05-20-2018, 10:06 PM
|
|
|
يسعد مساك الله يمسيك بالخير
يسعد مساك ويسعد الله صباحك
يسعد مساك الله يمسيك بالخير
والله يَجَمّل في حَيَاتَك حَيَاتَك
ويسّعَد صَبَاحِك كِل ماغَرّد الطَير
والله يحقَق لك جميع أُمُنِيَاتِك
غيرك ترا ماله مع الوقت تأثير
ولا له من إللي تملكه من صفاتك
أنت الوحيد إللي فقط بس لاغير
لو قال روحك قلت سهله وجاتك
دقيت في قلبي ثلاثة مسامير
وعلقت فيها ياحياتي غلاتك
الحب والأخلاص وشوق الغنادير
وصايفك من طيب أصلك وذاتك
سبحان من صوّرك بالزين تصوير
والطُهر والعِفَه توشح عباتك
هل يا ترى بنساك وأترك للغير !
أنته منايه دامني لك مناتك
وكانك تبينا نسكر الحب تسكير
اذكر ترى نزّع المسامير فاتك !
مصيرنا فاللوح مافيه تأخير
ساعة وفاتي تختلف عن وفاتك
لو إفترقنا فرّقتنا المقادير
والله يصبرني على ذكرياتك
آمر تدلل مأبي منك تبرير
والله يحقق لك جميع أُمُنِيَاتِك
|