06-14-2018, 07:46 AM
|
|
|
|
رشيت الليل بدمـوعي عشان يشتت أوهامي
تعاطيت الأمل في شوفتك وادمنت أحلامي
وهرّبت الأماني في خفوقي وانت عاداتك
تساومني على لحظة غيابك وانت قدامي
وانا صدري على كثر الجفا ما خان طعناتك
تعال أرجوك يا سنة عذابي وقبلة آثامي
تعال أجمع من ايامي رضاك و ريع غلطاتك
تمنيتك مطر لكن ، خذلني عمري الضامي
خذلني موسم أعذارك ، خذلني سيل جياتك
رشيت الليل بدمـوعي عشان يشتت أوهامي
عشان أستدرجك للحلم واستفـرد بنظـراتك
تحايلني الوله واسرجت ادوس الليل بقدامي
ومرّيت الدروب اللي مطرّزها .. بخطـواتك
سريتك ممتطي صهوة جروحي والهدف سامي
وانادي بصـوتي المثخن ألم وترد بسكاتك
رجعت آجر أذيال الحزن واكفّكّف آلامـي
رجعت آعد في بالي ضحايا ليل مأسآتك
( يقول ) أرجوك لو تقدر تعيد أمجاد طعناتك
|