منتديات سهام الروح - عرض مشاركة واحدة

مشاهدة أوسمتي · 07-10-2018, 08:54 PM

تقف بمطبخها و تغلف الفطائر التي صنعتها ..وتُخرج البقيه من الفرن وتضعها في حافظات الطعام بمساعدة الخادمه..

انتهت الخادمه من عملها وهي تلتفت اليها/مدام توق خلاص..

توق/طيب.. شيلي كل اللي على هالطاوله وديه السياره..

دخلت ام حاكم وهي تحمل طفل بعمر العشرة اشهر/يابنتي جراح شكله جوعان اخذيه

اخذته وهي تتسائل/ماهو جوعان يبي يلعب وين حاكم ليه ما اخذه يا خاله

ام حاكم/حاكم ينظف سلاحه..

دخل في هذه الاثناء طفل تجاوز الاربعة اعوام بأيام منكوس الشعر يرتدي بنطلون جينز وسترة صوف حمراء ويبدو غاضب/ماما غيري ملابسي ابي ألبس ثووب زي بابا

ابتسمت له/حبيبي بابا بيلبس مثلك هاللحين لا تزعل

ابتسم/بيلبس مثلي!!

دخل على الجمله الاخيره/طير انت وامك بس..

ألتفتت على ام حاكم وهي تعطيها جراح/هاللحين بنشوف يا حاكم..

رفع حاجبه باعتراض/ليه هو ما يلبس مثلي

اتجهت اليه وهي تمسك بيده/تعال نتفاهم بس

ضحكت ام حاكم وهي تشير لبراك/انت وش مسلطك على ابوك يهالولد!!

ابتسم براك وهو يرقص حاجبيه/خليه يصير زيي

ابتسمت/تعال خلنا ننتظر امك وابوك برا.. اشوفه يرش المطر..
.
،
.
،
.
لبس بنطلون الجينز بحاجبين معقودين وهو يراها تتجه نحو تلبسه بنفسها الكنزه الصوفيه الحمراء.. المماثله لما يلبسه براك.. وهي تراه عن قرب اكثر اناقه/شااايف وش حلاتك؟ تفتن .. مووودل مو اقل من كذا..

نظر باحباط/ان شاء الله بس مايشوفني احد من اخوياي بهالشكل

كتمت ضحكتها وهي تداعب خديه/فددديته يا نااس اللي يسمع الكلام

شاهدها تُخرج له حذاء مشابه لما ينتعله براك، فتحدث باحباط/يالييييل ..بدال ما الولد يقلد ابوه خليتيني اقلده

عقدت حاجبها/حااكم.. حنا طالعين البر طلعه عائليه.. مو طلعه رسميه.. خليك كوول. و ألبس مثلما ابي.. ابيك انت وعيالك طقم

اتسعت عينيه بدهشه/حتى النتفه جراح؟!!

هزت رأسها بابتسامه مشاكسه وهي تريه لبس جراح/yes تعطر من هذاك العطر انا بروح اجيب جوجو حبيبي وألبسه نفس لبسك انت وبراك

اخذ ساعته وتعطر ثم خرج.. لم يتخيل ان يفعل هكذا ولكنه مضطر لأن يفعل ما تريده بما انهم سيخرجون للبر..لا بأس ان لبس طقماً مع اطفاله..
.
،
.
،
.
،
.
،
.
،
.
وصلوا جميعهم البر في يوم واحد..
سبقهم تميم وسلهام وصيته كلٌ بأطفاله..
نزل تميم وهو يحمل ابنته ويضحك على حاكم وهو يراه ينزل من سيارته بصحبة براك ويحمل طفله الاخر وجميعهم بنفس اللبس/اممماااا عااد حاكم مطقم مع بزارينه هههه تليتابيز

سلهام اتجهت اليه لتعطيه خالد/تحسب كل الناس مثلك يابو سروال وفانيله.. خذ ولدك بس

اخذ طفله وهو يحاول اغاظتها/المجد للسروال والفنيله

سلهام/اصلاً اذا لبست غيرها ماتقدر تمشي

اطلقت صيته ضحكتها/ياخي متى بتعقلون انتم

وقفت لمى وهي تتخصر وتبدو غاضبه/وين امير و ثقر و امي مزنه وابوي خالد

سلهام/سافروا يا ماما بيجون بعدين

بحنين فاق السنين/اشتقت لدلال.. ابطت عن الديره

سلهام/اي والله سنه وااجد ..بس يلا هانت تقول بتجي بعد 6شهور

اتجه تميم لبتال وهو يمسك بيده/تعال معي بابا.

غضبت وهي تعترض وتمسك بيد أبيها/انت بابا لي انا بث.. بتال لااا

ضحكت صيته/من زين ابوتس يام عيون !!

ضحكا تميم وسلهام..ليترك خالد مع سلهام ويأخذ معه بتال ولمى..
،
.
،
.
،
… ..

مضت يومين وهم في نجد.. في عزبه مكونه من عربات متنقله وخيام....

اشعلت النار وضلت تتسامر مع زوجها و أبيها وابناء اخوتها جميعهم.. ماعدا عناد.. باتت تفتقده حقاً لا يزورهم سوا في عيد الفطر من كل عام.. بات يدير فرع مؤسسة ابيه في دبي و توسعت رقعة اعماله،..
ابتسمت وهي تراهم حولها بأبنائهم وباتوا مستقرين في حياتهم/شباب ما ودكم نسوي مسابقه..

سمعوا صراخ يأتي من بعيد ليضحك حاكم/تهقون وش لقوا بهالمربعانيه.. مافيه دواب

التفتت شيهانه لتميم لتذكره بالماضي/مدرري يمكن عقررب سبحاان الله

ضحك تميم وهو يتذكر ذلك الموقف.. لن ينساه.. لطالما كانت تذكره سلهام بمقالبها التي لا زالت تمارسها معه..

تسائل ذيب بفضول/هاللحين خيولكم اشوفها ناقصه وين اغديتوها لا يكون بعتوها

حاكم/اقترح علي عناد ابيعها او انتج منها، انت تعرف انها هنا محد حولها فقررت اخذتها لمربط واحد من الجماعه في رماح هناك ازين لها . خليت هنا واحد..

تذكره وهو يسأل/يا ولد صدق عناد مهاجر

يضيق صدر تميم مما حدث لأبن عمه.. الذي قرر الاستقرار في دبي.. والاكتفاء بالزياره من وقت لآخر..

رد حاكم/ايه من استقال من عمله الحكومي وهو متفرغ لشغل ابوه الخاص وما شاء الله عليه اللحين مؤسسته بدبي لها صيت.
.
،
.
.
،
.

هنالك بعيداً وتحت ضوء القمر تقف صيته بيدها عصى صغيره مربوطه بربطه كبيره ذات لون زاهي.. تراقب وقوف البنات بجانبها وهي تضحك/تووق سلهاام لحد يتحرك قبل احذف العصى.. اللي بتمسكها تصرخ وتقول عضيم سراااا.. وهي الفاايزه.. و ترى الخسرانه بتقووم بدري وبتسوي فطورنا

سلهام بحماس/انتي احذفيها بس.. ان شااء الله توق هي اللي تسوي الفطور

توق بترقب/نشوووف

رفعت صيته يدها لتقذف العصى بعيداً..وهي لتتسابق بعدها سلهام وتوق

امسكت توق بالعصى بعدما تعثرت سلهام التي ركضت حافيه لتصرخ اصاابه..

توق بضحكاتها/محد قااالك تركضين بدون جزماات

صيته /النظاام نظاام يا سلهام.. بلا حركات النصراويه

ضحكت سلهام وهي تستلقي باحباط/بفطركم بكرا وبرجلي شوووكه
.
،
.
،
.
،
.
.
.

صباح يوم من احلى ايام الشتاء الماطره..
تكاد الغيوم ات تقترب من الارض.. مشى باتجاه نجد.. عرف انهم هنالك جميعاً..وقرر الذهاب اليهم ككل عام يقضس اجازته هنا بين الابل وبصحبة جده الذي يضل هنا اغلب الوقت بصحبة عمه خالد احياناً..

..

،
.
،

استيقظت سلهام باكراً لتجد ام حاكم قد اعدت القهوه /لبى خالتي مها يا ناااس..

ام حاكم/انا يا حبيبتي برووح لعمي اقهويه سنعي الفطوور مثلما خسرتي البارح..

ضحكت سلهام/فضحووني البنات.. هههه ابشرري خلني اطلع هالشوكه اللي برجلي..

خرجت ام حاكم ..لتسمع صيته تقترب من الخيمه وتتحدث مع الاطفال ..لتدخل وهي تشير اليها/من تكلمين مع هالصباح..!!

ابتسمت صيته وهي تتجه اليها بشاشة الهاتف/دلال تكلم عندهم الظهر

اشارت اليها سلهام/هلا بأم سلطان القاطعه ورينا سلطان نبي نشوف ولد الاسترالي هههه

ضحكت دلال وهي تضع الكاميرا امام رضيعها ذو الستة شهور/هذا هو المزيون

ابتسمت سلهام وهي تراه/وااادينووو، ياربي ماني مصدقه ان خبلتنا صارت أم.

دلال/بنات وين أمي من ثلاث ايام اتصل بها ماترد

غمزت سلهام لصيته/بخرب عليهم، خليها تستانس..تبين تعرفين وين امك

خافت دلال/ترى روعتوني وينها يا بنات،حتى ابوي ما يرد

تحدثت سلهام وهي تطمئنها/مافيهم الا العاافيه،بس تراهم جايينك استااانسي لهم كم يوم بسيدني ماعلموك بس بيجونك في ملبورن لا تلقفين وتروحين لهم ههههه

لم تستوعب/احلفووااا

صيته/والله

لحظات ليسمعوا صوت دخول راجس عندها/بنات مع السلامه..الشوق جاء..

اغلقت هاتفها وهي تقفز من سعادتها لتعانق راجس/وناااااسه رجووس ونااسه

ثبتها بعد عناقها المفاجئ/وش العلم يابنت كملتي انا ماقلت لعاد تقولين رجوس،هبلتي بي

سحبت خديه بقوه لا شعورياً/اهلي هناااا باستراالياا

ابعد يديها عن خديه/خدوودي وش ذنبها ،نتفتي ذقني يا بنت

تركته لتعود لطفلها وتحمله/خوواالك بيجوون استااانس يالمزيوون

اخذه منها فهو نائم/بس جتها حالتها..

لحقت به للغرفه/يلا مشينا ورانا مشاوير للسوق

ألتفت اليها/اولاً ادري ان اهلك هنا..وبيجوننا بعد يومين حسب جدولهم..لذلك سووي بحثك وذاكري لا تنسين ان الفانيل بكراا

تقوست شفتيها باحباط وهي تتذكر، كانت فقط تتناسى، ابتسمت بخبث وهي تقترب منه وتمسك به من ياقته وتقترب من شفتيه/رجوووسي

يعرف حركاتها جيداً ستجعله يكتب بحوثها كالعاده/دليل لا تحاولين

قبلته رغماً عنه/هاااه بتسوي البحث

قيّدها من خصرها بقوه وكأنه يعصرها، فهو يتركها منذ اسبوع لتذاكر وهي الان تحاول العبث معه/لا والله فيه موال ثاني، خلني اضيع وقتك وترسبين ماعندي مشكله..

حاولت التملص منه/امزح راجس والله امزح

اطلق ضحكته وهو يكمل ما بدأته هي...
،
.
،
،
،
.
،