سكرت التلفون وهي طايرة من الفرحة
ام فارس : ياا ابو فارس تعال للمجلس ابيك بموضوع
فارس : ما يصير انا اجي اسمع الموضوع بداله ؟
ابو فارس وهو يضحك : وش هاللقافه اللي فيك
فارس : وش اسوي بعمري .. فيني لقافه كبيرة
ام فارس بابتسامة : حياااك تعال إسمع الموضوع
ندى : لااا .. اجل انا بعد بجي
شذى : مرت عمي اجلسي قولي هنا السالفة وخلااص
ام فارس وهي تضحك : أنتوا اصبروا علي شويه .. بقول لهم وبعدين بقول لكم
ندى : حنا ما نحب نتعبك ابد .. عشان كذا قولي السالفة مره وحده وخلااص
ام فارس : لاا شويه وبنجي نقولكم
راحت ام فارس .. وأبو فارس .. وفارس للمجلس ..
ام فارس : أتصلت لي الحين ام محمد الـ......... تخطب شذى لولدها محمد
ابو فارس بفرح : جد !! طيب مين هذول .. ما اعرفهم !
ام فارس : تقول شذى تعرف ريناد .. وأنت فيه مره جلست مع ولدها محمد
ابو فارس وهو يتذكر : إييييه .. الحين تذكرت .. بصراحة الولد أخلاق وما عليه كلام .. بس لازم نسأل عنه بعد
فارس بعد تردد : زين انا بعد ابي اتزوج
ام فارس وهي تضحك : هذي الساعة المباركه .. بس مين تبي
ابو فارس: ولله ندى بنت اخوي وما عليها كلام .. وإذاا تبيها .. الحين نخطبها لك .. وإذا وافقت عليك .. بيكون زواجهم مع بعض ..
فارس : ابيها .. طيب يلاا تعالوا اخطبوها لي
ام فارس : شوي شوي ليه مستعجل .. الحين بنخبر شذى عن خطوبة محمد لها .. وبنخطب لك ندى
قام ابو فارس وقاموا ام فارس وفارس وراه ..
ندى : هاا نويتوا تخبروونا عن السالفة الخطيرة ؟
ام فارس بضحكه : إيه وبدل السالفة صارو سالفتين
ندى وهي تعدل جلستها : يلاا .. كلي آذآن صآغية
ام فارس : شذى تعرفين بنت اسمها ريناد ؟
شذى بأستغراب : إيه وش فيها ؟
ام فارس بأبتسامة : قبل دقايق أتصلت امها عشان تخطبك لـ ولدها محمد
ندى على طول راحت جنب شذى وحضنتها
ام فارس : فكري زين ولا تستعجلي ..
شذى إبتسمت بأحراج .. " يعني يمكن يكون محمد نفسه الولد اللي شفته بالمطبخ"
ندى : طيب والسالفة الثانيه ؟
ام فارس بأبتسامة : فارس يبيك على سنة الله ورسوله
ندى بفهاوه وعدم تصديق : وشو يعني !
ام فارس : يعني انا الحين اخطبك لـ ولدي فارس
ندى كانت بداخلها فرحانة .. بس حاولت تغطي على نفسها
شذى وهي تحضنها : مبروووووك
ام فارس : فكري زين يا ندى .. ولا تتسرعي .. ولا توافقي إذا كنتي متردده .. وتأكدي أن مافيه شيء بيفرق بيننا .. لا رفضك ولا غيره
ندى بأحراج :إن شاء آلله ربي يكتب لنا اللي فيه الخير ..