الله يوفقـك لـكـن لا تصارحـنـي ..

الله يوفقـك لـكـن لا تصارحـنـي

تعـال وينـك فقـدت النـاس بغيابـك
تعـال خذنـي مـن الضيقـة وفرحنـي

تعبت أجمع عليـك الشـوق وأغتابـك
وتعبت من كل ذكـرى فيـك تجرحنـي

إن مت ضامي وصل ، كلّه من أسبابـك
وإن عشت بكره يجي ذكـرك ويذبحنـي

من غيري إن ضقت وإن ضاقت بك ثيابك
من وين ماترمي النظرات ، تلمحنـي

وشلون أقوم الصباح إن طارت أسرابـك
إن كان ماتتصـل بـي ، وتصبحنـي

تذكر قبل كل ماجيـت أحـرق أعصابـك
إتخاف من طـاري البعـد وتسامحنـي

والحين حتـى قصيـدي فيـك ماجابـك
شيّلت لحنـي عتابـي وإنكسـر لحنـي

ذبلت ورود الأمل مـن جفـوة إترابـك
أقطـع جذعهـا وموتهـا وريحنـي

وإن كان شفت الحلـول تطـوّل غيابـك
الله يوفقـك لـكـن لا تصارحـنـي

عزّم وشـد الركـاب وعلّـم اركابـك
إنـك قبـل لا تفارقنـي بتذبحنـي

ام ناصر ,حلا ,سهام الروح معجبون بهذا

الموضوع الأصلي: الله يوفقـك لـكـن لا تصارحـنـي .. || الكاتب: سمو الروح || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر