|
ديوان الشاعره الحوراء بنت نجد
الشاعره الحوراء بنت نجد .. شاعره تملك اسلوب رائع قصائدها رائعه استمتعت بقرأتها وكان لي شرف طرح ديوان لها في عبير .. اتمنى لكم قراءه شيقه لقصائدها ... |
رد: ديوان الشاعره الحوراء بنت نجد
لاسلهمت عينك ترى جاني الموت
أ موت في سود العيون وهدبها كم مرة لاشفتها برفع ا لصوت أجاوب الورقى واغني طربها أكتب من ا شعارك على صفحة ا لنوت شعر الغرام اللي بحبك سببها ياللي غلاك بداخل الروح مكبوت حبك سلب عقلي وحالي سلبها سحرك سرى فيني مثل سحر هاروت وغرا مك ا شقاني وروحي نهبها مغير أفكر فيك وا لبال مشتوت ونفس ا لعنا طاريك يبعد غضبها يا منوة ا لمشتاق يا منوة القوت ترى هوا ك ا ليوم روحي جذبها يامذهب ا حزا ني وا نا فيك مبخوت نفسي سعادتها معك تقتربها لمفارقك ماطعت عاذل وشافوت وحبك جبر نفسي عليك وغصبها لاجابوا ا لطاري لفرقاك بموت وا لبعد وا لحرمان حالي عطبها ياللي خيالك بين الأضلاع مثبوت يطفي وهج نار بصدري لهبها |
رد: ديوان الشاعره الحوراء بنت نجد
من سنين ارجيك والصبر انتها
واصعب اللحظات وقت الأنتظار ا لعهود ا للي معك ماخنتها وانت ماعندك لها أي اعتبار لك حياتي ياظنيني صنتها عايشه مابين همي والدمار لوحروبك من زمان أعلنتها كان ما مال الزمن فيني وجار خطتك فشلت وانا حطمتها بانت القصه مثل شمس النهار ليه نفسي في غرامك هنتها ياحبيبي منت في هجري مجار المراره في غرامك ذقتها قلتها لك والمعاني باختصار |
سلم الله يمنااك
ع روعه طرحك نترقب المزيد من جديدك الرائع دمت ودامت لنا روعة مواضيعك كلنا شوق لجديدك القادم لروحك اكاليل الورد منوره الصفحه يالغلا |
رد: ديوان الشاعره الحوراء بنت نجد
خيم سكون ا لليل وا لناس رقاد
سرى بي ا لهوجا س بارض بعيده توا قد ت با لقلب نيرا ن وقاد أ طفي ا لقديم ا تجد نار جديده طار ا لكرى يوم ا لمخاليق هجاد وا لعين تذرف وا لعباير شديده بصبر لعل ا لحظ يرجع وينقاد وترجع لنا أيام كانت مجيده لكن -- نجاهد وضعنا ا ليوم بجهاد وأ يامنا صارت بوصلك زهيده خذ ا لخبر يا للي عن ا لحال نشاد أ قول معنى قصتي با لقصيده فهمتها ولاترى ا لهرج ينعاد ولا بلاش أ ليوم حنا نعيده |
رد: ديوان الشاعره الحوراء بنت نجد
أغليك وا هدي لك عيون تراعيك
وتصد عن غيرك وتحضا ك برفوق وا عطيك قلب ما يبي غير طاريك ونفس حدا ها ا لشوق ياغاية الشوق تعال ا شيلك في عيوني وا داريك يانظرةالعينيين يا ساحر الموق تعال احطك في قصيدي وا جاريك وطوقك قصه وباقصى الحشى طوق تعال نجمه في سمايه وا عليك واغيض هالنجمات وا نت ا لقمر فوق أبيك تفهم من يحبك ويغليك وا نت ا لقصيد اللي نغنيك طاروق أ بيك تعطيني مثل ماني ا عطيك شوق الهوى ياشوق لك ساقني سوق على القرا يب وا لبعيدين أبديك والحال من بعدك غدى شبه مدقوق شهد ا لعسل ينساق من بين أ شافيك شهد رحيقه ينعش الروح بالذوق يا إ ما تحس بلهفتي يوم أناجيك ولاترى قلبي من الحب (( معتوق )) |
رد: ديوان الشاعره الحوراء بنت نجد
عجل علي زاد بي الويل
ياروح روحي ووجداني يالله عسى ديرتك للسيل يسقيك ياروض بستاني اشتقتلك يالغلا بالحيل ومن العنا كثرت احزاني القلب ميل عليكم ميل روح معاكم وخلاني اسهر واساهر نجوم الليل والنوم ياشوق ماجاني منزلك عندي شبيه سهيل ويحرم على واحد ثاني اذلل النفس لك تذليل واغليك يانور الاعياني ياويل حالي عليكم ويل لك زود الشوق حرماني أشتاق لك في سكون الليل واحتاج اضمك بالاحضاني بعد الحبايب يهد الحيل وانا بك الحظ مناني أخاف وقتي يجي به ميل وتصعب مواصيل خلاني |
رد: ديوان الشاعره الحوراء بنت نجد
طال انتظاري والهواجس مناديب
وين الوعد ولا على الرف كنا يالله عساها في دروبك تراحيب ويسعد حياتك لوتخليت عنا لاغبت عني وش تفيد المطاليب رخصت نفسي والهوى بي تجنى مليت اعيش بصمت بين ال الاعيب من كان منا صار ماهوب منا تعبت أدور للمفارق تقاريب وليه المفارق يرتحل عن وطنا اللي نبيه يغيب باقي ولا يغيب ومن كنت أبي قربه ترى غاب عنا الهجر والخذلان والشك والريب هاذي بقايا من الغلا في زمنا |
رد: ديوان الشاعره الحوراء بنت نجد
ياواحد ماغيرعفوك وسيله
وبقدرتك عبدك وسيع مجاله تحفظ بلاد الخير عن مانويله وتعز من للحكم يرفى خماله الليث شيال ا لحمول ا لثقيله أللي ليا وكل له الحمل شاله عبدالله اللي له فعول جزيله الليث ابومتعب زعيم العداله العاهل اللي ماندور بديله عسى الليالي ماتبدل بداله راعي العلوم الطايلات النبيله مواقفه تشهد ولابه جهاله للدار واحداث الزمن يرتكي له والشعب كله عايش في إظلاله العاهل اللي شايفين جميله يفعل لشعبه مايدور جماله كم مسلم في حاجته ينتخي له وان جاه مضيوم فزع وانتخى له يمناه تكرم باليالي الفضيله في كل دار وكل مسلم يناله بالخير كل المسلمين تحكي له يدفع وينفق من غوا لي حلاله يمناه بالمدات ماهي بخيله ومعرب من ساس جده وخاله الله يحفظ من يزبن دخيله وعساه عند الله يفوز بعماله |
رد: ديوان الشاعره الحوراء بنت نجد
الله الله وا شرقت شمسي شروق
وا بتدى في خافقي حب الوله ياهواي اللي تغلغل فالعروق ينبض بقلبي ودمي يحمله اه ياحب يرفرف لي بروق يا مشاعر كل يوم تذوب له سكرتي في خمر حبه ماتفوق كود اضمه فوق صدري وامهله بالحبر والشعر انا صغت الوثوق من خفوقي كل همسة حب له دام باقي لي معه حب وشوق كل جرح في طريقي باهمله والأمل براق والحزن مخنوق والهوى طفل وحنا ندلله أنشدينا ياتباريح الطروق الوفا ظل القلوب تظلله |
رد: ديوان الشاعره الحوراء بنت نجد
توكل لانويت تروح تهجرني وتنساني
أمانه لايردك شي واللي عافني عفته لاتستغرب شعوري ذا لأنك ظالم وجاني ولابه يوم جربت الغلا يافلان أوزرته خساره واحسبك ماتعرف الثالث ولا الثاني أثاري قلبك اللي مايعرف السبت من سبته ومادام الرجل قوام على المراه بهجراني تأكد كل رجال عظيم بزوجته واخته أنا الحوراء وانا الماسه وراس الغيم مسكاني أنا الشيهانه اللي من طمان الأرض ماشفته بشمت فيك خلق الله من القاصي إلى الداني مكانك وانت حر في مكانك يوم وهقته أنا حوى صحيح اني دموع العين تشقاني ولكني أذا صديت قلب المبتلى دسته فمان الله وداعيه على شانك على شاني قبل لايكبر الموضوع جود واخذ (هالنبته) |
رد: ديوان الشاعره الحوراء بنت نجد
ياناس حبه برى حالي
لاقال احبك من لسانه أنا اشهد انه هو الغالي من بعد فرقاه تعبانه من بعد فرقاه عزالي ومن غيبته صرت حزنانه يا غايتي يا هوى بالي هذا البطى وش هي الوانه؟! لاجاك خطي ومرسالي لاتلومني صرت ولهانه البيت بعدك خلا خالي يا شين هالبيت واركانه صوتك وطيفك على بالي يداعب الفكر بالحانه يفداه روحي مع المالي وهذا اعترافي على شانه غالي ويشتاق للغالي والطاير يحن لغصانه أختامها أنت أمالي ياتاج قلبي وشريانه |
رد: ديوان الشاعره الحوراء بنت نجد
ذكرتني ياذا القمر باريش العين
