|
رد: على كف الفقيد أبكي بقلم للدمُوع إحسآس
ديبي بالعربي : وش اسمك ياجميله ؟ ندى : انا ندى .. انتي مين ؟ ديبي : انا اسمي ديبي .. ندى انا بعلمك كيف تتكلمين انجليزي .. ندى : ليه ؟ ديبي "تأشر على ليزا" : شوفي هذيك الانسه اللي واقفه ندى : ؟؟؟ ديبي : هذيك الحين امك ندى : امي ؟ ديبي : أيواا امك ×××××××××× |
رد: على كف الفقيد أبكي بقلم للدمُوع إحسآس
رجع البيت وهو تعباان من التفكير و شاف زوجتـه جالسه على الكنب وسرحانه ابو فارس : الصبر الصبر ام فارس : انا تناسيت الوضع .. اللهم اني اسألك ان تلهمني الصبر ابو فارس : الحمدلله الي طلعك من اللي كنتي فيه ام فارس : الحمد والشكر لك يارب بهاللحظه دخلت عليهم شذى شذى : عمو مالقيت فارس وندى ؟ ابو فارس : يا بنتي راح يرجعون شذى : بس انا مليت خليهم يجون يلعبون معي ابو فارس : روحي لـ سارة خليها تلعب معك شذى : ما ابي .. سارة خبله ابو فارس بضحكه : أفااا سارة خبلة شذى : أي انا اجلس معها مااشوفها الا تضحك ابو فارس : هههههههه وسديم ؟ شذى : سديم دايماً ساكتـه ابو فارس : سولفي معها وتسولف شذى : ما ابي ابو فارس : ومشاعل شذى : مشاعل تطلع ابو فارس : اطلعي معها شذى ودموعها تنزل: لاااا مشاعل ماتاخذني الا عند ناس دايماً يبكون .. ابو فارس : لا حول ولا قوة الا بالله .. حبيبتي وش رايك اخذك كل يوم عند اطفال يلعبون ؟ شذى : تاخذ فارس وندى بعد ؟ ابو فارس : لا بس انتي .. عشان بعدين إذا جو تقولين لهم رحت لعبت وانتم لا شذى : لالا ما ابي .. ابي كلنا نروح نلعب مع بعض ابو فارس : أما الاطفال اما سارة وسديم شذى : الاطفال ابو فارس : خلااص بكرا انا باخذك عشان اوديك عندهم طيب حبيبتي ؟ شذى : طيب عموو ×××××××××× |
رد: على كف الفقيد أبكي بقلم للدمُوع إحسآس
كل طفل اخذوهـ عائله في كل مدينة راحوا لها الشباب الاربعـه لكن طبعاً قبل ماياخذوهم للعوائل اللي بيشتروهم سوو لهم صدمة كهربائيه عشان يفقدوا الذاكرة ندى في سيدني وكانت بـ 800مليون دولار فارس في نيوكاسل بـ 900 مليون دولار وكان مدلع آخر دلع على الراء اللي عنده امل في ووولونغونغ بـ 750 مليون دولار مهند في بريزبين بـ 750 مليون دولار احمد في غولد كوست بـ 800 مليون دولار نهـآآآآيـة البــــآرت آلرآبــع ×××××××××× |
رد: على كف الفقيد أبكي بقلم للدمُوع إحسآس
البـارت الخامس بعـد 13 سنـه .. (في نفس يوم الاختطاف) ندى : صار اسمها "سوزان" حالياً عمرها 17 سنـه .. تتكلم الانجليزيه بطلاقه .. تعلمتها من "ديبي" بأمر من "ليزا" اللي تحب ندى او سوزاان موووت وتعاملها وكأنهاا بنتها .. صارت فيها درجـه كبيرة من الغرور من الدلع اللي شافته من ليزا واللي براسها تسويه .. وللحديث بقيه. تدرس بـ "ثاني ثانوي" فارس : صار اسمه "جيسي" تربى عند "جاكسون" و "كريستينا" اللي عندهم قصر بأعلى درجات الفخامه و اللي دلعوه أول ماصار عندهم وحبوا الـ"رآء" اللي عنده .. ولما اعتدلت وصار ينطقها كويس لما كمل الـ7 سنوات صاروا مايدرون عن هوى داره .. ومايلاقيهم الا نادراً إذا يبي فلوس أو هم بيعطونه فلوس .. ( 17 سنه ونفس الشيء بثاني ثانوي ) ملاحظه : الحوارات الاجنبيه بتكون بالفصحى [في السعوديـه] يتظاهر الكل انه نسى حادثة الاختطاف وماعادوا يتكلمون عن ندى او فارس .. لكن مهما كان ذكراهم مزروعه بقلوبهم شذى : كل يوم تفكر بالاثنين اللي حملهم القدر إلى المجهوول .. وعندها امل انها تشوف اختها في يوم من الأيام وتشوف لأي درجـه هي تشبهها ! .. تربت طول 13 سنه عند بيت عمها اللي يحبوها ويعزوها مووت ويحاولوا انهم مايحسسوها بفقدان امها وابوها .. وأختها . ام فارس : مافيه ام تقدر تنسى فلذة كبدها بكل بساطه .. وهذا حال ام فارس اللي كل سنه تتقلب عليها المواجع في يوم واحد .. و الاشتياق يزيد كل لحظه لشوفة ولدها اللي انحرمت منه بسبب ناس تجردو من الانسانيه . مشاعل : تزوجت ولد عمها ماجد والحين عندها فارس 7 سنوات و شهد 4 سنوات " عمر مشاعل الحين 33سنه " سديم : تزوجت ولد خالها راكان ريما 5 سنوات و نوره سنتين " عمر سديم 30 سنه " سارة : تزوجت واحد قمة الاخلآق والادب اسمه جاسم .. عندها لجين 3 سنوات " عمر سارة 27 سنة " ××××××××××××××××× |
رد: على كف الفقيد أبكي بقلم للدمُوع إحسآس
[فِي سيدنـي] سوزان وهي تترقص بمشيتها على نغمات الموسيقى اللي في الآيبود : ياااسيدة المنزل الجميلـــه اماندا " الخادمه " : السيدة خرجت في موعد لها مع صاحب شركـة ......... لـ... سوزان تقاطعها بأحتقار : وهل طلبت التفاصيل اماندا بقهر من معاملة سوزان لها وغرورها : آسفـه سيدتـي . سوزان : انصرفي الآن .. وجهكِ يسبب لي الاشمئزاز .. لطالما طالبت والدتي بطردكِ .. لكن طردكِ سيكون على يدي وانا اعلم كيف يمكن ذلـك . اماندا : ولكن ماذنبي انا لتطردينني .. عشت 16 عاماً في هذا المنزل ولم احسس يوماً بالنقص قبل ان تعاملينني و كأنني حشرة سامه . سوزان تعدد على اصابعها : بشعه , مشمئزه , و إذا عملتي في المنزل الذي ستذهبين اليه تعلمي ان تختصري حديثك هههههههه ودائماً تريدين التفاصيل والا قتلـك فضولك .. انت لست أهلاً لتكوني خادمه في هذا القصر .. الى اللقااء .. اوه لقد نسيت .. لن يكون هناك لقاء هههههههههه ومشـت عن اماندا وضحكهـا يزلزل اركان القصر ×××××××××××××××× |
رد: على كف الفقيد أبكي بقلم للدمُوع إحسآس
[في نيوكاسل] كان منسدح في غرفتـه اللي انواع الخراب ملازمها .. ويكلم صديقه "توماس" على الموبايل جيسي : بقيت سنه على تخرجـنا .. لن ابقى في هذه المدينه التي تسبب الاكتئاب .. لقد مللت من ارجائها . توماس: واين ستذهب ايها المدلل . جيسي : امممممم .. سيدني .. وطبعاً ستذهب معي ايها العبقري . توماس: مدينة العرب ! جيسي: ماذا تقصد بمدينة العرب ؟ توماس: أغلب سكانها عرب .. اما ان يأتون للدراسه واماا للسياحه . جيسي: لن يتغير رأيي سأذهب إلـى سيدني .. ترافقني ام لا توماس: انت تستبق الامور .. سنة كاامله على التخرج وتفكر به من الآن ؟ جيسي: ابني مستقبلي بما ان جاكسون و كريستينا لا يهتمون . توماس: اوه .. هل تظن انهما سيوافقان على ذهابك ؟ جيسي : لم لا ؟ توماس: حسناً ياصديقي لك هذاا ... سأذهب جيسي : قم لنخرج .. فأنـا بحاجة لأن أتنفس قليلاً توماس : حسناً .. نلتقي في ملهـى ...... ! جيسي : فليكـن .. ×××××××××××××××××× |
رد: على كف الفقيد أبكي بقلم للدمُوع إحسآس
كـآنت تجهـز نفسها وتزين شعرها البنـي اللي لمعانه مثل النجووم ومبتسمه بتفاؤل دخلـت عليها الغرفة الاقرب لقلبها من بنات عمها وبخبال : اوه اوه شذى لالالا على كذااا بيخطبوك اليوم شذى ضربت كتفها بخفـه : اللي يسمـعك معنسه وبموت على العرس سارة : وشو له ماتعرسين بعد عمرك 17 الحين شذى : 17 موو 27 سارة : يختي بعدي بعدي بنسدح على سريرك .. انسدحت سارة على السرير وشذى جلست في الطرف شذى : ودي اكمل دراستي براا المملكـه سارة : جد ابوي اللي بقبره اللي بيرضى تروحين و بيروح معك ؟ شذى : وجع ساروه يالدبه وانتي من يوم يومك ماعندك الا تحطمين؟ سارة : ايه وابشرك حتى وانا ببطن امي انطق واحطم شذى بضحكـه : إيه شايفه عمي و مرتـه جايهم اكتئاب من يشوفو وجهـك سارة تطالعها بنص عين : اسمع من يتكلم .. وتقول انا اللي احطم شذى بجديـه : بجد ترا ودي اروح ادرس برا سارة : عرسي وروحي وعليك بألف عافيه هههههههههههه شذى : لسه صغيرة .. وبعدين من جد ماتنعطي وجـه سارة : لا خلااص انتي بس خلصي ثانويه وانا بأقنـع ابوي انك تروحين شذى : تتوقعين يوافق ؟ سارة : أيـه اتوقع بنسبة 10% شذى حاطه يدها على عيونها : تحطيم تحطيم تحطيم سارة تردد وراها : تحطيم تحطيم تحطيم .. اوثقي بنفسك ولا عاد بتتحطمين شذى : وش رايك بـ كنداااا سارة : ياااااااااااااحبني لها هالمدينه شذى : اسمها بلدة مو مدينة فشلتينا سارة : يووه الي يصير ×××××××××××××××× |
رد: على كف الفقيد أبكي بقلم للدمُوع إحسآس
لبست بلوزة فوشيه مخصرة على جسمها وماسكه عند الصدر ومثل الغجري من تحت وبنطلون ابيـض مخصر بقوه عليها .. وحطت لها كحـل وروج فوشي واحمر خدود خفيف لبست نظارتها اللي من اغلى الماركات بالنهايه ناظرت شكلها برضا وابتسمـت مسكـت شنطتهااا وطلعـت من القصـر دخلـت سيارتها الموستنـج الفوشيـه واللي فيها رسومات بالابيض والاسود و قالت بصوتهـا اللي فيه لمسة دلـع : لـ مدينة العاب ............. ! بعـد 10 دقايق وصلـت لـ مدينة الالعاب اتجهـت إلى صديقاتها من الطبقه المتوسطـه بالمكان اللي اتفقت معهم انهم يروحون له ومشيتها اللي فيها غرور تميزها بين الكـل .. سالي تهمس لـ لين بغيره : تبدو جميله سوزان بغرور : سمعتـكِ .. انا جميلة منذ ولادتـي .. سالي : ولكن ربما ان اقلعتي عن هذا الغرور ستكونين اجمل سوزان : غروري مصدر جمالي لين : يبدو لك ذلك ولكن غروركِ يفسدكِ سوزان : وما شأنكِ أنتِ ؟ لين ترفع كفوفها بأسى : نصيحـه فقط سوزان تقرب وجهها منها : انا من يجب عليها ان تعطيكِ نصيحـه "وبصوت اشبه بالصراخ" لا تناقشي اصحاب الطبقة العاليـه . لين كتمت غيضهـا من سوزان سالي بأرتباك : اظن ان الاجواء لا تسمـح لتواجدناا هنا اليوم , دعونا نلتقي في يوم آخر . سوزان : لا لقاء لين ترفـع حاجب : ماذا يعني ذلـك ؟ سوزان بابتسامه مستفزه : يعني ذلـك انني سئمت من اصحاب الطبقـه المتوسطـه .. ويجب علي ان ارفـع من مستواي قليلاً ولآ أحدث امثالكم . سالي بغضب : لقد تجاوزتـي حدودكِ الآن . سوزان رفعـت يدها ومشت عنها : لا يهـم .. وخلاال مشيتهـا .. شافت سينمـا قريب دخلتـه وأشترت تذآكـر وراحت تنتظر وقت عرض الفلـم .. [ بعد 5 دقاايق ] جلس واحد بالكرسي اللي جنبهاا زاك : انا متأكد انني اعرفـكِ من قبل . سوزان : لا اعرفـك ولا تعرفـني .. زاك : لكن انا متأكد انني اعرفـك .. سوزان : تصرفاتـك غبيه وبنفس الوقت غريبـه .. اغرب عن وجهـي زاك : حسناً حسناً .. أسلوبـكِ لا يعجبني .. اظن انني اعرف احداً يشبهكِ وظننته انتِ سوزان بغرور : لا اظن ذلـك .. فلا أحد يشبهني زاك سكت عنها لان اسلوبها يبي لـه وآحد يعطيهـا كف عشان تصحى من اللي هي عايشه فيه ××××××××××××××××× |
رد: على كف الفقيد أبكي بقلم للدمُوع إحسآس
كان جالس على الكرسي ومتندم على اللي سوااه واللي خلى الناس يسموه "متجرد من الانسانيـه" عمره الحين 42 سنـه .. توه يصحى ضميره ويعاتبـه ؟ يوووووه عزيز وش فيك انت ! وش فيها لو خطفت الاطفال ووديتهـم عند ناس بيحبوهم ؟ لآلآ اهلهم وش سوو بفقدانهم ؟ اكيد قتلوا نفسهم على مايدورون عليهم ! وش فيني انا مع وجهي استخفيت صرت أكلـم نفسي ! رفـع موبايله واتصل لـ سعد عبدالعزيز : سعد ياعزيزي وش رايك تجيني ؟ سعد : الله الله طالع شاعر زمانك .. ولله المدام ذابحتني بالمشاوير عبدالعزيز : يا احنا ياهالمدام .. الحين انت من جدك متحملها ؟ ولله احس لو بكيفها توطت ببطنك وموتتك من زمان سعد : اروح فدوه لها اناا عبد العزيز : شكلها جنبك الحين سعد وهو يضحك : اكييييد اجل من وين هالكلام عبدالعزيز : انا قايل هالكلام مايطلع الا اذا هي جنبك .. وتسمعك تتكلم عنها كذا وتتدلع عليك .. عاد وجهها كلش مو وجه دلع . سعد : عاد في هذي صدقت عبدالعزيز : طلقها وريح حالك سعد : ياحبك للتخريب .. الحين انا عمري 40 سنه ناقص اعيش لحالي .. عاد تدري ولا واحد مننا رزقنا الله بأولاد .. عبدالعزيز : على طاري الاولاد .. سعد تذكر البنت والولد اللي جبتوهم من 13 سنه تقريباً انت وماجد اللي كانوا رايحين البقاله ؟ سعد : واااااااال خلني اتذكر وش تغذيت من شوي عشان اتذكر ذول اللي من 13 سنه .. وياكثرهم اللي جبناهم انا وسعد وكانوا رايحين البقالة ! عبدالعزيز : لا لا اقصد ذيك البنت اللي شعرها بني ناعم وعيونها عسليه ووساع سعد : ولله لو توصفها لي من اليوم لبكراا ماعرفتها .. المهم وش فيها عبدالعزيز : مدري يااخي من شوي افكر فيها .. مدري ليش احس اني اعرفها ولا فيه قرابه بيني وبينها سعد : قرابة بعينك .. لك قرايب عشان تصير لك قرابة بينك وبينها ؟ عبدالعزيز : ايه عندي .. ليه قالو لك معدوم الاصل ؟ سعد بحماس : ماقلت لي كان خطبت لي وحده من قرايبك . عبدالعزيز : ماينفع الكلام في التلفون انت تعال لي واقولك اللي ببالي سعد : صحيح ان ماعندك سالفة ياعزوز .. تو اقولك مشاوير المدام ماتخلص عبدالعزيز : اذا خلصت تعآل .. مع السلامـه سكـر آلسماعه بوجه سعد وللحين ضميره يأنبه مره ومره يقول له ماسويت شيء غلط ! ×××××××××××××××× |
رد: على كف الفقيد أبكي بقلم للدمُوع إحسآس
كـان يمشي بكـل هدوء ويحس انه من يمر على احد يلتفت لـه مرر اصابعـه على شعره وابتسم شيء طبيعي بيناظرون في وسامته رفـع موبايله وبصوته الشجي : أين أنت ؟ .... : ورائك التفت لـ وراه وشافه .. حط يده بيده وبأبتسامه وسيعه : لنذهـب الآن إذاً ! ××××××××××××××××××× نهـــآيـة البـارت الخامس |
الساعة الآن » 04:18 PM.
|
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
new notificatio by 9adq_ala7sas
HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف