منتديات سهام الروح - عرض مشاركة واحدة

مشاهدة أوسمتي · 11-26-2018, 07:25 AM

البارت الحادي عشر،،،

جتني الاخبار في وسط السبوع

وانتهى فكري مع اخباري وضاع

كل قلبي محترق بين الضلوع

والسبب نار الحزن والألتياع

ماتت امي وانطفت ذيك الشموع

وابتدا حزني بأيامي وشاع

ماهنى لي زاد ورقاد وهجوع

عايش في هم واكدار وصراع

المصايب جتني من كل نوع

بس موتك ياحياتي لي ضياع

كل ساعاتي بعد موتك سبوع

والثواني كنها موت ووداع

بعد موتك هلت عيوني دموع

كل دمعي بحور واحزاني شراع

صرت من دنياي يايمه قنوع

دنيتي بعدك حسايف والتياع

امي يابعد كل الجموع

ياقمر عمري ياشمس الطلوع

ياحنين القلب يانور وشعاع

جعل ربي يرزقك ذيك الربوع

في جنان الخلد جنات وساع

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ليندا تتنفس بخوف\توعدني ماتقوله..

........\اوعدك لكن على اي طياره جيتو...اليوم ماوصلنا طيارات من بريطانيا..

ليندا \بطيارته الخاصه..

...........\طيب اجلسي ارتاحي ماراح يلمس شعره منك وانتي عندي..
تطمني راح ترجعين لاهلك اذا اراد الله..

جلست براحه وهي تدعيله ...تحس بنغزات بقلبها ومو متطمنه ابد..

..........\قوليلي وش اسمه..

ليندا بربكه\اسمه صدام بن..

ماكملت كلامها إلا والباب ينفتح بقوه وبصرخه جمدتها مكانها\لــــــــــــيـنـــــــدآ

لفت وجهها لجهة الباب وصارت ترجف من اعلاها لاسفلها..

وهي تشوف نظراته الغاضبه والمتوعده منها وفيها..

ليندا بربكه\هـ ههـ ـذا ههذا ههو..

صدام بأمر\تعالي..

ليندا تهز راسها برعب بالنفي..

صدام بصرخة امر\اقولــك تعالي..

ليندا تهز راسها بالنفي وهر ترجف..

وتناظر باللي جالس على مكتبه ولا تحرك ولا قال كلمه ونظرات الصدمه على وجهه..

قرب منها صدام سحبها مع ايدها بقوه وقبل لايطلعون من المكتب..
....... بصوت عالي\صدام وقف

صدام ناظره\ماهو هالحين اقولك..

....... بغضب\اقولك وقف فهمني وش يصير..

صدام لف له بهدوء \انتظر شوي واجيك..

طلع وهو يشد على يدها بقوه ويهمس بأذنها\ولااا كلمة ولا حرف وحسابك لما نوصل..

فتح باب السياره ودخلها بقسوه\ما ابي اسمع حرف منك..ولاتفكرين بالهرب لانه في ابعد خيالك..

سكر الباب عليها..

شافته يوقف حارس عند السياره ويدخل المطار..

انسدحت على المرتبه وهي تبكي وترجف خوفاً من تهديده لها..

تحس بصداع من كثر مابكت ومن رجفتها..

غفت من دون وعي منها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

رنيم بربكه\بنات خالتي بتوصل بعد شوي..

ساميه\مين خالتك..!

رنيم\خالتي ايمان امي توها متصله عليه وتقول فارس راح يجيبها من المطار..

روابي\بعمرنا..؟

رنيم\لاعمرها 24..

روابي\جايه زياره..

رنيم\لاجايه عشان تشوف يقبلونها بالجامعه هنا..

ساميه\وتوها تفكر بالجامعه..

رنيم\مدري عنها بس تحملوها خلاص ترى لسانها اطول منها وتنرفز وتقهر..

ساميه\مو مضطره استحمل اي احد عشان خاطر اي احد..

رنيم تتنهد\ياليل الجلطه..

اندق الجرس وراحت رنيم تفتح..

ايمان بفرحه وهي تضم رنيم\رنيييييييييييييييييييييييييييم..

رنيم تبتسم لها\الحمدلله على السلامه

ايمان\الله يسلمك,,كيفك..

رنيم\الحمدلله بخير..

ايمان فاتحه فمها و تأشر عليه\شوفي ركبت هذا على اسناني عشان اطلع حلوه..
وانتي خير كذا ليش متنتي..

رنيم\اولا..ياخاله اسمه تقويم الي ركبتيه..

وثانيا..مامتنت انا كذا من يوم عرفت نفسي..

وثالثا..صديقاتي عندي تعالي شوفيهم..

دخلت عليهم بالصاله ناظرتهم بإبتسامه وهي تهمس بأذن رنيم\هذولا هم وش فيهم كذا مو انيقات ومو حلوين ابد..

رنيم تحط يدها على راسها\ادخلي ادخلي..

قربت منهم وكانت روابي اول وحده..

ايمان\اهليين وووواااااااااوو...

روابي تناظرها بأستغراب..!!

ايمان\ماشاء الله ماشاء الله حلوه..

روابي كانت بجد حلوه..

طولها مناسب لعمرها..عيونها كبار لونها بني..بشرتها قمحي فاتح..

شعرها لتحت كتفها بشوي اسود مخصل بشوية خصل اشقر..

جسمها وسط متناسق مع طولها..

سلمت ايمان على غاده واخر شي ساميه..

ساميه تمد لها يدها بدلع\هاااي..

ايمان مامسكت يدها\ووووااااااااااو..

قربت منها وضمتها بقوه..

ساميه انقهرت منها تمد يدها ولا تسلم..!!

ابعدتها عنها بقوه بعد ماخنقتها من قوة الضم

ساميه حلـوه..

طولها مناسب لعمرها..عيونها وسط لونها اسود..

جسمها متناسق مع طولها..شعرها لتحت كتفها لونه اسود على كستنائي غآمق..

بشرتها قمحي..

ايمان وهي تجلس\قالتلي رنيم عن اللي خطبك وفك الخطبه اللي مااعجبتيه..

ساميه بصدمه\مااعجبته..

رنيم بفشله\لالامو قصدها كذا قصدها اللي خطبك و مااعجبك..

ايمان تناظر رنيم بأستغراب\وش اللي مو قصدها لاتتكلمين على لساني..
الا قصدي انتي غبيه ليه تتزوجين بهالعمر غبيييييييه..

ساميه بقهر\مقامي مايسمحلي ارد عليك..

( ساميه بفترة الاجازه تقدملها واحد وشافوا بعض لكن ماصار نصيب )

ايمان تطنشها \لو تشوفون اللي ركب قدامي في الطياره يقول عطيني رقمك..

مين هو عشان اعطيه رقمي والله مااعطيه..

احتقرته وصرخت بالطياره وجمعت الرجال اللي جنبي لحتى علموه مايتعدى على اعراض الناس..

ايمان تناظر ساميه\ وش فيك ياساميه خليك معي انا اقول سالفتي لازم تناظريني..

ساميه تناظرها بسخريه..

ايمان تكمل\ولو تشوفون ياكثر ماشربت من العصيرات طعمها يجنن..

وعلى طاري العصيرات قومي ياساميه سويلي قهوه ابغى اشربها من ايدينك..

ساميه بقهر\رنيم صاحبة البيت مو انا..

ايمان بصوت عالي\رنيم قهوتها مو حلوه قومي انتي سوي قوومي..

ساميه بأحتقار\مقامي مايسمحلي اسويلك..
انا ببيتنا مااسوي باقي هنا..

غاده ولانها خافت تصرخ عليها ايمان\خلاص انا بقوم اسوي..

ايمان بصرخه خلت غاده تجلس وهي تنتفض\لاآ قومي انتي ياساميه قومي..

وانا اقول ليش كذا متينه..

واثاريه من جلوسك على الكنبه كل شوي لاشغل ولا مشغله..

ساميه برفعة حاجب \تدرين اساسا مااعرف اسوي قهوه..

ايمان بشهقه\ياويلي ويلاه وتقولينها بفخر..

انتي لو انك عندنا في العايله كيف راح تتزوجين..

ماحد يتزوج وحده ماتعرف تسوي قهوه..

والغبي ذا اللي خطبك كيف يتزوج وحده ماتعرف تسوي قهوه..

اذا جاك ضيوف وش تطلعيلهم يالفاشله..

ساميه بتهديد\عالم العلم انك لو ماسكتي لااقوم اوريك مين الفاشله..

رنيم تقوم وعرفت انها بتبداء هوشه\خلاآآآآآآآص انا بسوووي القهوه..

راحت المطبخ ولحقتها ايمان ورجعت بسرعه وهي تزحلق بالسيراميك بشورابها<الجورب..

رجعت رنيم معها صحن فطاير وشاهي البنات استغربو انها ماجابتلها قهوه..

رنيم توزع وبهمس\قامت عندي بالمطبخ ولما شافت الفطاير هجمت عليها..

غاده تضحك\شرهـه..

رنيم خلت صحن الفطاير على الطاوله..

قامت ايمان تاخذه وتحطه عندها..

صارت تاكل بشراهه وتشرب الشاهي بسرعه..

روابي وساميه وغاده تقرفو منها..

ورنيم تقرفت ومتفشله منها..

دق الجرس وقامت رنيم تفتح
هاجر بعد السلام \اشتقت لك..

رنيم\وانا اكثر..ادخلي...

دخلت وكل البنات قامو لها وايمان تناظرها وتبتسم..

هاجر\السلام عليكم..

وتناظر بإيمان\رنيم هذي خدامتكم الجديده

روابي فتحت فمها بقوه وهي تناظر بملامح ايمان اللي تحولت لعصبيه..

غاده حاطه ايدها على قلبها اللي يدق بقوه..

ساميه تناظرفي ايمان وتضحك عاجبها الوضع وتدعي لهاجر من كل قلبها..

ايمان..

[نحيفه وطويله..سمراء وشعرها قصير اسود..عيونها وسط لونها بني غامق..]

لكن هاجر شافت لبس ايمان مو انيق ومبهذل..ورنيم قالت لهاجر راح يجيهم خدامه..

فـ هاجر ظنت انها ايمـان..

تكلمت ايمان بعصبيه وهجوم\اييييييييييييييييييييش خدامه بعينك ان شاء الله..
انتي تطلعين مليون خدامه وبعد اثيوبيه ياللي ماتستحين..

رنيم بتوتر\هجووور هذي خالتي ايمان..

هاجر بقهر\وش في لسانها اطول منها ومتبري منها..

ايمان وقفت وبصرخه\ايييييييييش انا لساني متبري مني..

روابي تهدي الوضع\هاجر عييييب اص..

هاجر تبتسم بوجه ايمان\طيب خلصنا ماقصدي..

سحبتها لها ايمان وجلستها جنبها\خلاص ماصار شي اساسا قلبي طيب ويسامح بسرعه..

ناظرت رنيم\رنييييييم مافيه عشاء عندكم..!

رنيم\وش عشاه تونا الساعه 8:30..

ايمان بنبرة تهديد\قومي سوي اكل بسرعه..

رنيم قامت ولحقتها غاده وساميه..

في المطبخ
ساميه\وش فيها كذا ماتحترم احد..

غاده\اووووص خير تراها خالة رنيم..

ساميه\وش مفكرتني خدامتها وانا مدري اساسا لو مو عبدالرحمن متأخر ولا كان رحت من زمان..

رنيم\خلاص ساميه والله ادري انها زودتها..

ساميه بسخريه\هذي هي النايس..
النايس وين وهي وين..

جات روابي تركض داخله المطبخ\وش صار بالعشاء صدعت راسي..

في الصاله هاجر مندمجه مع المصارعه
قربت منها ايمان وهي تتأفف\ياهجور ياقلبي ياعمري حطي مسلسل زهقت من ذولا اللي حاطتهم..

هاجر بتنهيده\مو شايفتني اتفرج..

ايمان\وانا اتفرج معك..

فكت الريموت من يد هاجر\لكن مو عاجبتني كل هالبرامج..

استقرت على قناة اغاني\اي هذي الناس تتفرج عليها مو مصارعه..

هاجر قامت\ اسفيييييين..

راحت المطبخ وبنرفزه\انا مااتحملها ابدا ابدا كنت بصفقها كف يفك تقويمها..

ساميه بتشفي\تستاهل ياليتك سويتيها..

روابي\وش ذا الكلام عيب مايصير ماهي في بيتنا عشان نسوي كذا هي في بيت اختها..

جات ايمان من وراء هاجر وهي تغني حطت ايدها على بطن هاجر وايدها الثانيه وراء ظهرها..
ولزقت هاجر فيها ..

هاجر وخرت يدها بقوه وجلست على الكنبه..

ايمان\وش فيكم طولتو متى تحظرون الاكل لخالتكم..
ااااااااااااخ ياهاجر شايفه حظي نسيت اجيب بجايمي من سيارة فارس وانا متضايقه من لبسي..

هاجر\دقي وقوليله يجيبه..

ايمان بتفكير\ادق..

ناظرت ساميه\ساميه انا فتشت في كيسك اللي كان جنبك وشفت هالبجامه..

طلعتها\عطيني اياها اعجبتني وخصوصا انه جسمك مثل جسمي..

ساميه تأشر عليها بقرف\انآآآآ..خذي من ملابس اختك..

ايمان\اختي جسمها نحيف عطيني بجامتك ماتغلى عليه..

ساميه بقهر\خوووذيها..

جهز الاكل والكل ياكل بأدب..

الا ايمان تاكل بشكل مقرف..

تمسح فمها بالتي شيرت ويديها تملت كلها زيت من الرز..

ساميه تناظرها بقرف ومحترق قلبها على بجامتها قامت بقهر وطلعت من المطبخ\فعلآ هيييييلق..

بعد العشاء طلعوا لصاله كلهم شغلوا فيلم اجنبي والكل مندمج..

ايمان وهي تتثاوب\اقولكم من دون مقدمات اطلعو من هنا..

الكل بصوت واحد\ايييييييييييش..

ايمان\انا وحده ابغى انام ..
الله ياخذكم لهالحين سهرانين..

الكل\هآآآآآآآآآآآآآآآآآآآآآآآآآآآآه..

ايمان بصرخه\وش يعني ماسمعتوووو..

رنيم قامت\انا قايمه اغسل المواعين..

ايمان تتمدد على الكنبه وتدف روابي\يالله قومو بسرعه..

روابي\الحين تو مابدت السهره 9:30 باقي بدري..

ايمان\قومي قالت ايش قالت بدري انا متعوده انام الساعه سبعه..

والحين صار نص الليل عندي..

لازم اروح بكره الجامعه بدري يلا قومو روحو لبيوت اهاليكم الحين يدورولكم..

ساميه\ومين قال ماقولنالهم..!

ايمان بصرخه\انقلعووو من عندي...

قامو كلهم راحو لعند رنيم واتصلو على اهاليهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

صحت على صوته الهادئ يصحيها..

عدلت جلستها وهي تفرك عيونها..

شافت انهم قدام فندق وهو قد نزل وينزل الشنط..

نزلت وهي تحس بدوخه سندت نفسها على السياره...

توجه لها ومسكها بقوه من ايدها ودخلو الفندق..

اول مافتح الباب دخلت وجلست على الكنبه سندت راسها وهي تضغط عليه ومغمضه عيونها..

فصخ جاكيته وجلس..

ناظرها وبداخله\تعبانه الحين...لكن وين بتروح من حسابي لها..

ناظرت فيه وانتبهت لنظراته الساخره..

صدام بسخريه\تبين تهربين..

ماردت عليه لان دوختها لازالت موجوده..

صدام\جنيتي على نفسك بهالحركه الغبيه..

فتحت عيونها بتعب\ليه ماساعدني..!

صدام\وكنتي تبينه يساعدك ويمسكوني الشرطه..!

ليندا\لـو اقدر والله مااتردد لحظه..

صدام \احذرك لاتفكرين ولا حتى تحلمين انك تهربين لان وعهد الله ماخليك..

ليندا\ماراح اسويها الحين تطمن..

صدام بسخريه\لاتتوهمين بأشياء من المستحيل تصير..

ليندا وهي توقف\لاتكون واثق كثير..

دخلت غرفة النوم وانسدحت على السرير..

تحس بأرهاق كبير وخدر بكل جسمها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

صارلها يومين وهي عندهم ومو طايقينها ابد..
بعد المغرب..

رنيم وربى جالسات يتدربون لتقديمهم مشهد البسه وطفلها العنيد..

لانهم مشتركين بمركز للترفيه وعندهم ..حفله حيوانات..

رنيم بصوت تمثيلي\هيا اذهب الى النوم ياصغيري..

ربى بصوت صغير\لا لن اذهب ياأمي..

رنيم\اخلد الى النوم هيا ايها الصغير اسمع كلام امك..

ربى بصوت غاضب صغير\ميآآآآآآآآآآآو

ايمان تصفق وهي تضحك\ههههههههههههههههههههههههههههههههههههههههههههه هههههههههههههههههههههه
تضحكووووون انتي وياها تفطسووون ضحك كملووو كملوو..