لأنه يشابه طلعتك نور خده ياما جلسنا ايام وشهور وسنين سجيت انا وياه في بحر جده أنشهد انه كامل الوصف والزين أرخصت أنا الغالين في كسب وده واليوم انا ياذا القمر والغضي وين الكل منا دمعته فوق خده يا صاحبي لا تبدل الزين بالشين لا تسهر عيوني وحالي تهده أرفق بقلب لوعه عقبك البين وعين تعاف النوم فوق المخده الله يرحم حالنا يالمحبين أرواح وا ستعصت عليها الموده عز الله أن الحب و اهله مساكين كل موصله الهوى فوق حده يسهر طوال الليل والناس ممسين يساهر طيوف الذي زاد صده أعيش في ذكراه من حين الى حين يالله عسى المولى حبيبي يرده دونه حياتي خاليه مدري لوين بصبر وصبري من رجا بستمده |
رد: ديوان الشاعره الحوراء بنت نجد
لاتكابر وا نت بعدك لي هلاك
صرت عقب جنة أطماعي جحيم سرت في دربك ونجمي في سماك غاب واصبح في سما حبي ظليم واعذابي خافقي يطلب هواك صار لك شوقي مثل طفل فطيم اتمنى ساعة فيها لقاك لحظة يبرى بها القلب السقيم يامنى قلب المعنا ويش جاك ماترد الصوت للصوت النديم تدري ا حزاني يبددها عطاك وا نت تبخل في عطاك المستديم اه من هم بقلبي من عناك أنجرح واصبر على فراقك واهيم |
رد: ديوان الشاعره الحوراء بنت نجد
في المنتدى ماجيت أبي حكي فاضي
ولاجيت أدور شعر شعار فاضين أنا عزيزة نجد بنت الرياضي بنت الرجال أخت الرجال المسمين سود المشاعر ماتلامس بياضي الشعر فيه العذب والزين والشين ومافيه شخص صار بالزين راضي يوم السخافه جات في منتدى الزين أقولها ماني على الناس قاضي هاذي ببساطه ماتنص القوانين أقرأ أللوائح شوف ليه أعتراضي واللي أساسه شرط نرضاه راضين شعري وأنا الحوراء كما برق ناضي يلوح نوره في سماء الشعر ويبين وأعلم بأن الشعر حاضر وماضي يشوم عزه يوم طاحت ملاييييييين هذا نموذج في الخطوط العراضي شعري وزنته دون أية موازين ورود تنبت شعر وتزهر فياضي نرجس وروز مخالطه بالرياحييييين أنا غرامي شاعر القلب حاضي شاعر وصيته ذايع بالميادييييين حبه معمر مايجيه أنقراضي في وسط قلبي صار دوحة بساتين شيك الغلا وقع بأسمه بياضي والحب مبطي بيننا حنا الأثنيييين ماقلت لك ماجيت أبي حكي فاضي ولاجيت أدور شعر شعار الالفين |
رد: ديوان الشاعره الحوراء بنت نجد
صادني من بد خلق الله
لا رحم حاله ولاحالي منحرم من شوفته كله واعذاب ا لقلب والبالي أندهش لا شفت هالطله أرخص الأول مع التالي ساهر يا قمر قله اتخيل طيفه الغالي كم صويب بالهوى تله تل قلب الغالي للغالي ياولد ضيعت أ نا المله من جماله جاني هبالي واهني من احتضن خله في نعيمه داله سالي أنتظر حتى يجي حله أطفي اللوعات والصالي الهوى تيارنا شله في بحوره غصت طوالي |
رد: ديوان الشاعره الحوراء بنت نجد
هلابك والمحبه وهبة من والي الاقدار
وانا حبيت صوتك دون شوف العين للصوره هلابك والله اكثر من هلا لوهي تجي لاختار وابرد لاهب وسط الضماير يشتعل نوره هلا يابلسم جروح خطيره طبها يحتار سببها انت ودواها غرامك ماحتمل جوره ترفق في صويب طعنته من سيفك البتار إصابه بالغه تسفك بدمه ساعة الفوره أنا هيمانة مثل الغريق بغبة الابحار يجيبه موج ويوديه موج وبين فتوره وانا فيك ابتليت وحدني ظرف الحياة إجبار على فرقاك لوهي من حياتي صرت مجبوره ترفق ياحبيبي لايطول موعد المشوار تكرم قرب الموعد ترى الساعات منظوره حياتي ليه من بعدك شقيه كلها اصفار ؟! وقصيدي لاتعدى حضرتك ... ابيات مكسوره ! انا ماجيت ابلعب لعبة الشطرنج والا قمار ! انا احبك .. انا منك .. وفيك اليوم مقبوره ! الى من جيت اهلي بك .. واذا قفيت ياستار لك اشواقي وبسماتي والى من غبت مخطوره! |
رد: ديوان الشاعره الحوراء بنت نجد
ياصاحبي هيا نبي منك ميعاد
قبل السنين العوج تبدي علينا وعقب المظامي تاخذ الكبد ميراد وانصير بالمشوار تو ا بتدينا خل الهنا مابين الاحباب يزداد من قبل لايفقد حدينا حدينا واعلن عليك احداد او تعلن احداد ماينفع التطمين قلب حزينا البعد يامهجة ضميري له ابعاد والهجر والحرمان جرح مكينا والحب مابه لعب وجروحي جداد في كل يوم يزيد هجر السنينا انت الغرام اللي له القلب ماحاد يتوق لك شوقي وكله حنينا وانا معك ياخذبي الهاجس اسناد عهد قطعته بالمحبه متينا ياغلا غلا كل الغلا جاك منقاد متى على الله يالغلا تحتوينا يامهجة اللي ماعرف طعم الاعياد لالاتطول بالقطاعه علينا |
رد: ديوان الشاعره الحوراء بنت نجد
انا البسمه انا الدمعه ملامح من بقايا اثار
انا غيمه ويدفعها الهبوب وترفض هطوله قصيدة صفحة التاريخ حامت في سما البحار انا الميته انا الحيه بنعش الريش محموله انا الحوراء انا الدانه انا الماسه انا المحار انا من عمرها ظلت مع الاثار مشيوله انا ظروفي تعاندني .. زماني قاسي وجبار انا لامن نويت انهض بحظي (تحرد خيوله) اعاني وحدتي .. حلمي ابي فارس بعد مغوار واحب الواقع الملموس وارفض كل مجهوله رسمت البسمه العينك واخفي صبري المنهار انا اللي مكبله فعادات والكفين مغلوله انا الحلوه انا المره وطيب الهيل والمسمار انا كلمه ولي اعراب للي صادق قوله بقايا حزن يسكني وتنبت في ثراي ازهار مزيج العطف والرقه وشذى ينساب بسهوله امد يديني للدنيا وانا اللي احفظ الأسرار دلايل طبعي الوافي قصيدة مجد وبطوله انا ابيات معانيها وضوح الشمس وسط نهار اناغيمه طواها الريح قبل تسيل سيوله |
رد: ديوان الشاعره الحوراء بنت نجد
أهديت لك شوق بقلبي توزا
عبر الهبوب ويمك اليوم حازي يفزلك قلبي وعيني تفزا انت الوحيد اللي للاعيان جازي حبك عديم وداخل الجوف لزا باقصى الضماير في حشاي أمتوازي لاشفت طيفك جاير الشوق هزا مثل الهبوب تشيل حتى العزازي أ سهر ونوم العين عني تعزا أ سهر تساهرني نجوم الجوازي ودي بمعسولك قليل أمزا أ ذوق طعم اللي مصون حرازي وأناظر عيون تطالع بغمزا فيها سهوم الموت فيها المغازي مرزوز عمره عكس منهو يرزا مطنوخ مظهر والحلا فيه فازي ياللي سهومك بالحشى سرب وزا جرحك ترا في داخل القلب وازي بالأمس قلبي في هواكم يعزا واليوم في قربك نسيت التعازي دزيت لك شعري مع الطيف دزا والشوق مركوز بقلبي ركازي وزنت لك شعري على الزاي والزا من بنت ذيب شهم ماهو انتهازي |
رد: ديوان الشاعره الحوراء بنت نجد
لاتغرك جلستي داخل مصر
لاسليت ولانسيتك يالحبيب كيف ابسلى لو ثواني بالسفر؟ يابعد حالي ترى مانت بغريب اتذكر بسمتك بين الزهر لك وصايف تمتحني يارهيييييييب ذقت مر الهجر وانواع القهر ومامنعني عنك ياكود النصيب الدقيقه كنها حسبة شهر والعنب يامهجتي اصبح زبيب والعمر في غيبتك ماهو عمر شف خفوقي يابعد عمري كئيب ايه احبك واعشقك سر وجهر طيفك اللي قد خذاني مايغيب مت بس الله ياسيدي ستر والعشق لاصار متمكن عجيب ماكسبت ولاجنيت الا السهر والدموع اللي على خدي سكيب حيلة المشتاق ياكود الصبر والغلا جرحه على قلبي عطيب بس بعطيك الحقيقه والخبر مالي غيرك يابعد عمري حبيب |
رد: ديوان الشاعره الحوراء بنت نجد
ياحبيبي لاتمر وتعداني
خل عيني بس لمحه تهنابك صابني حبك بقلبي وعناني والهوى سهمه طعني من اسبابك ياعديل الروح لاجيت من شاني حطني في محجر العين واهدابك الغياب اللي مع الحزن وداني جابني يمك وانا اموت واحيابك انت روض يذهب الهم واحزاني روض ريف والزهر فيه متشابك يانظر عيني لك الوجد ينحاني لين ياخذني ويقبل على بابك ياحبيبي هاجس الحب مشاني اهتني بك ياهوى البال وادفا بك حبك اشغلني عن الكل واشقاني والزمان ابعدك عني ولا جابك |
رد: ديوان الشاعره الحوراء بنت نجد
سلام ياللي صار للمجد عنوان
رمز العطاء رمز الوفا والجمايل هذاك عبدالمحسن اللي له الشان شيخ الشيوخ اللي على كل طايل سلام له واهديه من قلب والسان واحساس صادق مايمحيه زايل فيه القوافي زان طاروقها زان ماهي خساره فيه بدع المثايل ذكره وصيته بين كل العرب بان غير المعمر شاع بين القبايل له بين ربعه له معزه وله شان محشوم ومقدر عظيم الفعايل والأسره اللي من مواكير عقبان كل المعمر مابهم قول قايل أسرة وفا واعتز فيهم على شان أرفع بهم راسي بكل الحمايل |
رد: ديوان الشاعره الحوراء بنت نجد
يالله ياللي كل مؤمن يطيعه
يامروي عقب المحل كل روضي ياللي على الشده حصونك منيعه ياللي لك المسلم يصلي الفروضي تطفي لهايب بالضماير وليعه على فؤادي والمعاليق توضي لفراق بنت العم كني جضيعه الله يصبرني على فقد موضي الغاليه جتها سهوم سريعه راضين حكم اللي علينا يعوضي فجيعة ياكبرها من فجيعه لا جابو الطاري خفوقي يجوضي من بعدها ضاقت علي الوسيعه كني مجاهد فالمعارك يخوضي ياجعلها في جنان رب الوديعه في جاه من بامره بروقه تنوضي الموت حق وكلنا في طليعه الله يسهلها ليا جاء المخوضي ولخوي ابو نايف بنفس مطيعه ارفع مواساتي على فقد موضي |
رد: ديوان الشاعره الحوراء بنت نجد
واهز قلبي هز ريح للاغصان
ارياح صيف عاصفات عواتي مما جرالي صار حالي بنقصان ياهل الفكر والراي ويش السواتي؟ تلعب بي الاقدار والفكر حيران وصرت انتظر للي به الرب ياتي امشي مع الماشين والقلب نيران واضحك وكني هانيه في حياتي واحسرتي بدلت ربحي بخسران ولاجدا ياكود هل اعبراتي لوتنفع الحسرات سيلت الاوجان وهليت دمع مثل نهر الفراتي وانا ليامنه علي الزمن شان جبت القلم والبوك والمحبراتي وكتبت شعر بالصعيبات لي لان وابديت مافي خاطري في شفاتي يالله عسى يوم بنور الزبرقان يالله لاتقطع رجاي بصلاتي |
رد: ديوان الشاعره الحوراء بنت نجد
سلام والمبدأ على الزين بالحد
نجما ليامن شع غيره تجلا ياثابت السيسان بالعز والمجد ياموقع بين المواقع تعلا من جاه يشكي لوعة البين والوجد عود بلوعات الزمان يتسلا أشم ريح المسك ويشدني شد للخاطراللي له زمن ماأسفهلا يشرب قراح اللي وصل جمة العد مثل العسل صافي وزلال محلا مثل البحر جزره يلاطم به المد وش يجذب اللي منجم ماأستدلا غبة بحرفيها من الدروأزيد ياجوهره فيها عيوني تملا وهذا محلي منتدى الزين من جد إن كان لي بين الشواهق محلا سلام والمبدأ على الزين بالحد الزين باهله لجوه رحب وهلا |
رد: ديوان الشاعره الحوراء بنت نجد
الوايلي حيه على كيف العرب بن وهيل
والنعم فيهم من جذور الوقت قوم فالحه والموت حق وهادم اللذات كالسيف الصقيل ويالله تحسن خاتمتنا من الامور الطالحه جاني جواب صاحبه مدري علامه فيه ويل خطه غريب وفيه شي من الهوى قد لافحه ياشاعرا ماودنا نمشي على عكس الدليل وحتى العباده ماتصح ان ماقرينا الفاتحه كل على مايشتهي مغرم وحاله مع خليل والحمدلله شيمتي في ذكر ربي سارحه والا الردي لوزان حظه جمرته وسط الشليل والذاكره ماخلدت ذكر الوجيه الكالحه ادعي لك التوفيق ياناصر صباح والا ليل والعذب مسقى نيتك ماهي مياه مالحه |
رد: ديوان الشاعره الحوراء بنت نجد
غريبه كيف افكر به وتموت لشوفته عيني
غريبه كيف اهو يسكن خيالي ويشغل افكاري غريبه كيف احس اني هويته وصار يعنيني وكيف انه غدى بوحي وحبه جوهر اسراري غريبه ثورة احساسي وش اللي صار وش فيني والاغرب حالتي لما يجي عنه ولو طاري اشوفه دوم باحلامي يجي يركض يناديني واقول امر تدلل ياحبيبي جيت لك شاري عشقته موت واحبه .. وحبه حيل مشقيني ولا ظني ابد فكر او انه صار بي داري وكل هذا غلا نظره أجل لو هو محاكيني ؟!! وش اللي يصير باحوالي لو انه صار اقداري ! ياليت انه يبادلني الغلا والحب يعطيني يا ليته حس باشواقي قبل تعلن بالاخباري وعلى كيفه يخاصمني .. يزعلني .. يراضيني واذا يزعل علي نذر اجي له واحمل اعذاري ابيه يكون لي بسمه .. ابي حزني ينسيني وابيه يعرف اني فيه دايم اكتب اشعاري وعلى الله مايجي احساسي وهم كاذب يعنيني وتصير احكايتي قصة وهم كاذب من افكاري |
رد: ديوان الشاعره الحوراء بنت نجد
ينعاد عيدك ياوطنا وينعاد
تبقى منيع السور في حكم ال سعود شامخ بنا لنك مواريث الاجداد بالمجد عزك ياوطنا بلاحدود احلا قصايد ياوطن يوم الاعياد تهدالك الاشعار والشعر منضود ياموطن الاسلام موطن هل الضاد موطن شريعة ربنا خير معبود تزداد فينا عز منك انت نزداد هيبة سمو ونرتفع فيك في زود فيك انتوحد نعتلي فوق الاشهاد ياديرة الاعراق والعز والجود ماهمنا عاذل وشامت وحساد حبل الوصل مابيننا حيل ممدود ارض الوحي وارض الرساله والامجاد طرياك عندي كل ماهبت النود ينعاد عيدك ياوطنا وينعاد عيدك وطنا وانت في ظل ال سعود |
رد: ديوان الشاعره الحوراء بنت نجد
ياناشد عني انا من قبيله
فيها الكرم والمرجله والشكاله وابوي شيخ مايخلي دخيله ياما عطى الملهوف من حر ماله انا تميميه ولاني قليله هلي هل الوقفات واهل الجماله اهل الركايب والخيول الاصيله عاداتهم معروفة بالاصاله بني تميم اهل السيوف الصقيله واهل الوفا والطيب في كل حاله حناخذينا الطيب والمستحيله تاريخنا فيه العبر لامحاله صلنا وجلنا فالسنين الطويله وسيوفنا للمعتدي دوم عاله اليا خذينا كود ناخذ جزيله وليا عطينا ماطلبنا كفاله وجودنا من قبل عهد الجليله منذ العصور الاوله والجهاله ماهي حكاوي الف ليله وليله اعلومنا تشهد وكافي دلاله واليوم حنا بمملكتنا مخيله شعب السعوديه يعيش بسهاله في ظل اخو نوره ترانا قبيله والله يديم اللي حكم بالعداله |
رد: ديوان الشاعره الحوراء بنت نجد
ياصاحبي بالقلب لفت هواجيس
وردن على قلبي تجر الجراير قلب على نار الغضى والمحاميس هاذي مواريد وهاذي صداير مر الزمان اللي مسوي كوابيس في غيبة الاحلام ماهي سفاير مايدري ان الحال مثل الفوانيس دايم يصاليها لهيب السعاير حظي وحظك ياحبيبي مناحيس واحد بنا واحد يهد العماير وهموم بعدك في ضميري جواسيس داخل فؤادي مثل كي الشراير تعال خل ايام عمري توانيس عقب البطا ومفارق كان جاير ياللي لك ايامي تدق النواقيس ذكرى لها عيني تهل العباير وين انت تلعب بي هواجيس وابليس؟ يالله عساها ماتدور الدواير |
رد: ديوان الشاعره الحوراء بنت نجد
يوم يمر بدون شوفك وطاريك
يصبح علي الصبح كنه ظلامي ربيع قلبي يوم اشوفك واناجيك واعطيك واخذ منك حلو الكلامي يفز قلبي واتخيل مواريك وافز لو اني بحالي منامي انا عليله منك مافيه تشكيك حبك لجا بين الضلوع الهشامي يزورني طيفك وبالحلم انا جيك وليا تجلا الليل راح الهيامي مهما يطول البعد مانيب ناسيك منساك ياغاية مناي ومرامي يانور عين اللي من القلب مغليك ياروح روحي ياهواي وغرامي لاتطول الغيبه ولك ناس ترجيك بين الرجا والياس ترجف عظامي قلب خذيته يابن الاجواد بيديك إرفق بخفاق طواه السقامي يابعد عمري ياعسى الله يخليك طال السهر عقبك وطال الظلامي |
رد: ديوان الشاعره الحوراء بنت نجد
يوم هدف صابني بين الضلوع
احسب انه ضربته يخطي بها صابني سهم العيون اللي تلوع عزتي للي يطيح اصويبها العيون اللي تقل فيهن فزوع يرمن اللي بالنظر يهوي بها كن لاقاني بهافارس بتوع سهم عينه بندق يرمي بها ما جرالي في مسا يوم الربوع لحظة وادفع ثمن تعذيبها اتذكر شوفته بين الجموع ساعة شفته بها ياطيبها قلت يازين الوصايف والطبوع زين معكم لحظة نسري بها ساعة نلقاك والعالم هجوع ماهقيت ان البخت يحري بها طالبك لاتحرق القلب الولوع المحبه ماتحمل ريبها لاتصير بحب من حبك قطوع ساعة اللقيا فلا تبطي بها |
رد: ديوان الشاعره الحوراء بنت نجد
ناض حرفي على ذاك الغلا بالنشيد
قلت اسمع شعوري فيه كل العباد لوتبعدت عن عيني غرامك يزيد ولك مكانه على المعلوق وسط الفواد والله اني لا احبك لو يطول المديد ولو يطول غيابك خذ كلام الوكاد انت عندي عزيز وفي عيوني فريد ماتحمل غيابك ما لصبري جلاد كثر ما انت العنيد اللي برايك عنيد وكثر ما انت الصعيب اللي براسك عناد ياقريب لخيالي وانت عني بعيد كم تحملت من جور العنا والبعاد يابعيد المسافه يالقديم الجديد كل يوم جروحي في ضميري جداد ارهن النفس ياحبي على ماتريد لك خفوقي حلال تملكه بالوداد انت داي ودوايه واقرب من الوريد محرم عين حورا من لذيذ الرقاد دام قلبي وعيني جبتهن لك قصيد قربي يالمسافه واحكمي بالحياد المسافه بعيده من هو المستفيد؟ مشكله ندنا يابعد عمري جماد الله انه يجيب اللي مثل يوم عيد شوفتك ياهوى بالي هي احسن اعياد |
رد: ديوان الشاعره الحوراء بنت نجد
الليله الفرحه بها نصدح وللرب الكريم
نسجد ولانسجد لحد غيره وهذا كارنا الشبرمي فاز وتحقق ماتبي منه تميم والفوز حققناه والبيرق غدى شعارنا مبروك فوزك يالتميمي من رجال ومن حريم واكتملت الفرحه علينا صغارنا وكبارنا هاذي فعايلنا وحنا نضرب اوساط الصميم مانقصر الخطوه لياما يكتمل مشوارنا الله خلقنا نطلب العليا من الدور القديم افعال اهلنا الماضيه مصدر فخر حضارنا واليوم زاد الشبرمي للمجد في مجد عظيم خليل خلانا من الفرحه تطول اشبارنا كل القبيلة صوت واحد خلف شاعرنا العديم نعزف على مجد تليد مانحنت اوتارنا مبروك لك ياحامل البيرق ويالفكر السليم حققت مالا حققه غيرك وهذا كارنا |
رد: ديوان الشاعره الحوراء بنت نجد
يرتبك في خاطري صوت السؤال
والسؤال احيان مايحتاج صوت فيه صوت وفيه قيل وفيه قال وفيه فكره كل ماجتني تموت بس من موت الشعر تحيا ظلال والظلال اللي تظللني بيوت00 حد علمي بالزعل والأنفعال يجعل الروض الخضر كنه خبوت بس والله من عرفته والليال كنها تفهم جوابي في سكوت صارت الدنيا محبه وابتهال صرت طامع في لقا حبه وقوت صاحبي واخترت حبه في حلال صاحبي يا زين شكله ف البشوت لا هواللي من قريبين المنال0 ولاهو اللي ضاع ليله في بلوت عارف(ن) قدري ويدري بالخصال زانت افعاله وزانت بي نعوت صارحبه وسط قلبي بالشمال واهتنى قلبي ومابالفوت فوت صرت اقول الشعر واسرح في خيال والهواء في طاعتي مثل الربوت البس اوراقه نهار القيض شال ويلبس اوراقي بليل البرد كووووت واهني اللي سقيته من زلال واهني اللي عصر كفيه توووووت صارت ايامي سعاده واحتفال والسبب نظره علي كيف الريموووت |
رد: ديوان الشاعره الحوراء بنت نجد
غيوم وحزن لابارق ولاراعد ولاهتان
عسي حزن جرالي يوم اسمع فيه يجرالك وعسى قلبك يحس انه بظلمه قد قتل انسان ملكته واخلص لقلبك خسرته سبة اهمالك قتلت بذنبك افراحك وصارت فرحتك (جثمان) وهذاني فيك اتشفي جزاك بسابق افعالك تموت اليوم لفراقي انا ادري بغيبتي ندمان ابد مشغلت بك بالي وانا دايم على بالك لأني مخلصه بطبعي وطبعك للأسف خوان وشالك قلبي الوافي وخنته بعد ماشالك تبيني وانت طاعني تجيني كن شي ما كان تبي اسامحك وادمح (وعزي) ماتهيالك وكيف انسى انا قصة خيانه للغدر عنوان محال اني اصدق بعد هذا تافه اقوالك ياهيه ارحل عن دروبي بدل والله ماتنهان هبيل تفكر ارجع لك هبيل بقمة هبالك غيوم وحزن لابارق ولاراعد ولاهتان عسي حزن جرالي يوم اسمع فيه يجرالك |
رد: ديوان الشاعره الحوراء بنت نجد
مال الجزا والهجر يازين داعي
ولالي على فرقاك صبر وجلاده جيتك هوى جيتك غلا واندفاعي وزداد فيني شوق سكر زياده فليت في بحر المحبه شراعي وازريت عن حر الدهر وارتياده ياللي جفيت ومن سببك التياعي الله حسيبك مامشيت بهواده اقفيت وعيوني لزولك تراعي وجزيت من يغليك زود ابتعاده اسقيتني ياشوق سم الافاعي وخذيت فيني بالتعسف شهاده خسرت فيك وبان فيك انقطاعي واللي زرعته ماهتنيت بحصاده ومن دونك الايام تلوي ذراعي ومرت علي ايام حزن ونكاده حسيت من فرقاك سبة ضياعي ماينفع المخلص كثير اجتهاده ياويل حالي من نهار الوداعي مع واحد ولع بقلبي زناده نم ياهوى راحت جميع المساعي النوم لك مادمت ظالم .. عباده |
رد: ديوان الشاعره الحوراء بنت نجد
يالله ياسامع ندى من يناديه
عطفك ولطفك يالاه العبادي يارب شكرك لازم انا نبديه وذكرك وبك نبدا على كل بادي ياخالق المخلوق علام مافيه ياعالم اللي لك يكنه فؤادي يالواحداللي مايخيب الرجا فيه بك يستفيظ السيل مع كل وادي منك المطر يسقي الصحارى ويحييه ويخضر به قاع محيل وكادي انا رضيت بماكتبته وتنويه والشكر لك ياللي عليك اعتمادي مرت بي ظروف صعيبه ولافيه غيرك يعافيني أيا خير هادي اشفيت قلبي في يدينك تداويه ولك ببتهل يارب وانت استنادي ثم ارفع التقدير والشكر يتليه واهديه للشعار ورد وكادي لهل الوفا واللي تنومس مباديه وللي نشد عن حالتي باجتهادي |
رد: ديوان الشاعره الحوراء بنت نجد
جريح الغرام اللي طواه الهوى واشقاه
وش علاج جرحه دام للجرح ماريه شكيت الهوى واثر الهوى ماله مداواه صويبه يطيح وعلته دوم مخفيه تجيه الأطباء والدواء ماقدر بشفاه يقولون ماله طب حاله غراميه وانا اضم جرحي واعذابي واعرف دواه دواه الحبيب اللي ذبحني وانا حيه يطيبن جروح القلب في شوفة محياه وتزيد الجروح ان كان له بالهجر نيه وانا اجر صوتي والحق الصوت وويلاه سطابي غرامه دون رحمه وماويه نسى كل مابيني وبينه وماذقناه من احلى ليالينا ولحظات ورديه نهايه ومن عقب السعاده على المأساه ليالي السعاده روحت مالها جيه |
الساعة الآن » 11:44 PM.
|
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
new notificatio by 9adq_ala7sas
HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف