رد: [رواية بنات في عالم الضياع..جريئه..رومانسيه..خيالية]:
:::::::الجزء الثالث:::::::[رواية بنات في عالم الضياع..جريئه..رومانسيه..خيالية]:::::::::::::::::
تصحى بطفش بعد ما ازعجها المنبه..
تقوم تاخذ لها شاور بارد من هالحر اللي تحس فيه
تطلع تلقى جوالها اتصل عليها شخص اكثر من 5 مرات غير الرسايل
تناظر تلقاه اهو الشخص اللي تتهرب منه ولا قدرت
هذا دخل قلبها قبل لا يفكر يدخل روحها
رشا وهي تناظر الجوال :-اوووووووووف انت مستحيل اكلمك خلك تعرف كيف تتركني شهر
بين الالم والوحده والاه ومن بيحس فيني؟؟؟طبعا ما فيه احد مافيك خير والله بجد مافيك خير.. مالت
عليك من خوي مع اني بداخلي احبك مالت عليك بعد
ترمي الايفون ببرود على الكنب وترجع تنشف شعرها شوي وتمشطه..
يتصل من جديد جوالها..
آشوقها داست على كرامتها وردت غصب عنها:-هلا
نواف:-هلا والله بقلبي ودنيتي وروحي وكل ما املك
رشا بزعل:-ايه مبين مبين روحك ودنيتك ومدري وش بعد
نواف:-يالبى زعلك والله ما اقصد شي لكن كل اللي فيني اني انشغلت بالجامعه وهذي اخر سنه
على فكره مو أي سنه وان شاء الله اكلمك لحد ماتملين بعد وش تبين؟
رشا تسلك له لان مزاجها مزفت من حركاته:- ايه ايه يجيب الله مطر
نواف:-اووووه يارشا وش فيك
رشا بهدوء:- مافيني شي لاتشيل هم
نواف بجديه:-رشا لازم اكلمك هالمره بشغله
رشا:-شو بعد
نواف بصدق:-لاتفهميني غلط وربي انا ما اهجرك الا غصب عني ظروفي ماتسمح لي
رشا:-ماعليه مو مشكله اهم شي راحتك واللي يسعدك
نواف:-زعلانه
رشا:-لا لا مازعلت وش فيك
نواف:-كلامك ما يقول انك راضيه
رشا:-والله انا زعلانه على القطاعه حقتك اما غيرها مازعلت
نواف:-ياحياتي انتي طيب متى صحيتي؟
رشا:-تو وكنت ماخذه شاور وطلعت لقيت اتصالاتك
نواف:-اها طيب حبيبتي انا الحين مضطر اقفل تامريني بشي
رشا بزعل :-طيب الله وياك
نواف:-احبببببببببك
رشا قفلت بوجهه بدون مقدمات..
وفجاه يرن جرس البيت
استغربت رشا وراحت تشوف مين..
فتحت الباب
دخل وتهجم عليها وتصااااااااارخ
رشا بصراخ:-ابعععععععععد ابعععععععععد ياحقير
يششششق بلوزتهااااااا الا وفجاه يسسسحبه واحد من رقبته...
::::::::::::::[رواية بنات في عالم الضياع..جريئه..رومانسيه..خيالية]:::::::::::::::::
سعود يدخل وهو معصب ويسحب معه رائد
سعود يدفه بعصبيه:-كذا يارائد يالكلب كذا يالحيوان تسوي
رائد ببرود :-ماسويت شي غلط
سعود يعطي رائد كففففففففففففففففف على وجهه:-بلاك ماتستحي تروح تبي تتحرش ببنت الجيران
بنت الجيران ياكلب يالنذل خيييييير ليه وش شايفها هاااااااااااااااا
رائد:-البنت عاجبتني ياخي وش فيك
سعود:-شقق سكنية جنبنا تروح لوحده اهلها مو يمها ولا عندها رجال يحويها يعني خلاص بتتحرش فيها
رائد:-لا لا ياحلو هي اصلا كم مره اشوف كل يوم شكل جديد من اصحابها يدخلون بشقتها وقفت علي
سعود وعيونه بغت تطلع من مكانها:-بعد تراقبها وتقول كلام مو فيها
رائد:-انا حسبتها تحسبني واحد من ربعها مادريت انها تميز
سعود يشده من رقبته:-اسسسسسسسسمع تكررها بذبحك فاهم وش بذبحك ياقليل الذوق
ريناد تجي على صوتهم وبخوف:- وش فيكم
سعود:-اخوك متحرش ببنت الجيران ولا فوق هذا يقول عادي فيه كم واحد يخش شقتها
ريناد تحط يدها على صدرها وتشهق:-ان شاء الله تدخل 20 واحد باليوم وش لك فيها
رائد بعناد :-خلاص اجل اخطبوها لي
سعود:-تستهبل انت مسوي تحبها
رائد:-بشوف لما تصير فعلا بنت وتقولون يحق لي ولالا
ريناد:-ياقليل الادب والله ماتستحي بجد ما تستحي
{ريناد قمحية البشره ناعمه الملامح عيونها عاديه لا كبيره ولا صغيرة وبنية يحسونها اخوانها تتدلع بكلامها
وهو مو مساله دلع هذي طبيعتها ولا الحين مسويه نفسها عربجيه}
رائد:-اقول بلا دلع وهياط بنات انتي كلمي نوران وخباب عليك بعد <<خباب يعني حدك :d
ريناد يوم عصبت:-كل تببببببن ياقليل الادب ياللي ماتستحي لك وجه الحين تعايرني بعد
سعود وهو يترك رائد:-اسمعني زين لو كررتها ما تشوف خير فاهم
رائد بتمثيل:-خلاص احبها زوجوني اياها
ريناد:-ايه مبين من عيونك مبين كل تبن ولا تكذب بس
رائد عصب يوم شافها درت عن خزعبلاته.{يعني اكاذيبه}.
سعود يبي يحرق اعصاب رائد:-انت يالله تدبر لك تحلق شعر راسك تبي تتزوجها
ريناد تكمل على رائد:-ايه والله شوف حتى ملابسك ثلاث تكررها سنه كامله
رائد:-طيب طيب يالكلاب طيب عشاني مالقيت وظيفه بتعايروني – ويروح --
سعود:-بيفشلنا بهالحي يروح يتحرش برشا وش يبي فيها طيب
ريناد:-حيوان ما يستحي مدري على مين جاي
سعود:-والله ماكذبتي..
::::::::::::::[رواية بنات في عالم الضياع..جريئه..رومانسيه..خيالية]:::::::::::::::::
بعد رجوعهم من الشرقيه ..
دانه وهي معصبه:-صاحية انتي يمه انا اخذ مازن هو متزوج ما يلتفت لغير زوجته لو يبي التفت من زمان
ام راشد:-كلي تبن ووافقي عليه انتي خبله ناس عندها فلوس ولا عاد تدري وين تضيعها استغليه
دانه:-يمه لو ابي استغل استغليت من زمان بس عيب اخذه عشان استغلاليه
ام راشد تجلس وتقول بلا مبالاه:-بلا هبال لو خذتيه بتستفيدين من وراه
دانه:- يمه مابي واحد كلن عارف انه فاتح القصر القديم مرقص ورذيله
ام راشد تنرفزت:-اووووووووووه انتي بتروحين تسكرين ولا بتتزوجينه
دانه:-ااااااوووووف يمه وبعدين
لؤلؤه كانت تسمع الكلام بس ماتكلمت والحين بتنفجر قنلبتها:- والله انك حماره مافيك عقل هالبطران عندك وتفرطين فيه
دانه بنص عين:-ماخطبني هو ولا بغاني يبي مرته افهموا يابشر
لؤلؤه:-انتي على الاقل بتجيبين العيال له لكن مرته وش بتجيب له غير النكد والحرمان من احلى شي بالدنيا اللي هم العيال
دانه:-كلي تبن ماناقص الا البزران يتكلمون بهالحكي
لؤلؤه بخبث:-لو امي بترضى اخذه ماتعوق معي
دانه:-يامجنونه تراه بالثلاثين انتي يمكن كبر بنته
لؤلؤه:-مالك شغل لو امي رضت ماعندي اشكاليه
دانه:-اقول انثبري احسن لك بس
لؤلؤه تقوم:-ابروح الغرفه اصلا ولا روقت اسوي مشاكل ولا كان تفضي تلك ماتبي الاخت واحد بطران..
تقوم وتتحلطم وتشيل وتحط
بنفس البيت لكن بغرفة راشد
راشد:-لا ياروحي تعالي للقصر اللي قلت لك عنه عشان اعطيك معلومات عن البنت اللي عاندتني واخليك تجيبين لي راسها يا ريم
ريم:- لا لا الحين تبيني اقابلك عشانها
راشد بروقان:-شوفي انا قلت لك من اول ماتعرفت عليك ابيك تورينها شغلها انتي وافقتي تحملي
ريم بغيره:-انا ماقلت شي لكن مو تشوفني عشان تتكلم عنها
راشد:- على العموم الخميس الجاي ابيك ترتبين امورك انا موفاضي اجلس احاول فيك
ريم بقهر:- طيب
راشد بلهجه تنرفز:-زعلانه ياحلوه؟؟
ريم:- لا لا مو زعلانه يلله تبي شي
راشد:- لا سلامتك
ريم تقفل بوجهه بدون سابق انذار..
::::::::::::::[رواية بنات في عالم الضياع..جريئه..رومانسيه..خيالية]:::::::::::::::::
تبكي وتبكي على حالها
مافيه احد يقدر يساعدها
ولا عندها سند ظهر
هالات تحت عيونها سواء من كثر الدخان
بششره صفرا من سوء التغذيه
مانقصها شي
لكن نقصها شخص يحتويها ويحافظ عليها ويدافع عنها
مراره البكاء رغم كل من عرفتهم من رجال
عرفت اللي يشتغل بمطار
عرفت اللي يشتغل بالشرطه
عرفت اللي يشتغل بالتعليم
عرفت اللي يشتغل ببنك
كل النواحي
لكن عرفت فقط لاغير ما احد منهم حاميها او مهتم فيها
ابدا ابدا..
عالم من الضياع
نواف..!
دراسته اهم ماعنده لو كانت مهمه عنده ما تركها اسبوعين ورجع يكلمها
حبها صحيح
لكن بعد فوق هذا ماكان بجانبها طول الوقت
رشا تبكي بخوف وترتجف
ولا عندها احد
بعد الشله اللي فسدوها ماعاد تبي تعرف احد ابدا ولا تحتك في احد
الجيران اللي بمبنى الشقق اللي عندها برضو ما تكلم احد منهم ماغير جارتها السوريه اللي حاسه فيها..
وعرفتها يوم قالت لها عن امها لان السوريه كانت مصادقة امها وصاحبة علاج شعبي..
رشا تجلس على حيلها تروح تلبس لها بنطلون جينز ازرق وتي شيرت عادي لنص الفخذ وواسع
تطلع بخوف ترن الجرس على جارتها السوريه ترنه يمكن عشر مرات
تسمع صوت الصغار يتضاربون ويصارخون وهي تضيق عليهم..حزنت وتمنت انها بين اهلها.. واخوانها ومثلهم..
يفتح الباب ولدها الصغير اللي عمره 4 سنوات
رامي:-سو بدك انتي...........؟<<<وش تبين انتي
رشا بحنيه تنزل لمستواه:-ابي اكلم ماما
رامي:-بس ماما مس فاضيه لحدا ولساتها ضاربة اخويا وحيد<<بس امي مو فاضيه لاحد وتوها ضاربه اخوي وحيد
رشا:-ابي اكلمها بليز ناديها
رامي باصرار:-اخويا عاصم لو بيعرف انو حدا جاي لعنا هون بيعصب<<اخوي عصام لو درى ان احد جاي الحين احد عندنا بيعصب
تجي اخته الصغيره اللي وجهها صغير وشعرها بني كاريه:-ماما بتطبخ النا<<امي تطبخ لنا
رشا بطفش:-يلله نادوها
ام عصام تصارخ:- شيريييييييييييييييين من عند الباب مائلتلك مابتفتحي لحدا
الباب شو بحكي انا<<شيرين من عند الباب ماقلت لك ماتفتحين الباب لاحد
ام عصام يوم شافت رشا تبتسم وتفتح يدينها تبي تضمها:-رشاااااااااا حبيبتي منوره والله
تضمها رشاا بقوه وتبكي
ام عصام تمسح على ظهرها:-لا لا ليش بتبكي شو فيكي حبيبتي
رشا وهي تشاهق:-تحرش فيني واحد ...وتبكي
ام عصام تشهق:- لالالا ياعيب الشوم
تمسك يدها ام عصام بحنان وتسحبها معاها للمجلس..
ام عصام تروح تجيب لها مويه بارده وتعطيه اياها:-اشربي حبيبتي ما بتبكي مشان الله ماتحزنيني عليكي
رشا بعد مامسحت دموعها وهدت:-تحرش فيني لحد ما جا اخوه ولا كان بعد رايحه بخبر كان
ام عصام:-وكيف خش عليكي؟
رشا:-ما ادري رن الجرس وتوقعت انتي فتحت بسسسسرعه
ام عصام:-لا حبيبتي ماتعيطي ان شاء الله مابتتكرر
رشا بابتسامه:-ان شاء الله
::::::::::::::[رواية بنات في عالم الضياع..جريئه..رومانسيه..خيالية]:::::::::::::::::
تجهيز ويوم جديد
بالنسبه لهم بيتكرر
لكن ماراح يتمون.. هالمره ابدا
ما راحوا يجهزون
قرروا يهربون
رزان وهي لابسه عبايتها الكتف المفصله جسمها تفصيل وكلها تطريز.. تحط الحجاب باهمال وتقول:-يلله بنات
روز وسندس وعباياتهم كذلك.:-يلله مشينا
رزان:-وين ريمان هالبارده بعد
روز:-ااااااافففف يابردها –وتصارخ روز—ريمااااااااااااااان وصمخ
ريمان وهي تحط الطرحه:- يلله يلله
ويروحون ينزلون بالباركنق ويلقون السواق ينتظرهم
رزان:-ودينا على البنك..
سندس:-افضل حل..
راحوا للبنك وفتحوا لهم حسابات وحطوا فلوسهم فيها..
ريمان تركب وتهف يدها:- يلله يلله على المول --وتناظر الباقي—أي مول تبون؟؟؟؟
رزان:-الرياض غاليري ها؟؟
روز:-لا لا العثيم مول
سندس:-يلله بس اختاروا شي مالت عليكم
ريمان:-خلاص خلاص العثيم مول...وتصارخ ع السواق...يلله على العثيم مول..
يتمخطرون بالمول وملفتين جدا للانظار بالفعل..
ريمان متحجبه ولابسة نظارات شمسية
والباقي لا بس حجاب
رزان:-يلله بنات خلنا نروح من الباب الثاني نركب لنا تاكسي ونهرب
يروحون بسسرعه عشان يركبون التاكسي..
لكن الصصصصصصصصصصدمه....!!!!!!!!!!!
::::::::::::::[رواية بنات في عالم الضياع..جريئه..رومانسيه..خيالية]:::::::::::::::::
ام سعود جالسه بالبيت ماعندها شي
حست انها طفشانه جلست تشتغل على الصوف وتسوي اشياء حلوه لان عندها خبره..
سعود يدخل مبتسم يلقى امه يبوس راسها:-كيفك يمه ان شاء الله بخير
ام سعود تترك اللي بيدها:-حمدلله وشلونك ياولدي..
سعود:-بخير بشوفتك الله لايحرمني منك
ام سعود:-ايه وش سويت بعملك
سعود:-زي كل مره ضغوطات وتنتهي .. يمه بكلمك بموضوع ..
ام سعود:-قول طيب
سعود وهو مستحي ومنزل راسه:-يمه انا ابي اتزوج..
ام سعود بفرحه:-والله الساعه المباركه..ومن ودك نخطب لك..
سعود:-امممممم ودي بنوران صديقة ريناد
ام سعود انصدمت ماتوقعت اختياره:-ياولدي ما تحس انهم بعيدين علينا شوي
سعود:-يمه انا عندي كل شي واي شرط يبونه مستعد انفذه
ام سعود:-بس ياولدي مهما كان هذول وين واحنا وين الله يهديك
سعود:-يمه بتخطبينها لي ولالا عطيني كلمة..
ام سعود- لحضة بنادي ريناد
سعود:-ليه
ام سعود:- اسال عن البنت اخليك اجل تاخذ وحده كذا على طول؟؟؟؟
سعود بخجل:-طيب يمه مثل ماتبين
ام سعود:- رينااااااااااااااااااااااااااادوووووه وصمخ
ريناد تجي تركض:-نعم هلا يمه وش فيك
ام سعود بابتسامه:-وش رايك في صديقتك نوران
ريناد تناظر سعود:-يمه بقولك بس مو الحين
سعود:- لا الحين بتقولين
ريناد تتخصر:-خير ان شاء الله وش هالميانه.؟
سعود بخجل:-لاني بخطبها
ريناد وعيونها بتطلع وبفرحه:- صصصصصصصصصصدق؟؟؟؟؟؟؟؟؟؟؟؟
ام سعود بابتسامه:-ايوه وماقلتي لي منهي بنته
ريناد تتدلع:- امممممم هي نوران بنت صالح بن مازن الـ×××××××××
ام سعود حست باستغراب بالاسم وكانه مر عليها:-والنعم والله
ريناد:-ايوه وحلوه بعد كانها يابانيه تشبه اختها اللي توفت
ام سعود وكانها تتذكر:-اختها اللي توفت؟؟؟؟؟
ريناد:- ايه واسمها سميره
ام سعود:- ايه ذكرتها ذكرتها
ريناد :- ججججججد تذكرينها تعرفينها يعني
ام سعود:-ايوه كنا بحي واحد
ريناد:-الله يعني خلاص تعرفينها
ام سعود بابتسامه:-ايوا
سعود:-ومتى بتخطبونها لي؟..؟
ام سعود:-والله ما ادري
ريناد:-يمه بكلمها بالموضوع
ام سعود:- لالا عيب مو سوالف بنات هذي
ريناد برجا:- يمه تكفييييييييييين
ام سعود:-عطيني رقم بيتهم واكلم امهم وبس غير كذا مافي هذا اللي ناقص...
::::::::::::::[رواية بنات في عالم الضياع..جريئه..رومانسيه..خيالية]:::::::::::::::::
ام مازن بهستيريا :- مستحيل يانوران مستحييييييييييييييييل
نوران تهدي امها:- يمه وش فيك الله يهديك عادي كتب لها ربي تكون حامل
ام مازن:- لا لا لا غيروا الدكتور
نوران:-يمه احنا وديناها المستشفى وش فيك الله يهديك
ام مازن:-ابي مستشفى ثاني ياكد لي
بدر بنص عين:-يمه وش هالهستره اللي طقت فيك يمه تراهي حملت وخلاص
ام مازن:-انت كل تبن ولا تقولي ولا كلمه مفهوم ولا كلمة مفهووووووووووووم
بدري يناظر التي في ويدخن ويسفه امه..
نوران تمسك امها:-يمه اكيد انتي تعبانه تعالي فوق
ام مازن:-اسسسسسسسكتوا ولا كلمه خلاص طسوا عن وجهي
وتقوم وهي معصبه وتروح فوق وهي نفسها بخشششمها...
..{ولَا يُفْلِحْ السّاحِرُ حَيْثْ أَتى}..
بدر بشك:- هذي وش قصتها ياناس......
ويتذكر اللي لقاه بالحديقه مربوط ومدفون ورماه ومشى.........................
::::::::::::::[رواية بنات في عالم الضياع..جريئه..رومانسيه..خيالية]:::::::::::::::::
البودي قارد بعد ماسحبوهم ورجعوهم للقصر..
كل واحد ماسك وحده وعلى طول يدفووونهم باقوى ماعندهم على الارض
رزان بعصبيه:- خير ان شاء الله انا ابي ترى ما اجلس مع السماجات ما ابي اصير بنت ليل وفاقده شرفي واغلى ماعندي لعيونك
مازن ياشر باصبعه:-اسمعيني زين ترى عطيتك وجه تطولين لسانك انتي وهالسندس..خير وش الطاري اصغر عيالك؟؟؟؟
سندس تدافع:-من حقنا لان مالك قيمه
مازن بصرخه:- انتي اللي مالك قيمه ولا بعد ماعندك اهل
ريمان تصيح:- بسسسسسسس بس كافي بتذلنا عشان ماعندنا اهل هذا انت عندك اهل وحسب ونسب وشوف
فاتح لك مكان دعاره وتسحب خلق الله لهالرذيله وماتعوق معاك ابدا فرضا انت تروح تزني مع وحده وتجيب
منك عيال ياولد الحسب والنسب والاهل
مازن بصدمه توقع هالريمان مثل زوجته قلبا وقالبا يعني غبيه على شكلها بس ماعرف
الظاهر[ان قسوة الحياه كذا تسوي]:- انتي اسكتي ولا كلمه مشكلتك وافقتي على الشغل
روز:-هذا اللي عندك طيب دامك تبي هالبار اللي انت تظن نفسك بالخارج يومك تهايط فيه البنات اللي يجون
لهالشي استخدمهم مو احنا تسحبنا من الشارع وتحطنا بشي مو لنا
مازن يحط مصبعه على شفايفه:-ترى عندك سنه العقد اللي وقعتيه سنه لما ينتهي حددي مصيرك مفهوم وش
سنه مفهووم احمدي ربك ماخليت عقدكم انتوا ووجيهكم ماخليت عقدكم 5 سنين طسوا عن وجهي الحين
ويطلع بدون ماينتظر أي كلمه منهم
ريمان كانت ع الارض مرمية تدفن وجهها تحت يدها ويغطيه شعرها وتبكي تبكي بحرااااااااااااااااااااااااااره
رزان والدموع متحجره بعيونها وبتحدي:- لازم نصبر على هالشغل ونجمع قدر الامكان لحد مانشوف لناخطه سليمة فعلا..
روز بهدوء وعيونها تلمع:-اكيد لازم.. وغصبا عنا لكن والله ليندم على هاللي سواه
سندس:- صح ماكذبتي لكن الله يعين
ريمان وجهها احمر:-يشوف هالحقير يشوف..
::::::::::::::[رواية بنات في عالم الضياع..جريئه..رومانسيه..خيالية]:::::::::::::::::
مازن يروح للمستشفى يتطمن على زوجته
لما راح كان معه باقة الورد شايلها.
يدخل جناحها المخصص لها
يلقى السرير فاضي وترتبه نيرس..
مازن بخوف:-وين رنا
النيرس:-اوت فروم هير.<طلعت من هنا
مازن وهو يكلمها:-ليييييييش طلعتوها مو من حققققققققكم
ويرمي الورد بقوه ويروح يركب السياره
معصصصصصصصصب وجهه احممممممر مايبي رنا تروح من هنا ولا من هنا بالذات امه ماترحم ابد خايف يصير لها شي وهي الحين حامل وش بيفكه
الافكار تلعب في راسه وعلى اعصااااااااااااابه يبي يوصل البيت
زاد تعكير مزاجه الطرييق المزحوم ويضرب بالبوري وحالته حاله
::::::::::::::[رواية بنات في عالم الضياع..جريئه..رومانسيه..خيالية]:::::::::::::::::
ياخذ جواله ببرود ويتصل
وينتظرها ترد
وينتظر
وينتظر
وينتظر
ترد على اخر رنه
ريم من غير نفس:-نعم راشد وش عندك
راشد ببرود يبي يستفززها:-وش فيك ياقلبو زعلانه اجل؟.؟
ريم بغيره:-تبي هالي براسك وانا اصير مرسال لك ليه ليه وش دخلني انا
راشد:-انتي وش فيك واصله معاك عاد روقي يابنت الناس
ريم من قلب تقول الكلمه:-افففففف ترى اغار عليك
راشد:- ههههههههههههههههههه قولي كذا فديتك كان من زمان وضحتي عشان توصلني المعلومه
ريم بقهر:- يعني مايهمك؟؟؟؟؟
راشد يجاملها عشان ما تموت ققهر:-تهميني فديتك بس انا وضحت لك من اول ماتعرفت عليك وضحت لك اني ابي نوران ما ابيك
ريم:- خل عندك عزه نفس وخلك مع اللي يبونك
راشد:-واذا قلبي مابغى اللي يبوني وش اسوي
ريم وشوي بتنفجر:-افففففففففففففففف رويششششششد يالنذل
راشد:- مو نذاله انتي الثانيه احبها حرام احبها؟؟؟؟؟؟
ريم:-اقول الشرهه على اللي يرد عليك تفففففففففففف عليك
وتقفل بوجهه مقهوره منه
وترسله""خلاص اللي بيني وبينك انتهى انسى انك عرفتني بلحضه""
راشد يتحمد ربه ويرمي جواله ويسحب اللابتوب يدور له بنت ثانية...
تدخل عليه لؤلؤه معصصصصصصصبه:-رويشششششد يالحيوان وش ناوي تسوي؟؟؟؟؟؟؟؟؟؟؟؟؟؟؟
راشد يناظرها بخوف لان مصايبه كثيره:- خير وشو بعد
لؤلؤه:-ماخذ لابتوبي ليه وش تبي فيه
راشد اللي ارتااااااااح بداخله:-خذيه كنت فاتح ايميلي خويي مرسل شغله لي
لؤلؤه بقله ادب:-وش الرساله واي واحد من اخوياك
راشد:- بتاخذين لابتوبك وتروحين ولا امسكه معاي؟
لؤلؤه باصرار:-طيب طيب أي واحد من اخوياك
راشد بصرخه:-لؤلؤه وبعديييييييييييييييييييين؟؟؟؟؟؟؟؟
لؤلؤه عصبت:-طيب طيب هات هات مالت عليك ماتاخذ وتعطي مع اختك
راشد:-خليك مثل دانه على الاقل
لؤلؤه:-اصير مثل هالنفسية
راشد:- على كذا طسي يلله عن وجهي
لؤلؤه تطلع وهي معصبه وتاخذ اللابتوب عشان تقهره مادرت انه ما اهتم..
::::::::::::::[رواية بنات في عالم الضياع..جريئه..رومانسيه..خيالية]:::::::::::::::::
|