ربى بعصبيه\بالله عليـــك..

ايمان\والله هالمركز حلو عطوني دور في مسرحيتكم..

ربى\تامرين امر بنعطيك دور بقره مايليق الا عليك..

راحو لغرفة امهم لان الوضع ماينطاق..

ام فارس\خلاص بس ذا اليوم بكره مسافره..

ربى ورنيم\لآ..

ام فارس\ليه كذا..

ربى\امي الله يخليك اطلعي من ذا الموضوع..

ام فارس بصرخه\كـــيف..
هدت صوتها عشان ماتسمعها اختها\كيف يعني اتبرى منها اطردها بالشارع..!

ربى\امي خالتي على عيني وراسي بس انا ماعاد اتحملها ترى كنت شوي واكفخها..

ام فارس\ترى هي تسوي كذا لانها تحبكم يعني تحملوها..

ربى عادي لما كسرت شاشة لابتوبك بكره ابوك يصلحها..

وانتي يارنيم عادي لما اخذت ساعتك اشتري احلى منها ترى هي طيبه..

سمعو صوتها من الصاله
ايمان بصوت عالي\انا بنام بغرفتكم ياربى انتي واختك انكسر ظهري من الكنبه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ف العصر..
رنيم وربى جالسين بغرفتهم..

ربى\ياانا ياهي بالبيت انا معد اتحملها ابد..

رنيم\كيف نطلعها نطردها يعني..

ربى\تدخل بكل صغيره وكبيره..

ذاك اليوم كنت اكلم ريم بجوال امي..

كان صوتي عالي على ريم ابغاها تفهم كيف تسجلني..

جات ايمان وفكت الجوال وصرخت بوجه ريم وسبتها وسكرت بوجهها بس انا..

سمعوا صوتها..

انفتح الباب\يارنيـــم ياربى انتو هنا...

رنيم بسخريه وهي تناظر فيها\لا هناك..انصدمت باللي لابسته ايمان..!

ايمان تقلد الاطفال\ربى تراني زعنانه<زعلانه..

منك كنت ابغاكي تفركين شعراتي<شعري..

من الصابون اخاف يدخل بعنوني<بعيوني..
ويعورني..

لكنكي ماجيتي وانتي رنيم قميصكي الحلو هذا اكيد جايبته لي..
سعره باقي عليه..

واخذت عطركي اللي باقي بغلافه تهبل ريحته مايغلى عليه صح..

يلا تعالو معي بالصاله انا وامكم هناك تعالو ونسوني..
باقي ساعه على رحلتي..

راحت وهي تغني..

رنيم بصرخة قهر\آآآآآآآآآآآآآآآآآآآآآآآآآآآآآآآآآآآآآآآآآآآه..

بعد ساعــه..

ايمان بحزن\امانه تعالونا قريب..

ام فارس\اكيد يإيمان بنجيكم..

ربى بسخريه\ارجعيلنا مره ثانيه..

رنيم\ايه تعالي لاتطولين علينا..

ايمان\بزوركم آآآآآآآآآآآه والله اني متحسفه على فراقكم ..

بس انا افكر اني اجي اعيش عندكم وابوكم يروح يستاجر له شقه..

القعده عندكم تجنن..

وان شاء الله ماضيقت عليكم وامانه انتبهوا لأمكم ولاتزعلونها منكم وساعدوها..

ام فارس بحب\ياروحي ياإيمان اذا وصلتي طمنيني وسلميلي على امي والاهل كلهم..

ايمان\حاضر...مع السلامــه

..طلعت..

ربى ورنيم صرخو بفرح\الحمــــــــــد لله..

ربى تسجد شكر\ياربي لك الحمد..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لهم اربعة ايام من لما وصلو..

وهو من العمل للفندق ومن الفندق للعمل لايطلعها ولا يحتك فيها..

وهي ارتاحت للوضع وماعجبها..

ارتاحت لانها ماتبيه يقرب منها وهي ماتجوز له ولاهي حلاله..

وماعجبها لانها وحيده ماتتكلم مع احد وهي ماهي متعوده على الوحده..

قلبت كل القنوات ومالقت شي عاجبها..

شافته منهمك بالملفات والاوراق ومشغل اللاب توب ومو حولها ابد..

لابس قميص البدله ومشمر عن يدينه..ولابس نظاراته الطبيه..

قالت بنفسها بتطلبه طلب ودعت الله انه يوافق على طلبها..

مع انها تحس بخيبة امل كبيره..

ليندا بأدب وهدوء\ممكن تعطيني جوالك..

مارد عليها او بالاصح ماسمعها ولاانتبه لها..

ليندا قوت صوتها شوي \صدام ممكن..

رفع نظراته الحاده لها\ممكن ايش..!

نزلت راسها بسرعة قررت ماتتكلم وتطلع من المكان..

لكن الحنيــــن كان أقوى من العقل..

ليندا بصوت خافت\ممكن اكلم..

صدام بنفي\لا..

ليندا\أ..أبغى أكلم ابوي..

هز رأسه بالنفي\لا..

ليندا بشهقة مخنوقة\بـ بــ ـس اشتقت لصوته..

صدام\لا..

ليندا بصوت باكي\مــا بــأطول والله شوي وأقفل..

صدام\لاتحاولين قلت لا..

ليندا\أول مرة أطلبك ما أطلبك مرة ثانية والله..

صدام بهدوء\أطلبي كل شيء الا ابوك لاتطرينه..

هديل بحسرة\وما أبى الا ابوي..

أبغى أكلم أبوي أبغى أسمع صوته وأتطمن عليه..

أبـــغى أبوي..

صدام\أنا أبوك وأنا كل شي لك..

ليندا ماردت عليه تحاول تكتم العبرة اللي تحرق روحها وقلبها..

رفعت عيونها تناظر فوق تمنع دموعها من النزول..

تمردت دمعه ومسحتها بسرعة..

رجع يكمل شغله..

ورجعت تناظر بالتلفزيون تنسى دموعها وقهرها..استقرت على طيور الجنه..

صدام\نزلي..بشتغل ماركزت..

ليندا بقهر\قوم الغرفه الثانيه..

صدام\انتي بتنزلين ولا كيف..

ليندا نزلت وهي معصبه منه ودموعها تهددها بالنزول..

صدام\بس هذا اللي قدرتي عليه..
وبصرخه\نزززلي..

ليندا دموعها تنزل بقهر\وش تبي اكثر من كذا..

صدام\تنزلين..

ليندا لفت له رمت الريموت عليه وراحت الغرفه..

صدام\لااله الا الله على حركات البزران اللي مو راضيه تخلص..

طفى التلفزيون وتذكر شخص غالي على قلبه من زمان مااتصل عليه..

اخذ جواله واتصل..

ليندا كانت في التواليت تغسل وجهها بقوه..

طلعت وسمعته يكلم...لفت انتباهها كلامه..

راحت له وجلست على الكنبه بعيـد عنه..

صدام\يايمه انا بعقلي واعرف وش اسوي..

ام صدام\والله مو هاين علي وانت بكري..

صدام\خلاص يايمه صار اللي صار..لكن من اللي خبركم..

ام صدام\زايد الله يخليه..

صدام\ياهالزايد انا خبرته لايعلم احد..

ام صدام\وليه ماتبغى يدري احد..؟

صدام\يايمه..

ام صدام تقاطعه\وش اخبارها كيفها عساها بخير..

صدام\ماعليها بخير..

ام صدام\ان شاء الله مرتاحه..

صدام\ماعليها..

ام صدام\الحمدلله...تدري احنا وين..

صدام\وينكم فيه..؟

ام صدام\ببيتك..

صدام بإستغراب\وين..!

ام صدام\في الريف..

صدام بفرح\حــلو..متى وصلتو..

ام صدام\على بالنا انك فيه لكن جومياء قالت انكم مسافرين..

ووصلنا قبل البارح

صدام\ايه سافرت اخلص بعض اشغالي..

الا ابوي وينه من زمان ماكلمته..

ام صدام\ابوك الحين يصلي ..

صدام\سلميلي عليه يالغاليه..

ام صدام\ان شاء الله..الله يحفظك ويرعاك فمان الله..

صدام\وداعة الله..

لف لليندا..وناظرها بنظرات غريبه..

صدام\تدرين وش هو اليوم..

ليندا ببراءه\الخميس..

صدام بسخريه\بالله توي ادري تصدقين..
قصدي وش بيصير اليوم..

ليندا\وش دراني عنك..

صدام\اليوم عيد ميلاد الام..

بهتت بمكانها مصدومه..

صدام\وش فيك قولت شي غلط..؟

ليندا بدت دموعها بالتمرد..

وتروح بذاكرتها ليوم حفلة الامهات قبل خمس سنين كان عمرها وقتها 11 سنه..

بالمدرسه مسوين حفل للامهات وكل طالبه تجيب لامها هديه..

ليندا بتوتر\رووووابي وش اسوي ماجبت لامي هديه..

روابي \امك بتزعل اذا ماجبتيلها..؟

ليندا\ايه بتزعل كل البنات يعطون امهاتهم الا انا حتى اللي بأولا جايبين هدايا..

غاده بحيره\طيب وش تعطينها..؟!!

ليندا\انتي وش جبتي لامك..

غاده\ورد..

ليندا\وانتي روابي..

روابي \امي مابتجي لانها تعبانه مره..

ليندا والدموع بعيونها\وش اجيب لامممممي..

هاجر تجي ركض وبصراخ هي ورنيم وساميه\جبنااااااااهااااااااااااااااااا

ليندا بفرحة الاطفال\وش جبتو..

هاجر وهي تتنفس بسرعه لانها كانت تركض تدورلهم\انتي..

ساميه بحماس\تغنييييييييين...

رنيم بصرخه\لامممممك..

ليندا\انا..!!!

هاجر\ايه تكونين مميزه..

ساميه\صوتك حلو..

ليندا\وش اغني مااحفظ شي..؟

رنيم بتفكير\امممممممممممممممممم

ساميه\لحظه افكر..

هاجر شهقت بفرحه\هئئئئئئئئئئئ جبتهاااا غني..انتي الامان حقت ريمي..

ليندا\مقدر مقدر استحي..

هاجر\وش تستحين منه..

ليندا بتخيل\كيف يعني الامهات وكل وحده جنب بنتها والمعلمات جالسين..
وهدوء وانا بس انشد..

كملت ببكى وهي تهز راسها\لالالا..

هاجر\ فكره حلوه والله..

غاده\ايه صح..

رنيم\سويها حلوه..

ساميه بتشجيع\مو حلوه كلنا نعطي امهاتنا هدايا الا انتي..

ليندا\اي عادي روابي مابتعطي امها شي..

روابي\انا ماما مابتجي بس انتي امك جات..

ليندا معقده حواجبها بزعل..

البنات كلهم بصوت واحد \يلآ انتي اول وحده..

ليندا تشجعت وطلعت على المسرح مسكت المايكرفون وبصوت قوي ممزوج بخجل\أ..أ...السلام عليييكم..

كل المتواجدين ردو عليها السلام\وعليكم السلام..

ليندا ببراءه\انا ماجبت هديه لأمي وصديقاتي قالولي انشد انشوده لها..

ناظرت بأمها بابتسامة فرح\ان شاء الله تعجبك..

..بدت تنشد..

أنتِ الأمان,,

أنتِ الحنان,,

من تحت قدميك لنا الجنان..

عندما تضحكين..

تضحك الحياة..

تزهر الآمال في طريقنا..

نحس بالأمان..

أمي
أمي
أمي

نبض قلبي..

نبع الحنان..

أنتِ الأمان,,

أنتِ الحنان,,

من تحت قدميك لنا الجنان..

من عطائك تخجلي..

أبداً لم تتململي..

يا شمعة دربي..

يا بلسم الزمآآآآآآآن..

أمي
أمي
أمي

نبض قلبي..

نبع الحنآآآن..

ليندا ببراءه\خلاص خلصت..

الكل صفقلها وسمى عليها لبراءتها وجمال صوتها..

امها قامت لها وضمتها ونزلت دموع فرحها ببنتها\الله لايحرمني منك ياأغلى مابحياتي..

ليندا ببراءه\اممي ليش تبكين ماعجبتك انشودتي..

ام ليندا\لاوالله عجبتني ياعمري الله يسعدك ولايحرمني منك..

صحت من ذكراها لـ صوته..
صدام يعطيها كاسة مويه\سمي بالله..

ليندا بضيق\ماابغى وخره عني..

صدام\لاخذي عشان تهدين..

اخذته شربت شوي وبعدته عنها وهي توقف..

صدام\وش بك..

ليندا رايحه لغرفة النوم\ولا شي..

صدام\ماتبين نطلع..

ليندا\لا..

صدام\بتنامين..؟

ليندا\ايه..

دخلت الغرفه وقفلت عليها..وذكرى امها تتردد ببالها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

انتهى البارت..