01-23-2019, 08:58 PM
|
#2
|
 
رد: رواية بيتنا الطين
اعرفكم على نفسي .. انانوره او.. مثل ما اهلي ينادوني النوري .... ياربي وش اقول عن نفسي امممممممم... بعلمكم مثلا انا بنت أحب امشي بالشارع حافية ما البس انعول وانتو بكرامه الا وقت العيد عشان كل شي جديد طبعا يوم كنت بزر يعني مو الحين j واحب بعد العب بالرمل كان قدام بيتنا حوووش كبيييييييير وبجنبه كوم رمل هذا مكاني المفضل من يروح ابوي العصر للدوام وانا راميه كتبي وجايه فوق كوم هالرمل وتعالوا عاد شوفوا بزران حارتنا اذا التموا منهم الأصدقاء ومنهم الأعداء كل خططنا على كوم هـ الرمل ويما شهد هـ الكوم زعلنا وفرحنا عشنا فيه اجمل لحظاتنا...... اكيد سمعتوا الصوت المزعج هذا وحبيتوا تعرفون من الي صوتها واصل لأخر الحاره تبون تعرفون هذي اللزقه اختي منور او مثل ما اناديها انا منير يعني اختي الي اصغر مني بسنه منيرة اقولكم سلمكم الله ليش سميتها لزقه هذي دايم ناشبة بحلقي اذا رحت لبنات جيرانا او بنات قرايبنا الا تنط بحلقي وتبي تروح اقولها اختاري وين تبين تروحين اذا قالت بروح لجيرانا عيال مزنه قلت خلاص بروح لبنات عمتي صيته يعني انا وياها أطقاق مع العلم لا انا ولا اهي نقدر نستغني عن بعض بس مدري ليش اتوقع لانها اصغر مني ويمكن غرت منها يوم جابتها امي مع اني ما اتذكر بالضبط متى امي جابتها هههههههههههههههههههههه بيتنا الطين آآآآآآآآآآآه ومن بيتنا الطين وش بقول وش بخلي ذكريات حلوه وبنفس الوقت ذكريات تبكي تسئلوني ليش تبكي لأنها صارت ذكرى يعني مراح اقدر اعيشها مره ثانية راح الطهر الي فيها راحت البراءه مافيها خوف من المستقبل حياه حلوه هذا الي اقدر اقوله يعني يا نوره خلاص أنتي كبرتي صرتي كل خطوة تخطينها محسوبة عليك .. طبعا ما يحتاج نتأخر على المدرسة لأنا نام من المغرب بسبب الفرفرة في الشوارع j شفتوا كيف حنا حلوين لا دش ولا خرابيط بس القناه الأولى وتعالوا شوفوا بس الرسوم المتحركة وقت العصر يعني لا سبيس تون ولا ام بي سي ثري اربع وعشرين ساعه الي عيالنا متنحين عندها أول كان مسلسل النمر الوردي وش حليلة هو مخدته الي دايم يشيلها ويبي ينام ويجيب النوم لنا ولا توم وجيري أو على قولتنا الفار و القطو متى عرفنا توم وجيري يناس ياهوه اشتقت لزمنا الأول بدون تصنع بدون زيف زمن حلو مافيه لا برستيج ولا غيره ابي بيتنا الطين لالا ماعلي ابيه بتقولون وش ذا المرجوجه وش اسوي كل ما اتذكر ذكرياتي ابكي وتجيني هالحاله وكل اهل البيت يضحكون علي ويئسو مني لكن خلوكم مني وتعالوا اكلمكم عن بيتنا الطين شوفوا طبعا انا ما سكنت بيت طين لكن بعلمكم وش شكل بيتنا الطين هذا بيت جدي الأول بانيه بنفسه كل لبنه فيه وكل ذرة من طينه وترابه لمسها بيده الله يرحمه ولد فيه ابوي وتزوج فيه بعد لكن يقال عنهم تطورا شوي بنو في الأرض إلي جنبه بيت شعبي قديييييييييييييم تدرون كم غرفة بقولكم كم طبعا المجلس والمقلط هذا شي لابد منه في كل بيت رجل عربي قبل يكون سعودي يوووه مشكلتي الوصف ما اعرف اوصف زين لا تعصبون الله يهديكم ركزو معي وراح تفهمون فيه غرفه بالمزرعه أي مزرعه كنا ساكنين بمزرعه صح مو مزرعه كبيرة بس انا احب اذا تذكرت بيتنا اقول مزرعتنا كان فيها ست نخلات كبار وسدرة وشجرة عنب يآآآآآه وش ذكرياتي مع هالشجره خلوني شوي بعلمكم بوصف بيتنا وبعدين ذكروني اقولكم سالفة شجرة العنب المهم هذا الحوش او المزرعه الي فيها ست نخلات وسدرة وشجرة عنب وصندقة صغيرة فيها ارانب زين...j دايم انا ومنور طقاق انا كل الأرانب البيض حقتي عيونها زهر والله ما اكذب عليكم عيونها زهر سبحان الله ومنور تاخذ البنيه وهي تصيح تبي البيض لكن من عليه انا النوري اخذ حقي وحق جد جدي بعد المهم وفي الحوش غير الصندقه غرفة سواقنا ابراهيم هذا شايب سلمكم الله هندي وش حليلة مسلم ويحبنا وله سوالف كثيرة مع جدي راح تتعرفون عليها بقصتي وبعد مخزن هذا المخزن صغير يحطون فيه الرز والطحين وثلاجة التمر وجنب المخزن غرفة جدتي تحب تكون في الحوش وتحط بعد قدامها سرير كبير حقها تنام عليه هي وجدي في البراد ما يحبون هوا المكيف وجنب غرفة جدتي عاد المقلط والمجلس الحين هذا التفصيل الدقيقة للحوش نجي للتفصيل لبيتنا من داخل اول غرفة هي غرفة امي وابوي بابها من حديد تقولون ليش لأنا دايم من كثر ما نطق عل امي وترفض تفتح لنا خربنا باب الخشب وصار باب حديد يبون الفكه من شرنا والغرفة الي بعدها غرفة التلفزيون الي نجتمع فيها وبعدين تجي غرفتنا العيال مع البنات وتعالوا شوفوا الطقاق شلون طبعا مافيه شي اسمه سرير كان بس دواشق اذا تعرفونها اذا ما عرفتوها طقوا انتر ههههههههههههههههههههههههههه المهم كان فراشنا بالارض وكل يوم هواش .. فينا سر وهو الخوف ما نحب نجي يم الباب الكل ينحاش ما يبي يكون جنب الباب يعني اذا جا حرامي بيسرق الي جنب الباب .... المهم ويجي بعد غرفتنا المطبخ ياحلو مطبخنا زمان لا فرن ولا غيره طاوله كبيره وعليها القز من ثلاث عيون ورف واحد والمواعين تعالوا لا كثيره ولا شي يحطونها بقدر كبيره مستودع هههههههههه ياحلوها بس من ايام ونجي الله يعزكم ويكرمكم لدورة المياه مافيه الا وحده كلنا فيها والصاله هذي كبيرة ومفتوحة من فوق بس مضللينها بعريش وهذي ناكل فيها الوجبات الرئيسية والله والله لو يقولون يانوري لو نعطيك 15 مليون ولا نرجعك للايام ذيك وتعشينا للابد لحد ماتموتين لاقول رجعوني اعيشها بتدرون بعدين ليش انا كرهت عيشتنا الحين وليش ابي ارجع لذكرياتي الاوله لا تستعجلون وتنزلون لا اخر الصفحة شوي شوي بتعرفون وكل شي بوقته حلوا صراحه انا تعبت وانا احكي لكم عن ذكرياتنا اصبروا الحين برتاح وبرد لكم
|
|
|
|
|