قلبي اللي

قلبي اللي لواه مْن الصواديف لاوي
جرّحته الليالي و الحظوظ الرديّه



و الله أنّي بوسط الناس كنّي خلاوي
من يلوم المفارق عقب فرقا خويّه



أشهد ان المفارق من عظيم البلاوي
مير هذا نصيبك يالعيون الشقيّه



أتجلّد و أقول أنّي على البعد قاوي
و الله أعلم بقلبٍ فيه الأشواق حيّه



كيف راحت يابو تركي حياتي شقاوي
وين درب السعاده و الحياة الهنيّه



ليت لأهل الهوى و الحب قاضي دعاوي
كان أداعي عيون اللي فراقه خطيّه



كنّي المبلي اللي قطّعته المكاوي
كلّما جظّ بالونّات زادوه كيّه

الموضوع الأصلي: قلبي اللي || الكاتب: فارس الشهباء || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر