01-23-2018, 02:19 PM
ياموتري
الـقــلــب مـمـاصــابــه الـــيـــوم مـــنـــلاف
والـعـيــن يــاعــزي لــمــا صــــاب عـيــنــي
ياموتـري ليـش انـت تخطـي بـالاهـداف
كـثــر الـخـطـاء مــنــك وتــرديــت فـيـنــي
خـسـرتــنــي يــامــوتــري عـــشــــرة الاف
مـــاهـــو كــــــذا يــامــوتــري تـبـتـلـيـنــي
ويـن العهـد والحلـف ياشيـن الاوصـاف
اخـلــفــت عـهــد"صــار بــيــنــك وبــيــنــي
كنت احسبك لاحتجت تسعفني اسعاف
اثـــــرك مـغــيــر تـــــزود الــديـــن ديــنـــي
عـــز الله انــــك بــعــد فـعـلـتـك تـنـعــاف
والله لاتــــــــــــــرك واحــد"مــايــبــيـــنـــي
بـبـعـد عـــن دروب الـشـقــاء والـتـكــلاف
والــســوق شــــف شـرايـتــه تـحـتـريـنـي
بـبـدلـك جـيـب"مـن الـفـكـس هـفـهــاف
عــســى يـــــداوي لـــــي فـؤاد"حـزيـنــي
جـيـب"مـن المـصـنـع ورد لــــه تـخـطــاف
يخطـف قـلـوب اهــل النـظـر كــل زيـنـي
لاعطـى الجلـد قـام يتغطـرف تغطـراف
تــقـــول ورقـــــى" رفـــــت الريـشـتـيـنـي
ولـه فـي طريـق الـقـار عــزم وتليـطـاف
يـنـســاب مـاتـسـمـع ضـجـيــج وحـنـيـنــي
هـوالــذي يـثـبـت عــلــى كــــل مــحــراف
لا طــالـــت الـطــرقــه يـفــيــد ويـبـيـنــي
وهو الذي لارحت في الصيف مصطاف
شـــب الـشـبـوب بمـهـجـه الحـاسـديـنـي
والله لاجيبه واعسـف الصعبـه اعسـاف
ولاهـمـنـي ســعــره لــــو انــــه ثـمـيـنـي
الامــتــى نــرقـــب مـواعــيــد الاطــيـــاف
ونـقـول كلـمـة لـيـت فـــي كـــل حـيـنـي
وبقضي حياتـي فـي البـراري والاريـاف
الــعــمـــر مـــــــره مــايــجـــي مــرتــيــنــي
هـــــذا كـــــلام مـجــرب"عــاف مــاشـــاف
ذاق الاســى مـــن مـاضـيـات السنـيـنـي
لـيـن انجـبـر فـكـره عـلـى بـدعـة الـقــاف
الــقــاف لامــــن ضــقــت بــيــح كـنـيـنــي
ارقـى بهاجوسـي عـلـى راس مـشـراف
واجــــر مـــــن مـسـحـوبـهـا والـهـجـيـنـي
افـــــــرج هـمـوم"ثـقــيــلات واخــــفــــاف
لاقـبــل ســـواد الـلـيـل قـامــت تـجـيـنـي
تارد على قلبـي علـى اشكـال واصنـاف
ورد العـطـاش الـلـي حدتـهـا السنيـنـي
اسـتــر خـمـالـي لالـحــق حـالــي خــــلاف
واصبـر علـى المقـسـوم وارفــع يديـنـي
ارجـــــي كـريــم"مــن تــرجـــاه مـــاخـــاف
انـــــه يـفـرجـهــا عـــلـــى المـسـتـحـيـنـي
كلمات البحث
العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر