مونسٍ وسط عظم الساق شاظي

مونس(ن) وسط عظم الساق شاظي=في عيوني من العبره مضيضه

لي يمينٍ عليه شهود ماضي=مانسيته ونسيانه غميضه

كيف ابا أنسا يمين عند قاضي=ينصف الحق ما واحد يغيضه

إن حكم لي بغير إرضاي راضي=ما خسر واحد(ن) ربي حفيضه

أتصبر وقلبي فيه لاضي=كيةٍ نيـه والاخرى نجيضه

لازمي لزمٍ واجب وحاضي=والدقيقة من الساعة فريضه

ضايقٍ بي فضا سبع الاراضي=من سبايبك ياغضه غضيضه

اشملوا به ولي عنده مقاضي=راح ماشاف وش علة مريضه

المحبه يابو سودٍ غواظي=ناب مغروس مايبري عضيضه

تنقض الحال وتقضه قضاضي=كان شفتك فـ أنا روحي حضيضه

آه يا من معك ملحوظ ياضي=لا دقاقه ولا انتي بالغليظـه

والجسد فيه من ريح الفياضي=عله الوسم واسترجع نقيضه

ان قـفيـته قصر عني وجاضي=وان نطحته معه بيضه وبيضه

الموضوع الأصلي: مونسٍ وسط عظم الساق شاظي || الكاتب: محروم || المصدر: منتديات سهام الروح

سهام الروح

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر