رد: عشق بلا قيود للكاتبة رشا الخياليه
في مركز الشرطه..
وبالتحديد في احد عنابر التوقيف.. يجلسون اخوتها الثلاثه ومعهم سطام الذي يجلس في زاويه ويشعر بضيق بعدما عرف ان حاكم نجى منه.. ترى ماذا سيحدث له.. كيف سيفر من هذه القضيه.. لابد وان يخلص نفسه ما زال ان لا احد رآه رأي العين..
بالقرب منه يجلس ناصر وبجاد ومعهما عبدالرحمن..
نطق وهو يزم شفتيه غاضباً/هاللحين ذالتسلب ليه متهمنا بقتله وش يظن الدعوه سايبه؟
بجاد عقد حاجبه بعدم رضا/انا من راحت له توق وانا غاسل يدي منها.. ليش ألحقها واذبح رجلها
عبدالرحمن بهدوء حذر/ياخي علامكم.. انتم بالتوقيف بحجة التحقيق.. مابعد ثبت عليكم شي ليه مستعجلين.
ناصر من بين اسنانه/امحق نسيب.. والله ماخليه يـ..
عبدالرحمن قاطعه/يانااصر طلبتك تكف عنه.. هذا زوج اختك اللي هي عرضك.. انا طالبكم تتركون لها زوجها لا تخربون حياتها…
بجاد وكأنه تفهم الموقف/بس يا عبدالرحمن والله ما فكرت أأذي حاكم.. بالنسبه لي معاد عندي مانع دام هي تبيه
ناصر بلامبالاه/وانا مالي دخل فيها ان شاء الله تحترق هي وياه ..وشهو له أذبحه يعني انهبلت؟!!
يسمعهم وهو مستاء من احاديث عبدالرحمن.. هذا الشي ليس من صالحه أبداً… حمد الله كثيراً ان مشاري مسجون حتى الآن والا لكان فُضح أمره..!
عبدالرحمن بعد سماع اذآن الفجر/يلا يعيال اذن الفجر قوموا توضوا خلونا نصلي جماعه بارك الله فيكم
.
،
.
.
|