منور وهي تصيح : مابي مابي اروح للمدرسة مخليني في فصل بروحي
نوره وهي تاكل تفاحة :ابلتكم اسمها نوره حسن وابلتنا اسمها ساره
منور بدلاخة : أي ابلتكم حلوه وشعرها طويل وبصوت عالي وصياااااااح مااااااااااااااابي فصلي ابي اروح مع النوري
امي انزعجت من صياح منور وشالت الصينية وراحت للمطبخ
وقفت وانا اركض واغمز لمنور عشان تفهم وتجي معي لكوم الرمل كنت مشتهية نسوي مقلب للعيال ما فكرنا في عواقب الأمور اهم شي بس نضحك ونلعب كان وقت ظهر والشمس حارقة كان غايتنا الضحك والعب
نوره : وش رايك نلعب عليهم نحفر حفره كبيرة ونغطيها بقشاش ونقول لهم الي يبي بسكوت يجي وهم راح يجون ركض
منور : طيب اصبري لحد ما تجي سارونه بنت خالي محمد
نوره : يا خبله سارونه بحاره ثانيه ودرست و اليوم السبت مراح تجي اهلها مراح يخلونها تجينا الا يوم الاربعاء
نوره وهي تناظرها وتضحك : حرام عشان سعيدان مو عشان سارونه
احمر وجه منور : انقلعي اصلن انا احب سعد عشانه ما يخلي احد يضربني
نوره وهي تبتسم : يالله خلينا نادي فطوم بنت جيرانا الجنوبيه
منور وهي تشهق : خبله انتي ترى اخوها احمد بيذبحنا مو يقول تلعب معكم العصر بس وحنا الحين الظهر
نوره وهي تحك راسها :طيب بس انا وياك الي نحفر الرمل
منور وهي تنفخ يدها : نوره يوجع الرمل حار
نوره وهي تحفر ومتحمسه : ماعليه اصبري
جاهم صوت صراخ من بعيد التفتوا البنات شافو راشد قاعد يطالعهم ومستغرب وش يسوون
راشد وهو معصب "على صغر سنه كان وقتها بخامس ابتدائي الا انه مسبب رعب لخواته ما يحبهم يلعبون مع العيال " : وش تسووون
تعلثمت منور من الخوف : هاه نسوي مدري انوري نقولي احفري
نوره ولا همها راشد : وش انت تشوف قاعدين نحفر
نوره : كيفنا أي وقت نحفر فيه
هنا عصب راشد وشال عصى بالارض منور يوم شافت العصى ما شافو الا غبرتها يوم راحت