ديوان الشاعر شالح بن هدلان

وله هذه القصيدة يرثي فيها اخاه (الفديع):

أمس الضحى عديت روس الطويلات
وهيضت في راس الحجى ما طرالي

وتسابقن دموع عيني غزيرات
وصفقت بالكف اليمن الشمالي

وجريت من خافي المعاليق ونات
والقلب من بين الصناديق جالي

واخوي ياللي يم قاره خفا فات
من عاد من عقبه بيستر خمالي

ليته كفاني سو بقعا ولا مات
وأنا كفيته سو قبر هيالي

وليته مع الحيين راعي الجمالات
وأنا فداً له من غبون الليالي

واخوي ياللي يوم الأخوان فلات
من خلقته ما قال ذلك وذالي

تبكيه هجن تالي الليل عجلات
ترقب وعدها يوم غاب الهلالي

وتبكي على شوفه بني عفيفات
من عقب فقده حرّمن الدلالي