رد: رواية غلطه وبندفع ثمنها السنين
 

في يوم جديد
في فلة ناديه
الساعه 9 صباحا
ناديه تصحي دارين
ناديه.دودو يالله قومي..مو انتي تقولين لي صحيني الساعه 9 .
دارين. ندوي حرام عليك خليني اكمل حلمي..
ناديه. هههههههههه والله عمي عرف يجيب راسك
دارين وهي تعدل جلستها.عقبال مااشوف فهيدان جايب راسك
ناديه فتحت عينها على الاخر.
دارين .لا تطالعيني كذا. انتي من يوم جيتي كله تقولين .فهد سوا . وفهد قال. وفهد. وفهد..
ناديه.لا دودو لاتفسرين كلامي على اني احبه
دارين.ندوي. انا دارين خابزتك وعاجنتك عدل.
ناديه اسكتت وبعدين قالت بصوت هادي .اممممممممممم هو يعجبني في شخصيته وثقته في نفسه .قوته.
كل ماشفته اختبص ماادري ليه اذا سمعت صوته اسرح مع صوته للبعيد.
. ابتسامته وااااااااااااي تخبل ضحكته تذوب يادودو. الرجال هذا عذاب. لمست يده . وهي تنسدح على السرير وتمسك خصرها. هز كياني .احس برعشه تدخل في جسمي .
امس ماشفت فهد كانها سنه ماشفته
وحشنــــــــــــــــــــي بقوه.
دارين. شنو سالفة مسكته.
ناديه ارتبكت.هاه ..ااانا قلت مسكته.
دارين. ندوي قولي اخلصي تعرفيني مراح اخليك تطلعين من الغرفة من غير ماتقولين لي .
ناديه.علمتها بسالفه المطبخ وسالفة المستشفى.
دارين < تتكلم بجد من غير ماتمزح<<.ندوي خلينا نكون صرحين مع بعض. جمال البنيه وقيمتها في سمعتها اذا فرطت في سمعتها مراح يكون لها قيمه.شوفي انا احب راشد من زمان .بس ولا عمري فكرت اني ادزله مسج اعلمه اني احبه.
تدرين ليه. الى يتقدم هذي الخطوه صدقيني راح تكوننين في نظره بنت بلا قيمه . راح يشوفك انك انتي اللي قاطه نفسك عليه.
ندوي لا تفكرين انك تصارحين فهد بحبك. مهما طال الزمن ولا قصر .
ناديه. ليه تتوقعين مني اني راح اسويها.
دارين. الشيطان حي مامات.
..........................

رد: رواية غلطه وبندفع ثمنها السنين
 

في بيت ام ناصر
ام ناصر.والله البيت كله لها
ايمان. البايخه خلتني ابروحي ..فقدتهاحييييييييييييل.
(فهد ايه والله حتى انا احس الديره فاضيه )
فهد. متى نويتوا تروحون السعوديه
ام ناصر. قبل العرس بثلاث ايام.
ايمان, علشان نستانس و نتمشى بالخبر.
فهد . على راحتكم بس علشان اضبط اموري في الشركه. واشوف امي واخواتي.
شيخه. امك بتروح معك؟؟
فهد. ايه وبتحضر العرس وبعد العرس بنحرك المكه.
ايمان.يوه تعب علينا خلوها بعد العرس بومين.
فهد. انا متفق مع راشد وقال زين.
ام ناصر.لا ماعليك منها .
شيخه. كم سياره بتروح
فهد.سيارتي وسيارة راشد.
ايمان. اشدعوه سيارتين خلوها سياره وحده .
ام ناصر.لاسيارتين احسن تشيلنا وتشيل اغراضنا.
شيخه.ناديه بتروح معكم
ايمان.لابتروح مع خالها للسوريا.
ام ناصر.موب على كيفها تروح معي
شيخه. يمه مايصير تحكمين في البنيه..خليهاتروح مع خوالها وجدتها.
ام ناصر. لا انا مااتحكم فيها بس هي حسبت الامانه عندي اذا اعرست وراحت بيت رجلها . قد شورها عند رجلها.
فهد. ايه صادقه امي البنيه مع جدتها.
...................

رد: رواية غلطه وبندفع ثمنها السنين
 

في سياره ناديه.
ناديه تكلم راشد.
ناديه. دير بالك من الطريق وسوق على مهلك
راشد. ذكرتيني بامي .. توصون على شي
ناديه. سلامتك
راشد.اللي جنبك ماتبي تقولي شي.
ناديه.هههههههههههه قصدك مرت طلال.
راشد. قسم لو تقولينها مره ثانيه لااذ بحك.
ناديه,ههههههههههههه خوفتني
راشد. سلم لي عليه قولي لها اني اسلم عليها بوسي لي عينها قولي لها اني ابوس عينها.
ناديه .ههههههه يوصل يالولهان
.........................

رد: رواية غلطه وبندفع ثمنها السنين
 

مرت الايام بسرعه.
وناديه تحط على الطاوله باتشي ومعمول سعد الدين وحلويات وفطاير في مجلس الرجال ومجلس النسوان.
دارين . كل هذا علشان اهل الكويت ولاعلشان اللي خبري خبرك.
ناديه بصوت حزين. دودو اللي ماتعرفينه فهد في باله وحده ويبيها.
دارين. من هي.؟؟
ناديه . ماقال من .
دارين تضيع السالفه. اقول دقي على جدتك شوفيها وين بتجي عندك ولا عندنا.
ناديه. لا عندكم تقول بنروح للمعاريس اول وبعدين بيجون اهنا في بيت ابوي.

دارين. يالله خليني اروح البيت واستقبل النسوان.
ناديه. انتظري تو الناس خلينا نتغدا وبعدين نروح مع بعض.
دارين.بتروحين معي . اجلسي العرب بيجونك
ناديه تبتسم..وتحركــ.. حواجبهاا. ايه بروح معك وش مجلسني بروحي..؟؟ بروح استقبل النسوان معك.
....................

رد: رواية غلطه وبندفع ثمنها السنين
 

في سياره فهد
ريم تكلم هيون
ريم. شنو يجيبه معنا؟؟
هيونه. فهد الي قاله يجي علشان يساعده في السفر
ريم. ماحصل غير هذا
هيونه. شنو فيج على الرجال ..شوفيه ياحلوه عاقل .من يوم ماركبنا السياره ماتكلم.
ريم. وع وع وع من زينه
هيونه. انتي ليه ماتبينه.؟؟
ريم تضيع السالفه. منور عطيني كاكاو.
منيره. لا مابي مالي .
حمد يكلم ريم. اششششششششش صوتك . الرجال يسمعك.
.......................

رد: رواية غلطه وبندفع ثمنها السنين
 

في بيت ام سعود
في بيت المعاريس
بيتهم فله كبيره وحوشهم كبير وحاطين اللمبات الصفر على بيتهم من كل الجهات. وعندهم اعيال عمتهم من الامارات جايين علشان العرس و عمان سعود وفواز .
سعود:. الله حيهم يامرحبا تو مانورت السعوديه
ام ناصر:. الله يحيك . امنوره بغالينها .مبروك ماسعيتوا فيه
سعود:. الله يبارك فيك . وعقبال راشد وفهد.
ام ناصر:. عن قريب ان شاء الله.
ام ناصر. وين معرسكم
السلام عليكم
سعود اذيب عند طاريه
فواز سلم على ام ناصر
اشوي عبد الله دش وشاف ام ناصر طلع ابسرعه
ام سعود . عبدالله تعال سلم على مرت خال ابوك .
وجاء وسلم عليها
فواز. يمه الشباب يبون يسلمون عليك
ام سعود. الله حيهم.
دش راشد وفهد ومحمد وهزاع ولد عمتهم في الامارات.
سلمت عليهم وجلسوا يسولفون اشوي
ام سعود تاشر على محمد هذا منهو؟؟
راشد. هذا ولد اخوي احمد
ام سعود. ابراهيم
فواز يبتسم. والله ماالومج اذا ماعرفتيه هذا محمد اصغر من ابراهيم
ام سعود. ماشاء الله ياذكر الله واشلونك وشلون ابوك وامك واخواتك؟؟.
محمد. بخير الله يسلمج ويخليج.
راشد. من كثر ما هو داخل في العائله صاروا الناس يعرفونه حيييييييييل
فهد يكلم راشد وفواز. اقو ل اسكت عنه انت وياه نسيتو انفسكم.
ام سعود. ههههههههه استر عليهم
هزاع . وين دارين ماجات تسلم علي.
راشد يطالعه بنظره مستغرب من جرائته.
ام سعود. رنيم ادعي عمتك تسلم على هزاع .
راشد وفهد ومحمد وفواز اطلعوا
دشت دارين.
هزاع. هلا بدارين اعلومج اخبارج
دارين. بخير الحمد الله على سلامتك.
هزاع. الله يسلمج ويبقيج.. هاه حصلتي وظيفه ولا بعدج
دارين مابعد قدمت
هزاع. متى مابغيتي حياج الوظيفة تترياج
(هزاع عنده مستشفي صغير تو فاتحه )
دارين. تسلم ماتقصر.
..................

رد: رواية غلطه وبندفع ثمنها السنين
 

دارين راحت المطبخ
حصلت ناديه تقول حق الشغاله تسوي قهوه
دارين. وضحه ام فهد شكلها قويه الله يعينك عليه
ناديه . هههه ابشرك انها ابعيد في قطر. مو بالكويت... وبعدين اسرحت
(يالله يافهد اشتقت اسمع صوتك ..اليوم سمعته .حسيت اني كنت عطشانه وهلأ ارتويت.)
دارين. انتي اللي ماخذ عقلك
ناديه تبتسم. راشد.
دارين. اف .امسكت علي شي ..ذلحين بتذلني
...................

رد: رواية غلطه وبندفع ثمنها السنين
 

العنود.معكم واحد ماشاء الله يهبل
ايمان. أي واحد اعيالنا كلهم زينين
العنود.لا مو راشد ولا فهد. هذا اول مره اشوفه
ام ناصر.محمد ولد احمد اولدي.
العنود. ماشاء الله عليه الله يخليه لكم.
ايمان. هذا احلى واحد بالعائله
وضحه. ليه وين راح فهد
ام ناصر. فهد ماعليه اقصور ..بس محمد غير.
(ناديه والله ماعلي منكم فهد غييييييييييير )
دارين تساسر ناديه
دارين. مالت عليك ماحصلتي غير فهد. كان حطيتي العين على محمد..ماتعرفين تختارين.
ناديه تبتسم. الرجال مو بالزين الرجال مخابر.
ايمان. دارين امشي معنا البيت اخوي
دارين. مااقدر وتعرفين عرس و حوسه وناس داشه وطالعه.مااقدر اخلي كل شي على العنود حرام
العنود تبتسم. ذلحين كسرت خاطرك وانتي جالسه عند ناديه اسبوع حتى مافكرتي تمرين.
ناديه. لا حرام عليكم تظلمونها ..هي كل يوم تحن فوق راسي ابي اروح البيت عندامي حرام العنود ابروحها.
العنود. لا فديتها دارين ماتقصر .. بس العروس معتمده علي .مااقدر الحق على العروس ولاعلى البيت.
دارين. ذلحين تقدرين تروحين .
العنود. موب على كيفي اخوك طردني .
الكل .هههههههههههههههههههههههههههههه
ام ناصر. لا تحججين في دارين. العله من رجلك
ناديه. فديته خالي سعود لبى قلبه.. ماهو ردي.
العنود ودارين يطالعون ناديه
العنود. وش عندك تمدحينه
ناديه تمزح. لا هو قالي مدحيني عند البنات علشان اذا خطبت عندهم يوافقون
العنود تضرب ناديه على الخفيف..هذي اخرتها تزوجين سعود.
ايمان.ابشري بسعدك عندنا بنات وهي تاشر على ريم وهيونه.مستعدات
الكل. ههههههههههههههههههههههههه
العنود تبتسم::. والله انتم الخسرانين .اذا تزوجتوا سعود بسحب مع ساره .
ام سعود. وش علي ساره منك.
العنود. تضامن معي مو انا اختها.
الكل. ههههههههههههههههههههههه
.....................

رد: رواية غلطه وبندفع ثمنها السنين
 

بعد العشاء راحت ناديه و اهل الكويت بيت ابوها.
دشت ام ناصر البيت وتذكر ولدها وقامت تبكي
ايمان. الله يهداج يايمه لاتبكين بعدين تشوفج الثانيه وتبكي زيج.
(ناديه كانت في الطبخ وهي جايه اسمعت ايمان تقول حق جدتها لاتبكين)
ناديه. لا تلومينها..خليها تبكي ..
...
وضحه وبناتها في غرفه وايمان ومع امها ام ناصر بغرفة ومحمد وفهد وراشد بغرفه وحده. وحمد وسعيد بغرفه.
...................

رد: رواية غلطه وبندفع ثمنها السنين
 

في غرفة الشباب
الساعه 1 باليل
فهد. بغيت تذبح الرجال بنظراتك يوم قال وين دارين ..
راشد. والله كنت بقوم اكفخه بس مدري شنو اللي ردني
محمد.: عاد ي شنو فيها اذا سلمت على ولد عمتها .
راشد.انت مو فاهم شي
فهد بيتسم. فهمه انت.
راشد خذا الجوال ودق على ناديه
(ناديه كانت تستعد للنوم)
ناديه بصوت نايم. الو
راشد. نايمه.
ناديه. توني بنام بس تلفونك صحاني.
راشد.اممممممممممم شنو سالفة هزاع
ناديه عرفت سؤال عمها بس حبت تستهبل عليه. هزاع مين هزاع.
راشد قام وطلع من الغرفه اللي فيها محمد وفهد.
راشد. ناديه زكري معي..هزاع ولد عمتها.
ناديه. ايه وش فيه؟؟؟.
راشد.شنو علاقة بدارين
ناديه.عمي والله مو فاهمه عليك.
راشد.صحصحي معي ..هزاع قد خطب دارين.
ناديه. ايه
راشد. وبعدين
ناديه.ابي انام.
راشد عصب على ناديه وسكر التلفون في وجها وراح لها بالغرفه
ناديه شافت راشد عندها بالغرفه اضحكت.
راشد. ايه اضحكي شنو عليج...قولي لي سالفة هزاع.
ناديه عدلت جلستها.انت قولي شنو جابه على بالك.
راشد.علمها بسالفه.
ناديه. اسمع هزاع ولد عمتها يعني عادي اذا سلمت عليه لايروح فكرك ابعيد .
وبعدين هزاع خطب دارين وهي كانت تدرس قال خالي سعود البنيه تدرس ولا تفكر بالزواج.
راشد. يعني ما رفضوه.
ناديه. لا املوه خير.....عمي لك منافسين واجد.
راشد. هي تحبني وراح تنطرني
ناديه. الصبر له احدود ..هي اليوم تنطرك بكره راح تمل منك وراح تاخذ غيرك....عمي انت ليه ماخطبتها .
راشد. انا ماحبيت اعلق البنيه فيني .اخطبها وخليها عند اهلها لين اكون نفسي . الناس راح تسئل ليه متزوج وليه وليه. انا مابعد كونت نفسي . انا ذلحين ادرس بلندن ومابعد خلصت دراسه . انافكرت اخطبها بس موت اخوي خالد خرب كل مخططاتي .ذلحين مااقدر اخطبها وانتي عارفه ليه امي مستحيل تروح تخطب وهي جرحها مطاب. وبعدين سكت فتره. اذا لها نصيب عندي باخذها
ناديه. الجرح عمره مراح يطيب...انت بس تقدم واخطبها وبعدين كل شي راح ينحل خصوصا امي نوره انسانه متفهمه واعيه مو نفس العجايز اللي راسهم يابس.. وانت اخر العنقود عندها ومابترد لك طلب
راشد. اذا شفت صاحبك عسل لا تلحسه كله.. انا اداري شعور امي .
ناديه. جزاك الله خير .. ويخليك امي نوره.
....................