يالله دخيلك

يالله دخيلك





ستّل جناحه ثمّ حام يرقى على متن الهوى
يزفّه بعيد ٍ و أنا محدود في حدّ النظر



له بالهوى شف و مرام يلعب مع الغيمة سوا
و لا جناح ٍ لي و أطير و الأرض صارت لي مقر



فكري تغشّاه العسام أمسيت و فكري ما ضوى
الأرض كفر ٍ من الونس و الليل من فرحي قفر



طيري ضرب جوّ الهيام ولو دعيته ما ألتوى
عزّي لمن طيره غدا ولا له من أمره مفر



شبّيت ضوّي في الظلام في صحصحٍ ذيبه عوى
مالي أنيس إلا النجوم أو نور وضّاح القمر



خالي وكنّي في زحام قلبي تلهب و أنشوى
ما عاد أميّز بالحشا ولا على ضوّ الجمر



وين أنت يا داعي سلام وين أنت يا بايع دوا
ردّوا لي النومه ترى فالعين جلاّد السهر



دوّرت في الشدّه حزام ولا لقيت اللي قوى
يالله دخيلك ما لقيت اللي نشد به الظهر

الموضوع الأصلي: يالله دخيلك || الكاتب: فارس الشهباء || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر