يا نفس هدي

#1 10-09-2020, 09:38 AM

يانفس هدي لاتزيدين الاوجاع& كافي من الدنيا نشوف العجايب
ماني على من صد ضايق ومرتاع& لاهو من الغالين والا من القرايب
لاصار مابيني ولا بينه نزاع& ولاجيته بزله ولاعلم خايب
حق الرفيق اني نهيته ولا طاع& والراي مابه فرض والا غصايب
يومه غدا بينت له كل الاوضاع& ماقلت اخلي سايب الوضع سايب
ناديت له لكن تجاهلني وضاع& صد وعلى عمياه ساق الركايب
اقفا على رايه ولافيه مرجاع& مثل السحاب اللي قفت الهبايب
للعلم بين الناس مدخل ومطلاع& واللي يجود حامض العلم صايب
ومن ينطح المويه ولاعنده شراع& ان عاش يرجع من هك الموج هايب
والعاقل اللي لا خطا يرجع بساع& يسترجع ولاياخذ الراي عايب
واللي يصير لرغبة النفس مطواع& لابد مايلقى العنا والمصايب
(والناس مختلفه لها اشكال واطباع& بعض المعارف عرفهم لك نشايب)
(بالناس من يلبس على وجه قناع& & حسود لكن في ثياب الحبايب)
هذاك ماني في مخاواه طماع& من قبل اجيه وخاطري منه طايب
والرجال اللي لهم بالوفا باع& وقفاتهم تبري الجروح العطايب
واللي لفاك بحزة الضيق فزاع& مادار وجهه عن سموم ولهايب
ماصد يوم انك من الوقت ملتاع&ماغاب يوم ان اكثر الناس غايب
هذاك تشتري خوته كيف تنباعهذاك من شانه تهون الصعايب
قلته وانا مالي ورى هرجي اطماع& على افراقه لاتصير السبايب
اسمع مادام الصوت ياصل للاسماع& ان تبت والا ياعسى منت تايب
مادامها صارت حزازات واتباع& مالي ومال مدورين الطلايب
واعرف تراها لو شكت ثقلك القاع & مصيرها تركز عليك النصايب

حبك جرحني ,وحدتي عذبتني ,لـولـو و 1 آخرون معجبون بهذا
كلي دلع

الموضوع الأصلي: يا نفس هدي || الكاتب: محروم || المصدر: منتديات سهام الروح

سهام الروح

كلمات البحث
العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر

مشاهدة أوسمتي · 10-09-2020, 09:39 AM

طَرِحْ ممُيَّز جِدَاً وَرآِئعْ
تِسَلّمْ الأيَادِيْ
ولآحُرمِناْ مِنْ جَزيلِ عَطّائك
دُمتْ ودامَ نبضُ متصفحك متوهّجاً بِروَعَةْ مَا تِطَرحْ
لروحَكَـ جِنآئِن وَرديهّـ..,
وَأمنيآت بِـ أيآم أَجّملّ