الموضوع
:
رواية صيته ظبي النفود بقلم نبض أفكاري
عرض مشاركة واحدة
03-13-2020, 09:13 PM
#
3
♛
عضويتي
»
688
♛
جيت فيذا
»
Oct 2014
♛
آخر حضور
»
اليوم (01:49 PM)
♛
آبدآعاتي
»
809,271
♛
الاعجابات المتلقاة
»
5809
♛
الاعجابات المُرسلة
»
4090
♛
حاليآ في
»
♛
دولتي الحبيبه
»
♛
جنسي
»
♛
آلقسم آلمفضل
»
الرياضه
♛
آلعمر
»
26سنه
♛
الحآلة آلآجتمآعية
»
متزوج
♛
التقييم
»
♛
نظآم آلتشغيل
»
Windows 7
♛
♛
♛
♛
مَزآجِي
»
♛
♛
♛
мч ѕмѕ
~
مشاهدة أوسمتي
مجموع الأوسمة
: 12
رد: رواية صيته ظبي النفود بقلم نبض أفكاري
الشخصيات
عائلة حمود
حمود راعي حلال ورجال طيب راعي نخوه وكرم وعلومه غانمه
زوجته غزيل حرمتن ظفره ومتنوعة المهارات (ماعرفت اكتبها بلبدوي اسعاف ياجماعه
)
تسوي المضير والسمن وتخيط الثياب وتخيط البراقع وتطرز الشراشف وطباخه ماهره
محمد اكبر اعيالهم مازال ورع
وصيته بنتهم الي اصغر من محمد متوسطة الجمال بس مملوحه وظحكتها جذابه
تقدرون الكارزما عندها طاغيه على الجمال
سالم اصغر من صيته بسنتين
جارهم صفوق
رجالن اجودي ومحبوب بين الجيران نفس حمود يبيع ويشتري في الحلال
وشريطي سيارات
حرمته جوزاء راعيت بيت ذربه ومزيونه
ولدها نمر في سن محمد وخويه
بنتها شيخه وهي بعمر صيته وازين منها
جارهم الاخر
مضحي اخو حرمت حمود وخال اعياله
وهو راعي الدكاكين الي في المحطه
حرمته قمرا وهي مزيونه وحرمتن سنعه
ولدهم فهد اكبر من محمد بسنه وصديقه
بنتهم ساره كبر صيته وازين بنات الحاره
وهي صديقة صيته وخوياتها
تركي كبر سالم وصديقه
جار اخر في نفس الحاره
مساعد مدرس عربي في مدرسة العيال
زوجته مريم كجميع حريم الحاره ربت بيت
بناته نوير وصالحه
نوير كبر محمد وشينه
وصالحه كبر سالم متوسطة الجمال
اخوهم سعد كبر صيته وشين
مع شلت سالم وربعه وهو اكبر من سالم بسنتين
فيه شخصيات مهمه راح تضهر في وقتها
وشخصيات ثانويه كذالك كلن يتهايق عليكم من دواعيس الحاره في وقته
يوم جديد مع صيته وشلتها
على فكره بيت شيخه يمين بيت صيته لاصق فيه وبيت ساره لاصق في بيت صيته من يسار عشان كذا هالثلاث اغلب وقتهن جالسات على عتبة بيت صيته
بنات الحاره لبسهم المعتاد ثياب بعضها جميل والبعض الاخر لايجد طريقا للجمال ومع ذالك هي في نظرهم مره واو
��
ماعليكم من الواو السان يزلق
��
المهم صيته لابسه ثوب مورد لونه ادهم (عناب)وشعرها مظفرته قرنين
ساره لابسه ثوب اشهب (فستقي) مطرز صدره بخيوط بنيه وشعرها جادلته قرن واحد
شيخه لابسه ثوب اخضر ساده وفي صدره ورود حمر وشعرها مجدول قرنين
كانن البنات جالسات على عتبة بيت حمود ويسولفن صيته جالسه بين شيخه وساره :يالوفي لوفاه يابنات عانن الورع الي هناك تشر على ولد يمشي في الشارع راجع لبيتهم من الدكان
شيخه :ايات
صيته :ابو قذيله يبيض الورع بيضاه ابك هو علامه حمر عطر جايه برص ولا وش علمه
ساره :يامهبوله هذا عصام ولد عطيات المدرسه وبوه تختر هذى من ديرتن ثانيه مهوب من ديرتنا حتى هرجتهم تختلف عن هرجتنا
شيخه :صادقه ساره لاهرج مدري وش يبربر فيه بعض هروجه افصحها وبعضها مدري وش يقول
صيته :ياوجه الله ابك بياضه يجهر العين
شيخه :عاد مهوب من زين بياضه تسنه بوية هايلكس جديده
ساره :ايه يع من البياض الي كذا خص على الرجال والله ان الوانا ازين منه مير لو نتخبى كم يوم نطلع تسنا الزبده
صيته :ماتبنا نروح نشتري من عند البياعه
صيته :ماتبنا نروح نشتري من البياعه
شيخه : جبتيها ياصيته انا معي ريالين بشري عسكريم اكياس وغوار
ساره :انا معي ثلاثة اريل وبشري مثل شيخه وزودن عليها علك ونتقاسمه
صيته :انا معي خمسة اريل بشري مثلتسن وتزود وبدال العلك بشري حلاو مصاص ونتقاسمه
ابدخل اعلم امي انا بنروح للبياعه وانتن روحن علمن امهاتكن وارجعن بسرعه
قامت صيته وقامن البنات معها وكل وحده راحت تعلم امها صيته دخلت تركض وصدمت محمد وهو طالع من الباب الداخلي بيطلع بغا يطيح من قو الصدمه
محمد عقد حجانه وحتدة نظرته لصيته وصرخ عليها عما يعميك ماتشوفين انتي دايم مربوشه
صيته : انت الي ماتشوف انت ظهرت قدمي مثل الجني وش دراني عنك انا وسفهته ودخلت عند امها ومحمد طلع للعيال
صيته دورت امها ولقتها في المطبخ حاطتن لها مركى قدم القز ومركبتن على القز قدرن وسيع وجنوبه قصار كنه طشت وفي القدر حليب غنم يطبخ وهي تحركه بستمرار عشان مايحترق وتحتريه لين يتبخر ماه ومايبقى غير اللتيحه
وام صيته جالسه على المركى اقبال التيحه تحركها
دخلت عليها صيته :يمه تراني بروح مع البنات للبياعه بنشتري
ام محمد :روحي واعجلن علي لاتبطن
صيته :طيب يمه
وعند البياعه اشترن الي يبنه وعطن البياعه فلوسهن ويوم شيخه عطت البياعه الريالين الي معها ومير والبياعه تعطيها صيته زود الخمسه
يوم شافتها شيخه تعطي صيته اريالاتها ومير تمعط صيته بشوشتها وتقول عطيني اريالاتي والله لتجيبين قروشي الي عطتسيها البياعه وصيته تمعطها بشوشتها مثل مامعطتها والبياعه تفرق بينهن قالت ابك هاتي الريالين ياصيته وهاك الريالين هذي بدالها ومير تاخذ صيته الريالين ويعودن لبيوتهن
فترة الأقامة :
3507 يوم
معدل التقييم :
زيارات الملف الشخصي :
1606
إحصائية مشاركات »
المواضيـع
الــــــردود
[
+
]
[
+
]
بمـــعــدل :
230.74 يوميا
محروم
مشاهدة ملفه الشخصي
إرسال رسالة خاصة إلى محروم
البحث عن المشاركات التي كتبها محروم