منوره غلاي // نورج عيني
يلا بسم الله ..
1_ برآيك هل لآزم نتألم علشآن نتعلم ؟؟؟
والله برايي ايه لانه البعض مايتعلم الا اذا حس بالالم والوجع عشان يقدر يتعلم ومايكرر خطأه ويتعلمه منه
2_ عقلك او قلبك اللي يسيطر على قراراتك ؟
للاسف قلبي
3_ متى تحسين انك قويه ؟ ومتى تحسين انك في قمةة ضعفك ؟
اول شيء بضعفي لما تحسين شخص قريب لقلبك يبكي ولا مضايق ولا الدنيا مسويه فيه العجايب ويتألم وانتي مو قادره تسوي له شيء هنا صح احس اني فعلاً ضعيفه مكسوره مايمديني اسوي له شيء ، اما قويه لما اكون بموقف صعب والحق يكون معي اوقف بوجه الكل ولا همني احد لاني عارفه نفسي زينن وعارفه معي حق فهنا كل قوتي تكون معي وداعمتني
4_ مين الشخص اللي يجبرك انك تبتسمين حتى لو في عينك دمعة؟
شخص تقدري تقولي قريب لقلبي حيييل هذا اللي اقدر اقوله واعذريني
5_ هل يتأثر اسلوبك ويتغير بسبب اللي حولك ؟
لا اسلوبي ماله دخل في اللي حولي لكن معاملتي مع رفيجاتي بعض احيان تتغير لما ينرفزوني ويكونون ع خطأ
6_ هل انتي من النوع اللي يحكم على الاشخاص من اول موقف يصير بينكم ؟
يعني من الممكن
7_ وش اللي يوجعك اكثر : طعنة
قريب او طعنة حبيب او طعنة صديق .. وليش ؟
طعنع صديق ممكن لانه قد مريت بذا الشعور
8_ قولي لي اهم صفه تحبين انها تكون بأي رجل !.. وبالمقابل وش الصفه اللي تكرهينها فيه ومستحيل تتقبلينها فيه ؟
والله الصفه اللي احبها تكون فيه الوفاء والصدق شيء جميل لما يتفاهمون الطرفين بذا الشيء واللي اكرهه كذبهم وخيانتهم !
9_ وش قمةة المتعه عندك ؟
جربتي تكونين مسافره اسابيع وشهور وممكن سنوات عن اهلك ولما ترجعين لهم بعد مده متلهفه لهم شفتي نظره امك وابوك ولما تبوسيهم ع راسهم انا هنا في قمه متعتي وسعادتي
آخر سؤال : ماهي الطريقة التي تعبرى فيها عن غضبك؟
الصراخ بس اصارخ واصير نفسيه عليهم ����
ومع الشكر ولي عوده / حياج اختي بأي وقت
|
س1/هل هزمك حزنك في يوما من الايام؟
ايه
س2/من يسكن قلبك؟
اهلي ورفيجاتي واذا قصدك شيء ثاني مابه غيرهم 🌚
س3/من هو اكثر شخص تفكري فيه؟
شخص استودعه الله في كل مكان وزمان
س4/مــاهــو الشــئ الذي ندمــتِ علــي عمـلــــه؟!
اعطيت واعطيت لناس احسها ماتستحق ولا ادنى تعب مني لكن الله يجازيني خير ويعوضني
س5/مـوقـــف صــدمــك ولــن تنســــاه؟
اعذريني عن الجواب لكن اللي اقدر اقوله ترفقوا بكبار السن مهما كانوا لو عمال نظافه احسنوا معاملتكم معهم ترى بشر هم والله يحسون والموقف اللي صارلي يدور حول ذا الشيء
وشكـــرا لــج..
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
ضيفة كرسي الاعتراف (سكون)
.gif)
العرض المتطور