منتديات سهام الروح - عرض مشاركة واحدة

مشاهدة أوسمتي · 11-19-2018, 07:30 AM

البــــــــــــارت الــــــــــسابـــــــع

؛؛؛؛؛؛؛؛؛؛؛؛؛؛؛؛؛؛؛؛

نجاحي اغلى احلامي
تحقق وهلت افراحي
رسمت بصبر ايامي
وصلت اليوم لنجاحي
نجاحي اغلى احلامي
تحقق وهلت افراحي
رسمت بصبر ايامي
وصلت اليوم لنجاحي
يا روعه النجاح مبروك
يا روعه النجاح مبروك
الف مبروك
الف مبروك
لنا كلنا
لنا كلنا
لكل اصحابنا واهلنا
ولكل من جاء يهنينا
نقدم له تحيتنا
نجاحي اغلى احلامي
تحقق وهلت افراحي
رسمت بصبر ايامي
وصلت اليوم لنجاحي
نجاحي اغلى احلامي
تحقق وهلت افراحي
رسمت بصبر ايامي
وصلت اليوم لنجاحي
يا روعه النجاح مبروك
يا روعه النجاح مبروك
وطنا اعياد يفتخر فينا
ويتغنى بتهانينا
وكل اهلي وطن روعه
سوى نحقق امانينا
نجاحي اغلى احلامي
تحقق وهلت افراحي
رسمت بصبر ايامي
وصلت اليوم لنجاحي
نجاحي اغلى احلامي
تحقق وهلت افراحي
رسمت بصبر ايامي
وصلت اليوم لنجاحي
يا روعه النجاح مبروك
يا روعه النجاح مبروك
اله الكون اكرمنا ووفقنا وعلمنا
نجاحي اغلى احلامي
تحقق وهلت افراحي
رسمت بصبر ايامي
وصلت اليوم لنجاحي

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

راويه تكلم بالتليفون \ماتتصورين يافوز انا وش كثر تضايقت لما شفته فرحان بالخبر..
تقولين كنه كان منتظر مني هالكلام من زمان..

فوز\ياراويه هو معذور لكن انتي لاتاخذي الموضوع بحساسيه ترى هو تفكيره في الاطفال مو بالحرمه..

راويه بحيره \ انا الحين محتاره بموضوع العروس مدري كيف اختارها له..
انا ابي اختار وحده تعاملني مثل اختها..و خايفه اتسرع واختار وحده تقلب علي حياتي..

فوز\شوفي ياراويه انتي لزوم تاخذي له وحده بمثل عمرك مو وحده اصغر منك..

راويه\وتهقين ألقى وحده بعمري ماتزوجت..

فوز\مو شرط تختارين بنت..

راويه\وتتوقعين يوافق..

فوز\يااااسلاااام مو هو يحبك ويبيك ومايبي الا العيال..

راويه\اي..

فوز\خلاص اجل وش يبي بوضع اللي بياخذها..

راويه\ايه والله يافوز معك حق..

فوز\اوكي حبيبتي الله يكتب لك اللي فيه الخير يلا مع السلامه..

راويه بمحبه\بحفظ الرحمن..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اليوم طلعت نتايج الاختبارات..

فارس بفرحه\يمه...يمااااااااااااااه..

ام فارس طلعت من المطبخ\انا هنا اشفيك..

فارس بفرح\باركيلي نجحت وجبت الخامس على العلمي..

ام فارس بفرحه\الف مبروووك وعقبال الجامعه ان شاء الله..

فارس يبوس يدها\امين الله يسمع منك...

دخلو رنيم وربى..
رنيم وربى\السلام عليكم..

فارس وامه\وعليكم السلام...

فارس بسخريه\ها كم جبتو نسبه...اكيد زي وجيهكم كالعاده..

ربى بعصبيه\اوووص ولا كلمه..حاسب نفسك لاتحاسبني...

رنيم بهدوء\يعني انا الحين افكر لي يومين ولا احد داري عن هواء داري..

فارس بسخريه\وش تفكرين فيه يافيلسوفة زمانها..

رنيم\مع انك تتمسخر لكني بجاوبك..

ربى\عن ليندا صحح...

رنيم بحيره\ايه مدري وينها مختفيه..

ام فارس\اتصلو على عمتها..

رنيم\اتصلت واتصلو كل البنات لكن عمتها ماترد علينا..
بس تدرين يمه تقول ساميه يمكن ان عمتها قتلتها..
وحتى هاجر نفس كلام ساميه وكمان روابي ايدتهم وقالت..
يمكن مسكوها الشرطه ولا احد داري عنها..
لان زوجها ابو ليندا مسافر لدوره ومابيرجع الا بعد شهر..

فارس بانزعاج\هي انتي وش فيك بالعه مسجل...

ام فارس\سم عليها لاتعطيها عين الحين...

فارس\قط بسبع ارواح مابيصيرلها شي...

ربى ساكته و تعطي فارس انواع الاحتقارات..
رنيم\مدري محتاره وينها فيه كل هالفتره صار لها شهرين من اخر مره شفناها فيه وكانت تعبانه..

ام فارس\يمكن نقلو وماحبت تخبركم وتضايقكم..

رنيم\لا ليندا ماتسويها على الاقل تطمنا..
اصلا لو عندها جوال كان تطمنا عليها بس اهلها ماعطوها..

فارس بسخريه\ارحمينا ياللي عندك موبايل الحين..

رنيم سفهته لان مالها خلق..تفكيرها كله بليندا ووش صار فيها..وبالاخير طلعت لغرفتها وحقتها ربى..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جات ساميه من المدرسه دخلت البيت
وبدت تصفق وتغني بصوت عالي \والحمدالله وخلصنا ...ايوة...

ظافر طلع من المطبخ معصب\خلاااااااااااااااااص

ساميه فزت\بسم الله من وين طلعت ياخبل..

ظافر وصل حده من العصبيه\وش الازعاج هذا..!!

ساميه\والله عاد كيفي فرحانه لاني خلصت من التعب اللي كانت فيه..
ولا نسيت نفسك قبل لما كنت تطق وتغني..

ظافر \ افهم من كلامك انك تقلديني..؟

ساميه بغرور وهي تأشر على نفسها\هه انا ساميه اقلدك انت..
مقامي مايسمحلي طبعا..

ظافر \اقول انقلعي لغرفتك ونامي احسن لك..

ساميه تصارخ عليه\انقلع انت..

على جيت عبدالرحمن من الجامعه\وش عندكم..!!

ساميه بقهر\الاخ ظافر مايبيني اغني يقول ازعاج وانا ابى افرح لاني خلصت ونجحت بعد..

عبدالرحمن\غني وماعليك منه...

ظافر عصب\ هيييي انت سكتها ابغى انام..

عبدالرحمن\روح نام مين ماسكك..؟؟

ساميه تصفق وتصفر\عاش اخوي...عاش اخوي..

عبدالرحمن يرقص \ ايوووة زيدي زيدي لبى اختي ساميه..ويصفق عشان يقهر ظافر..

ظافرانقهر منهم وطلع لغرفته...

جات ام عبدالرحمن\والله كنت عارفه الازعاج من وين مايجي الا منكم..

عبدالرحمن يفتن\ يمه كله من ساميه انا ماسويت شي..

ساميه بشهقه\ اناااا..!!!

عبدالرحمن\هو في غيرك هنا..

ساميه بقهر\ انا مدري ليه تكذب وتتبلاني..ومين اللي قبل شوي يرقص لايكون ظلك وانا مادري..

عبدالرحمن\ انتي وش فيك تصارخين علي وعلى ظافر..

ساميه بقهر منه حذفته بعلبة المويه اللي كانت قريب منها لكن ماصابته وانقهرت زود..

عبدالرحمن\ههههههههههههههههههههههههه امزح معاك ليه عصبتي...

ساميه بقهر\ياكرهك...

ام عبدالرحمن\خلاص اسكتوو...

ساميه\ انا ساكته لكن بعض الناس هم اللي يصارخون...

عبدالرحمن\وش قصدك..

ساميه وهي رافعه حاجبه\ ايه اقصدك انت..

راحت ركض لغرفتها لما شافته يلحقها دخلت الغرفه وقفلتها

عبدالرحمن يمثل العصبيه \ساميه افتحي..

ساميه\ لا موفاتحه عشان تحذفني بالعلبه...لا سلامتك والله ماافتح ..

عبدالرحمن يتوعد فيها\طيب طيب حسابك معي بعدين..

ساميه\انقلع بس...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

غاده بفرحه دقت على بيت جدان روابي وهاجر\الوووو روابي...

محمد\لا مو روابي..انا محمد...

غاده ارتبكت\احم السلام عليكم..

محمد\وعليكم السلام..

غاده\روابي او هاجر موجودين..

محمد\ايه مين اقولهم ؟؟

غاده\صديقتهم...

محمد\مين...وش اسمك..؟

غاده\قولهم غاده...

محمد وحب يستهبل عليها\تبغين روابي ولا هاجر...

غاده\اي وحده..

محمد\لالاحددي..
غاده بطولة بال \عطني روابي..

محمد عجبه صوت غاده ويبي يطول معها\وش تبغين فيها..

غاده ف نفسها وش دخلك وبصوت شبه عالي\ابغاها وبس..عطني اياها بسررعه...

محمد بسم الله علي وين النعومه الي قبل شوي\ طيب لحظه..

محمد\روووووواااااااااابي..

روابي وهي على الغداء\لبيه..

محمد وهو داخل عندهم بالمطبخ\روحي كلمي..

هاجر بلقافه\مييين..

محمد ناظر فيها وهو يجلس ع السُفره\احد كلمك انتي..
وناظر بروابي\وش فيك جالسه روحي كلمي البنت..

روابي وهي تقوم\طيب بس ياااوييلكم لو تخلصون الغداء علي..

سلطان\ماعليه روبتي ببقيلك..

روابي وهي طالعه من المطبخ\يطعني عنك..

راحت لعند التيليفون \الوووووو..

غاده بعصبيه\وواخخيرا مابغيتي تردين...

روابي بأسف\سوووري كنا نتغدى وش بغيتي..

غاده\اولا منهو اللي رد علي ؟؟

روابي\عمي محمد..

غاده بقهر\وووش يحس فيييه رفع ظغطي..

روابي\كان سكرتي بوجهه...

غاده\لا ماقدرت..

روابي\المهم وش بغيتي...

غاده\اي صح نساني عمك..

روابي بحماس\اي ووووش..؟

غاده\اولا عطيني البشااره...

روابي\اخلصصي حمستيني ترى..

غاده\فتحت النت وووو..

روابي\وووو وايش...

غاده بصرخه\مبروووووووك نجحتووو...

روابي مو مصدقه لانها حوست ف الاختبار\في ذمتككك نجحنااا لولولولولولولولولولولولوي...

هاجر جات وهي تعرج عشان رجلها \على ووش تزغرطين...

روابي\نججحتتت...

هاجر فكت السماعه/ووووووانااا...

غاده\كلكممم ...روابي نسبتها 90 وانتي 87

هاجر\طيب وانتي نجحتي والبنات الباقين..

غاده\ايه ايه نجحت جبت94 وساميه89ورنيم 85..

هاجر\الحمدلله...ثاااااانككيوووووووو غدوودتي ع البشاره...

غاده\ العفو يلا بااااي ...

هاجر\مع السلامه...

قامت هاجر تطق ع الطاوله من فرحتها لانها ماتوقعت هي الثانيه تنجح\ طني طني طني طني ورور طنني
يحكيلك ماعندي هيلااا هيييل هيلي يلالالا..

روابي تدور حول نفسها وترقص\هيلاااا هيييييل هيلي يلالالا...

عمهم محمد شافهم طربانين راح لهم وبدء يصفق ويقول\ون..تو..ثري..فور..فايف..سكس..سفن..ايت..ناين. .تن ..

هاجر\ولد ولد ولد ولد ولد ولد ولدددد ....

سلطان طالع من المطبخ وهو يشرب مويه\نعم نعم قالبين البيت جلسات وناسه..وش المناسبه..

محمد\علمي علمك..

هاجر راحت لسلطان وضمته\انااااا نججححتتت وجبتت 87..

سلطان بفرحه\مبرووووووووووك..

روابي جات وبقهر تدف هاجر\ووووخري وووخري عنه روحي لمحمد..هذا لي..

هاجر\ووووجعع ان شاء الله اللي يسمعك يقول زوووجك تراه عمك يالخبله..

روابي\ياربي وش هالغيره...

هاجر\وليه اغار...الحمدلله والشكر..

سلطان يسأل روابي\وانتي كم جبتي..

روابي بعدت عنها وهي تغطي وجهها بالمخده..ينقال استحت\جبت 90..

سلطان يقرب منها ويضمها\مبروووووك والله منتي بهينه..

هاجر\وش هديتي...

محمد\انتي اممري بس..

هاجر بسخريه\ايييه انت تتمصلح معاااي عشان اسامحك..

محمد\وانا اقدر على زعلك..

هاجر بثقه\لا طبعا...طيب راح اسامحك بس تجيبلي هديه فخخخخممممه...

محمد\مثل ايش..؟
هاجر بتفكير\اممممممممممم ابي بلاك بيري بورش..

محمد\اوووووووووووب حلم ابليس بالجنه...اطلبي شي رخيص..

هاجر\ طيب راح اراعي ظروفك جبلي بلاك بيري q10..

محمد\ابشري..

سلطان بأبتسامه\وحبيبة عمها وش تبي...

روابي بخجل\سلامتك مابي شي...

هاجر بإندفاع\اقول اطلبي بلا دلاخه...ترى ابوك مابيجيبلك شي..

سلطان\لامايصير هاجر تطلب وانتي لا..

روابي بخجل\خلاص اي شي على ذوقك..

هاجر\اقول جب لها بلاك بيري q5..

محمد بتساؤل\انتي مين كلمك..؟

هاجر بنفخ\كيفي انت جب لي اللي قولتلك وانت ساكت ولا يكثر..

محمد\امري لله..

سلطان\روابي تبينq5..

هاجر بلقافه\ايه ايه تبييييه..

سلطان بإنزعاج\يابنت اسكتي خليني اشوف وش تبغى..

روابي منزله عيونها بالارض\خلاص ايه..

هاجر\ووواخخيرا مابغيتي...
وبحماس \باقي بروح لامي وابوي اشوف وش يعطوني..
الله لايهينهم..اتعب طول السنه وفـ الاخير مايجيني شي..

محمد\الله يعينهم عليك..

هاجر\انقلع هناك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

انتهى البارت