رد: ديوان الشاعره الحوراء بنت نجد
الله الله وا شرقت شمسي شروق
وا بتدى في خافقي حب الوله
ياهواي اللي تغلغل فالعروق
ينبض بقلبي ودمي يحمله
اه ياحب يرفرف لي بروق
يا مشاعر كل يوم تذوب له
سكرتي في خمر حبه ماتفوق
كود اضمه فوق صدري وامهله
بالحبر والشعر انا صغت الوثوق
من خفوقي كل همسة حب له
دام باقي لي معه حب وشوق
كل جرح في طريقي باهمله
والأمل براق والحزن مخنوق
والهوى طفل وحنا ندلله
أنشدينا ياتباريح الطروق
الوفا ظل القلوب تظلله
|