رد: عشق بلا قيود للكاتبة رشا الخياليه
في الاستراحه..
وضعوا مُلصق على الباب الرئيسي كُتب عليه "منعاً للإحراج ممنوع دخول المدخنين"..
الجميع متواجد.. في اجازة نهاية الاسبوع.. هنالك من يلعب "دوري بلايستيشن" وهنالك من يلعب "بلوت"..
وهناك من يجلس جانباً يحتسي قهوته في جلسه جانبيه
دخل حاكم في هذه اللحظات وبيده اكياس كبيره مشروبات غازيه وغيرها وبابتسامته العريضه/السلام عليكم
الجميع بأصوات متفاوته/وعليكم السلام..
وقف له تميم وهو يسلم عليه وكأنه يتفقده/حي الله هالوجه.. وين رحت يا رجل
اخرج حاكم مفتاح السياره وهو يعيده لتميم/ههه خايف علي والا على موترك الخرده هههه..
اخذ تميم مفتاح السياره وهو يدفعه بخفه/يا مصخك.. تعال تقهوى بس وعلمني وين رحت هذيك الليله..
سلمان وهو يعني تميم بحديثه/الله يعينك يا حاكم فالبيت زوجتك تحقق وفالاستراحه تميم ههههه
ضحك الجميع وتميم يلتفت الى سلمان/يعنك لو منت ضيفي الليله ثورت فيك مير احمد ربك
ضحك سلمان/اجل الف حمد وشكر لك يا رب اللي فكني منك.
التفت حاكم الى تميم وهو يبتسم بسعاده ظاهره على محياه/ صب صب لي فنجال خلني ارووق.. يا شباب ترى عشاكم الليله على حسابي.
سكب له فنجان ومده له وهو يلاحظ سعادته الظاهره/اكثر من كذا روقان وش تبي؟!!.. "همس له" انت وين رحت بالضبط؟
رد بنفس همسه/لها..
فتح عيناه من دهشته/مجنووووون رحت لها في ديرتها؟!!
اخذ رشفه من فنجانه وهو يرفع حاجبه الأيسر للاعلى بابتسامة انتصار، يجب ان يخبر تميم بما يفعله/و في وسط بيت اهلها بعد.
سكت تميم قليلاً وهو يفكر بما يفعله حاكم الذي يسافر ويغامر من اجل ان لا تنقطع صلته بزوجته التي مُنع منها، وهو هنا يطلق من يُحبها بسهوله! ..نطق بنبرة إعجاب/علي الحرام انك كفوو خل عنك بس
ابتسم من ردة فعله.. واكمل فنجان قهوته/انت بشرني وش جديدك
خفتت ابتسامته تلقائياً/مافي جديد.. عسى الله يزينها بس
فهم ما بداخله والتزم الصمت..
.
،
.
،
|