشوف بنات خلق الله
علي : جيبيهم بيتنا وانا بدخل بسوي نفسي مادريت وبختار وحدة
الجازي : كل وحدة تقول الزين عندي
علي يقوم : اشوفك صدقتي ؟ انا يوم زواجي بيكون مع عيال نايف
ام نايف : عليي تبي تذبحني ؟
علي : ههههههههههههه واللله امزح يمه (يصرف ) يالله عاد انا مواعد واحد من الربع اذا خلصتو من هالسالفة ونسيتوها علموني ارجع
يطلع من البيت
نرجع للشرقية
الساعة 9 ونصف الليل العائلة كلهم برا
العيال من جهة يشوون والرجال حولهم والحريم من جهة قريبة عندهم بس مو مرة جالسين ويتقهوون
البنات يتمشون قدام البحر ويسولفون
عند العيال
عبدالعزيز وهو يقلب اللحم : فصييل جب العود تكفى فيني طرررب
فيصل : مشييعل قم جب العود
مشعل : مالاحظتو انكم معذبيني من يوم جينا هنا ؟
عبدالعزيز : ههههههههههههه قم بس قم
مشعل يروح
فيصل : والله ياحنا ذبحناااه
عبدالعزيز : يستاهل والله
سلمان : ترى الاشياء تصير حلوة اذا جابها مشعل كيف لاتسألوني
عبدالعزيز وفيصل : هههههههههههههههههههههههههههههههههه
فيصل : تستمع وانت تأمره
عبدالرحمن ساكت
خالد : حرام علييكم
عبدالعزيز : انت صاير حنون من يوم رجعت وش صاير لك ؟ وين خاالد اللي قبل
خالد : خلاص كبرنا عاد
سلمان : توك بعمر الشباب وين كبرت معه
عبدالله : كني سمعت قبل شوي طاري عوود
فيصل : صبااح الخير عبوود !
جاهم مشعل معه العود
فيصل يمسك العود
فيصل : من بيغني ؟
عبدالله : عزوووز
عبدالرحمن : مششعل او عزوز
خالد : مايصلح انا اغني ؟
سلمان : ههههههههه لااااا
خالد : عطوني فرصة يمكن تغير صوتي
ابوعبدالله : لاخالد تكفى انت ملحك بسكوتك
خالد : افااااا ياخوي
ابوفيصل : صادق والله ابوعبدالله
خالد : عاد الحين تحمست اغني صدق
فيصل يلف على عبدالعزيز اللي واقف عند اللحم
فيصل : عزوز تعال
عبدالعزيز : واحد يجي مكاني عند اللحم عشان مايحترق
ابو سلمان : مشعل رح عند اللحم
فيصل وعبدالعزيز : هههههههههههههههههههههههههههههههههههههههه
مشعل يناظرهم : والله ان تندمون (ويلف على عبدالرحمن) ياحظك دحوم
عبدالرحمن : تف تف ماشاءالله
جلس عبدالعزيز
عبدالعزيز يشوف البنات جايين ويركز على الهنوف ويبتسم
عبدالعزيز يلف على فيصل ويقول له الاغنية
فيصل ابتسم وبدا يعزف
الله يازين اللي حضرت غطت على كل الحضور
طلت علينا وانورت ما عقب هالنور تور
علمنا قول وش فيها زود !!
يا نا س ماهي من الوجود
شبهها يالله باختصار ..
ورده ولا كل الورود
معذوره لو تكبرت مغروره يا بخت الغرور
واللي تماليها خسرت من قدها بدر البدور
احترنا ياراشد معاك
في عيونها شفت الهلاك
يعني نسميها ملاك
لا هي احلى من كذا
فلت جدايلها وسرت وصفقنا حيل بلا شعور
هي بس هي اللي قدرت تجني على كل الحضور
ياراشد اثريك معذور
هذي ترى بعض الامور
هذي خذت عقلك اكيد
مو بس انا كل الحضور
كان صووته حلوو الهنوف توها تدري عن هالشي وغدي وجمانة ماتوقعو انه عزوز
اما الباقي يدرون ان صوته حلو من زمان
الهنوف تسمعه وهو يغني وبقلبها : معقولة اللي عنده هالصوت يكون قاسي لهالدرجة.
بعد ماجلسو البنات على الكراسي اللي كانت بين الجلستين
فيصل : بنااااات اختارو اغنية على ذوقكم
عبدالعزيز : اهم شي اغنية انا اعرفهاااا
هيفاء: محمد عبده
غدي : لااا عراقي
مشاعل : لامحمد عبده
عبدالعزيز : وش رايكم بالاماكن ؟
البنات : ياااالله
عبدالعزيز بدا يغني
وجدان تذكرت علي على طول وابتسمت من قلب
غدي دخلت معهم بالسالفة : الله وش هذاااا ! ياعمري ذا مكانه كندا مو السعودية
وجدان : لاتكفين خليه هنا اتمنى يحسن النسل
الهنوف : بنات انا بتزوجه خلاص باي بروح له
نورة : وعزوووز
الهنوف كشرت : الله ينكد عليك ( وحست انها جابت العيد )
وجدان تقرصها من تحت
وجدان : الهنوف من الحياء ماعاد تدري تخق ولاتسب
الهنوف ابتسمت بتسليك
الهنوف : المهم بنات خلاص انا بتزووج ذا تكفون لايروح علي
جمانة تمسك جوالها وترفعه لاذنها باستهبال : عززووز تعال شوف الهنوف
الهنوف تطقها بقوة
عند العيال
خالد : ماشاءالله وش فيهم اهلنا كثرو ماكانو كذا قبل كم سنة
فيصل بضحكة : بالله عليك ؟
خالد : هههههههههههه والله
مشعل ساكت يخاف يتكلم ويخلونه يروح يجيب شي
عبدالرحمن : وهو متمدد على الكرسي : انا بنام شوي واذا هذا قوموني
عبدالله : وش اذا هذا ؟
عبدالرحمن يغطي وجهه بيده ويسفهه
رد: غالبا مايكون الحب قدر لاخيارا/بقلم كاتبه سحابٍ دنى
-5-
معاذ : الوو
رهف : ...........
معاذ : السلام عليكم
رهف : وعليكم السلام من معاي ؟
معاذ : انا د.معاذ ال.....
رهف : ايوه نعم
معاذ : كيفك رهف ؟
رهف رفعت حاجب : تمام
معاذ : مافيه وانت كيفك ؟
رهف بملل : وانت كيفك ؟
معاذ : صحيح انها مو من قلبك بس اوكي انا تماام الحمدلله
رهف : وش بغيت دكتور معاذ ؟
معاذ : اول شي احب اكرر اعتذاري على اللي صار بأخر مرة شفتك فيها
ثاني شي والاهم اتمنى تشرفيني بكرة بدري لانك فوتتي الموعد اللي فات ف يبي لك شغل
رهف : ايوه ؟ بس خلصت ؟
معاذ : ايه
رهف بجدية : علاقتي فيك علاقة احترام بين دكتور ومريضة مايحتاج تتصل وتتأسف هذا اولا
ثانيآ انا نسيت الموضوع تمامآ وبالنسبة للموعد على حسب اذا فاضية بجي
معاذ انقهر من اسلوبها : اوكي
رهف : باي
معاذ : فمان الله
قفل منها
معاذ وهو يشوف الجوال للحين : تقققهرررر
سلطان يضحك : تستااهل
معاذ : انت معي ولامعها حدد موقفك ياخي
سلطان : مع الحق
معاذ : تقول لي انها نست اااه وانا ضايق صدري من اسبوع
سلطان : انت مصدق انها نست ؟
معاذ : اييه واضح انها ماجابت خبر اساسا
سلطان : مستعد اعطيك اللي تبيه لو كانت صدق ناسيه الموضوع
معاذ : وش هالثقة ؟
سلطان : اسمع ياحبيبي البنات كذا اتحداك توضح لك انها مهتمة
بتعطيك اكبر طااف وقلبها من داخل يحترق من القهر
معاذ : من وراي ياسلطان ؟؟
سلطان : ايش ؟
معاذ : تتعرف على بنات السعودية كلهم ولاتعلم ولاتقول عندي صديق اسمه معاذ
سلطان : هههههههههههههههههه والله ماتعرفت على احد
معاذ : وش عرفك بهالاشياء ؟
سلطان : الحياة علمتني المهم خلك مني
معاذ : يحاول يغير الموضوع ههههههههههههههه
سلطان يتجاهله : ايوه وش بتسوي معها ؟
معاذ : برسل لها اني ابيها تجي ضروري
سلطان : الحين خلنا نرجع البيت وبكرة بيحلها ربي واتوقع انها تجي
معاذ : ياااارب
سلطان عطاه نظره شك وابتسامه جانبيه
رجعو لبيوتهم
الاثنين الساعة 10 بالجامعة
رهف والهنوف جالسين مع بعض ينتظرون وجدان
رهف : هذا كل اللي صار تنصحيني اروح اليوم ولالا؟
الهنوف : لاتكبرين الموضوع هو اتصل واعتذر روحي وماتدرين يمكن تحبون بعض
رهف تضرب كتفها : وش دخل هههههههههههههههههه
الهنوف بحماس : رهف شرايك اروح معك ؟
رهف تتريق وبنفس طريقة حماسها : وش تبيين تروحين معي؟
الهنوف : ودي اتضارب معه
رهف تضحك : موو صاحيه هههههههههههههههه
الجازي من وراهم : وش يضحك ضحكوونا معكم
وجدان : شكلكم تحشون فينا
رهف : هنوف تبي تروح معي الموعد عشان تضرب معاذ
وجدان : هههههههههههههههههههه علينا هنوفه شكلك خاقه معه وتبين تشوفينه
الهنوف : والله هناك نتفاهم عزيزتي وجدان
الجازي : مافهمت شي بليز فهموني او غيرو السالفة
رهف قالت لها السالفة
الجازي بصدمه : اووووف حقير يقهر مررره
رهف : بنات شرايكم نروح كلنا اليوم المستشفى ؟
الجازي : والله بيخاف ههههههههههههه
وجدان : لا صدق والله خلينا نروح
الهنوف : يالله جوجو تعالي معنا
الجازي : الساعة كم ؟
رهف : 5 بس خلينا نروح نتغدا بعد الجامعة بعدين نطلع للموعد
الجازي : بتصل على امي بقول لها
وجدان : اوكي ان شاءالله راح توافق
الساعة 3 طلعو كلهم مع سواق رهف
بالشرقية
عبدالعزيز ومشاعل جالسين بالصالة يتكلمون
مشاعل : ماتشوف انك تسرعت شوي؟
عبدالعزيز وهو يشرب شاهي : اممم لييه تسرعت ؟ الهنوف ماتصلح لي ؟ ولافيها شي !
مشاعل بسرعة : لا لااا الهنوف مرة احبها ومافيه مثلها بس انت احس انك مافكرت
عبدالعزيز : لا ماتسرعت وحتى لو فيها عيوب ابيها بكل عيوبها
مشاعل : انت تحبها من زمان ؟
عبدالعزيز بكذب : ايه
مشاعل : ليه هالحب ماطلع الا الحين ؟
عبدالعزيز : وش هالتحقيق ؟ ( ويضحك ) ولابنت عمك مرسلتك تسأليني ؟
مشاعل : ماخذ بنفسك مقلب والله ماجابت خبر
عبدالعزيز : ان ماخليتها تهذي بأسمي ما أصير عبدالعزيز
مشاعل : ياثقتك يا اخي
بالرياض
بالسيارة
الجازي ورهف وهنوف ووجدان
الجازي : بنات خلونا ندخل وحدة وحدة مانبي نروعه
رهف : لحظة بنات وحدة تدخل والباقي يجلسون برا لين يطلع هو ويشوفونه بليز لاتدخلون كلكم
كلهم بصوت واحد : اناا
رهف : هههههههههههههههههههههههههههه
وجدان : لحظة الهنوف مستحيل تدخلين لو يدري عزوز بيذبحنا
الهنوف : الله ياخذك انتي وعزوز
الجازي : هههههههههههههههه وجدان ان دخلتي بعلم خالتي ام فيصل
وجدان : لااا والله ؟
رهف : قربنا من المستشفى يالله قررو
وجدان : طيب عندي فكرة
البنات : وش هي ؟
وجدان : كل خمس دقايق تدخل وحدة
الجازي : هههههههههههههه عليك افكار !
رهف : هههههههههههههه بيرتاع والله
الهنوف : انتم تدرون ان سالفة عزوز سببها الكلب معاذ !! عشان كذا خلوني ادخل
البنات ماتو ضحك
رهف : من قالك تتكلمين عنه لو انك ساكتة كان ماصار شي الحين
الهنوف : ليتني كنت نايمة ذاك اليوم او ليتك ماعلمتيني عن معاذوه
الجازي بجدية : الهنوف اذا ماتبين عبدالعزيز ارفضيه ماراح يغصبك احد
الهنوف : مابي يصير مشاكل وودي اكلمه بس هو غبي مايفهم
والله بيصر على الموضوع اكثر مااادري وش اسوي معاه
( وتغير السالفة ) اقوول لاتضيقون صدري خلينا ننزل الحين ونشوف معاذ
نزلوا كلهم كان معاذ وسلطان عند الاستقبال يسولفون
رهف كانت جاية بدري مرة وكانت تبي تدور شوي بعدين تدخل ماتبي تدخل على طول
وارتاعت لما شافت معاذ
رهف بصوت واطي : بنات شوفوه واقف مع واحد مرسم بس لا تلفون كلكم مرة وحدة
البنات طنشوها وكلهم لفو لجهته
معاذ لف وشافها ولما شافهم معها جته ضحكة
لف عليها ورفع يده وبصوت عالي وبجرأه : اهلا استااذة رهف تو مانور المستشفى
رهف بان على وجهها خوف وربكه والبنات يلفون عليها مصدومين
رهف طالعته بنظرة عتب ولفت للبنات وبصوت واطي : بنات تعالو للاصنصير
البنات مشو ودخلو الاصنصير قبل مايسكر جا معاذ مسك الاصنصير ودخل معهم
البنات ساكتين حتى انفاسهم يحاولون مايطلعونها
معاذ طلع جواله وقعد يطقطق فيه
قبل مايفتح باب الاصنصير
معاذ: رهف تعالي معي الحين ابي ابدا معاك بدري
( وبابتسامة ساحرة شاف البنات اللي معها ) وانتم جايين تضربوني يعني ولا بتوقفون معها بس ؟
الجازي بدون ماتحس : لالا ماعاش من يضربك
وجدان تقرصها بقوه
الجازي بصوت واضح : ايي وجع
البنات فتحو عيونهم مرتاعين
معاذ فيه الضحكة وماسكها
فتح الباب وطلعو
معاذ راح لغرفته وهم وقفو
وجدان : الجازي مجنونة
رهف : مو صاحيه انتي اللحين ياخذ مقلب في نفسه المريض
الجازي : بنات يهبببل
الهنوف من يوم طلعو وهي تضحك ماقدرت تسكت
رهف تطق الهنوف : خلاص انتي الثانيه تكفين لاتضحكين
الهنوف تحاول تسكت وماقدرت
رهف : انا مجنونه يوم وافقت تجون معاي
انا بروح ادخل عنده وانتم سكتو هذي (تأشر على الهنوف)
الجازي : معليش بجي معاك
رهف تسحبها : تعالي يالله
راحو ووجدان جلست وتحاول تسكت الهنوف وماقدرت وصارت تضحك معها
رهف والجازي داخل عند معاذ
الجازي جالسة على الكرسي وتشوف معاذ
معاذ قاعد يكشف على عين رهف
معاذ : لااا رهف شكلك ماداومتي على القطرة اللي عطيتك المرة الماضية
رهف كانت ماتداوم عليها بسبب غضبها على معاذ وكأنها تنتقم منه بالحركه هذي
بس ماتدري ان هالشي بيتسبب في تطويل مده المواعيد
رهف : ايه انساها احيانا عادي يعني
معاذ يتنهد : لا مايصلح كذا لازم تحطينها بالوقت اللي كتبته لك
انا كذا مضطر اكتب لك قطرتين وراح تطول مده المواعيد
رهف : لاا تكفى معاذ
معاذ رق قلبه يوم قالت اسمه واكتفى بأبتسامة وهو يطالع عيونها بنظرات تسحر
رهف بربكه : لا اقصد الله يعافيك دكتور معاذ ما أتحمل قطرات تألمني مره
معاذ وهو مازال يطالع عيونها بدون مايرمش : لازم يارهف عشان عيونك
الجازي تطالعهم فاتحه عيونها ورافعه حواجبها مصدومة
رهف : طيب برجع اداوم على الاولى بس واذا ماصلحت اكتب لي الثانية بالموعد الجاي
معاذ : خلاص بس داومي عليها بنفس الوقت عشان ماتنتكسين
رهف : ابشر
ابتسم ابتسامه جانبيه و لف ياخذ قطرات عشان يكمل الكشف
عند الهنوف ووجدان
وجدان : هنوف ابي اقولك شي من زمان ودي اقوله بس مدري محتاره
الهنوف : ايش ؟
وجدان : اممم احس اني احب
الهنوف : وشووو ؟ وجدان تحب ؟؟؟
وجدان : ايه
الهنوف : هههههههههههههههههه لسى ابريل ماجا هذي كذبه مستحدثه
وجدان : هنووف لاتخليني اندم اني علمتك
الهنوف : منهووو طيب ؟ من هو ولده ؟ حلو ؟ طويل ؟ ابيض ولا اسمر ؟ وشلون عرفتيه ؟
الحقير لعب عليك بكلمتين وقال لك بتزوجك صح ؟ الله لايوووفقه عطيني رقمه بتصل عليه اخذ حقك
وجدان : هههههههههههههههههههههههههههههههههههه لحظة طيب اسمعي السالفة
الهنوف : يالله بسررعة قولي من هو تكفين بعدين علميني السالفة
وجدان : ماتعرفينه انتي يمكن سمعتي بأسمه بس ماتعرفينه
الهنوف بفضول : مين ؟؟
وجدان : علي اخو الجازي
الهنوف : ووشوو ! اخو الجازي هذي اللي نعرفها
وجدان وجهها احمر : اييه
الهنوف : لحظة لحظة
وجدان : وشوو ؟
الهنوف جلست تتذكر شوي بعدين ضربت وجدان بقوة
وجدان : اااي شفيك ؟
الهنوف : من ذاك اليوم اللي جت معانا الجازي فيه وقالت سالفتك انتي وياه
وجدان : ايه هههههههههههههههههههه
الهنوف : انا اتذكر وجهك احمرر مع ان السالفة ماتستدعي الحياء
وجدان قالت لها السالفة كاملة
الهنوف : كذا الموضوووع ! لييه جوجو ماقالت لنا كذاا ؟
وجدان : تخيلي يعلم خواته انه حاضني لين وصل بيتهم ؟
الهنوف تطق راسها : اييه صح ههههههههههههههه
وجدان : مدري انا احس اني احبه واحس اني لا مادري كيف
الهنوف : لا لاتحبينه كل الرجال كلاب
وجدان : مو كلهم عزووز ركزي
الهنوف بضحكة : امززح والله بس حلووو ؟
وجدان : تصدقين اني ماشفته زين
الهنوف : كل هذا وماشفتيه زيين ؟
وجدان : والله هههههههههههه
الهنوف : طيب ابي اشوفه كيف ابقول للجازي توريني صورته
وجدان : مجنوونة انتي ؟؟؟ اذبحك والله
الهنوف ترفع حواجبها : وصرنا نغار
وجدان : لاا والله مو كذا بس خير تقولين لها بشوف صورة اخوك
الهنوف : اي من جد المهم ابي اشووووفه كيف ؟
وجدان : وانتي بس تبين تشوفين عيال خلق الله ؟ وين عزوز عنك
(وسدت فمها) امززح هنووف والله امزح
الهنوف تجاهلتها : متى يرجع من الدوام ؟
وجدان : على الساعه 4 العصر
الهنوف : لابعد تعرف متى يرجع من الدوام
وجدان : ههههههههههههههه ياشينك لاوالله بس كم مرة اتصادف معاه وانا راجعة من الجامعة
الهنوف : طيب ابي ارجع معاك يوم لازم اشوووفه
وجدان : اوكككي
الهنوف : رهف تدري ؟
وجدان : تدري عن الموقف بس ماقلت لها عن اللي احس فيه
الهنوف : لييه ماقلتي لها ؟
وجدان : كم مرة ابي اقول بس في شي يردني
جو رهف والجازي
الجازي : بنات فاتكم رومانسيه داخل
رهف : ذا البنت بتجنني بعدووها عني
الجازي : رهف حبيته انا خلاص (وتغمز) اذا صدق ماتبينه انا ابيه
رهف : حبيتيه ها ؟ خليه يصرخ عليك مثل ماصرخ علي وبشوف بيستمر الحب ولالا
وجدان : اقوول تعالو بس خلينا نرجع البيت امي اتصلت علي مرتين تقول وينكم
طلعو البنات وكل وحدة راحت بيتها
مرت اربع ايام وماتغير شي على ابطالنا
باستثناء عبدالعزيز اللي باشر العمل بالرياض
يوم الجمعة
المفروض الجميع يكونون في بيت الجده لكن الجد عمل عزيمة في المزرعة بمناسبة شغل عبدالعزيز
بالمجلس الجد والاعمام وعيالهم جالسين
عبدالرحمن ومشعل بزاوية المجلس يتكلمون مع بعض
وعبدالعزيز وفيصل يشوفونهم
عبدالعزيز : واضح انهم يخططون على شي
فيصل : خلينا ننرفزهم تكفى
عبدالعزيز : ودي والله بس جدي مايرضى عليهم
فيصل : ياخي انا مارتاح لين اتهاوش معهم
عبدالعزيز : تصدق ان نفس الشي يصير معي انا
فيصل : قم بس نروح لهم
فيصل : كملو كملو نبي نسولف معكم
مشعل : يالييل فصيل وش تبي ؟
فيصل يمسك اذن مشعل : فصيل من ؟
عبدالرحمن : قل عمي من الحين لانه ماراح يخليك لين تقولها
فيصل يضحك : ايوووه دحيم فاهم الدرس صح
مشعل بهياط : تخسى اقولك عمي
عبدالعزيز ذكر الهنوف وابتسم
فيصل يلف عليه : وانت وش تضحك عليه
عبدالعزيز : على سخافتك انت وياه قومو بس خلونا نطلع نشم هوا
فيصل : افا نسيت كلامنا قبل شوي ؟
عبدالعزيز : خلها الفجر
عبدالرحمن : وشو ؟
فيصل :الفجر نعلمك وش
خالد من وراهم : ياخي ودي يجي الصبح ابي اتمشى واشوف المزرعة من زمان عنها
عبدالعزيز : بسم الله انت متى جيت
خالد : انت من مروعك ؟
عبدالعزيز : محد والله بس روعتني ياخي سلم قل شي
حولو الطقطقه على خالد لين طفش منهم وراح عند اخوانه
عند الحريم
ام سلمان : والله كلف على نفسه عمي ليه يعزم بالمزرعة
الجده : والله مافيها كلافة يام سلمان لاتستحين
ام سلمان : ولو ياخالة لو انها عشاء بالبيت بس يكفي
الجده : يستاااهل وليدي عبدالعزيز والله
ام عبدالله : خالتي وين بتنامين
الجده : غرفتي
ام فيصل : لاا ياخالة غرفتك فوق وصعب عليك تطلعين للدرج
الجده : لا عادي وانا امك اقدر اطلع الدرج
ام فيصل : قبل ماتنامين قولي لنا عشان نساعدك
الجده : ابشري
عند البنات
الهنوف تدخل عليهم : هاااي
مشاعل : هلااا وين كنتي ؟
الهنوف : رحت اودي حلا اختي لاامي ذبحتني بالصياح
وجدان : اسمعوو بنات خلونا نسهر براا
نورة : يالله
مشاعل : اسمعوو نبي نسوي شي
الهنوف : ننحاش من المزرعة ؟
نورة : ههههههههههههههههههههههههههههه لا عاد
الهنوف : كل شي سويناه مابقى الا هذي
نورة : اسمعي هنوفه قولي لعبادي يسهر معنا اليوم
الهنوف : هههههههههههههههههههههههههههههههههه انقلعي تكفين انتي وعبادي
مشاعل : امنيتي اعرف انتي من جدك تحبينه ولالا ؟
نورة : انا مو بس احبه اموووت فيه
غدي : هيوووف شوفي هي تكذب ولا صادقة
هيفاء بصدمه : اعلم الغيب انا ؟
جمانة : انتي علم نفس يعني تعرفين اكيد
هيفاء : مو كذا عاد ههههههههههههههههههههههه
جمانة : والله انتم ترووعون تفهمون الواحد من عيونه
هيفاء عدلت جلستها : شوفي قلبي علم النفس يقول انك اذ...
نورة : اسكتي اسكتي احنا ويكند تكفين لاتقعدين تتفلسفين علينا
وجدان : ايييه تكفين لاتشرحين
جمانة : الااا الااا انا ابي
الهنوف : روحي جنبها وخليها تشرح لك لحالك
مشاعل : بوووو
عبدالعزيز ارتاع : وججع
مشاعل : اخلص وش تبي بروح للبنات
عبدالعزيز : هي فيه ؟
مشاعل بفهاوة : مين هي ؟
عبدالعزيز : يعني مين الهنوف
مشاعل : اكيد فيه
عبدالعزيز : مشاعل بطلبك طلب ركزي معي شوي تكفين اتركي هالفهاوة
مشاعل : ايش ؟
عبدالعزيز : ابي اشوف هنوف
مشاعل : وشوو !؟
عبدالعزيز : ابي اشوفها عندي موضوع بتكلم فيه معها
مشاعل : مووعد غرامي بمزرعة جدي ؟؟؟؟؟؟؟؟
عبدالعزيز : ايش اللي موعد غرامي لا بس فيه موضوع بسيط ابي اكلمها فيه
مشاعل : طيب قل لها ماتوقع ترفض
عبدالعزيز بقلبه : ايه ماتعرفين انتي
مشاعل : شوف انا بعطيك رقمها وكلمها
عبدالعزيز : عندي
مشاعل : ماشاءالله من متى
عبدالعزيز : من زمان
مشاعل : طيب اتصل عليها او كلمها واتس
عبدالعزيز مايبي يقول مبلكتني لان مشاعل ماراح تتركه لين تعرف السالفة كلها
عبدالعزيز : لا مابي ابيك انتي تكلمينها اعتبريها خدمة العمر ولو سويتها مستعد اعطيك اللي تبين
مشاعل : اووه كل هذا عشان هنوووفه
عبدالعزيز : عاد هنوفه عيوني
مشاعل تصفق : وييينك يابنت عمي تسمعين هالكلام
عبدالعزيز يحط يده على فمها : فضحتينا
مشاعل : هههههههههههههههههه اسفه والله تحمست شوي
عبدالعزيز : طيب ها شصار ؟
مشاعل : مستحيل توافق اذا قلت عزوز بيشوفك عشان كذا خلينا نسوي خطة
عبدالعزيز : ايووه ؟
مشاعل : بطلع انا وياها نتكلم وبعدين انت تجي وانا بروح
عبدالعزيز : طيب بتروح هي والله ماتعطيني فرصة اتكلم
مشاعل : طيب شنسوي ؟
عبدالعزيز : اسمعي ............
بالرياض
ببيت ابوسلطان
سلطان بالملحق مع معاذ
سلطان : ياحي الله من جاني
معاذ : الله يحييك ياخوي
سلطان : اخيرا شرفت يالزين من متى اعزمك
معاذ : ياخي اكثر انسان اشوفه بحياتي انت اكثر من اهلي حتى
سلطان : هههههههههه صدق والله
معاذ : مو من حبي لك ترى بس مضطر اجاملك
سلطان : قم اطلع ولاعاد اشوف خشتك هنا
معاذ : ههههههههههههههههههه اول جيب القهوة بعدين بطلع
سلطان يدق على لمى اخته وهو يضحك
لمى : هلااا سلطان
سلطان : قولي للخدامه تجهز القهوة وتجيبها للملحق
لمى : الخدامه راحت مع امي للجيران انا بجهزها واجيبها لك
سلطان : الله يعافيك
عائلة ابو سلطان
سلطان 33 نائب مدير مستشفى ابوه وهو نفسه اللي يشتغل فيه معاذ
محمد 31 يدرس في بريطانيا
ريان 28 يدرس ماستر تخصص ادارة اعمال
لمى 24 اخر سنة جامعة تخصص ادارة اعمال
الساعة 12 الليل
في المزرعة
مشاعل دخلت على البنات
وجدان : ويينك
مشاعل تصرف : رحت اجلس مع الحريم لين راحو ينامون
الهنوف : وش هالسنع اللي نزل فجأة
مشاعل : عاد شسوي ابي انخطب
نورة : ان كنتي حاطه عينك على عبادي بقتلك
مشاعل : وعع انتي وعبادي ذبحتينا فيه
الهنوف : الحريم نامو ؟
مشاعل : ايه
الهنوف : يلا اجل خلينا نطلع
نورة : وين ؟
الهنوف : بنتمشى شوي ونرجع
نورة : طيب علمونا ولا يعني اخت زوجي بتمشى معاها لحالي
الهنوف فكت كفر جوالها ورمته على نورة
الهنوف : هههههه تكفين روحي مووتي
بعد مابعدو عن جهة البنات
الهنوف : يمه مشاعل لايكون تبين تذبحيني
مشاعل : هههههههههههههههههههههههه من زينك اذبحك
الهنوف : والله ترووعين
مشاعل : اقول مو انتي تبين تنحاشين
الهنوف : الله والله انتي فاهمتني مشاعل تكفين
مشاعل : ههههههههههه تعالي نركب سيارة واحد من الشباب وننحاش
بس تتوقعين تكون مفتوحه سياراتهم
عبدالعزيز : اسلم ولا اصبح عليك ؟
الهنوف ساكتة ووجهها من الجهة الثانية
عبدالعزيز : هنوف شوفيني
الهنوف ماعطته وجه
عبدالعزيز حط يده على دقنها ولف وجهها جهته
الهنوف انتفضت لما حست بيده
عبدالعزيز : ادري انك مو طايقتني وادري ان ودك تذبحيني لكن ممكن تعطيني فرصة اكلمك شوي ؟
الهنوف : وليه اعطيك فرصة ؟ عشان تقولي كلام يسم البدن كالعاده !
عبدالعزيز : الهنوف حطي عينك بعيني لما تجين تتكلمين
الهنوف رفعت عينها
عبدالعزيز : ايوه كملي
الهنوف : ماعندي شي اقوله انت سويت هالخطة كلها عشان ايش ؟ اذا عندك كلام قوله بسرعة عشان انزل
عبدالعزيز : ابيك تطلعين اللي بخاطرك كله بعدين بتكلم
الهنوف : ومن قال لك ان في خاطري شي ؟ انت ولاشي بالنسبة لي
عبدالعزيز : اممم ايوه كملي
الهنوف : انت شخص جبان وسخيف لاحظ نفسك من يوم بدت السالفة لاحظ تصرفاتك كل تصرف اسخف من الثاني عبدالعزيز احنا مو مراهقين
عبدالعزيز ساكت ويسمعها
الهنوف استرسلت : انا ما اصلح لك ولا انت تصلح لي كنت قبل احترمك لانك ولد عمي الحين للأسف ما احترمك ابد
عبدالعزيز بهدوء : خلصتي ؟
الهنوف : ممكن كلامي يكون قوي عليك لكن انت اللي سويت هذا كله وانت اللي تتحمل العواقب
انا جيتك لما كنا بالشالية وتأسفت على كلمتي وانت كبرت الموضوع وصار قمة في السخافة لذلك لاتتوقع اني ممكن ارجع احترمك
سكتت شوي ثم كملت : باستثناء لو انهيت الموضوع هذا كله الان وتركتني بحاول وقتها ارجع احترمك
عبدالعزيز كان متماسك مرة ولاوضح لها شي
الهنوف : بس انا خلصت الحين اقدر انزل ؟
عبدالعزيز بهيبه : لا انا مابعد تكلمت
الهنوف تغمض عينها تحاول تمسك نفسها عشان ماتخنقه
عبدالعزيز : اسمعي الهنوف بعتبر اني ماسمعت ولاشي
الهنوف بصوت عالي : لا اعتبر نفسك سمعت كل شي لان هالكلام من قلبي وماندمت على ولاكلمة
عبدالعزيز بهدوء : الهنوف
الهنوف : نعم
عبدالعزيز حط عينه بعينها : اسف
الهنوف ماردت
عبدالعزيز : والله اسف على كل كلمة وكل تصرف وكل شي
الهنوف تقاوم دموعها : عبدالعزيز لاتتأسف خلاص اناا مابيني وبينك شي ابي انسى كل شي بس انسى موضوع اني ارتبط فيك
عبدالعزيز : انا ابيك
الهنوف فتحت الباب ونزلت عبدالعزيز نزل وراح من جهتها
الهنوف شافته جا قدامها ودموعها طلعت وغطت وجهها بيدها وصارت تبكي
الهنوف بصوت باكي : ماتتخيل التعب النفسي اللي حسيت فيه من لما صار الموضوع حاولت اوضح للجميع انو عادي مافيني شي بس تعبببت
انا حياتي كانت مستقرة كنت عايشة لنفسي بس ابي ارجع لحياتي عبدالعزيز انت دخلت وقلبت حياتي
انا عمري مادخلت بمشكلة او بموضوع كذا انا احاول اطلع من كل مشكلة قبل ماتبدا
لما جيتك وتأسفت على غلط انا ماسويته وجدان صارخت علي كانت تقول انتي ماسويتي شي ليه تتأسفين وانا فعلآ ماسويت شي بس اتأسف عشان مايصير شي
وجيت انت وكبرت المشكله اكثر ودمرتني دمرت نفسيتي
اجل انا ولد عمي يقول لي هالكلام ؟؟ انا ماسمحت لـ ولا شخص بالحياة يقول لي شي كذا تجي انت تقول لي ؟
تخيل ان ابوي يعرف بالموضوع تخيل انه يعرف ان ولد اخوه قال
عبدالعزيز ماخلاها تكمل كلامها سحبها لحضنه وحضنها بقوه
الهنوف انهارت تصيح وهو حاضنها وهي تحاول تدفه بس ماقدرت كان اقوى منها وماسكها
كان راسها على صدره واستسلمت للامر
عبدالعزيز ساكت والهنوف تبكي
الهنوف : عبدالعزيز اتركني
عبدالعزيز : لا ماراح اتركك
الهنوف دفته بقوه وهو مازال ماسكها
الهنوف : عبدالعزيز لايشوفنا احد
عبدالعزيز بعدها شوي ومسك اكتافها
عبدالعزيز : الهنوف انا ابيييك
الهنوف تصارخ : عبدالعزيز مابي اتناقش معك هنا ماابي
عبدالعزيز: هنوف بابا هدي شوي
الهنوف سكتت وخذت نفس طويل
عبدالعزيز : الحين بخليك تروحين بس بشرطين اولآ تفكين البلوك عن رقمي ثانيآ تمسحين دموعك مابي احد يشوفك وانتي تبكين
عبدالعزيز فتح الباب واخذ منديل ومده لها
الهنوف خذته ومسحت دموعها
عبدالعزيز : انتي ارجعي الحين وانا بفكر بكلامك ونوصل لحل يرضي الطرفين ان شاءالله
الهنوف : طيب عبدالعزيز
عبالعزيز : عيوونه
الهنوف تجاهلت الكلمه تمامآ : بليز لاتضغط علي مهما كان قراري
عبدالعزيز : ابشري بس فكري كم مرة طيب ؟
الهنوف : ولاتكلمني الا اذا انا كلمتك
عبدالعزيز : ابشري من عيوني
الهنوف : شكرا الحين اقدر اروح ؟
عبدالعزيز باابتسامه طويله : تقدرين تروحين
عند البنات
وجدان : وين هنووف ومشاعل مو كأنهم طولوا ؟
نورة : شكلهم ضاعوا
هيفاء : يستاهلون
غدي : ههههههههههههههههههههههه تبي الفكه
هيفاء : والله اذا راحو الجلسة تصير روقان وهدوء
جمانة : حرام عليك والله يحركوننا شوفي من لما راحو راح الحماس معهم
نورة : ايييه والله قليبي الهنوف عاد ماتحلى الجلسة الا فيها
وجدان : الهنوف ولا اخو الهنوف
البنات كلهم : هههههههههههههههههههههه
الهنوف دخلت البيت بتغسل وجهها
وشافت مشاعل
مشاعل ركضت وضمت الهنوف
مشاعل : اسفه اسفه اسسفه والله هو جبرني
الهنوف : هههههههههههه خلاص ميش حصل خير
مشاعل : شكلك رضيتي عليه
الهنوف : ههههههههههه هو قايل لك اني زعلانة !
مشاعل : لااا يعني واضح انك ماتبين تشوفينه ولاماكان قال لي جيبيها
الهنوف خافت انه قال لمشاعل شي
الهنوف : ليه هو وش قالك ؟
مشاعل : يقول ابي اكلمها مدري وش
الهنوف ارتاحت : اهاااا
مششاعل : تعالي نطلع عند البنات
طلعو للبنات
وجدان بااستهزاء : لا بدري شوي
الهنوف : ترى الساعة 2
خالد من وراهم : بوووو
البنات نطووو كلهم وقعدو يصارخون
خالد : هههههههههههههههههههههههههههههههههههههههههههههههههه هه
وجدان : عشانك عمي ماراح اقول شي
خالد ميت ضحك
الهنوف : والله سخيف عاد
خالد : اسف والله بس ابي اخض قلوبكم شوي
هيفاء : عميي بطلبك طلب
خالد : عيووووني لك
هيفاء : نبي نطلع برا المزرعة نتمشى بالسيارة
خالد : اممم هالوقت ؟
البنات : اييه
خالد : كم عددكم
مشاعل تعد : اممم انا هيوف وجدان نورة غدي هنوف جمانة بس 7
خالد : طيب بروح اطلع السيارة وانتم البسو وتعالو عند باب المزرعة الخارجي
البنات قامو يركضون داخل بدون مايردون عليه
ضحك وراح جهة قسم الرجال
عند الشباب
فيصل ماسك العود ويعزف وعبدالعزيز يغني
كانو داخلين جووو
خالد دخل عليهم وماشافوه حتى
خالد : وش عندي عيال اخواني صايرين حساسين
فيصل يرميه بكرتون المناديل
فيصل : طايحين من عينك ؟؟
خالد : والله شوي
عبدالعزيز : وش تبي خويلد خربت الجو
خالد : فيصل ابي سيارتك
فيصل يرمي عليه المفتاح : ابشر السيارة وصاحب السيارة تحت امرك بس لييه ؟ وين بتروح ؟
خالد : بطلع البنات
عبدالله : الله يالعم الحنوون
خالد : والله قالو لي وماودي اردهم بس ابي واحد منكم معي لو جو كلهم فوق راسي لحالي احتمال انجلط
مشعل : اناا بروح معك
خالد : لااا مابعت نفسي عشان اخذك
عبدالرحمن : اكيد تبيني انا
خالد : حتى انت ماابيك
عبدالعزيز : هههههههههههههههههههههههههههههه عبدالرحمن جبهتك
خالد : ههههههههههههه اقول اخلصو علي من يبي يجي
عبدالله : والله البنات ازعاج اعرف اني بنزل مصدع منهم عشان كذا اعفووني
فيصل : بروح معك انا
خالد : يالله تعال اجل
بالسيارة
كلهم راكبين وينتظرون فيصل يلبس ويجي
مشاعل : خلونا نسحب عليه فاضين احنا ننتظر
وجدان : لاااا لاتسحبون على اخوي
فيصل ركب السيارة وهو يلهث
فيصل : اوووه عسى ماتأخرت عليكم
خالد : لااا لا ماتأخرت ابدا ( وباستهزاء) خلنا نمشي قبل مايأذن العصر
فيصل : هههههههههههه والله اسف بس ضاعت شنطتي
مشاعل بجرأه : فصيل ليه ماجبت العود
فيصل رفع حواجبه ولف ورا على البنات
فيصل : فصيل مين ؟ من اللي تكلمت
وجدان : ياويلك بيذبحك ههههههههههههههههههههههه
فيصل : هنووف ؟
هنوف : لا مو انا شدخلني هههههههههههههه
فيصل : بسرعه مين انتي قبل ما آخذ الموضوع على محمل الجد
مشاعل ارتبكت وبنفس الوقت فيها ضحك
وجدان : هههههههههههههههههههههه مشاعل مشااعل
فيصل : مشاعل اجل بحترمك لاني ماشوفك دايم ليتك هنوف
خالد : عاد كل شي الا هنوف
الهنوف : حبيبي عمي والله
من بكرة كلهم رجعوا
ابوسلمان رجع الشرقية والباقي رجعوا الرياض
ورجع الروتين
يوم الثلاثاء
الساعة 8 الليل
رهف منسدحه على سريرها وتتذكر وش صار امس وتبتسم
اليوم اللي ماراح تنساه بحياتها
حست بأشياء كثير خوف ورعب وشعور جديد اول مره تحسه
طلعت وجدان من دوره المياه
وجدان : يوه رهوف للحين تفكرين هههههههههههههههههههه
رهف : وجدان امس كان جميل ابي اعيده
وجدان : طيب هو يمكن مر عليه عادي !
رهف جلست وتكلمت بجديه : مادري وجدان بس انا شفت بعيونه نظره كانت حلووة حسستني بشعور جدا غريب
وجدان : رهوووف قلبي لاتتأملين واجد هو متعود على كذا اكيد
رهف تضربها : طيب خليني احلم
وجدان : تتوقعين هو يفكر في الشي اللي صار اللحين ؟
رهف : مااعرف بس ان شاءالله
في بيت ابو سلطان
سلطان اللي كان منسدح على سريره ويتذكر امس بكل تفاصيله وتزيد ابتسامته مع كل موقف
امس يوم الاثنين الساعة 5
سلطان توه طالع من غرفة الاجتماعات
فتح جواله وشاف 5 مكالمات ورسالتين
قبل مايفتحها رن جواله
سلطان : الووو
.... : ليش ماترد علي ؟
سلطان : جوالي كان صامت امرني فيك شي ؟
... : من موقف سيارتك ؟
سلطان : انا ليش ؟
... : طيب ليش موقفها هنا ؟
سلطان : كنت مستعجل ومارحت للمواقف ذيك لييش ؟
... : فيه سواق صادمك من ورا صدمه قوويه وواقف ومرتاع ينتظرك
سلطان : تكفى قل غير كذا
... : والله هذا اللي صاير
سلطان : خلاص خمس دقايق بس وانا عندك تكفى لايروح
... : لا واضح ان معه احد مراجع وللحين جوا المستشفى
كان بالدور رقم 5
يركض للاصنصير وشافه بيتسكر وركض اكثر ودخل
سلطان : اوووه اشوا
وشاف رهف فتح عيونه بقوة يبي يستوعب هي نفسها رهف اللي كانت عند معاذ ولا لا
سلطان بدون مايحس في نفسه : رهف ال....
رهف بخوف : اييه
سلطان : اهلا انا قد صادفتك عند دكتور معاذ
رهف بتسليك مع شوي فشيله لانها ماتبي شي يذكرها في ذاك اليوم : ايه هلا
سلطان ابتسم وسكت
نزل الاصنصير ووقف في دور الاستقبال وسلطان ورهف كانو يبون دور المواقف
دخل طاقم ممرضين ودكتور معهم مريض
كان المريض رجله كأنها مقطوعه وكله دم كانت الحاله جدآ خطيرة
الدكتور : معليش استاذ سلطان بس الحاله مستعجله لازم نروح لغرفه العمليات بسرعه
سلطان بسرعه : اكييد اكيد مو مشكله
رهف اللي ماتتحمل منظر الدم حطت يدها على عيونها بقوة
سلطان شافها وارتاع
سلطان : فيك شي رهف؟
رهف باارتباك واضح وصوت كله رجفه : لااا لاااا بس ماتحمل اشوف الدم
سلطان : طيب لاتضغطين على عينك كذا بتألمك
رهف اللي من جد عيونها المتها شالت يدها
رجعت شافت الدم وصرخت وحطت يدها وبكت لانها فعلا كانت تعاني من فوبيا الدم والموقف كان جدا صعب ولا تعودت تشوف كذا
كانت رهف واقفه في زاويه الاصنصير
سلطان بسرعه جاء جنبها عشان ماتشوف
رهف جسمها كان كله يرتجف
سلطان بدون مايحس قرب اكثر ولف بحيث انه يغطي عليها بجسمه
ورهف ودها تستفرغ
سلطان : خلاص ماصار شي هدي شوي
رهف تشم ريحة الدم وتحس انها خلااص بتدوخ
قربت وجهها لصدر سلطان ودفنت وجهها فيه
سلطان جته رجفه قويه مايدري وش يسوي وكان كل شي سريع
وقف الاصنصير في الدور الرابع اللي كان فيه غرف العمليات وطلعوا
رهف مازالت حاطه وجهها بصدره وتحس بدووخة
سلطان حط يده على كتف رهف وبعدها شوي
سلطان بهدوء فيه حنان : خلاص طلعوا
لف عنها وضغط على دور المواقف
رهف كانت ماسكه نفسها مره ومعدتها تقلب
بمجرد مافتح الاصنصير لفت رهف للحاويه اللي كانت موجوده برا واستفرغت كل اللي بمعدتها
كان ودها تنشق الارض وتبلعها
سلطان خاف عليها شوي
سلطان : اصبري بجيب لك موية
رهف بسرعه : لا لا مشكوور اخوي انا بروح للبيت خلاص
سلطان : لااا والله ماخليك وانتي بهذي الحاله
وراح على طول للمكينه اللي كانت على جنب واخذ موية
يمد لها الموية
رهف : مشكوور
سلطان : ولوو العفو اذا ماخفت الدوخة علميني
رهف بكذب : مافيني شي انا خلاص روح انت معليش عطلتك معي
سلطان : لاماراح اروح لين اشوفك بخير
رهف : انا بخير واصلا خلاص السواق هنا بروح البيت وارتاح
سلطان : بتطلعين مع سواق ؟
رهف : ايه
سلطان : عطيني اتصل عليه او اتصلي انتي خليه يجي لا تتعبين نفسك وتمشين
رهف : لاهو واقف ينتظرني قريب مو بعيد
سلطان : طيب انا بروح معاك ماراح اتركك الا لما تركبين السياره
رهف زادت فشيلتها اكثر تبي تخلص منه وتنسى ذا اللي صار كله وعرفت ان مافيه فايدة لو رفضت وسكتت ومشت
طلعت معه متجهين للمكان اللي كانت واقفه فيه السياره
كانت تبي تصرخ من الحياء
وتنتظر اللحظة اللي تركب فيها السيارة وتبعد عن هالمكان
وصلو للسيارة والصدمة هنا
اللي صادم سيارة سلطان كان هو سواق رهف
سلطان ماكان عارف لين رهف مشت معه بنفس الاتجاة لنفس السيارة
كان واقف عندها حارس الامن اللي اتصل على سلطان
يوم شاف سلطان ابتسم له وسلطان رد الابتسامة
رهف تكلم السواق بصوت كله تعب : وش صااير هنا ؟
السواق ساكت ويهز راسه
سلطان بضحكة : شكلك ماراح تفتكين مني
رهف تلف عليه بسرعه وبصدمه قويه : المتضرره سيارتك ؟
سلطان : للاسف ايه
رهف حطت يدها على راسها تبي تهدى
رهف : اخ سلطان اي ضرر اصاب سيارتك انا مستعدة اتكفل فيه واسفه على اللي صار
سلطان : لاا ابدا انا اللي غلطان وموقف سيارتي غلط
حارس الامن : لا انت ماوقف...
سلطان يقاطعه بسرعه : خلاص مشكور سعيد ماقصرت تقدر تكمل شغلك
رهف سكتت ماتعرف بهالامور
سلطان يشيك على السيارة
رهف ودها تخنق السواق
سلطان مازال يشيك على السيارة
سلطان بدون مايشوفها : خلاص انا مابي اعطلك انتي روحي
رهف : لا لازم نشوف وش العطل بسيارتك عشان نصلحه
سلطان كان يبي يخلص الموضوع بسرعه : خلاص اجل عطيني رقم اتواصل فيه معك
رهف : سجل عندك 05.........
سلطان : سجلته بس بأسم مين ؟
رهف : بأسمي
سلطان عقد حواجبه ماتوقع انها تعطيه رقمها وسكت
رهف اللي ماخفت عليها ملامح سلطان يوم قالت له وحست انها سوت شي غلط
رهف تتدارك الموقف عشان مايفهمها غلط : مابي اعطيك رقم واحد من اهلي عشان مايكبر الموضوع انت بس ارسل لي المبلغ مع رقم حسابك وانا بحوله لك ونعتذر
سلطان بسرعه : اوكي اوكي
رد: غالبا مايكون الحب قدر لاخيارا/بقلم كاتبه سحابٍ دنى
-7-
عند رهف
رن جوالها برساله واتس اب
رقم مجهول : السلام عليكم رهف
معك سلطان ال.......
رهف ارتااااعت وقبل ماترد عليه اتصلت على الهنوف وماردت
واتصلت على وجدان
بعد ماردت وجدان
رهف بحماس : وجدااااااان ارسل لي ارسل لي
وجدان بروعه : مييييييين ؟
رهف : سلطاااان
وجدان : مييين سلطان !
رهف طقت راسها بقوه وتذكرت انها ماقالت لوجدان شي : بعلمك السالفه بعدين بس علميني وش اقول
وجدان : بلا استهبال وش اعلمك وانا ماعرف شي وبعدين مين سلطان
رهف : سلطان ال......
وجدان عدلت جلستها : شعرررررررررررفك فيه !
رهف بقلة صبر : يالله وجدان ( وقالت لها السالفة كاملة )
وجدان : شرايك بس تعطيني رقمه اتفاهم معه ؟
رهف : كلي تبن مو وقتك
وجدان :لا لا جد ردي عليه قولي وعليكم السلام اخ سلطان
رهف : لا مابي ارد بسرعه بيحسب اني ميته عليه
وجدان : هههههههههههههههههه ماطق خبرك ردي بس متحمسه اعرف وش بيقول
رهف : اكيد بيعطيني حسابه احول له مبلغ تصليح سيارته نسيتي ان الغلط على سواقنا
وجدان : لامستحيييل ماراح يسويها
رهف : وليه مايسويها
وجدان : احس كذا مره عيب
رهف : لا من حقه انه يطلب عادي
وجدان : طيب ماتلاحظين انك سحبتي عليه
رهف : ايي والله صح يالله برد عليه
ببيت ابو عبدالله
الهنوف من بعد ماكلمها عبدالعزيز وحالتها منقلبه فوق تحت
للان ماحست بأي شعور اتجاه عبدالعزيز
داخلها مليون فكره ولاتدري وش الصح وتحس غلط انها تستشير احد لان هالموضوع مستقبلها ويخصها وحدها
قررت انها تتبع عقلها
ومسكت الجوال فتحت على محادثة عبدالعزيز
وتكتب وتمسح تكتب وتمسح لين قررت ترسل
عبدالعزيز من الجهه الثانيه
ببيت جدته بالملحق جالس فيه لما يلقى شقه
قفلت المحادثة ونزلت دموعها
انسدحت وتكورت على نفسها وهي تفكر اللي سوته صح ولاغلط
وبالجهة الثانية عبدالعزيز اللي قفل جواله وهو مقهور
هو يشوف انه سوا كل اللي عليه اعتذر منها وش تبي اكثر من كذا ؟
رمى جواله على جنب وطول على التلفزيون على امل ان الصوت يعلى على صوت افكاره
يوم الخميس في بيت الجده عبدالعزيز الضحى قاعد يتقهوى مع جدته وجده
الجد توه يعرف بخبر خطبة عبدالعزيز للهنوف من الجده وعبدالعزيز ساكت مايدري وشلون يفاتحهم بموضوع انه تكنسل
الجد (ابو محمد) : كلم ابوك يجي يخطبها رسمي
عبدالعزيز : ....
الجده ( ام محمد ) : ايه واستعجلو بالزواج نبي نشوف عيالكم
عبدالعزيز بعد صمت : غيرت رايي
ام محمد : هااو ! لييش ؟
عبدالعزيز بكذب : استخرت ربي ومارتحت
ابو محمد : والبنت تدري عن شي
عبدالعزيز يستمر بالكذب : ايه قلت لها وحتى هي قالت لي استخرت ومارتحت
ام محمد: يالله ماتدري وين الخيره فيه
ابو محمد : حاط عينك على وحده ثانيه نخطبها لك ؟
عبدالعزيز : لا
ام محمد : الا ياوليدي بنات عمك وش كثرهم وانت متوظف مابقى لك الا الزواج
بهاللحظه دخل العم خالد
عبدالعزيز : متى ماقرر عمي يتزوج اوعدكم بتزوج
خالد : يالله صباح خير وش زواجه ووش عمك
ابو محمد : ايه والله ياخالد ليه ماتتزوج وتفرح قلبي انا واميمتك
خالد يناظر عبدالعزيز بحقد
ام محمد وهي تمسح دموعها : ايه وانا امك طاابتك انت اشر بس على البنت وابشر الحين اقوم اخطبها لك
خالد : استهدي بالله يمه انا مابعد لقيت وظيفة هنا ولابعد استقريت
ابو محمد : وظيفتك موجودة بالشركه من اول ماتخرجت بس انت تدور التعب رحت كملت برا
خالد : لايابوي انا بتوظف بشهادتي وبالمكان اللي اطمح له
ام محمد : طيب ميخالف نخطب لك والملكة والزواج عقب ماتتوظف
خالد يحاول يغير الموضوع : الحين فكرو بزواج عزوز وهنوف بعدين لاحقين علي
عبدالعزيز نزل راسه بحزن كل ماحاول ينسى الموضوع يرجعون يذكرونه فيه
ام محمد : ماعاد فيه زواج
خالد : ليييه ؟
عبدالعزيز بعصبيه : صلينا استخاره ومارتحنا كلنا خلاص !
خالد : الله يعوضك ويعوضها لاتضيق صدرك
عبدالعزيز يقوم وهو ينفض ثوبه : بطلع انا تامروني على شي ؟
كلهم : سلامتك
عبدالعزيز : فمان الله
طلع ومافيه الا كلمة هنوف في راسه مو قادر ينساها
ركب سيارته ومشى للمجهول ,,
يوم الخميس الليل كالعادة الكل مجتمع ببيت الجده
بغرفة الجلوس كل البنات قاعدين والصاله فيها الحريم
وجدان وهي ترقص على اغنية راشد وبنشاز : ان حكككى غصب عليييييهم يسكتووون وان سكت تسكت معه كل الرياااااض
الهنوف بصراخ : اسكتيي اسكتي خلاااااااااص ذبحتييييينا والله بيهج ان سمع صوتك
وجدان تكمل : يااااااااااجمااااااعه يوم سلهمممم بالعيوووووون
الهنوف تطب عليها وتسكر فمها والبنات يضحكون
غدي : حرام علييييك خليها تغني طفش مافيه فعاليات
جمانة : من جد ليت مشاعل وهيوف فيه يغيرون جونا شوي
نوره : من جد او ليت عمتيييييي نورة ترجع من امريكا مشتاقة لها ولبناااتها
وجدان : يووووه نسيت ان عندي عمه اسمها نورة
عمتهم نورة ام فهد من 10 سنين مغتربه لظروف عمل زوجها ودراسه عيالها
وتجي السعودية بالاجازات بس
عيالها
ماجد 29
سيف 26
سعود 25
ريناد 23
ريوف 21
ريما 19
الهنوف : شرايكم نتصل عليهم ؟
جمانة : تتوقعون كم الساعة عندهم ؟
وجدان : يمكن 1 الليل كذا
الهنوف : بتصل واشوف يارب مو نايمين
اتصل الهنوف على ريوف مكالمة فيديو
ردت ريوف بسرعة وهي تصاارخ
ريوف بحماس : اهليييييين
البنات كلهم تجمعو على جوال هنوف
الهنوف : هلاااااا والله كيفك
ريوف : تمااام انتم كييفكم اشتقققت لكم وربي
وجدان : وحنا اشتقنااالكم والله
نورة : شخباار رنودي وريموو
ريوف : تمااام يسلمون عليكم
الهنوف : متى تجوووون والله اشتقناا لكم مرة مرررة
ريوف : الحين اختبارات عندنا يعني كذا شهر او شهرين
وجدان : يوووو والله من زمااان عنكم
ريوف : والله ودييي انا ارجع بس شسوي , اي انتم شخباركم بعد وينكم الحين ؟
نورة : ببيت جدتي
الهنوف تحط الكاميرا الخلفية وتصور لها الغرفة والبنات
ريوف : اخخخخخ مرره مشتاقه
نورة : ويين ريناد وريما
ريوف : نايميين
الهنوف : انا خايفه اكون جرحته
وجدان : احس انك تسرعتي بالقرار مره خصوصآ انه كلمك وفهمك كل شي
الهنوف : مادري وجدان مره خايفه واللي خوفني اكثر انه بالرياض الحين يعني بصير اشووفه كثير
وجدان بضحك : تدرين انه ينام بملحق جدتي
الهنوف بصدمه : كذاااااااابه
وجدان : والله
الهنوف : يالييتني مانمت هنا
وجدان تطقها : كلي تبن بس ( وتحاول تغير السالفة ) تدريييييين من كلم رهف واتس اب ؟
الهنوف : مييين
وجدان : سلطااان ال....
الهنوف : احللللفي
وجدان : والله تخيلي سواقهم الغبي صدم سيارته واخذ رقمها عشان تصلح سيارته
الهنوف : يععع قال لها تصلح سيارته ؟!!
وجدان : لاااا هي اجبرته ياخذه عشان تصلحها وتخيلي كلمها واتس اب
الهنوف تحط يدها على قلبها بخقه : ياقلبييييييي حب من اول صدمه
وجدان : الحين بيلزخها كم الف وانتي تقولين حب
الهنوف : عادي يرجع لها الفلوس بالمهر
وجدان : ههههههههههههههههههههههههههههههههه
نرجع لرهف اللي دارت بينها وبين سلطان هالمحادثة
رهف : اهلا اخ سلطان
سلطان : اهلا فيك
رهف : اذا ماعليك امر ممكن تعطيني رقم حسابك عشان احول المبلغ
سلطان : لا رحت اليوم اشيك على السيارة مافيها الا مجرد خدش بسيط وعدلته انتهى موضوعه
رهف : ولو بكم سويته عشان احول لك المبلغ
سلطان : والله مايسوى
رهف ماحبت تطولها معه : اوكي فمان الله
سلطان تحطم : فمان الله
بعد 3 ايام مرت على ابطالنا سريعة
بالشرقية ابو سلمان وصله خبر ان زواج عبدالعزيز تفركش ومعصب
ابو سلمان : الرفض منه ولامنها ؟
ام سلمان : كلهم مارتاحو
ابوسلمان : ولدك كان مبسوط وطاير ويقول ابي الزواج بدري وشلون فجأه مارتاح !!
ام سلمان : والله مادري يابوسلمان بس يقول انه استخار وما ارتاح
ابوسلمان : كان اكثر واحد فرحان وقايل لي انه مستخير ومرتاح وش غير هالكلام ؟
ام سلمان : يمكن استخار مره ثانيه ومارتاح
ابوسلمان : ارتاح مارتاح مايهم ياخذ بنت عمه يعني ياخذ بنت عمه وش موقف اخوي مني اذا درى بهالموضوع
ام سلمان : لاتغصبه على شي يابو سلمان الزواج قسمه ونصيب
ابوسلمان : ان ماتزوجها ماراح اكون راضي عليه لادنيا ولا اخره
ام سلمان جلست تصيح بقله حيله
اتصل ابوسلمان على عبدالعزيز
نروح لعبدالعزيز اللي قفل من ابوه وضايقه فيه الدنيا
كلمه ابوه ترن براسه ( ان ماخذت هنوف لانت ولدي ولا اتشرف انك ولدي)
كان راح يقول له ان الرفض جاي منها بس خاف انه يصر على الموقف اكثر وسكت
مسك جواله وارسل لهنوف : مساء الخير بنت عمي اذا فضيتي فيه موضوع ابي احاكيك فيه
الهنوف كانت فاتحة موقع تسوق وتحوس فيه
جاها صوت رسالة قامت اخذت جوالها
الهنوف بقلبها : وش يبي هذا
ردت عليه
الهنوف : سم
عبدالعزيز اللي استغرب من ردها السريع : اقددر اتصل عليك ؟
الهنوف : بصفتك مين ؟
عبدالعزيز : بصفتي ولد عمك
الهنوف : مانكلم عيال عمنا الساعة 11 الليل
عبدالعزيز : الموضوع مايتحمل تأجيل وصدقيني ماني شفقان على مكالمتك بس لازم تعرفين لانه شي يخصك
الهنوف انقهرت من جملة ( ماني شفقان على مكالمتك ) وسكتت دقيقة بعدين كتبت : بتصل عليك
عبدالعزيز سبقها واتصل
دقات قلبها وصلت مليون وهي تشوف اسمه على الشاشة
اول مره تكلمه
ردت
عبدالعزيز بهدوء : السلام عليكم
الهنوف بصوت واطي : وعليكم السلام
عبدالعزيز : مابي اطول عليك بس ترى ابوي قال بتاخذ الهنوف ولا ماراح اكون راضي عليك واتوقع انه بيكلم ابوك هذا اذا ماكان كلمه وخلص
بيحطونا بموقف بايخ لذلك خلينا نوحد كلمتنا انا مابيك وانتي ماتبيني
الهنوف جرحتها كلمة مابيك وسكتت تنتظره يكمل كلامه
عبدالعزيز يسترسل : فيه حل اني اتزوجك واطلقك وهالحل اسهل من الاول بالنسبه لي
الهنوف : م ا ا ب ي ك
عبدالعزيز : حتى انا مابيك ترى لاتتوقعين اني متصل اقنعك مااتصلت الا لان ابوي زعل وصراحه مايسوى اني ازعله عشان موضوع تافه كذا
الهنوف بدت تبكي من كلامه
عبدالعزيز سمع صوت شهقاتها وحس انه وقح شوي وسكت
الهنوف : مابي اتزوج الحين
عبدالعزيز : لو تبين ملكه بس بعدين اذا نسو الموضوع ننفصل
الهنوف بقله حيله : تمام .. بس لو سمحت ممكن نأجل المووضوع لبعد شهر لين اخلص اختبارات
عبدالعزيز : اوكي .. فمان الله
سكرت بدون ماترد عليه
عبدالعزيز مستغرب من رفض الهنوف له وبنفس الوقت مقهور لان الموضوع اخذ اكبر من حجمه
والهنوف برضو ماتعرف ليه هي رافضته
قامت تصلي وتدعي ربي انه يكتب لها اللي فيه الخير
رهف : ياربيه عبدالعزيز على كثر ما اسمع طاريه ماقد شفته عندكم صورته ؟
وجدان بضحك : يمكن عند هنوف مدري
الهنوف : وجع من وين تجي عندي بس تراه ببيت جدتي غريبه ماشفتيه !
رهف : جدددد ( بعدين تذكرت ) اييييه امس تركي يمدحه يقول خلص اشتراك سيارته وفزع له وعزمه عالقهوة بس قهر مادريت انه هو نفسه عزوز هنوف
الهنوف : صار عزوزي ماشاءالله
رهف تجاهلتها : ماقلتو لي طيب حلو ولالا
الهنوف : حليو
وجدان : لاوالله حلو فيه شبه من ماجد ولد عمتي
رهف : شعرفني بماجد ولد عمتك اتوقع ماقد شفت الا عمك خالد وعبدالله اخو هنوف
وجدان : فيه شبه شوي من عمي خالد بس هو احلى
رهف : سوري هنوف بس وش بيصير اذا كان احلى من خالد ؟؟
تكفين ارفضيه باخذه انا
الهنوف : ممكن تقفلون على موضوعه
وجدان : طيب شرايكم نطلع عشان هنوفه تغير جو وابي اغراض شوي من السوق
رهف : يلا اي مول
الهنوف : مادري مالي خلق بصراحه
وجدان : يلا عاد هنوفه عشاني
رهف : يلا وبعزمك عالغدا على حسابي وش تبين اكثر من كذا ؟
الهنوف وهي تحاول تخفي حزنها : ههههههه يالله اذا كذا اوكي
رهف : اووف ماتوفر ههههههههههههههههه
لبسو عباياتهم وطلعو عند الباب ينتظرون السواق يشغل السيارة
وجدان : شررايكم نسلم على جدتي
الهنوف : لا روحو لحالكم
وجدان : لاخلاص اذا ماراح تروحين مابي اروح رهف روحي لحالك
رهف :هيه ركزو جدتكم مو جدتي معكم
الهنوف : هههههههههههههههههههههههههههه
وجدان : بس والله امي بتضربني لو درت اني جايه قريب من بيتها وماسلمت عليها
الهنوف : خلاص اوكي نروح ومنها تتعرف جدتي على رهف وتشوفها
راحو لبيت جدتهم وكالعادة كان مفتوح قليل يسكرونه
كانت جدتهم وخالد بالصالة يتقهوون
دخلو وجدان والهنوف ورهف رجعت ماقدرت تدخل لان خالد موجود
خالد : حيا الله بنات اخواني
الهنوف ووجدان سلمو عليه وعلى جدتهم وجلسو
خالد : اخبااركم
وجدان والهنوف : تمااام
وجدان : وانت اخبارك
قعدو يسولفون ربع ساعه
خالد : صح غريبه وش جايبكم !
وجدان تطق راسها : رهففففف نسيتهااا
الهنوف : ايييييي والله صح ويينها !
خالد : الله يقلعكم جايبين معكم احد ؟
وجدان : والله كانت ورانا جايه بتسلم على جدتي بس مدري وين راحت
خالد قام : جيبوها الله يفشلكم بطلع انا
ام محمد : ياويلكم من ربي اكيد انها بالحر
الهنوف قامت وطلعت تدورها
كانت رهف جالسه بالحوش على كرسي
الهنوف : اسفففه وربي
رهف : لااا بدري !
الهنوف : والله شفنا عمي خالد ونسيناك
رهف : عذر اقبح من ذنب
الهنوف : تعالي ندخل
رهف : وعمك ؟
الهنوف : قايم بيطلع
بهاللحظة طلع خالد من الباب وشافهم جالسين
خالد وهو منزل راسه : حيا الله صديقه الهنوف ووجدان اعذرينا بناتنا قليلات ادب مادرينا انك فيه والله
رهف منزله راسها ومستحيه
خالد يسترسل : انا بطلع خوذو راحتكم يالله فمان الله
الهنوف : هلااا والله بهالصووت .. تماام طمنيني عنك انتي ؟ .... والله مدري بس ماتوقع اداوم خلاص الاختبارات قربت بعتكف بالبيت ... ايه خلينا نجتمع بآخر يوم اختبارات لان اتوقع ماراح نكون بالرياض بعدها ... مادري اتوقع نروح المزرعه لان عمتي بتجي الرياض ... عندك نيوف ؟ عطيني اكلمه تكفين ... هلااا حبيبي ... والله انا اشتقت لك بعد ... والله كنت مشغوله ولامانسيتك وانا اقدر انسى نايف ؟ ( وهي تضحك )
طبعآ هنوف ماكانت تدري بالشخص اللي واقف عند باب الشارع بيطلع وسمع مكالمتها من لما قالت ( انا اشتقت لك بعد ) فتح الباب وطلع ورقعه بقوه
هي فززت
الهنوف : نيوف حبيبي بسكر الحين قل لريهام بتصل عليها الليل .. يلا باي
الهنوف قفلت وهي تدعي على اللي سكر الباب بقوه
الهنوف بقلبها : حسبي الله عليه روعني
ودخلت عند جدتها والبنات
ماتدري عن عبدالعزيز اللي ركب السيارة وهو مصدوم
عبدالعزيز بقلبه : يعني كل هذا عشان اللي تحبه ! ونايف بعد ! ماحترمت اللي اسمه تقريبا مرتبط بأسمها ! انا اوريك يالهنوف اورييك
رد: غالبا مايكون الحب قدر لاخيارا/بقلم كاتبه سحابٍ دنى
-8-
بعد اسبوعين بكره الاحد اول يوم اختبار للهنوف
الساعه 10 الليل قاعده على سريرها تذاكر
طق الباب ودخل ابوها
ابوعبدالله : هلا بهنوفتي الحلوه
الهنوف عدلت جلستها : هلا ابوي تفضل اجلس
ابوعبدالله : وينك ماشفناك اليوم
الهنوف : والله اذاكر ماده بكره صعبه
ابوعبدالله : الله يوفقك يابنتي ( يسكت شوي بعدين يكمل ) انا جاي اكلمك بموضوع
الهنوف تقفل الكتاب وتناظر ابوها باهتمام : سم
ابو عبدالله : والله ودي أأجل الموضوع بعد ماتخلصين اختباراتك بس
الهنوف قاطعت ابوها : لاعادي عيووني لك تبي اسوي لك شغل ؟
ابوعبدالله : لا بس عبدالعزيز خاطبك رسمي مني وابي اشوف رايك
الهنوف انصدمت لانها قايله لعبدالعزيز خلاص مابيك : هو اللي كلمك ولاعمي ؟
ابو عبدالله : اخوي كلمني وهو كلمني بعده ومستعجل يقول ابي الملكه والزواج بيوم واحد لاني بسافر عندي دوره برا السعوديه وابيها معي
الهنوف تسمع كلام ابوها ومصدومه لان مو هذا اللي اتفقت عليه مع عبدالعزيز
ابوعبدالله : انتظر رايك
الهنوف : مابيه
ابو عبدالله : ليه ؟
الهنوف : بس
ابوعبدالله : ماراح ارفض ولد اخوي عشان ( بس )
الهنوف : يعني بتغصبني ؟
ابوعبدالله : ماراح اغصبك اذا عطيتيني سبب مقنع
الهنوف : اعده اخوي
ابو عبدالله : مو مقنع
الهنوف : مارتحت
ابوعبدالله : فيه شي صاير انا مادري عنه ؟
الهنوف بخوف : لا بس ياليت تقفل على الموضوع وتقول له اني رافضه
ابوعبدالله : بعطيك فرصه تفكرين
الهنوف : لا ماراح اغير رايي
ابوعبدالله : تعاندين انتي ؟
الهنوف : لا بس جد انا مارتحت له ك شخص
ابوعبدالله : عبدالعزيز رجال ومتوظف وعاقل ومتأكد مليون بنت بتحسدك عليه اذا خذتيه
الهنوف بصوت واطي : خل يشبعون فيه
ابوعبدالله ماسمعها وكمل : وانا والله ما ارد اخوي وولد اخوي بدون سبب , اذا اقنعتيني ابشري
الهنوف نزلت دموعها
ابوعبدالله : فكري بالموضوع كم مره وماراح اكلمك الا بعد ماتخلص الاختبارات
طلع وتركها
اتصلت على وجدان
اول ماردت قالت الهنوف : ليه الرجال ماعندهم اسلوب ولايعرفون متى يتكلمون ؟
وجدان : ليه ههههههههههههههه
الهنوف : ابوي جاي يكلمني بموضوع عبدالعزيز
وجدان : ماخلصنا من هالموضوع !!
الهنوف : شوفي بس وش يقول ! خاطبني ويبي الملكه والزواج بيوم واحد
وجدان بصدمه : وششششششششششششو !
الهنوف : لاوازيدك من الشعر بيت بيسفرني على طول عنده دوره برا السعوديه
وجدان : انتي قاعده تتكلمين من جدك ؟
الهنوف : مو وقت مزح
وجدان : طيب ليه ! من كلامك انك قلتي ماتبينه وهو بعد قال مابيك
الهنوف : مو هذاااا اللي ذابحني ! اتفقنا تقريبا ليه فجأه سوا كذا
وجدان : انتي استفزيتيه بشي ؟
الهنوف : لا ماكلمته اصلا ولاشفته الا الخميس اللي فات ببيت جدتي لمحه بعد يعني ماحصل شي
وجدان : غررريبه
الهنوف : انا ماقهرني اكثر الا ان ابوي مكلمني بهالموضوع ليله اختبااري
وجدان : احمدي ربك ماكلمك الصبح وانتي بالطريق للجامعه عشان تنسين المعلومات مره وحده
الهنوف : ماجت على باله ولا اتوقع بيسويها
وجدان : ههههههههههه حرام عليك بس هو يحس الموضوع بيفرحك مايدري يعني
الهنوف : والله مدري بس اللي اعرفه اني نسيت كل اللي درسته
وجدان : لا عاد جد ادرسي بكره بالجامعه نتناقش مع رهف بموضوعه
الهنوف : ياربي الله يعيين بس
سكرو من بعض وكلهم رجعو يذاكرون
من بكرة بالجامعة
رهف بصدمه : من جددددك ملكه وزواج بيوم واحد ؟
الهنوف : للاسف
رهف : طيب تمسكي بالرفض وكلمي امك عشان تكلم ابوك يمكن يحن قلبه
الهنوف : ابوي مستحيل يقتنع بأي سبب وماراح اقول له الحقيقه وحتى لو قلتها ماراح يقتنع
رهف : طيب وش بتسوين ؟
الهنوف : بكلمه
وجدان : واضح انه مقرر خلاص وش بيغير راييه يعني ماتعرفينه انتي !
الهنوف : فيه شي راح يخلصني منه بدون ما اتعب
رهف ووجدان : وشووو !
الهنوف : اني امسك عليه شي يخليني ارفضه
وجدان : مثل وشو ؟
الهنوف : محادثه مع بنت او مكالمه
رهف : ومن وين بتجيبينها ؟
الهنوف : منك انتي
رهف بصدمه : انااااا ؟
الهنوف : ايه ابيك تكلمينه
رهف بحده : لااااا
الهنوف : اول مره اطلب منك شي عشاني بس وافقي
رهف : طيب وش اقول له ؟
الهنوف : ابيك تمسكين عليه شي بس وتعطينياه
رهف : لهالدرجة كارهته ؟
الهنوف : كارهه اسلوووبه وانه يحس كل الدنيا تمشي على كيفه , بكسر خشمه بس
وجدان : حسيتك بمسلسل كويتي
الهنوف : اصبري مابعد شفتي شي
رهف : هاتي رقمه اتصل عليه اقنعه يتزوجني بدالك
الهنوف : الله يهنيييك فيه
وجدان : عاد جد بتكلمينه رهف ؟
رهف : اذا هنوف بخاطرها ماعندي مشكله
الهنوف : ايه لان انتي الوحيده اللي مايعرف رقمها ولايعرف صوتها
رهف : بس مابي اخذ رقمه ابي سنابه
الهنوف : الرقم اسرع
رهف : لا رقمي بأسمي وبيعرفني على طول
الهنوف : يووه من وين اجيب سنابه عاد
وجدان : ياغبيه انتي وياها حاطه بالانستقرام
الهنوف : اماااا
وجدان : والله اشوفه امس وانا فاتحه حساب دحوم اخوي
الهنوف : حاطه بالبايو ؟
وجدان : لامنزل صورة اصبري للان داخله حساب دحوم
وجدان فتحت جوالها
رهف : منزل صورته ؟
وجدان : اييه انتي مابعد شفتيه ؟
رهف : لاااا
وجدان فتحت صورته وورتها
رهف تلف راسها للهنوف : هذااا ينرفضضض ؟
عبدالعزيز كان مصور سيلفي مع سلمان اخوه
رهف : في عيني اليمنى من الورد بستان وفييي عيني اليسرى عجاج السنيني
وجدان : سلمان عجاج السنيني ههههههههههههههههههههههههههه حرام عليك عاد مهو شين
رهف : عبدالعزيز احلى بكثيررر
الهنوف : اتركي الغزل بس واضيفيه
رهف تضحك : غررتي ؟
الهنوف : من جدك انتي ؟ طبعا لا
رهف فتحت جوالها واضافته
عند عبدالعزيز اللي كان توه طالع من الدوام وواقف عند بيت عمه ابوفيصل ينتظر فيصل يطلع له
عبدالعزيز يتصل عليه
عبدالعزيز : لي 10 دقايق واقف عند بيتكم دقيقتين وادخل اسحبك من شعرك
فيصل : ثواني بس البس واجيك
عبدالعزيز : بسرعععه
سكر منه على ولف على الشباك وشاف واحد واقف وارتاع
فتح الشباك
عبدالعزيز : سم
علي : اسف روعتك بس كنت انتظرك تخلص مكالمتك
عبدالعزيز : امرني
علي : اذا ماعليك امر تبعد سيارتك شوي
عبدالعزيز يوم شاف استوعب انه موقف بنص الشارع
عبدالعزيز بقلبه : الله يلعنك يافيصل
عبدالعزيز : اسف والله مانتبهت
علي : والله واقف وراك 4 دقايق انتظرك بس ماعطيتني وجه
نزل عبدالعزيز وسلم عليه
عبدالعزيز يحب راسه : وهذي بوسه على الراس عشان تسمح لي
علي بأحراج : لااا وش دععععوى يا .. وش اسمك ؟
عبدالعزيز : عبدالعزيز ال .....
علي : اوووه قرايب ابو فيصل
عبدالعزيز : ايه طال عمرك ابو فيصل يصير عمي
علي : ونععم والله
عبدالعزيز : ماعليك زود
علي : تفضل عالقهوة وش مجلسك برا
عبدالعزيز : انتظر فيصل والله انت تفضل معنا
علي : لا ماتقصر والله بس لازم يوم تشرفنا على القهوة
عبدالعزيز : كثر الله خيرك واسف مره ثانيه لاني قفلت الشارع
علي : حصل خير يالله انا بدخل البيت
عبدالعزيز : الله معك
سلمو على بعض وراح علي
طلع فيصل
عبدالعزيز : بدري اخ فيصل
فيصل وهو ماسك المنشفه وينشف شعره : شف والله مستعجل حتى المنشفه مطلعها معي
عبدالعزيز : اركب اركب فشلتنا
فيصل يركب وهو يضحك : والله اسف بس جد توني صاحي
عبدالعزيز : فشلتنا مع جيرانكم
فيصل : اي ؟
عبدالعزيز اشر على بيت ابو نايف
فيصل : ابو ناييف
عبدالعزيز : هو نايف ! تصدق من الفشيله ماسألته مقفل عليه الشارع كله بسببك
فيصل : لانايف متزوج اكيد اللي شفته علي
عبدالعزيز : مدري والله
رهف : هلا تروووك ... ايه خلصت .. مو من جدك وينه ؟ ... طيب تقريبا كم يبي له ساعه عشان يخلص ؟ ... يووووه خلاص اوكي مو مشكله ... لاياقلبي لاتجي برجع مع وحده من البنات
سكرت منه
رهف : وجدان لي مكان بسيارتكم ؟ السواق مودي امي المطار
وجدان : احطك بحضني لو مالك مكان
الهنوف اتصل السواق عليها
الهنوف بعد ماسكرت : بنات انا استأذنكم
وجدان : يلا قلبي نشوفك بكرة
سلمو عليها وطلعت
اتصلت وجدان على السواق وقال لها انه بالصناعيه
وجدان : رهف شكلنا بننام بالجامعه
رهف : هههههههههههههههه انا حيوانه يوم شديت فيك الظهر
وجدان : بتصل على فيصل
رهف : يلا ولو ماقدر اتصلت على تركي
وجدان : لا فيصل ماخذ اجازه هالاسبوع اتوقع بيقدر
اتصلت وجدان على فيصل
فيصل : هلا والله
وجدان : هلا فيصل تقدر تاخذني من الجامعة ؟
فيصل : وين راجو ؟
وجدان : بالصناعيه .. اذا ماتقدر عادي
فيصل : انا مع عزيز وقريبين من الجامعه
وجدان : ترى رهف معي
فيصل : طيب عند اي بوابه ؟
وجدان : بوابه 3
فيصل : خلاص ربع ساعه بس واتصل عليك تطلعين
سكرت منه
وجدان : تدرين من معه ؟
رهف : ميين ؟
وجدان : عزوز
رهف : من جدددك
وجدان : اييي والله
رهف : ليت الهنوف فيه عشان تنسى معلومات اختبار بكره
وجدان : ههههههههههههههههههههههههههههههه تعالي بس خلينا نطلع
ركبو
رهف ووجدان : السلام عليكم
عبدالعزيز : وعليكم السلام والرحمه
فيصل : وعليكم السلام
عبدالعزيز : بيتكم ياوجدان ؟
وجدان : لا رهف بتروح بيتها
عبدالعزيز : وين ؟
رهف : حي ... شارع ....
وجدان : اختصريها وقولي قدام بيت جدتك
عبدالعزيز بضحكه : ابشري
وقفو عند اشاره ومسك عبدالعزيز جواله
باللحظه نفسها رهف فاتحه سنابها وجاها رد اضافه من عبدالعزيز
رهف بقلبها : مو وقققتك تقبل الحين
كتبت لوجدان بالواتس اب انه قبل اضافتها
وجدان كتمت ضحكتها
طبعا رهف كانت كاتبه اسمها روفا ف كانت مرتاحه من ناحيه انه مايكشفها
كتب لها على طول
رهف وعبدالعزيز تطورت علاقتهم وصار يسولف معها بس ماقدرت تاخذ منه لاحق ولاباطل
العمه نورة وصلت للرياض يوم الثلاثاء
بهالمناسبه قرر الجد يسوي عشاء بالمزرعه يوم الخميس ويعزم فيه كل من يعز عليه
كان من ضمن المعزومين ابوتركي وعياله وابونايف وعياله ونايف وزوجته وعيالهم
الكل في بيت الجده يوم الخميس العصر يتجهزون عشان يطلعون للمزرعه
ماعدا العيال اللي كانو بالمزرعه من امس يشرفون على العمال اللي ينظفونها وفيصل كان مع وجدان اللي اختبارها يخلص 4
بعد الساعة 4 طلعت من الاختبار وراحت لبيتهم تكمل تجهيزها قبل ماتروح لبيت جدتها
نرجع للبنات اللي كانو ببيت جدتهم
الهنوف وهي تتفقد اغراضها : تصدقوووون اني غبيه ماجبت شوزي الاسوود
ريوف : ماعندك غيره ؟
الهنوف : لاا هو اللي ناويه البسه بعزيمه بكره والله حاطته فوق سريري عشان ما انساه ( وجلست وهي خانقتها العبره) ياربيه وش هالحظ
ريناد : شوزي يفداااك ياشيخه بس لاتزعلين
الهنوف : لااا شكلي برجع مع عبود للبيت اجيبه
بهاللحظه وجدان اتصلت على الهنوف
الهنوف : هلاوالله وجدان وييينك ؟
وجدان : ببيتنا كنت متصله اسألك جا عمي ابوسلمان من الشرقيه ؟
الهنوف : لااا اصبري شوي اتصل على عبود بعدين ارجع لك
وجدان : بتروحون معه ؟
الهنوف : لا برجع بيتنا
وجدان : لييه ؟
الهنوف : نسيت شوزي
وجدان : بجيب لك من عندي وش تبين لونه ؟
الهنوف : لو اقولك وش ابي بتهاوشيني
وجدان : وشو بعد
الهنوف : الشوز اللي لبستيه بزواج عبير بنت خالتك
وجدان : اللي من .....
الهنوف : اييييه بليز
وجدان : احمدي ربك والله امس كنت افكر اني البسه بس على اخر لحظه غيرت رايي
الهنوف : افف احبببك والله فكيتيني من مشوار بيتنا
وجدان : طيب وخري عن وجهي بروح اجيبه فيصل بيدعسني لو تأخرت دقيقتين
الهنوف : ههههههههههههه طيب يلا سي يو
سكرت منها وجدان
بعد 10 دقايق وصلتهم وجدان وسلمت على البنات وجلسو يتقهوون لين يخلصون الحريم
ريوف : عمي ابوسلمان متى بيجووون وربي مشتاقه لهيوف ومشاعل مررره
ريناد : انا كلمت مشاعل تقول رحلتنا المغرب وعلى طول بيمشون المزرعه ماراح يقعدون بالرياض
الهنوف : والله مشتاقه لهم مرره من زمان عنهم
غدي : ااا يعني خوات زوجي اشتاق لهم
البنات كلهم ماتو ضحك باستثناء ريناد اللي ماكانت تعرف
ريناد : زوجك مين ؟
جمانة : عززييييززو
ريناد على وجهها اكبر صدمة : متى مين قال ؟
الهنوف : مابعد صار شي رسمي بس كلام
ريما : وين ماصار شي رسمي والخبر منتشر
ريناد مازالت مصدومه وتحس عيونها امتلت دموع ودها تنشق الارض وتبلعها وتحاول توضح انه عادي
ريوف : ماكنتي معنا ريناد يوم تعلمنا امي امس ؟
ريناد وهي تحارب دموعها : لااا ماتذكر مبروك هنوفه
الهنوف : بنات والله مافيه شي رسمي وانا مابعد وافقت
وجدان حست موقف الهنوف شين مره وغيرت السالفة : تدرووون مين بيجيي ؟
ريوف : مييين ؟
الهنوف وهي تناظر وجدان بأمتنان : ميين ؟
وجدان : رهوووف وبنات ام نايف
ريوف : رهوف وعرفناها بنات ام نايف منهم ؟
وجدان : جيراننا الجدد يجنننووووون مره وبناتهم يجنننون
الهنوف وهي تضحك : وعيالهم يجننون ولا ؟
وجدان : هههههههههههههههه والله عيالهم ثقيلين دم
الهنوف ماتت ضحك
البنات الباقي مو فاهمين السالفه وسلكو
نرجع لريناد اللي انسحبت من المكان وكلام البنات يدور في راسها
اللي محد يعرفه ان ريناد كانت تحب عبدالعزيز من لما كان عمرها 15 سنه وكبر حبه معها بدون ماتقول لأي شخص
ماكانت تنتظر منه شي لانها ماقالت ولا اعترفت لكن ماتوقعت انه يتزوج بهالسرعه !
ومين ياخذ ! الهنوف اللي هي تشوف انها اقل جمال منها بكثيييير !
قفلت عليها الباب وجلست تبكي حبها اللي قاعد ينهار قدام عيونها
مافي يدها شي تسويه
نامت وهي تبكي
بعد نص ساعه قامت على ضرب متواصل على الباب فتحت وكان وجهها اصفر وباين عليه الحزن
كانت وجدان عند الباب
وجدان : ريناد حبيبي وش فيك ؟
ريناد وهي تتغصب الابتسامة : مافيني شي بس نمت
وجدان تدري انها تكذب بس ماحبت تضغط عليها
وجدان بأبتسامه : طيب تعالي تجهزي ترى كل السيارات راحت باقي احنا بس
ريناد : مين اللي باقي ؟
وجدان : البنات بس بنروح مع فيصل اخوي
ريناد :اوكي
فيصل يركب السيارة : السلام عليكم
البنات باصوات متفرقه : وعليكم السلام
فيصل : كيفكوون بنات عمي
ريما بجراءه : وبنات عمتك ماتسأل عنهم
فيصل ضحك : اسف والله ماتعودت بس ولاتزعلين كيفكم بنات عمتي
ريما : بخييير نيابه عن خواتي
فيصل : انتي السوسه ريوف ؟
ريوف تشهق : حررام عليك ساكته انا ماقلت شي
فيصل : ههههههههههههههه اجل ريناد ؟
ريناد كانت لابسه سماعتها وماتسمع كلامهم
ريما :لااا ريما
فيصل : والتبن
البنات ميتين ضحك
ريما : وجدان شيلي اخوك عني لايجيه شي مايرضيه
فيصل ضرب بريك ووقف على جنب : ايش عيدي ؟
ريما خافت : اسفففه
فيصل : هههههههههههههه والله لو انك من بنات عمي نزلتك بس احمدي ربك اني ما امون عليك مره
ريما : لاعاد تمون اجل
كملو طريقهم بسواليف وضحك باستثناء ريناد اللي من يوم سمعت الخبر ونفسيتها منقلبه فوق تحت
وصلو المزرعه كلهم
البنات والحريم كلهم بالصاله
الجده : وين عيالك يانوره ماشفتهم للحين
نوره ( ام ماجد ) : الحين اتصل عليهم يدخلون يسلمون عليك
ام ماجد اتصلت على ماجد ومارد عليها واتصلت على سعود
سعود : هلا يمه
ام ماجد : سعود جب اخوانك وسلمو على جدتكم تسأل عنكم
سعود : تامرين امر
الجده : قولي له خل عيال عيالي كلهم يجون يتقهوون عندي
ام ماجد : سمعتها ؟
سعود : اييه قولي لها ابشري شوي بس وجايين
سيف : ادخلو لحالكم والله ماتعودت على الصخب والحريم الواجد
سعود : استح على وجهك جدتك وش اللي ماتعودت
سيف : جدتي على عيني وعلى راسي بس تلقى العالم كلهم داخل
ماجد : تصدق اني شايل هم بعد
سعود : يوو جاك الثااني
عبدالعزيز : قومو بس عددنا اكثر منهم تبارك الله
عبدالرحمن : الحمدلله انه ماينشره علينا
سحبه عمه خالد
خالد : انت اول واحد بتدخل ومشيعل انت بعد تعال
مشعل : طيب انا وش دخلني ؟
خالد : اعوذ بالله وش فيكم انتم تقل داخلين على ابليس ؟ تراه جدتكم وحريم اعمامكم وبناتهم بس
ماجد : لاا ؟؟ بس ؟؟ ماقصرت والله
عبدالله : انا عن نفسي ماستحي بدخل اول واحد
خالد : كفو والله
فيصل : يالله قومو
الجده : حيا الله عيااالي
العيال بأصوات متفرقه : الله يحييك
سيف : اخبارك يمه
الجده : الحمدلله والله بخير جعلك بخير
جلسو يسولفون مع جدتهم
بالجهه الثانيه عند البنات
كانت ريناد عيونها معلقه على عبدالعزيز
شخص واحد بالجلسه كان مركز عليها اللي هو وجدان
خالد يلتفت لبنات اخته
خالد : كيفهم الحلوات اللي فاقدهم خالهم
ريوف : حبيبي خالي والله احنا فقدناك اكثر من لما رجعت الرياض
ريما : ايييه نسيتناااا بالدقيقه اللي ركبت فيها الطياره
خالد : انسى اهلي كلهم ولا انساكم
الهنوف : لناا الله
عبدالعزيز فز لما سمع صوتها بس اختار انه مايهتم
خالد : كلكم عيوني والله
وجدان : انا لي عين لحالي صح ؟
خالد : اكييد
غدي وجمانه بصوت واحد : واحنااا ؟
سيف : ههههههههههه توهق الذيب
ماجد : تشووف انت ههههههههههههههههههههههه
سعود بجراءه : ورا ماتصيرون عيني بعد ؟
خالد يرمي عليه الفنجال : قلنا خلك اوبن مايند بس مو كذاا
البنات ميتين ضحك
عبدالعزيز : انا لحد ياخذ عيوني لو سمحتوو
كان قاصد يقول كذا يبي يشوف رده فعل الهنوف
الهنوف اختفتتتتتت وجهها قلب الوان
خالد : احرجت بنت اخوي حرام عليك
ريناد قامت من عندهم بدون محد يحس بوجودها
ماكانت تقدر تتحمل وهي تشوفه يتغزل في الهنوف كذا قدام الكل
الساعة 9 الليل
العيال كانو فارشين برا وجالسين
والبنات داخل جالسين بالملحق
دخلو عليهم مشاعل وهيفاء
وجدان بحماس : هلااااااااا والله
قامو يسلمون عليهم وجلسو
مشاعل : ياحلوووكم يابنات عمتي والله تغيرتوووو
ريوف وهي تضخم صوتها : للاحلى طبعا صح ؟
مشاعل : نصيحه اسحبي سؤالك مابي احرجك
ريوف رمت عليها الخداديه وهي تضحك
مشاعل : لاوالله جد جد تجننون بالذات ريموووه
ريما : يالبييه يابنت خالي استحيييت
وجدان : انتي تستحين ؟ ماظنيت والله
ريوف : ماتلاحظون انكم مستلمينا طنازه ؟
الهنوف : ماعليش بنات عمي معاقين مايعرفون يعبرون عن مشاعر الشوق الا كذا
هيفاء : وريناااد الحلوه ليه ماتشاركنا السواليف
ريناد تحاول تبين انها طبيعية : اخاف تستلموني طنازه
هيفاء : اللي يقولك شي بضربه
ريناد : حبيبتييي والله هيووف
رد: غالبا مايكون الحب قدر لاخيارا/بقلم كاتبه سحابٍ دنى
-9-
( اليوم الثاني بالمزرعه)
الكل صاحي بدري يتجهزون للضيوف اللي بيجون
المغرب بعد ماجو ابونايف وعياله وابوتركي
العنود والجازي على طول دخلو مع البنات ورهف تعرفهم قبل عشان كذا ماكان صعب الموضوع عليها
بعد المغرب تجمعو اغلب الضيوف
ام فيصل : وجدان روحي قولي للشغالات يجهزون البخور ابوك متصل يقول جهزوه بيجي واحد من العيال ياخذه
وجدان : ابشري
وطلعت وجدان بتروح المطبخ وجت بوجهها الجازي وجلسو يسولفون ونست امها وش قالت لها
بعد 10 دقايق
مشاعل بالمطبخ تاكل حلا وفمها مليان
انفتح باب المطبخ الخارجي ودخل فيصل بسرعه
فيصل شافها من ورا ويحسبها وجدان
فيصل : وجدان وين البخور
مشاعل علقت اللقمه بحلقها وصنمت بمكانها
فيصل : وجداااان
مشاعل لفت عليه واللقمه بحلقها وتتكلم : مانيبب وجدان
فيصل فيه الضحكه على شكلها بس مو وقت ضحك : طيب لو سمحتي ياللي مو وجدان تعطيني البخور
مشاعل : وش دراني عن البخور انا ( بعدين تذكرت انها مالبست شي يغطي شعرها وطلعت برا تركض )
فيصل بقلبه : بنات عمي ملاحيس قسم بالله بس من ذي ! شكلها من الضيوف لان شكلها مو مألوف ! لاخير من الضيوف وتاكل حلا بالمطبخ ! انا وش دخلني فيها خل ادق على وجدان بس
اتصل على وجدان قبل مايرن دخلت عليه المطبخ
وجدان كانت شاطفتها مشاعل وهي تركض وداخله المطبخ وهي ميته ضحك
وجدان : وش انت مسوي بمشاعل ؟
فيصل : اللي تو مشاعل ههههههههههه ياحليييييلها بنت العم نكدت عليها لقمتها
وجدان : والله وجهها مخطوف روعت بنت عمي
فيصل تركى على الطاوله : والله صارت حلوه
وجدان تطق كتفه : واضح انك نسيت جاي عشان وشو !
فيصل : ايييييه البخور عطينياه بسرعه
وجدان طلعته وعطته : مره ثانيه اذا جيت تدخل طق الباب
فيصل : وش دراني ان مزرعتنا فيها مشافيح
وجدان : هههههههههههههههههه قصر صوتك والله بتموت لو سمعتك
فيصل طلع وهو يضحك
خلصت العزيمه
الكل راح وباقي عايلة ابوتركي
وجدان : خالتي بليز كملو عطلتكم هنا
ام تركي : والله ودنا بس مرتبطين مع اهلي بنسافر
رهف : يمممه تكفين ابي البنات مابي اروح لخوالي
ام تركي : بنات خالك هناك
رهف بصوت واطي : يع والله من النفاق
ام تركي : ووشو ؟
رهف : سلامتك ياقلبي بس بليز خلينا نجلس
الجده : خليها يا ام تركي والله اني اعدها وحده من بناتي
ام تركي : لا يا ام محمد ابوها ماراح يرضى
ام فيصل : عشاني يا ام تركي مسكينه خليها تنبسط مع البنات
ام تركي : خل تستأذن من ابوها ان وافق بكيفها
رهف راحت ترركض لجوالها
بعد خمس دقايق دخلت على الحريم وهي تنطط
رهف : وافق وافق وافق
وجدان ضمتها : الللله اخيرا تعالي نبشرر البنات
وجدان : بنااات محد جاب مفرحات صح ؟
الهنوف طقت راسها : يوووه صححح ماجا على بالنا
رهف : مافي بقاله او محطه قريبه من هنا ؟
وجدان : الا
رهف : خلونا نطلب
الهنوف : حالمه انك بالرياض ؟
رهف : ليه مايوصلون ؟
وجدان تقلد صوتها : لاامايوصلون
ريوف : شرااايكم بنات نقول لخالي خالد يودينا
الهنوف : يلااا بتصل عليه
البنات تحمسو
بعد ماسكرت منه الهنوف
الهنوف : يقول انا بمزرعه خويي برجع الصبح
مشاعل : بتصل على سلمان
ريوف : لااا استحي ما امون عليه
مشاعل : ليه بنركبك بحضنه يعني ؟
ريوف : ههههههههههههههههه لا بس يعني فشيله
مشاعل : اقول بس عطوني كلمات تقطع القلب عشان يرحمنا
وجدان : ياليت عمي خالد فيييه
مشاعل : ولاتصدقون بتصل على عزوز مجرد ما اقول له هنوف معنا بيجي
الهنوف شهقت : خيرر والله ما اروح
مشاعل : بدت حركات الحياء اللي ماله داعي ( اتصلت على عبدالعزيز )
العيال كلهم بالملحق يشوفون فلم
عبدالعزيز نايم وجواله بيده يرن
كان فيصل جنبه
رن مرتين وانزعجو العيال
خذه فيصل وشاف الاسم ( مشاعل ) بدون شعور رد
مشاعل : حبيبي عزووووزي اخوي ممكن تودينا المحطه انا والبنات احس دقيقتين ويوقف قلبي من الجوع
فيصل فيه الضحكه
مشاعل : عزوز بليييييز من زمان ماطلبت منك شي ووافقت
فيصل مازال ساكت
مشاعل : افهم من سكوتك انك رضيت اوكييي يلا بسكر عشان نلبس
فيصل بصوته الضخم : لا
مشاعل ارتاعت : مين ؟
فيصل : انا فيصل وعزوزك نايم
مشاعل رمت الجوال على وجدان
مشاعل بصوت واطي : خلصي بسرعه رصيدي بيخلص
فيصل سمعها وضحك : اذا كان واحد من العيال بيجي معي بتصل عليكم تجهزون
وجدان : ليييه يعني بناكلك ؟
فيصل : مشاعل بتاكلني
وجدان : هههههههههههه
فيصل : يالله بسكر
وجدان : رد لي خبر
فيصل : اوك
سكرت منه
ريوف : وش يقول ؟
وجدان : بيشوف واحد من العيال يجي معه
عند العيال
فيصل يدور بعيونه بين العيال يشوف اللي طفشان من الفلم واستوعب ان محد يشوفه
فيصل : مجيييد
ماجد : لبيه
فيصل : تجي معي
ماجد : وين
فيصل : البنات يبون يروحون لمحطه قريبه من هنا
ماجد : كم عددهم ؟
فيصل بملل : والله مدري اخلص علي
ماجد : ايه يالله اصلا ابي دخان حقي خلص
فيصل : لو تاخذ من بقاله سلامه يجيك سرطان رئه على طول كل اغراضه قديمه ومضروووبه
ماجد : هههههههههههههههههههههههههههههه الله لايقوله
فيصل اتصل على وجدان : يالله اطلعو
طلعو البنات
مشاعل والهنوف ووجدان ورهف وريوف
ركبو السيارة
مامشى فيصل
وجدان : يالله
ماجد : بس انتم ؟
وجدان : اييه
فيصل : غريبه وين الباقي
ماجد : شكل المعازيم ماكلينهم
فيصل : لا واضح ان مشاعل قايمه بالواجب
مشاعل تدور شي جنبها تضربه فيه بس مالقت
فيصل يسترسل : شف من التخمه سااكته
البنات : هههههههههههههههههههههههههههههه
فيصل : مشاعل زعلتي ؟
مشاعل : لا
فيصل : ليتك قايله ايه عشان اقول احسن
مشاعل مسكت شنطتها ورمتها عليه
فيصل مات ضحك : ههههههههههههههههههههههههههه اسف والله
مشاعل : هات شنطتي
فيصل يلف ورا عشان يعطيها الشنطه : نعتذر يابنت العم بس لازم تتعودين على ثقاله الد.. معنا وجه جديد ؟
وجدان : ايييه رهف صديقتي
ماجد : الله يقلعك يافيصل وانت تتهاوش ماحترمتو ضيفتنا
فيصل يلف على المحطه : بطريق الرجعه بخليها تضربني بشنطتها عشان نفك الميانه مره وحده
وجدان : بذبححك عاد كل شي الا رهف
رهف كانت ساكته ومستغربه شوي من الميانه
نزلو كلهم
البقاله كانت صغيرة
رهف : لو اني عارفه ان هذا حجمها ماتعبت نفسي وجيت
وجدان : لايغرك الحجم فيها كل شي ترى
الهنوف : يخسون الدانوب وكارفور عند بقاله سلامه
ريوف : خذو للبنات عشان ماياكلونا اذا صحو
وجدان : نخلي مشاعل تاكلهم
مشاعل تضربها : اخلص من اخوك تجيني انتي
وجدان : ههههههههههههههه امزح والله
ماجد يجيهم : خلصتو ؟
وجدان : ايه دقايق بس
ماجد : اذا طلعتو خلال خمس دقايق بعزمكم على الفطور
البنات تحمسو وراحو يحاسبون
طلع ماجد وهو يضحك وراح لفيصل
ماجد : تعال بسألك هنا فيه مطعم قريبه ؟
فيصل : فيه
ماجد : وين قريبه؟
فيصل : ايه بس حتى الكلب مايقبل ياكل منها
ماجد : ياويلي بياكلوني البنات
فيصل: ليه ؟
ماجد : قايل لهم خلصو بسرعه واعزمكم على الفطور
فيصل : وهقتنا الله يهديك
ماكمل كلمته الا والبنات جايين
فيصل بصوت واطي : متأكد واعدهم بفطور بس ؟
ماجد : هههههههههههههههه ايه والله
ركبو السيارة
وجدان : يلا خل نروح نفطر
فيصل : عندكم خيارين فقط يالمطعم اللي بالمحطه الثانيه ولا توست وعصير وانا انصحكم بالثانيه
مشاعل : يالله نبي المطعم العوض ولا القطيعه
فيصل : متأكدين ؟
الهنوف : ايييه
فيصل : انا انصحكم نرجع المزرعه وتفطرون هناك عشان ماتكملون باقي الاجازه بالمستشفى
ماجد : وصخ المحل مره ؟
فيصل : اذا تذكرون اجازة رمضان اللي تنوم فيها دحوم بالمستشفى ترا اخر وجبه اكلها من هنا
رهف بحماس : لاااااااا
ماجد : اخيرا صديقتكم نطقت ههههههههههههههههه
وجدان : والله خاطري بفطور
فيصل : عشان تعرفون ان المطعم جد مقرف بقائمه الفطور عنده شاورما
ماجد : وين القرف بالموضوع ؟
فيصل : اصبر تخيل ينزل السيخ من الفجر عشان اذا جا الليل يكون خالص كله
ماجد : الله يقرفك ياوصخ
فيصل : ومايعترف بالقلفز ابدددد
ماجد : خلاص يرحم امك اسكت
فيصل وهو يضحك : والقطاوه بالمطبخ اكثر من العمال
رهف انقلبت كبدها صدق : تكفى خلاص خل نرجع
فيصل مات ضحك
مشاعل بصوت واطي لوجدان : بجيب اخوك عندي اذا قررت اسوي دايت
وجدان : ههههههههههههههههههههههههه والله ينفع مره
ريوف : حرام عليكم جوعانه امس ماتعشيت
فيصل : طيب فيكم النوم انتم ؟
البنات : لاا
فيصل : خلاص نرجعكم المزرعه ونجيب لكم فطور فخم
وجدان : من وين ؟
فيصل : فيه مطعم بس انه بعيد شوي
رجعو البنات للمزرعه وراحو ماجد وفيصل يجيبون لهم فطور
بعد ساعه وصلهم الفطور وافطرو ونامو عشان يقومون العصر
الظهر طفى الكهرب على المزرعة
بعد ساعتين
بالغرفه اللي نايمين فيها البنات
قامت الهنوف من النوم : الحيوان اللي مطفي المكيف يرجع يشغله
مشاعل اللي كانت صاحيه من اول ماطفى : شركه الكهرب الحين اكلمهم يشغلونه لعيونك
ريوف تتأفف : مشاعل بما انك مصحصحه ممكن تهفين علينا
مشاعل : بهفك بالجوال والله
ريوف : ياربيه والله حرر حرام عليكم
وجدان قامت معصبه : الله ياخذ العيال
الهنوف : وش سوو ؟
وجدان : ماسوو شي بس احتياط
ريوف : ههههههههههههه هنوف اتصلي على عزوز اتذكره يشتغل بشركه الكهرب قولي له يشوف لنا حل
الهنوف : ريوف جد مو وقتك
ريوف مافهمت : مو وقتك انتي تستحين اتصلي بس
الهنوف رمت عليها المخده
مشاعل : عزيز مهندس بشركه الكهرب ماله دخل بهالامور
نرجع للرجال
نروح للعيال اللي كانو قايمين من بدري باستثناء ماجد وفيصل اللي مانامو الا الظهر
وكالعاده ماحسو
عبدالعزيز : ياااثقل نووومهم
سيف : مرره اعوذ بالله كنت احسب نوم ماجد اثقل نوم مادريت ان فيصل ينافسه
سلمان : ياحليلك ماشفت شي
سعود : الكهرب يطفي هنا كثير ؟
عبدالعزيز : لا مو كثير بس اذا طفى خلاص انسى يشتغل بنفس اليوم
سيف : لااااتقول !
عبدالعزيز : والله غالبآ كذا
سيف : مافيه نت يعني
عبدالعزيز : للاسف بس اذا محتاجه مره عندي نت محدود خذ استخدمه
سيف : لايابعد قلبي ماتقصر
البنات صحو من الحر وطلعو برا
الا الهنوف ووجدان ورهف
رهف : اوووف ماشبعت نوووم
الهنوف : رهف وش جدييد عزيز ؟
رهف : للان على حالته يسولف شوي بس مره رسمي وامس مصور فيلم وسألته شسمه على اساس نبدا سالفه ونمت وهو مارد
الهنوف : والله ماتوقعت انه بهالثقل شهر كامل ماقدرتي تمسكين عليه شي ؟
وجدان : توقعت انا ترى من يوم انه صغير شخصيته كذا
رهف : يعني مشواري طويل
الهنوف : لا احس تمثيل قدامنا بس
وجدان : وين تمثيل وهي تسحب الكلام منه من شهر
الهنوف : يمكن شاك انها تعرفه !
رهف : مسسستحيل ماشك ولا 1% كل معلوماتي عنده غير وغير كذا حتى لو اقول معلوماتي انا ماراح يشك لانه مايعرفني
الهنوف : ماسألك عن تخصصك ؟
رهف : الا قلت له متخرجه من قانون
وجدان : ولو لخمك بسؤال قانوني ياحظي ! وش بتقولين ؟
رهف : شكلك نسيتي ان وعد اختي متخرجه قانون
الهنوف : حبيبي اللي حابكها صححححح
رهف : افاا عليييك اعجبك
دخلو جمانه وغدي عليهم
غدي : تعااالو برا جدي جاب 4 دبابات
وجدان : فيه شمس ؟
جمانه : لا غيم بس دفى شوي والبسو شيلاتكم ترى عيال اعمامي كلهم برا
الهنوف : يلا شوي ونجي
طلعو جمانه وغدي
رهف : روحو انتم انا بجلس هنا
الهنوف : خير تعالي
رهف : لاوالله كلهم مجتمعين فشيله مره ماعرفهم
وجدان : ماراح اطلع اذا ماطلعتي
رهف : احس قطه وجه وانا طالعه واعمامكم وجدكم فيه
دخلت مشاعل على جملتها
مشاعل : جدي واعمامي مو فيه بس عيال عمي وباقي البنات كلنا بنلعب تعالي رهووف
رهف استحت يوم سمعتها مشاعل
جت مشاعل وسحبتها من يدها : تعالي واول من بيركب الدباب معي انتي
وجدان : عاد انتي ماتعرفين سواقه مشاعل
رهف : لايكون ماتعرفين وبتوهقيني معك
مشاعل : عيييب عليك ! لعبتي الدبابات تعالي انتي بس
قامت رهف مع البنات وطلعو كلهم برا
اول ماطلعت هنوف كان عبدالله اخوها راكب الدباب وجا وغبر عليها
الهنوف تصارخ : ياسخييييييييييف عيوووني
عبدالله بصوت عالي : اسف حررم عزيز
الهنوف ندمت انها طلعت
وعبدالعزيز كان واقف وجنبه مشعل ويناظرها بتفحص يبي يشوف ردة فعلها بعد جملة عبدالله وشاف وجهها مكشر
عبدالعزيز بقلبه : كل ذا عشان نايف ! وابتسم باستهزاء
كانت عيون هنوف عليه بهاللحظه واستغربت ابتسامته بس ماعطت الموضوع اهميه
عبدالله رجع ووقف الدباب عندهم : يالله بنات من تبي اول دوره ؟
الهنوف : اناااا بس مو معك ما اثق فيك
عبدالله : افاااا !
الهنوف : والله شكلك نسيت اخر مره ركبت معك شصار
عبدالله : هههههههههههههههههههههههههههههه بعير انتي !
الهنوف تحاول تعلي صوتها : لا ما انسى ومستحيل اسامح
عبدالعزيز انقهر منها بس ماوضح وراح جهتهم وهو مبتسم
عبدالعزيز : ولايهمك يالهنوف انا اركبك معي
البنات قامو يصفرون والهنوف انخطف لونها
عبدالله : يالله زوجك بيقوم بالمهمه ( ويوجه الكلام لعبدالعزيز ) نصيحه بشويش عليها ماله داعي تنتهون بحادث والله ماتثق فيك الى يوم الدين
عبدالعزيز : لا ماعليك بعيوني هي
الهنوف : لالامابي خلاص
عبدالله : تصيحين قبل شوي الحين ماتبين تركبين
الهنوف : الا بركب بس مع وحده من البنات
مشاعل : محد بيركب معك روحي مع عزوز بس لاتذبحين اخوي بكبريائك
الهنوف جتها الصيحه وتشوف عمها خالد جاي من بعيد : عمييييي حبيبي بيركب معي
خالد : وش السالفة شفيكم
الهنوف : بيركبوني مع عزيز غصب
عبدالعزيز ابتسم يوم سمعها تقول عزيز بس بسرعه رجع وجهه جدي
خالد : طيب وش فيها زوجك الا دقيقتين ليه ماتركبين معه
الهنوف : شفيييكم انتم مابعد تملكنا !
عبدالعزيز ابتسم : نملك اليوم وش فيها !
الهنوف ساكته ماتدري وش تقول
خالد : بتركبين معه ان كنتي تغليني
خالد حاط بباله انها زعلانه للان من بعد سالفه الشاليه ماتوقع ان فيه شي اكبر من كذا
الهنوف ودها تصيح بس حاولت توضح ان الوضع عادي
الهنوف : اوكي
استغرب عبدالعزيز انها رضخت بسرعه توقع انها تطول
نزل عشان تركب ويركب وراها
الهنوف ركبت ركب عبدالعزيز
قلبها قامت ترتجف اول مره تكون بهالقرب من شخص وغمضت عيونها بقوه
عبدالعزيز حس فيها وخاف شوي وبصوت واطي : هنوف فيك شي ؟
الهنوف بصوت واطي : عادي انزل ؟
عبدالعزيز رحمها شوي : اوكي بس دوره وحده وانزلك عشان محد يستغرب بس
الهنوف : اوكي
مشى فيها بشويش ولف ورجعها
عبدالله : ويييين التفحيييط والتقلب ولا عشانها زوجتك
عبدالعزيز يضحك : لا خايف تفقد الثقه فيني وش بيرجعها عاد
خالد : حتى حلا ماترضى بهالدوره
عبدالعزيز : انا وزوجتي راضين خلاص
الهنوف : ايه من جد وش فيكم شايلين همنا مره ؟
عبدالعزيز استغرب من ردها بس تجاهل
خالد : عصبت هنوفي خلااص خلاااص بس كنا نبي نقدم شهر العسل لكم بس ماتستاهلون
عبدالله : وخر بس خلني اكمل لعب ليتني مانزلت
عبدالعزيز : لا وخر باخذ اختي . هيفاء ولامشاعل من تبي تحصل على شرف الركوب معي ؟
هيفاء بخوف : لاااااااماحب الدبابات انا بشوفككم من بعيد
مشاعل نطت : اناا بجي معك
وراحت تركض له
خالد : ههههههههههههههههه وش سوا بكم عزيز ؟
مشعل : قال رجعو الدبابات ويوم قلنا شوي قعد يحددنا لين بغينا نقلب
خالد : ههههههههههههههه كفووو عزيز
عبدالرحمن : ماكنت متوقع والله يسويها ومعه مشاعل بس والله سواها
فيصل توه صاحي من النوم وجايهم : وش السالفه وش تسوون
خالد : صباح الخييييييير
فيصل : صباح التبن والله وموب لك خويلد للتبن شركه الكهرب
ماجد وراه : عجزنا ننوم والله
سيف : ياكذاااااااب حلا تنطط عليكم قبل شوي مادريتو عنها ولاتحركتو حتى
ماجد : بذمتك ؟
سيف : والله
فيصل : حيوانه هالبنت
عبدالله : على اساس حسيتو يعني ؟
فيصل : عورني ظهري يوم علمتوني
سعود : وين الدباابات
خالد : اصبرو لين يخلصون البنات
وجدان : ياعيووني ياعمي اموت بالمناصرين للمرأه بكل زمان ومكان
فيصل : اركبي معي واوريك مناصر المرأه وشو
وجدان : مابعد بعت عمري
بهاللحظه رجعو عبدالعزيز ومشاعل
مشاعل تصارخ : الله ياخذك ياعزيز الزفت انت وسواقتك الخايسه
عبدالعزيز ميت ضحك : انتي غبيه ولا احد يطيح من الدباب لاني لاف بقوه ؟؟؟
خالد : تبيها تطيح وهو متعدل يعني ؟
عبدالعزيز : اوكي ساقي حكت الارض بس بعد غبيه ليه تطيح
مشاعل نزلت وهي تدعي عليه
عبدالعزيز باستهبال : يالله من يبي دوره ؟
ماجد : والله ودي بس شكل اختك مايحمس
مشاعل : كل تبن انت الثاني
ماجد : هههههههههههههههههههههههه الحقيقه ماتزعل
فيصل : لاتتطنزون على بنت عمي
مشاعل : انت بالذات اسكت
خالد : هههههههههههههههههههههههه وش فيك عليهم ؟
فيصل يمثل الحزن : انا ؟ ادافع عنك وتقولين اسكت ؟ يجي منك اكثر يابنت العم
مشاعل : لايكثر ياولد العم
ماجد : انتي مشاعل صح ؟ بحطك بالقائمه السودا خلاص منيب محارشك ابد
مشاعل : يكون احسن
عبدالعزيز : كفوووو اجلديييهم
كملو لعب لين جا الليل بعدين نزلو عشان يجهزون العشاء
الليل
عبدالعزيز ركب السيارة عشان يشغل النت
شاف رساله من روفا ورد عليها
واستغرب انها مافتحت الرساله بالعاده تفتح على طول
بسرعه راح لبرنامج ثاني ونسى موضوعها
الساعه 2 الفجر البنات نامو ومابقى الا رهف
وكان الكهرب طافي للان
جلست شوي تحاول تنام وماجاها النوم وقررت تطلع بس خافت
ودها تقوم وحده من البنات بس رحمتهم توهم نايمين
اشتغل الكهرب وفتحت اللمبات وارتاعت رهف
شافت كل البنات بمكانهم الا مشاعل
قامت طفت اللمبات ومسكت جوالها
وشافت مشاعل مرسله سناب برا
كتبت لها : ويينك ؟
وبنفس الوقت شافت رد عبدالعزيز وردت عليه
برا كانت مشاعل على الدرج حق باب المطبخ جالسه مع عبدالعزيز يسولفون
مشاعل : اخخيرا فتح الكهرب , بدخل اسوي كوفي تبي اسوي لك معي ؟
عبدالعزيز : ياليت والله
مشاعل قامت : طيب
فتح جواله وشاف رد من روفا وتجاهلها بنفس الوقت كانت رهف متصله على مشاعل بسناب يوم ماردت عليها
شاف الاسم وارتاع !
روفا ونفس الرقم !!!
فتح جوال مشاعل على اسمها وفتح جواله
نفس الاسم !!!
عبدالعزيز بقلبه : وش هالصدف !! صديقة مشاعل تكون عندي !! غررريب !!
جا بيفتح رسالتها بعدين حس انه ملقوف وترك الجوال
اتصلت مره ثانيه
خذ قهوته وراح لقسم الرجال وهو يقلب الموضوع براسه
رهف صديقة هنوف ووجدان عندي بسنابي !!
بعدين حاول يتذكر متى شافها : اهااااا هي اللي وديتها لبيتهم مع فيصل ! صحح بنفس اليوم ذاك جتني اضافتها بالسيارة ! حاول يتذكر وجهها بس ماقدر
يالله مردك ياعبدالعزيز تعرف وش عندها وليه مضيفتك
دخل جواله بجيبه ودخل المجلس يكمل السهره مع العيال
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
غالبا مايكون الحب قدر لاخيارا/بقلم كاتبه سحابٍ دنى
العرض المتطور