ننتظر تسجيلك هـنـا

 

:: كل عام وانتم بخير ::  
♥ ☆ ♥اعلانات منتدى سهام الروح♥ ☆ ♥

عدد مرات النقر : 3,361
عدد  مرات الظهور : 55,865,841
عدد مرات النقر : 3,597
عدد  مرات الظهور : 54,770,707
عدد مرات النقر : 2,997
عدد  مرات الظهور : 53,162,423
عدد مرات النقر : 4,560
عدد  مرات الظهور : 28,339,952
عدد مرات النقر : 2,675
عدد  مرات الظهور : 23,627,802منتديات سهام الروح
عدد مرات النقر : 2,790
عدد  مرات الظهور : 58,654,798
عدد مرات النقر : 3,356
عدد  مرات الظهور : 58,326,122
عدد مرات النقر : 4,447
عدد  مرات الظهور : 58,654,901
عدد مرات النقر : 4,271
عدد  مرات الظهور : 51,493,102

عدد مرات النقر : 2,129
عدد  مرات الظهور : 35,922,598
♥ ☆ ♥تابع اعلانات منتدى سهام الروح♥ ☆ ♥

عدد مرات النقر : 2,066
عدد  مرات الظهور : 29,239,957مركز رفع سهام الروح
عدد مرات النقر : 5,050
عدد  مرات الظهور : 58,654,717مطلوب مشرفين
عدد مرات النقر : 2,539
عدد  مرات الظهور : 58,654,709

الإهداءات



›روايات طويلة ل الرويات الطويله من قبل الأعضاء ..

 
Prev المشاركة السابقة   المشاركة التالية Next
قديم 10-20-2017, 06:59 PM   #34


الصورة الرمزية سهام الروح

 عضويتي » 1
 جيت فيذا » Dec 2011
 آخر حضور » اليوم (03:16 AM)
آبدآعاتي » 811,479
الاعجابات المتلقاة » 10337
الاعجابات المُرسلة » 17842
 حاليآ في » سهام الروح
دولتي الحبيبه » دولتي الحبيبه Bahrain
جنسي  »  Female
آلقسم آلمفضل  » الاسره
آلعمر  » 24سنه
الحآلة آلآجتمآعية  » عزباء
 التقييم » سهام الروح has a reputation beyond reputeسهام الروح has a reputation beyond reputeسهام الروح has a reputation beyond reputeسهام الروح has a reputation beyond reputeسهام الروح has a reputation beyond reputeسهام الروح has a reputation beyond reputeسهام الروح has a reputation beyond reputeسهام الروح has a reputation beyond reputeسهام الروح has a reputation beyond reputeسهام الروح has a reputation beyond reputeسهام الروح has a reputation beyond repute
نظآم آلتشغيل  » Windows 7
مشروبك   cola
قناتك mbc
اشجع ahli
مَزآجِي  »  3

اصدار الفوتوشوب : My Camera:

мч ммѕ ~
MMS ~


مشاهدة أوسمتي

سهام الروح متواجد حالياً

افتراضي رد: (حنيتك رااحت لوين وشفيك ماتشتااق لي)



بسم الله الرحمن الرحيم



قـــــــــــــــــــــــــــــــــــرائه ممـــــــــــــــــــــــــــــــــــــــــــتعه للجميع


البارت السادس و العشرين~~



( للي يحب يتذكر احداث البارت السابق )


http://forums.graaam.com/345770-171.html


فــي داخـلي ضيقه بوسط الصدر تسري
تحدني ابعد عن الناس واعيش وحــداني

بي همٍ يكتبه علـى بيض الاوراق حبـري
يخط حــروفٍ مــا قــوي ينطقها إلســاني

ليت الأحساس اللي بداخــلي كـان يدري
ماكان عجزت افرق بين ربعي وعدواني

وليتني عـرفة اميز بين الناس مـن بدري
ماكــان هقــوتــي خابت فـ فــلان وثاني

آسري مــع هاجسـي لين مايبين فجري
واطــوي مــع طلعة الشمس هــم طواني

حسافه مـاعــادت النـــاس علـى خبري
حتـى الــرفيق اليـوم صــار طبعه انـاني

شين يهـد الحيــل وشين يحــز بصـدري
لاشفت الجفى بدون اسباب من خـلاني

آكــابـر بنفسي واذوق مــن مُـر صبري
واقضي حياتي مــابين صمتٍ وكتمــاني

ماسك الورد ماهو مثل ماسك الجمري
صعبه غيري يحس بلوعتي وسط وجداني

توني دريت ان العيب في طبعي وفكري
واكبر غلط ان الطيب والوفاء كان عنواني

ليته فــي الضيقـــات يـفيــد شعــري
كان ذوبت جروحي فــي قصيد ومعــاني




!.!.!.!.!.!.!.!.!.!.!.!.!.!.!.!.



في بيت عبدالرحمن


صار يدق جرس الباب اكثر من مره .. والعنود وعايشه رافعين على صوت التلفزيون ومو سامعين شي ..

غير راية وقرر يزورهم مره ثانيه .. ولو انه متشوق يجوف أخته لف بيروح البيت لكن جاف عبدالرحمن نازل من سيارته

: حي الله ولد العم حياك البيت بيتك
عبدلله ببتسامه : الله يحيك

فتح له عبدالرحمن الباب .. ودخله المجلس
عبد الله بشوق ولهفه : شخبار اختي
عبدالرحمن ببتسامه : بخير وصحه
عبدالله: وأخبار الحمل معاها إنشاء لله ماتعبها
عبدالرحمن بخاطره موبس تعبها .. تعبها وتعبني معاها: أي الحمد الله

وعبدلله صار يفهمه كل الي صار له مع ابو ماجد الي اخدعه وخدع أبوه

عبدالرحمن بصدمه : يعني اهو يبي زوجتي ..
عبدالله هز راسه بنعم

دقايق وتصل ابو العنود الي كان عند الباب
ورحب فيه عبدالرحمن .. وهو ناسي زعله ..على آخر موقف لهم في البيت .. وابو العنود كان يطلب السماح من عبدالرحمن .. الي أكد له انه مسامحه ومو زعلان منه

ابو العنود : وين بنتي ؟؟

عبدالرحمن استأذن منهم وهو رايح لها

دخل جناحه وصار يدور عليها .. لكن مالقاها وعرف انها عند عايشه

طق طق طق ,,
بداخل الغرفه
كانوا معلين على صوت وسمعو صوت الباب وعرفت العنود
انه عبدالرحمن رجع ..استأذنت من عايشه وطلعت له

العنود وهي تحط يدها على بطنها الي كبران : نعم

عبدالرحمن عرف انها زعلانه علشان شغل عايشه (يااذي العايشه إلي اعفست حياتي أفـــــــــ انا الغلطان الي يبتها بيتي )

تصنع الأبتسامه وسحبها معاه لي الممر أو وقف وصار يطالعها

العنود بستغراب وهي تلوح له بيدها بمعنى شفيك

البنت حامل .. واخاف ماتتقبل الي يصير .. رحمتك ياربي

عبدالرحمن وهو يحاول يوصل لها الفكره بشكل غير مباشر : حبيبتي

’, ,’ نعم
قرب منها وضمها :تذكرين يوم تقولين لي اتمنى .. ابوي يحضني .. ويكون لي اخو

بستغراب’,,’ بس هل موضوع صار له مده اشذكرك فيه

عبدالرحمن بهمس : جاوبيني للحين ودك تكونين بحضن ابوك .. ويكون لك أخو

العنود الي بدت تدمع عينها : أنت اتعرف اانه يبي يذبحني .. بالله عليك شلون بيحضني وببتسامه ساخره على حظها وأي اخو تتكلم عنه .. أناا من عشت علىى هدنيا وأنا وحيده

عبدالرحمن مارد عليها ومسك يدها وهو متوجه للمجلس

دقايق ونفتح الباب ولتقت عين العنود ببوهااا

وقف أبو العنود .. وعبد لله

العنود مجرد ماطالعت ابوها تمسكت في ثوب عبد الرحمن ويدها ترجف : ليش أمدخله البيت اهو يبي يذبحني .. قوله يطلع مابيه مابيه وصارت دافنه راسها بظهره وتبكي


لف لها عبدالرحمن وضمها : ابوك ياي وطالب السماح .. وأنتي قلبك أكبير .. وراح تسامحينه صح

انتظر منها جواب لكنها كانت دافنه راسها بصدره وتبكي وترتجف

ودقايق وسمعوا صوته ودموعه تنزل

: بنتي .. بنتي العنود تعالي بحضن ابوج

العنود مجرد ماسمعت صوته تمسكت في ثوب عبدالرحمن
عبدالرحمن بحنيه وهو يبوس راسها : حبيبتي .. كل انسان يخطي في حياته ... وأحنى بشر و مافي أي انسان معصوم من الخطئ

ارفعت له راسها ولدموع مبلله خدها .. مسح ادموعها بلطف وأشر لها على ابوها الي ادموعه تنزل بصمت : يالله حبيبتي

العنود وهي تمسك يد عبدالرحمن : ماراح يذبحني صح

عبدالرحمن : أنا معاك ياقلبي .. ولا ما توثقي فيني !!

تركت يده وصارت تطالع ابوها يبكي .. قربت وقربت لين وصلت له ومسحت أدموع أبوها بيدها الناعمة وبعدها رمت نفسها بحضنه وصارت تبكي بقوه وهو يبكي معاها بصمت

كان الموقف مؤثر على الكل .. وخصوصا العنود الي انحرمت من حنان الأم والأب .. الين تزوجت عبدالرحمن الي عوضها عن كل حرمان والألم .. وكان لها الام بقلبه الحنون وكان لها الاب بوقفته معاها وكان لها الاخ لين صارت تشكي أهمومها وهو يساعدها .. وكان لها نعم الزوج بخلاصه وحبه



بعدت عن حضن ابوها وتفاجئت بشخص الطويل الي قدماها وتخبت خلف ابوها

أبو العنود وهو يبتسم لها : تعالي حبيبتي ماكو شخص غريب
العنود وهي مخبيه راسها وتأشر لبوها :وهذا

عبدالله ماتكلم وكان الموقف امأثر فيه قرب منها وبدون سابق انذار ضمها : انا اخوج

اخوـــــــــــــــج

اخوـــــــــــــــــــــــــج


كلمه تردد صداها لمسامع العنود وبتمتمه : اخوووي ؟

صارت تحس نفسها بحلم .. الحلم الي تمنته وكانت اضن انه صعب المنال .. صارتت اتجوفه واقع ابعينها ..

بكت وبكت .. على صدر اخوها .. الين قرب عبدالرحمن وسحبها من حضنه : أغا ــــــــــــــر

دقايق والمجلس كله اصدر ضحكه .. يمكن تكون بدايه اشراق لعالم جميل أبعيد عن لهموم والمشاكل

عبدالله وهو يطالع اخته : ماتوقعتج حلوه جذي أكيد طالعه علي ..وكيد الحفيد المنتظر يشابه خاله

العنود أخجلت من أخوها وكانت على شفاتها أبتسامه فرحت قلب عبدالرحمن

لكن يبقى السؤال .. الي بخاطر العنود .. اشلون بعد كل هلسنين يكون عندها اخو ..






!.!.!.!.!.!.!.!.!.!.!.!.!.!.!.!.


رجع من الشغل وهو تعبان على الآخر .. راح لأمه وتطمن عليها وبعدها توجه لجناحه..

: جوج .. جوج حبي

ماسمع رد منها وسكت وهو يسمع صوت صادر .. من المطبخ الي بالجناح !! دخل بهدوء وصار يطالعها و هي حاطه (الآي بود ) .. وتقطع الفواكه وتاكلها بشكل جذب محمد وطير النوم من عينه.. وصايره تهز خصرها على نغمات لغنيه الي تسمعها ..

ماقدر يصبر اكثر وهو يجوف منضرها .. قرب بخفه وحوط خصرها وقربها لصدره ..

عند (جوج) كنت اسمع لغنيه وداخله جو .. وموحاسه بالي حولي .. وتفاجئت بيد تحوط خصري

محمد وهو يهمس بذنها : ناويه تذبحيني انتي .. أرفقي بحالي !!

جواهر ابتسمت وبهمس مثل همسه وهي تحط راسها على صدره : بسم الله .. عليك .. انشاء الله يومي قبل يومك !!

محمد بتساؤل وهو حاب يعرف جوابها : تخافين علي !!

جواهر ماردت عليه .. وفكت نفسها من حضنه وتخصرت وصارت أتطالعه وبعد مده من الصمت وعيونهم متعلقه ببعض : أنت روحي الي عايشه أنا فيها وماقدر اعيش يوم بدونك

رفعت راسها وطالعت محمد الي ماتكلم بحرف وبتسامته تعبر عن الي بداخله .. قربت منه ومسكت يده وشبكت أصابعهم ببعض .. وأخذته لي الغرفه

جلسته على السرير .. وجلست بحضنه وصارت تفتح أزره بدلته وبعدها راحت عند الدولاب وطلعت له ملابس قربت منه بتعطيه

وحست بدوخة قويه براسها وما صارت أتطالع شي جدامها وطاحت !!!!!!

محمد .. كنت اطالعها وهي تدلعني .. وهتمامها زايد فيني ..يخليني ماقدر على بعادها .. دقيقه وحده .. حسيت فيها تحط يدها على راسها وقفت بروح لها وتفاجئت وأنا أجوفها موقادره تسند نفسها
مسكتها بآخر لحظه وبخوف : حبيبتي .. جواهر .. جواهر .. صرت اضربها على خدها بخفه وانا احاول اصحيها

فتحت اعيونها بتعب .. وحطت يدها على راسها من قوه الالم الي تحس فيه : آآآآه

محمد بخوف : بسم الله عليج حبيبتي .. حملها بخفه وجلسها بحضنه وصار يمسح على راسها وهي ضمته ودفنت راسها بصدره

محمد بخوف : حبيبتي .. قومي بوديك المستشفى ..!

جواهر بتعب : مافيني شي .. بس ابي ارتاح .. وباصير أحسن

محمد وهو مومتطمن : ابي اتطمن عليج حبيبتي !!

جواهر وهي تبتسم له عشان تبعد الخوف عنه : والله مافيني شي .. بس دوخه خفيه وراحت

محمد وهو مومرتاح وفي باله إذا ساءت حالتها .. بيوديها بدون لاياخذ رأيها
دقايق وحس بنتظام أنفاسها بحضنه .. وباين أنها نامت .. ابتسم بحب وباس جبينها وصار يمسح على شعرها





.........................................



عند شخص مجهول في السجن ..........!!!!؟

جالس بزاويه في السجن .. والحقد .. مالي قلبه !!!! خسر زوجته وولاده .. صار يطالع المسجونين معاه .. وكل شخص قصته اكبر من الثانيه .. الي يروج مخدرات .. ولي قاتل له عيله ..ولي خسر حلاله في صفقه وماقدر يدفع الدين

نزل راسه للأرض ..وطالع السرير اشلون رديء والغطاء خفيف ومايدفي
ودوره المياه (الله يكرمكم) لو فكر يدخل ينتظر 10 ليما يخلصون عشان يدخل

ملابسه صار له فتره مبدلها ..ريحته معفنة .. وشكله متغير على الآخر ..الأكل مايشبع طير .. و المشاكل بين السجناء اكثيره ..

ماقدر يستحمل الوضع اكثر وصار يهز باب السجن وبصراخ : طلعوني .. طلعوني

اغلب السجناء اصدرو ضحكات قويه .. لأنهم عاشو معاناته .. وخصوصا انه ماصار له اكثير من دخل السجن ومومتكيف على الوضع

جلس على الأرض بأسى وحقد ملئ قلبه : ماراح اخليج تتهنين .. انا محبوس بسببك ..اكيد الحين فرحانه معاه وانا اتعذب بسببها .. وقف مره ثانيه وهو ناوي على الخطه الي راح تطلعه من السجن

قرب من الشخص الي ينام معه بنفس السرير (الي يتكون من طابقين) :عندك شفره حلاقه ؟؟

.............: تلاقيها تحت الوساده .. بس هااا تحمل لايجوفونك .. لأنه ممنوع تدخيل الشفره

ابتسم بخبث واخذ شفره الحلاقه وهو متوجه لدوره المياه (اكرمكم الله) فتح شفره الحلاقه وبلع ريجه اكثر من مره وبعد تردد وضع الشفره على يده

ودقايق ولا الدم يملي الحمام (وهو فقد وعيه وطاح على الارض)

مرت ساعتين ولا حد داري عنه ..لحد مادخل احد السجناء وصار ينادي ويستغيث بشرطه الي ادخلو وهم يوجهون السلاح ويهددونهم ويطلبون منهم انهم مايتحركون


وثنين منهم ادخلو وحملوه وعلى طول للمستشفى


في المستشفى

:أهو بخير .. سوينا له خياطه بسيطه بيده ..

الضابط وهو يوجه كلامه للعسكري الي راح يحرسه: انتبه له ..ترى له جرايم سابقه ..!!



.




.!.!.!.!.!.!.!.!.!..!.!.!.!.!.!.!.!.!...!..!

صارت تمسح على شعره الكثيف وهي خايفه من داخلها من انهياره .. خالد بنسبه لها مصدر قوتها وثقتها وصمودها .. وماتحب تجوفه في هل منظر

غطته بهدوء .. وتوجهت وسوت أكله خفيفة لهم مع سلطه دجاج وعصير برتغال طبيعي .. جهزت الأكل وهي راضيه عن إلي سوته

ومن داخلها ناويه تبعد كل لهموم عنهم .. لازم اهي وخالد يبتدون حياه يديه ويتخطون كل المشاكل إلي مروا فيها

خلاص كفاية .. أحزان .. ملت من لدموع .. ولجروح .. ودها تجوف ابتسامة خالد .. أو غروره إلي جذبها له .. كبريائه ألي كان يهينها فيه

خالد تغير اكثير .. تنهدت بضيق وأمل مكبوت بداخلها


بالغرفه


صارت تهز كتفه بخفه وبصوت شبه هامس عشان ماتزعجه : خـــالد .. خالد

فتح اعيونه ورجع سكرها من قوه الضوء الي تسلل لعينه .. وبعدها عدل جلسته وصار يتأمل ملامحها الناعمه ورموشها لطويله .. وكل الي مر بباله عطفها وحنانها عليه

لو بنت ثانيه مكانها .. ماضيعت شبابها .. مع شاب يعتبر معاق .. ودورت على الراحه والسعاده .. مع غيره ..

خالد بصوت هادي وهو يطالعها : آمري

شيخه وهي تحرك أصابع يدها بتوتر : امم جـــ ــ ــهزت الأكــــ ــ ـ ـ ل .. وأبيك تاكل قبل ما يبرد

ورفعت راسلها وهي حابه تعرف جوابه .. لكن خالد نفس ماهو ملامحه مادل على أي رده فعل !!

خالد بهدوء غريب : طيـــــب

شيخه ابتسمت بداخلها .. هذي بدايه الصلح بيني وبينك .. وراح أخليك تعشق لتراب إلي امشي عليه .. نفس ما خليتني هايمه فيك

خالد استغرب وهو يجوفها أتطالعه..وباين عليها سرحانة .. وتفكيرها باعدها عنه ..

: شيخه .. شيخه

صحيت من سرحاني على صوته ونصدمت من طلبه وتلون ويهي من لحراج

خالد وهو منزل راسه : اذا يضايقج الشي مو لازم

بلعت ريجي اكثر من مره وبداخلي .. مو أنا أبي قربه هذي فرصتي عشان أصلح إلي بينه وبيني ونبعد الحواجز

ويجرئه ما عرفت مصدرها : و ليش يضايقني .. أنت زوجي

ترددت الكلمه ببالي ..( أنت زوجي) (أنت زوجي) ودقايق ولا اجوفها .. يايبه الكرسي المتحرك .. ومجهزه ملابسي


( وســــــــــــــــــاعدته ياخذ شاور)


ما أنكر إحراجي .. لكني مطره .. ومهما كان اهو زوجي .. أي زوجي .. وذا ما طلب مني يطلب من من ؟؟

صرت أعطره .. وبعدها نشفت شعره الي طولان أكثير

خالد أبتساؤل : يبي له تقصير ؟ صح

شيخه ببتسامه حلوه ماخفت على خالد وبندفاع : لا لا .. مايحتاج تقصير حلو عليك

دقايق واستوعبت إلي قلته .. وحسيت يدي أنشلت عن الحركة والحمد الله .. انه صوت التلفون أنقذني


بعدت منه على طول وأخذت تلفوني وبدون لاشوف الرقم من ارتباكي

:ألووو

..........: هلا وغلا بدلوعة أبوها .. الي نسته .. ولا صارت تسأل عنه

شيخه ابتسمت ابتسامه عريضه : بابا .. وربي اشتقت لك أكثير .. أخبارك وأخبار ماما

وصارت أتكلم أبوها وهي فرحانة .. وناسيه وجود خالد إلي ابتسم عليها .. من تزوجها وهو ماجاف هل ابتسامه .. ولام نفسه .. لأنه اهو سبب اختفائها


شيخه : امم .. أي وبعد سلم على ماما .. لا لا حرام انا أحبه والله أحبه .. ادري أنها تعاني من الحساسية .. بس بابا أنت تدري انه غالي عندي أكثير .. جد .. فديتك والله ..

ابو شيخه : شخبار خالد

شيخه : الحمد الله بخير .. أو وجهت نظرها لخالد إلي كان يطالعها بنظرات ما فهمتها

قربت منه : بابا على الخط

خالد بداخله صار عمرها 22 وهي للحين تقول بابا ونتبه واخذ التلفون إلى أن أنها مكالمته

وجافها بتطلع من الغرفه ..

خالد وللحين الكلام الي قالته بباله والغيرة شابه نار : شيخه

لفت له : آمر

خالد بأمر : تعالي

قربت منه وانا مستغربه .. توني بقربه وهو ماطلب مني شي : آمر

استغربت وانه أجوفه يسحبني لحظنه ومعلق عينه بعيني
: من هذا ؟؟

شيخه بستغراب وتحس نفسها مو فاهمه شي : شنو ؟؟

خالد وهو يضغط على كتفهاا : من ذا الي تحبينه ... وغالي عندك

صارت ترمش وهي تحاول تستوعب الكلام الي يقوله ... وتذكرت مكالمة أبوها وببرائه : قطوتي

كان شاد أعصابه وينتظر جوابها وارتخت.. يده عن الضغط وهو يسمع جوابها .. معقولة إلي غار منها تطلع ... (قطه ) والله انك طحت ومحد سمى عليك .. اذا بدايتها كذا الله يستر

عند شيخه كان الموضوع عادي وكانت بتوقف لكن تفا جئت من البوسه الدافيه إلي انطبعت على خدها

على طول أرفعت راسها وطالعت نظراته المتلهفة إلي بتآكلها...
ضربات قلبها صارت تزداد وخدودها توردتت من حركته الي ماتوقعتها


بلعت ريقها بتوتر وبعدت عنه : الأكل بيبرد

خالد ابتسم على تصريفها .. لأول مره حس انه مو قادر يسيطر على مشاعره اتجاهه .. صار يرجع شعره للخلف مشاعره المتضاربة الي خبائها بدت تتفجر (آآآآآآآه ..معذور يا قلب .. ما أقدر اخبي مشاعري أكثر من جذي وكل هل ملاك بين أديني )




آحاول آخفي إحساسي.ِِ

ولكن بالعشق مفضوح.ِِ

تشوف الفرح في عيني.ِِ

وحبك بالعقل والروووح.ِ


آحبك حب ما آقدر ..ِِ

اعاند فيه احساسي.ِ

لقيت الحب شي اكبر.ِِ

من اخذ انفاسي.ِِ

_-_

حياتي آمرها بيدك.ِِ

وحبك سيدي وسيدك.ِ

وعمري مابتدى قبلك.ِ

وعيدي في الهوى عيدك.ِ

حبيبي عمري لك والروح.ِِ

وقلبي في العشق هايم.ِ


فداك الروح وروح الروووح.ِِ

ياربي تبقى لي دآآآيم.ِِ

_-_

معاك الدنيا شي ثاني.ِ


معاك الدنيا ذي آحلى.ِ


ومهما كانت الدنيا .ِِ

معاك احلى اكيد احلى.ِ


تخيل دنيا من غيرك ..ِِ

او لحظات من غيرك.ِِ

انا ماشوف بالدنيا.ِِ

وبقلبي حد غيرك.ِِ



.........................................

في بيت منصور


في صاله الجلوس

حاطه رجل على رجل وتتصفح المجلة وسلطان جالس بعيد عنها خايف منها عقب آخر موقف



قرب منها : انا آتف ( آسف)
مريم بتغلي على ولد اخوها ومسويه نفسها مو مهتمة أوقفت وجافته ماسكا من بيجامتها

سلطان وعيونه تلمع بلدموع : عميمه انا احبج .. ليث ماتلعبين معاي

مريم ماردت عليه ولو انه طفل .. لكن هل مذكره كانت غاليه عليها كثير .. و ما تحملت أكثر وهي تجوف أدموع ولد أخوها

وحملته وضمته بحنان : انا بعد احبك .. ومو بس احبك انا اموت فيك

سلطان بطفوله قرب منها وباسها بقوه
وهي أخذته لغرفتها وتصلت لنور وصارت اتسولف معاها وبعدها استأذنت منها لأنه ودها تطلع مع سلطان ..وبعد ماترجع بتكلمها .. وراحت تاخذ شاور


عند بطلي الي من يوم
ماعرف إنها أخت جسار وهو متضايق .. معناه هل شي انه ضلمها .. وضايقها

كان متردد يتصل فيها .. لكنه مشتاق لها .. ولصوتها بدون تردد صار يتصل عليها وكله أمل انها ماتخذله وترد


عند بطلتي كان الملل اهو الي مسيطر عليها .. نسرين الي كانت تملي معاها فراغها وتشكي لها أهمومها واعتبرتها أختها .. طلقها اخوها

صايره هل ايام دايم بالغرفه .. ولا تطلع ..

تنهدت بضيق .. تحس أبمشاعر غريبه .. ومو عارفه تفسرها هل هي شوق او لهفه أو حنين


تذكرت وجوده بغرفتها .. إلي ما خطر ببالها ..وقصب عليها ابتسمت ..وهي تذكر الخادمة يوم تدخل الغرفة .. ومنصور تخبئ بغرفة التبديل .. أهم شي يسوي إلي في باله..وما يهمه احد


شوي ولا قطع أفكارها صوت تلفونها .. الي اصدر صدى بالغرفة بنغمته الرومنسيه
صارت أتمد يدها لمكان الصوت وهي تحاول تمسكه

نور وهي في بالها انها مريم وبضيق : الله جابك لي .. كنك حاسه فيني إني متملله ..

منصور ابتسم وهو يسمع صوتها وتذمرهاا من الملل وبهدوء وبصوت رومنسي :



مو قادر احب انسان ثاني صرت ماشوف لان حبك عماني
غرامك بقلبي واحاول اخبي احبك ياغالي وانا ماهو ذنبي
حبك بلوى فيه الله بلاني
احس معاي خطوة بخطوة تمشي مو بس قلبي ماخذ انت كلشي
بكيت بغيابك ياعمري ياروحي تعبت ببعادك وزادت جروحي
لان كل لحظة في فرقاك اعاني
\


[COLOR="rgb(105, 105, 105)"]
انصدمت وما قدرت تنطق بحرف وهي تسمع صوته .. صوته كان جنان .. ودوخه .. معقوله اهي صار لها مده تتكلم وتتذمر لمنصور وهو ساكتت ويسمها اخجلت حيل .. ومافي غير صوت أنفاسه الي تسمعها

منصور بهدوء : آشتآق لك كثر مآ تشتآق الغيوم لمطرهآ آشتآق لك كثر اشتيآق الحمآمه لعشهآ اشتآق لك كثر اشتيآق الليله لنهآرهآ اشتآق لك اشتيآق الغنوة للحنهآ اشتقتي لي ؟؟

نور: .......

منصور وهو يتناسى سؤاله : فكرتي بكلامي .. بكره راح اطلب يدج من جسار

نور دقات قلبها صارت تضرب بقوه وبسؤال غبي : لـــــيش

منصور بجرائه : عشان اجوفج بحضني وصبح ومسي عليج .. و (قال لهاا كلا جريئ لخبط موازينها)

اتحبون تعرفون شنو قاال لها




^
^
^
^
^
^
^
^
^^
^
^
^
^
^
^
^
^
^
^
^

^
^
^


( سوري مافي لأني انا نفسي ماعرف شنو قالهاا)

دقايق وماسمع غير : طوط طوط

رفع التلفون وعرف إنها انحرجت .. شي سوي فيها تعب من كثر مايععترف لها بحبه وهي مو راده عليه بحرف




يا خفوقي لا تناظر للفضا لا ترتجيه
دامه اقفى يا خفوقي انت وش ترجي وراه
ادري انك يا خفوقي تعشقه وتموت فيه
وانا والله كنت مثلك أعشقه واعشق ثراه
والله اني ما نسيته حتى انا ودي أجيه
لكن انت البور تدري ما ربح به من شراه
إنت تذكر يوم يقفي كيف كنا نحتريه
وكيف كان الشوق عنده أصدقه كذب افتراه
وين رايح يا خفوقي وين رايح هيه هيه
وين رايح إنت صادق ما انت لا زق في غراه
ادري انك عاشق ٍ له وادري انك مشتهيه
لكن الله في سماه ان رحت تبطي في حراه
.
.
.
.
.
.
.
.
.
.
راح له قلب ٍ عصاني مايبي صدري يبيه
يدفعه شوق ٍ سرابه يتبعه خوف اعتراه
أيه كيف اليوم قلبي ما يبيني إيه إيه
حتى انا ما صرت أبيه ولا أبي عيني تراه
عاد دامه جاك طايع الله الله عذبيه
وعلميه ان الخطايا ما تماري في زراه
بلغيه اني نويته بالعذاب وفهميه
اني ابطي ما ذكرته كود لا غيري طراه
كلها أعضائي تشرٌه يوم راح وتزدريه
شوفي أصغر شي فيني خنصري كيف ازدراه
افرحي وارضي غرورك بنتصارك واذبحيه
اذبحي قلب ٍ عصاني واكتسي ليل ٍ سراه


.................................................. ..........



