حبيبي .. لو تحس شويْ
أبد ماظن تنساني ..
ولا أظنّك بعد تقدر
تخّلي الشوق يهزمني ..
أنا واللـه يكفيني
" غرامك " بس وشْعورك ..
و وحدك إنت أحتاجك
حبيبي لي .. . أنا وحدي !
..
وأتنافض فـ عز البرد /
أدوّر لي دفى سنيني :
ولا ألقى سوى حزني
وغيابٍ صار لي عنوان /
وذكرى " كان يا ماكان
[ فقيرة حظ ] وإنحبّت :
عرفت الحين : وشفيني ؟
..
قدرت إنّك : تخلّيني /
وتبدّد هـ الفرح فيني
ولا كلمة تجي منّك
ولا همسّة : تصحّيني ..،
..
قويّ القلب يا إنتَ
و الأقوى غيبتك عنّي :
كسرت النفس بـ غيابك
وتدري البعد ينهيني ..!
..
دقيقه بس من وقتك!؟
قبل لا تغيب أبي منك
ترجّع عمري وسنيني ،،
تهّد اللي إنبنى فيني
..
أبي تفهم بأني مت ..
وأنا بفهم بأني هنت ..!
حقيقه ودي تسمعها ..
وقبل هجرك تراجعها !
..
( كانت دنيتي قلبك
وكانت دنيتك غيري )
هانت دنيتي وقلبي ..
وزانت دنيا من غيري !
..
يعني ودّك في فراقي ..؟
وينتهي هـ الحلم كله ..!
إطلب الفرقا تجي لك ،
ويْتحقق " مبتغاك " ..!
..
قالوا إنّك : تحتريني !
وناس قالت " ما تبيني "
وحْـلفوا إنّك بترحل ،،
والمحال أصبح ( رجوعك )
إقطع الشك بـ يقينٍ ،،
وإرجع لْـ قلبٍ يبيك !
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف