|
ديوان الامير/ عبدالرحمن بن مساعد
http://b.top4top.net/p_304st3891.jpg رحل رحل أشتاق لجراحه رحل أشتاق لجراحي... رحل يحق له طيبتي ماتحتمل قليله في وقت الهموم ماكنت اعتب او الوم يحق له مايحتمل .. هذا الملل اسدلت أيام لعناده حبيته في قربه .. وبعاده متعبه هذي السعاده رحل أشتاق لجراحه رحل |
يعطيك العافيه على الطرح ..
دام التألق... ودام عطاء نبضك كل الشكر لهذا الإبداع,والتميز لك مني كل التقدير ...!! وبآنتظار روائع جديدك بكل شوق.. ودي وعبق وردي |
رد: ديوان الامير/ عبدالرحمن بن مساعد
http://b.top4top.net/p_304st3891.jpg تعاريف الشوارع مستقبل الماضي المضارع الكراسي مصدر افراح ومآسي لا هي تبارك لجالسها الجديد ولا هي لأهل تاركها تواسي. الكراسي عامدة تهزأ بنا وهي جامدة الصرير اللي من قوائمها يقول: ما في احد منكم أساسي المواطن شخص تخفاه البواطن شخص ما هو لمصلحة مستقبله فاطن المواطن في جميع الأزمنة و الأماكن دومه ماكل و شارب وساكن ما يبي غير الذي يقدر يفكر له يبين له يقرر له وش الفاتح من الألوان و وش الداكن المواطن كفء عاقل محترم لكنه شخص جاهل بالبواطن. الذكاء انك تلاقي مكانك بين اكوام الغباء. الجود العطا بحدود او بمعنى آخر انك تعطي اكثر من الموجود. الحياة الممر الكهل بين الولادة والممات او بمعنى آخر نقول المسافة بين جبهة متجه صوب السجود وبين سجادة صلاة . السياسة السياسة فن والدنيا ومسارح ولأجل تحقيق المصالح تقدر انك تكرهه في داخلك وتلعن الطيب في ساسه .. لكن ان شفته عليك تقوم له وتحضنه وتبوس راسه. الاقتصاد ناس تزرع من فجر ربي لين الشمس تغرب وناس تصحا في العشا تتولى تقسيم الحصاد . السجون هي مكان العزل من يخرج على القانون وإن غدا القانون جائر تصبح القضبان دنيا وتعزل الخارج عن المسجون. النفاق رغم اختلافك تبقى آرائك وآراء الذي تخشاه دايم في (اتفاق) أو نقول هو انتماءك كل فترة لانتماء أو نقول هو ارتماء أو بمعنى آخر هرولة صوب اليهود، وبكا على أطفال العراق . السراب وهم .. ما هو ماء لكن يعطي للضامي أمل واحساس مفعم بالأمل والسراب ينادي يا ضامي تعال ما تبقى الا خطوتين وتنعم برشف الشراب أو بمعنى آخر نقول السراب الوعود اللي قطعها المرشِّح للمرشَّح في انتخاب. الطواغيت ناس تتعلق صورها فكل قرنة وفكل بيت ناس تلقى في دولها العيون ما هي عيون والعقل مثل الجنون وأصغر الذنب أكبره والحديث ذو سجون والعفو عند (المقبرة) البخل تقتير مع وفرة دخل أو بمعنى آخر ووصف وجيز عكسه المطلق فعل سلطان بن عبد العزيز الحداثة الرضوض الناتجة عن ارتطام الشهب باسراب البعوض ما هي طلاسم او غموض او بمعنى آخر نقول الحداثة : واحد زائد واحد يساوي ثلاثة العبث تمنع دخول كتاب أو تخفي حدث أو اعتقادك أن لك تأثير وإن هالعالم برأيك أكترث أو بمعنى آخر نقول العبث حاكم يرسل كل صبح لمعركة وفي المسا من زود تقديره لهم يحرص على رجوع الجثث الصفر الصفر كشف جليل من اكتشافات العرب يظل برهان ودليل على الشروق اللي غرب نقدر نقول إن الصفر انجاز تعدى وقته في وقت غابر أوجدوه ومن يومها وهم تحته الفقر الفقر هو غنى فاحش هناك ومستقر الفقر مطلب ضروري لأجل تتسوق شعارات القناعة والصبر لأجل يطلب صاحبه انصاف ما بعد القبر |
رد: ديوان الامير/ عبدالرحمن بن مساعد
اقتباس : المشاركة الأصلية كتبت بواسطة سهام الروح [ مشاهدة المشاركة ] يعطيك العافيه على الطرح ..
دام التألق... ودام عطاء نبضك كل الشكر لهذا الإبداع,والتميز لك مني كل التقدير ...!! وبآنتظار روائع جديدك بكل شوق.. ودي وعبق وردي منوره يالغلا |
رد: ديوان الامير/ عبدالرحمن بن مساعد
http://b.top4top.net/p_304st3891.jpg
كباريه فرقة موسيقية كمنجة بثلاث أوتار .. قيتار .. ثلاث طبّالين اورق .. ناي .. شاي فُرقة موسيقية يجون .. كل ليلة يجون .. ومع أول الصبح يسرون لجل ثاني ليلة يجون هم يعزفون .. وما يعزفون في مكان تسمع فيه الناي قانون ازعاج .. صجة .. دجة ايقاع خليجي غالبا ً مقلوب ايقاع خليجي دائما ً مطلوب شباب .. بنات ترقص .. والعطر في اول الرقصة حلو .. وفي آخر الرقصة هبوب غناء وطرب .. عرض وطلب واحد يغني .. بدلته تلمع .. يُفترض فنان ياليلة دانة لدان قرقعت كيسان .. دخان .. ما اسعد الشيطان ضوء خافت .. كل شي حلو والضوء خافت كل شي كذب والضوء خافت وفي اطرف الصالة .. هناك اثنين .. واحد يقول : - " شفت هاذيك الطويلة اللي ترقص " ؟ الثاني - " وين؟ " - " هاذيك اللي مع حسين " " واعدتها البارحة وجتني .. مالومها حبتني ..اعطيتها ألفين " " مسكينة هي .. ماودها تجلس في ملهى .. بس انها تساعد اهلها " الثاني قال : " كل البنات اللي هنا تساعد اهلها " غسان .. غسان .. مدير هالصالة ركض غسان .. وصل فلان .. وصل المهاب .. معاه عشر اشخاص ركض غسان " اهلين وسهلين ..شو هالحلو..يخزي العين " الفرقة تنهي الأغنية .. وتعزف بسرعة .. " حمد لله ع السلامة .. ياجاي من السفر " أحلى طاولة للمهاب .. طاولة على البست لفلان اللي من اسبوع كان لابس البشت .. اليوم على البست غسان قلقان .. مضت ساعة .. وما نقّط أحد نادى " ياجارسون " وحط يده في جيب البنطلون .. " خذ هالألفين ..على المغني ارميها .. وشاور على فلان " ادريس قام " فلان ينقّط وانا لا.. ياللإهانة .. والله لنقّط " - " يادريس لا .. هذي فلوس التذكرة .. وشلون نرجع .. السفر بكرة " ادريس قال " بكره اروح لفلان احلف له ( انسرقت فلوسي .. الاوتيل غالي .. وانا معي عيالي ) وارجع انقّط " جارسون هناك يحكي مع زميله غسان قال " الفواتير ماتنزل الا آخر السهرة " الحق معه .. بهذا الوقت .. مافيه احد يقرا جوزيف وين .. اليوم فل .. ودوه للشرطة .. غسان شافه يسرق من النقطة والكل عارف .. الثلث للفرقة .. والثلث للنمرة .. والثلث للصالة وكله لغسان طلعت الشمس .. الساعة ثمان الكل سكران .. الكل تعبان ماعدا غسان " قفل الصالة ..الوعد بكرة " |
رد: ديوان الامير/ عبدالرحمن بن مساعد
http://b.top4top.net/p_304st3891.jpg
قالت احبك قالت احبك واحضنتي ثم ٍ قالت من انت ؟؟ وضحكت .. ثم ٍ بكت ثم ٍ حكت .. ثم ٍ سكتت ثم ٍ قالت لي من انت !! اللي جرى .. ماهو غريب الزمن فعله .. عجيب نسّاها اسمي .. نسّاها حبي .. نسّاها دمعي .. في يوم انا .. في احضانها طفل وحبيب !! ياهي جرحتني .. يوم نكرتني حاولت اداري عبرتي .. بس ماقويت خانتي دموعي .. وبكيت وبعدت عنها واتبعتني وامسكت يدي واحضنتي ومسحت دمعتي من فوق خدي رجعت البسمه لشفاي نسيت انا همّي وشقاي صرخت للدرب الطويل لا مانستني .. مستحيل الزمن او اي شي .. يقدر يقسيها علي يقدر ينسيها هواي وفجاءه سكتت ثم ٍ ضحكت ثم ٍ قالت لي من انت ؟ |
رد: ديوان الامير/ عبدالرحمن بن مساعد
http://b.top4top.net/p_304st3891.jpg
قالوا ترى قالوا ترى مالك امل في قربها لو يوم ابعد وجنب دربها ..هذا هو المقسوم قلت اتركوني واسكتوا..خلو العتب واللوم قدني غرقت في بحرها..ولاعاد يفيد العوم قالوا ترى في حبها ويل ..واسى..واهموم قلت ان قتلني حبها ..حسبي تقول مرحوم قالوا انسى ذكرها..منتب بها ملزوم قلت ابشروا ياعذلين..بنسى لذيذ النوم قالوا بتلقى غيرها..واترك هواها اليوم قلت العفو ياحاسدين ..ما ابدل القمر بنجوم قالوا لغيرك حبها..قلت الجواب مفهوم دام انها متهنيه..وشلون اصير محروم بقضي الليالي انتظر..صابر على المقسوم متعلق بطرف الأمل .. يمكن يجيني نوم قالوا ترى مالك امل ..في حبها لو يوم ابعد وجنب دربها..وهذا هو المقسوم |
رد: ديوان الامير/ عبدالرحمن بن مساعد
http://b.top4top.net/p_304st3891.jpg
الشهر ياللي تحبيني شهر .. ثم ٍ تجافيني شهر ثم ٍ تحنيلي شهر .. وتفكري كيف الرجوع كذا شهر وترجعيلي في شهر .. ماقد خطر في خاطرك .. ان السنة اثنعشر شهر ؟! وقتي معك نصفه هموم ونصفه الباقي اسى .. ولو طبعك القاسي نسى وبالصدفة جاء مرة صباح .. وكلمة منك فرحتني لابد ما همس الجراح .. تسمعيني في المسا ولو تعتب جروحي عليك .. وتشتكي منك إليك بترجعي تحبي شهر .. ثم ٍ تجافيني شهر ثم ٍ تحنيلي شهر .. وتفكري كيف الرجوع كذا شهر وترجعيلي في شهر .. ولا يجي في خاطرك ان السنة اثنعشر شهر اعذريني لو اقول .. حبك نسى معنى الفرح اعذريني لو اقول .. وشلون يذكرنا الفرح ؟! مادام اذا كنتي قريبه .. كل تفكيري يكون .. بُعدك متى ؟! .. وإلى بعتي ابلا سبب الاكيد بترجعي .. بس الأكيد هذا متى ؟! ولو تعب مني الصبر .. وملّ من صبري العذول وقلت ياناس اسألوها .. الحب هو كله هجر ؟! ردك يجيني في شهر .. قالوا تقول : " ماينتظر .. بس يشتكي ! يصبر عليّ .. ترى السنة اثنعشر شهر " ؟! |
رد: ديوان الامير/ عبدالرحمن بن مساعد
http://b.top4top.net/p_304st3891.jpg
شبيه الريح شبية الريح وش باقي من الآلام والتجريح وش باقي من الأحلام وش باقي من الأوهام غير اني .. الاقي في هجيرك فيّ الاقي في ظلامك ضيّ واوقد شمعتي في الريح شبية الريح اذا تسمح بغيب شوي ابجمع همي الباقي وادفن صبري الذابل في أوراقي و برجع لك اذا باقي بنفسك شي شبية الريح أنا مقدر أكدر صفوك العاصف شبية الريح أنا من لي سوى إحساسك الجارف بقايا زيف أشواقي سما أمطار أحداقي شبية الريح وش باقي ابي أعرف متى تسكن رياحك وابي أعرف غرورك هو متى يطلق سراحك وابي أعرف متى تعصف متى تعطف متى تنزف جراحك وابي أعرف إذا باقي في بحرك موج اكسر فيه مجدافي وابي أعرف إذا باقي في همك هم ماشالته أكتافي وابي أعرف إذا باقي في هالدنيا حزن مامرني واستوطن أطرافي وابي أعرف إذا باقي من المعجز في هالدنيا سوى العنقاء والا الغول والا خلك الوافي بقايا زيف أشواقي سما أمطار أحداقي شبية الريح وش باقي ؟! سنيني يم وقلبي المركب المتعب وانت الريح مجاديفي عذاب وهم وزادي الوجد والتبريح وصبري صبر بحّارة بغوا في اليم محّارة غشاهم موج كان من الغضب أغضب وكانوا للهلاك أقرب لولا كثروا التسبيح شبية الريح حبيبي الأصدق الأكذب عجزت اوصل شواطي طبعك الأعذب تعبت أنطر في وسط العاصفة قلب وشعور وعاطفة تعبت أجمع ألم كل الموادع في المواني وأحضن أطيافك تعبت السهد في ليل الشوارع والثواني تنطر انصافك تعبت الظلم واجحافك شبية الريح أنا ودي أكدر صفوك العاصف شبية الريح أنا كني نسيت إحساسك الجارف بقايا زيف أشواقي سما أمطار أحداقي شبية الريح كيف أسألك : وش باقي ؟ وأنا الباقي من إحساسي ذرته الريح |
رد: ديوان الامير/ عبدالرحمن بن مساعد
http://b.top4top.net/p_304st3891.jpg
سبعة ارقام وجفا بيني وبينك سبعة ارقام وجفا عندي بقايا جرح وعندك بقايا وفا لاجزا الله هالدنيا خير في كل لحظة طبع غير ياللي جفاك طوّل ترى المغيب اقبل وما عاد به شي ٍ نخافه لامن غدت كل المسافه بيني وبينك سبعة ارقام سبعة ارقام وجفا بيني وبينك كان شي ٍ يسمى حب كنا بنقطع به درب ٍ طويل ٍ صعب فيها الحسد والخوف فيها العذول اللي يستمع بالشوووف فيها الرجوع اصعب من النسيان فيها الصديق اقسى من الانسان لامن جرح انسان ياللي احبك غصب الدرب ماله درب وكل شي صرنا نخافه دام انها كل المسافه .. بيني وبينك سبعة ارقام وجفا ياللي ضيعتي الوفا اليوم ضيعني الوفا ! اقبلي مني الجفا .. واقبلي عمري اللي ضاع وارضي لي ب الهم رفيق ولا لمحتي مركبي في بحر حبك غريق .. ابعدي .. لاتضعفي .. لا تمدي لي الشراع ياللي قتلتي كل شي ما ابغى منك الا شي حققي لي اللي ابي واقبلي مني الوداع ولاذكرتي ما مضى ... اكتبي سر الضيااع سبعة ارقام .... و دفا ,,, |
الساعة الآن » 10:14 AM.
|
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
new notificatio by 9adq_ala7sas
HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف