ي مقفيٍ عني وقلبي يناديه
تعال عطني منك مره عشاني
صرح الغلا وشلون تهدم مبانيه
ابطيت اعمر فيه وابني مباني
درب المواصل ضاع عمري اراعيه
افنيت عمري فيه والعمر فاني
بالله قلي خافقي ليش تدميه
معقول تقسى وانت نبع الحناني
معقول تنسى من خفوقك يداريه
معقول تنكر عشرتي في ثواني!!
تعال واقنع من غرامك لعب فيه
عطني عذر واحد يبرر هواني
الحال بعدك زايد الهجر باريه
*جسمي نحل والهم عقبك طواني*
و الدمع عيني لا اقبل الليل تبكيه
والشوق في ليلي عليك حداري
والنوم وعزاه وان جيت باغيه
طريت لي و النوم طار وعصاني
بالمختصر والعلم كله ومافيه
اني قسم بالله بعدك اعاني
ابكي زمانٍ فات ماني براجيه
كنا سوا في كل وقت ومكاني
واليوم رحت وكل شي ابرثيه
برثيك دام الله عطاني لساني
صحيح منك الهم والغم و التيه
*لكن احبك موت و الموت جاني
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
لكن احبك موت و الموت جاني
العرض الشجري