عشق بلا قيود للكاتبة رشا الخياليه

في باحة المنزل..
دخل وهو يحمل كوبين عصير مغطاه من الخارج.. اتجه لغرفة السائق الذي عاد لتوه من توصيل توق/سلام رفيق

السائق بابتسامه/وعليكم السلام..

سطام/رفيق في فطور والا باقي

السائق/الحمدلله. تعال انا سوي فطور

سطام دخل غرفته وهو يبتسم بخبث/لا لا.. انا جبت عصير و حسبت لك معي خذه..

اخذه السائق وهو يبتسم بإمتنان/ثنكيو..

حاول استدراجه ليعرف اخبارها وماذا تنوي فعله اليوم/انتا وش عندك شغل اليوم

السائق/مدام توق اليوم في زور ماما هنا انا في جيب

سطام بابتسامة خبث/ايييه،اشرب العصير اشرربه، اجل ناويه تجي تزور اهلها،طيب الساعه كم بتروح تاخذها انت

السائق/12ونص..

شعر بسعاده لا مثيل لها.. الآن يبتدئ من جديد باسلوب آخر ،من لم تكن له لن يهنأ بها غيره!! ترك السائق ..وخرج يفكر بدقه فيما سيفعله، مفعول العصير سيبدأ بعد قليل وسيستمر طوال اليوم...

شاهده عبدالرحمن وهو يهم بالخروج من غرفة السائق/سلام، الله بالخير

سطام/الله بالنور..شلونك الدحمي

عبدالرحمن بابتسامه/بخير بهالدنيا واشغالها وهذا انا مستعجل وراي سفره..

سطام/الله يعينك

اردف عبدالرحمن/بس عندي فضوول يا سطام

ابتلع ريقه خوفاً/وش عندك

عبدالرحمن وهو يمازحه/ياااخي انت ماوراك شغل.. نفسي اعرف وش وظيفتك هاللي كلها إجازات.. وظفني معك واعطيك المؤسسه يبن الحلال

سطام بابتسامه جانبيه/اعمال حرره وش عرفك انت

عبدالرحمن/الله يوفقنا وياك.. يلا انا طالع بوصل الحسا وعقبها قطر وبرجع بكره او بعده على حسب.. قدامك جدتي جالسه مكانها اللي انت خابر

سطام/الله معك..

رن هاتفه ليرى اسم المتصل ويشمئز/الو ..ماقلتلك لا تتصل في بخصوص الشغل.. هالاياام مافيه شي.. الدنيا مشتبه حولنا ما نقدر نتحرك.. لا لا. خلها بعدين.. قلّه ينتظر شهر لين تهدأ الاوضاع ويبشر بالعلم الغانم… سلام

اغلق هاتفه ثم دخل واتجه لجدته.. التي فرحت برؤيته، لا تصدق انها ستراه بعدما اعترف لها بأنه من حاول قتل حاكم.. كل يوم تظن انه سيُعتقل/صبحتس الله بالخير يا جده

الجده/صبحك الله بالرضا والعافيه.. اررحب يا ولد الغاليه، تو مانورت الشرقيه

سطام/بنورتس يالحبيبه..

الجده/شلون أمك وخواتك

سطام/بخير ماعليهم.. ينشدون عنتس.. يقولون طولتي متى تعودين الديره

الجده بابتسامه/هاانت السبوع الجاي ان شاء الله نروح، خلاص الديار طلبت اهلها..
ضلا يتحدثان..
.
،
.
،