نروح لمريم إلي اطلعت من البيت مع سلطان بدون لا أتخبر اخوانها


في السياره

مريم وهي تكلم سلطان : وين تبي نروح ؟؟

سلطان وهو بحضن عمته : الألعاب

مريم : من أعيوني..أو وجهت (كلامهالسايق)كومار ودني الستي سنتر


كومار هز راسه




........................................



عند ناصر إلي كان بالشركة


.............: تفضل

السكرتير : طال عمرك ..في اتصال مهم .. يقولون يبونك ضروري

ناصر بدون لا يرفع رأسه وهو مشغول بالملفات : حوله على مكتبي

السكرتير: حاضر طال عمرك

....ناصر: الووووو

.....................: السلام عليكم

ناصر: عليكم السلام

...............: معاي الأخو ناصر محمد الــــــــــــــ(ـــــــــــــــ)

ناصر: أي نعم .. آمر اخوي

....................: ممكن تتفضل عندنا في مستشفى الـــــــــــــ(ـــــــــ)

ناصر بخوف:الأهل فيهم شي ؟؟

..............: ما في إنشاء الله إلا كل خير..

ناصر على طول ترك الملفات إلي في يده وتوجه للمستشفى


في المستشفى

على طول راح عند (قسم الاستقبال)

ناصر بتوتر : اخوي من شوي اتصلتو علي

الموظف : أنت ناصر محمد الــــــــــ

ناصر : أي

الموظف : في شخص اسمه محمد الــــــ صحى من الغيبوبة وهو ينادي بأسمك


صدمه قويه لناصر (أبوه صحى من الغيبوبه .. )

ناصر بسلوب جاف .. بعكس توتره الي كان من شوي : في أي غرفه

الموظف وهو مستغرب من تغير نبره صوته : غرفه 7 طابق 10

مشى ناصر بدون حتى ما يشكره .. ويحس كل جروحه بدت تنفتح بسبب أبوه وقسوته


رجع بذاكرته قبل 6 أسنين


طرررررررااااااخ : كانت صفعه قويه من ابو ناصر لولده

ابو ناصر بعصبيه وهو يصرخ : أنا متبري منك ليوم الدين ... تقولي رايح ادرس وتخليني اصرف عليك .. وبالأخير متزوج من أجنبيه ولا بعد حامل منهاا

وكمل كلامه بصراخ من يوم ورايح أنسى انه لك أبو .. وانأ ما تشرف بمعرفتك

كانت زوجه ناصر تبكي بصمت وحاطه يدها على بطنها وهي بشهر التاسع
.. وما تحملت منضر زوجها وهو ينظرب


قربت من أبو ناصر ومسكت يده (ترجمه)

ارجوك سيدي اصفح عن ناصر .. ليس لهو ذنب .. انه يحبك كثيرا .. ارجوك سيدي

ابو ناصر من عصبيته دفعها بقوه وهي طاحت على بطنها

: آآآآآآآآآآآآآآآه

قرب منها ناصر وهو خايف عليها وصرخ على ابوه : والله لويصير فيها شي ماسامحك .. ماسامحك


وأخذها ناصر للمستشفى .. وتعسرت ولادتها وتوفت


مسح أدموعه .. كل ما يذكر.. حنان زوجته .. وأحلامهم الي بنوها على هل مولود كلها صارت شتات بسبب أبوه



زوجه ناصر وهي حاطه راسها على صدره : تتمنى تكون بنت او ولد

ناصر ببتسامه وهو يحوط خصرها : كلشي منك حلو .. يــــالله نامي مابيك تتعبين كثير

قربت منه وباست خده : أنت لازم أتنام .. وراك جامعه

ناصر ببتسامه خبث : شكلج ناويه على عمرك بعد هل بوسه

افهمت عليه وعلى طول بعدت عنه
ناصر وقف لها وصار يتبعها وثبتها بالجدار : على وين ياحلوه

زوجه ناصر وهي تعدل قميص نومها الي ارتفع .. وتحاول أتسكر ازرته: حبيبي والله تعبانه

قرب ويهه من ويها الين تلا زقت اخشومهم : بسم الله عليك من التعب .. وحملها بيدينه وبهمس : بطير التعب أبطريقتي


صحى من ذكرياته وهو يجوف نفسه بقرب غرفه أبوه
فتح الباب بعد تردد ودخل ورفع راسه لبوه

او الي نقدر أنقول عنه بقايا (شتات ) أبوه كان نحفان أكثير .. وويهه مصفر .. وجسمه في رضوض واضحه والتعب باين عليه

ماتكلم بحرف للحين منضر زوجته وهي تصرخ يمر بباله ضغط على يده لايرتكب جريمه فيه


تفاجئ بشخص الي يحرك يده وبصوت تعبان : نـــ ـ ـا صــ ـ ر

فتح اعيونه بتعب وصار يكح بقوه : كــ نـ ـت عــ ـارف انـ ـ ـك

قاطعه ناصر وبقسوه : اشتبي مني اخلص

ابو ناصر ودموعه تنزل : سـ ـ ـا محنــ ــي يـ ــ ـا ولـ ـ دي .. سـ ـ ـا محنــ ــي

ناصر بسخريه : وغيـــــــــره عندك شي تقوله ولا اطلع

ابو ناصر وهو يكح بقوه : كح كح كح وصيتي ياناصر .. وصيتي اخوانك امانه برقبتك ...؟.. و....؟.... امانه برقبتك
وببتسامه اخيره .. ســــــ ـ ـ ـا محني ياولدي

ونزلت أدموعه نهر وبعدها ما تحرك ولا رمش بعينه ولأجهزه أصدرت صوتها وهي تعلن عن رحيله


ناصر وهو يحس نفسه بحلم أبوه من ثواني يكلمه ويطلب منه السماح وهو يصده

قرب من ابوه وصار يهزه : يبه .. يبه .. انت تمزح معاي صح .. انت من اشوي تكلمني ومافيك شي .. يبه رد علي ادري انك نايم .. والله مسامحك .. والله مسامحك بس رد علي .. يبه ماودك تجوف ولدي ماودك تجوف سلطان .. يبه رد علي رد وبصرخـــــــــــــــــه هزت المستشفى



يابوي ليه تبكي كل ما شافتك وعينـك لـي ؛،؛
تخاف أموت يابوي ... وقبل الموت تبكيني

تكفى يابوي لا تبكي وأنا موجود معك وحـي؛،؛
أجل بعد الرحيل أشلون في قبري توطينـي

يابوي لو تموت الناس ماتسوىدموعـك ذي ؛،؛
وأنا يابوي ميت قبل أموت وأنـت محيينـي

قسم بالله يابوي لجل عينك شربـت الغـي ؛،؛
جرعت الهم والحرمان وبحر الويل يسقينـي

تحملت السنين اللي طوتني في عذابي طـي ؛،؛
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي ؛،؛
ولكـن بطلبـك يابـوي تكفـى لا تخلينـي

يابوي مابي غيرك يغسـل جثتـي بالمـي ؛،؛
وتكفى قبل لا أتكفن .. يابوي فكلـي عينـي

بأمر الله يمكن ألمحك وأرحل في عيني ضي ؛،؛
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي ؛،؛
وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي ؛،؛
ووجهنـي لبيـت الله .. وقبلـه المصلينـي

وحط الطين وأدفني وعزاللي يعـزي فـي ؛،؛
ثلاث أيام يابـوي .. يواسـوك المعزينـي

ورابع يوم يابوي تذكر .. ضحكتي وعني ؛،؛
تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي ؛،؛
تجي يمي تصب الما..على وجهي وتصحيني

تذكر جرة الموال وصوت في حبالـه كـي ؛،؛
تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقي هـي ؛،؛
تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـي؛،؛
ولكـن أسالـك بالله يابـوي لا تبكيـنـي



.....................................


في بيت عبدالرحمن



عبدالله ببتسمه وهو يودع أخته : تحملي بحبيب خالوو طيب .. وهتمي بنفسك .. او طالعه بتهديد: يا ويلك لو تزعل أختي !!!

عبد الرحمن ابتسم : زوجتي بعيوني .. بس لاتنسى توصيها علي

عبدالله بنذاله : أي ماطلب تشي .. أختي حبيبتي ماوصيج روحي الغرفه ولي جفتيه بينام قفلي الباب

عبدالرحمن فتح أعيونه على الآخر : نعم ؟؟ في بيتي وتآمر علي ومسك العنود من خصرها وقربها لصدره : هذي الملاك مستحيل تأذيني

العنود انحرجت منهم .. وخصوصا عبدالرحمن إلي محوط خصرها ومو تاركها ومن أخوها وبوها الي يجوفونها ويبتسمون

عبدالرحمن حس على نفسه وفكها .. لكنه شبك يده بيدها

ودعوهم ووعدوهم بزياره ثانيه بأقرب وكت
..............................................



عند أبو نسرين



نسرين وهي تطالع ابوها : يبه شنو الموضوع الي تبي تكلمني فيه

ابو نسرين وهو مرتبك ومو عارف تأثير الكلام الي بيقوله :
يا بنتي أنا ............................؟






توقعاتكم

.................................................. .................





.. البارت الجاي راح يكون خاص لنسرين وجسار .. وباقي 4 بارتات لنهايه الروايه

أتمنى انه البارت عجبكم ^_^

باقي 4 بارتات لنهايه الروايه

لاتحرموني من تفااعلكم
[/COLOR]




رد مع اقتباس
 

مواقع النشر (المفضلة)
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع




Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
new notificatio by 9adq_ala7sas
HêĽм √ 3.1 BY: ! ωαнαм ! © 2010

Ads Organizer 3.0.3 by Analytics - Distance Education
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف

vEhdaa 1.1 by NLP ©2009